ကစားလုံးများ

ဒီတပတ်ပိတ်ရက်တော့ ဘာမှပြီးဆုံးအောင် မရေးဖြစ်ဘူး။ သံလွင်အိပ်မက် အတွဲ ၃၊ အမှတ် ၃ မှာ ဖော်ပြဖူးခဲ့တဲ့ ကဗျာဟောင်းလေး တစ်ပုဒ်ပဲ ပြန်တင်လိုက်ပါတယ်။



ကစားလုံးများ

အဆုံးအစ ရှာမရတာ ဘ၀ပေါ့
လိမ့်နေတယ်
လည်နေတယ်
အပျော့အမာ အကျစ်အပွကွဲပြားလည်း
မြင့်ရာက နိမ့်ရာကို ဆင်းတယ်
အရှိန်နဲ့ပြုတ်ကျလာတော့/ပစ်ချလိုက်တော့
တစ်ချက်နှစ်ချက် ပြန်ကန်ပြီး ခုန်ထတယ်
တချို့နေရာတွေမှာ
လူတကာ ၀ိုင်းလုခံရတယ်
တချို့နေရာတွေမှာ
တစ်ယောက်ဆီတစ်ယောက် ပုတ်ထုတ်ကြတယ်
တချို့နေရာတွေမှာ
ကိုယ်ကတော့ မထိထိအောင် ရိုက်ပြီး
တဖက်လူက ပြန်ရိုက်မရအောင် ပြန်ပို့တယ်
တချို့နေရာတွေမှာ
ရည်မှန်းချက်တခုဆီ ရောက်အောင်သွင်းတယ်
တချို့နေရာတွေမှာ
တိုင်နှစ်လုံးကြားမှာ ကြိုးတန်းပေါ်မှာ
ပိုက်ထဲမှာ ပိုက်အထက်မှာ
ခြင်းထဲမှာ တွင်းထဲမှာ
မြေကြီးပေါ်မှာ ရေထဲမှာ
စည်းမျဉ်းတွေရဲ့ အတွင်းဘက်မှာ အပြင်ဘက်မှာ
အားရပါးရ လွှဲရိုက်လိုက်တာတွေ
တယုတယ တွန်းတိုက်လိုက်တာတွေ
ပုတ်ကာ ပုတ်ကာ သယ်ယူသွားတာတွေ
လိမ်ကာခေါက်ကာ ဆွဲပြေးသွားတာတွေ
ရိုက်တံကိုသုံးတယ် လက်ကိုသုံးတယ်
ခြေထောက်ကိုသုံးတယ် ခေါင်း ပခုံးကိုသုံးတယ်
ကိုယ်ခန္ဓာတစ်ခုလုံးကို သုံးတယ်
ကျဉ်းထဲကျပ်ထဲကနေ ဘယ်လိုပြန်ဆယ်မလဲ
လိုရာကိုရောက်အောင် ဘယ်လိုချိန်ဆမလဲ
တစ်လုံးထဲလား အလုံးပေါင်းများစွာလား
တစ်လုံးနဲ့ တစ်လုံးထိရမှာလား မထိရဘူးလား
တစ်လုံးပျောက်သွားရင် နောက်တစ်လုံး အစားထိုးဝင်လာမှာလား
ကဲ.. အမှတ်တွေရကြစေတော့
တစ်ချက်တို့ထိလိုက်ရုံနဲ့တင်
ငါ့ကိုယ်ငါအကောင်းဆုံးလှိမ့်ချပေးခဲ့ပါတယ်။

ပန်ဒိုရာ

နှုတ်သီးဖြင့်ကိုက်ချီလာသောအရာများ

နှုတ်သီးဖြင့်ကိုက်ချီလာသောအရာများ


ညဘက်မှာ တွေ့တတ်တယ် အတောင်ပံပါတယ် ဆိုတော့ကာ
ညဥ့်ငှက်လို့ပဲ အလွယ်တကူ ခေါ်နေကြတာ
သစ်ခေါင်းထဲမှာနေတယ် သစ်ခေါင်းထဲမှာအိပ်တယ်
ခပ်တိတ်တိတ်ပဲ ခပ်ငြိမ်ငြိမ်ပဲ သွေးပူလေ့ကျင့်ခန်းလုပ်ချိန်ကလွဲလို့
အသံဘယ်တော့မှမထွက်ဘူး ဂစ်ဂစ်လို့မြည်မှာစိုးလို့
အိပ်ရာကနိုးလာရင် ဖတ်ဆို လက်ပ်တော့ပ်လေး ကောက်လှန်
ရေဒီယိုဖွင့် တယ် သတင်းထူးမျှော်တယ်
တ၀ါးဝါးသန်းဝေတယ် စောင်ကိုဗလုံးဗထွေးပုံတယ်
ခေါင်းအုံးအောက်မှာ စိတ်ပုတီးတစ်ကုံးနဲ့ ၂၄ ပစ္စည်းပဋ္ဌာန်းဒေသနာနဲ့
(ညဥ့်ငှက်နဲ့ဘာဆိုင်လို့လဲ)
တခါတလေလည်း ဥပုသ်စောင့်သလိုလို သီတင်းသီလဆောက်တည်သလိုလို
အတွင်းအားကျင့်သလိုလို အတွင်းဒဏ်ရာကို ကျိတ်ကု သလိုလို
ရာသီဥတုသာယာရင် အတောင်ပံတွေဖြုတ်ဆေး သန့်စင်တယ်
လူထူရင်တော့ အိန်ဂျယ်ယောင်ဆောင်နေတတ်တယ်
(အိန်ဂျယ်မှာလည်း အတောင်ပံပါတာကိုး တကယ်တော့ သူက အိမ်ကျယ်)
စွန်ဇုရဲ့ စစ်ကျမ်းကို ဘယ်ပြန်ညာပြန် အထပ်ထပ်ဖတ်တယ်
သက်ပြင်းချတယ် ခေါင်းယမ်းတယ် ချောင်းဟန့်တယ်
ရောမမြို့ကို နေချင်းပြီး တည်ဆောက်ချင်သူ
ရောမကိုရောက်လို့ ရောမဆန်ဆန် ရောမသံ ၀ဲ နေသူ
ရောမမြို့မီးလောင်လည်း တယောထိုးမပျက်ဖို့ သံန္နိဋ္ဌာန်ချထားသူ
ပါရီက ကျဆုံးနေပြီးမှပဲ
~~ ဒီမှာလေ ပဲရစ်မြို့ကို မရချင်တော့ဘူး ~~ သီချင်းညည်းတယ်
အဲကွန်းခန်းထဲမှာ ဆောင်းရာသီဝတ်စုံ ၀တ်ဆင်တယ် အချမ်းပြေ
လူတန်းရှည်မြင်ရင် ၀င်တန်းစီတယ် အပျင်းပြေ
နေကြာစေ့တွေ တဖောက်ဖောက် တမြုံ့မြုံ့ဝါးတယ် အလွမ်းပြေ
နေတဲ့ အိမ်မှာ ထုတ်တန်းမပါဘူး ပြူတင်းပေါက်မပါဘူး
(မိသားစုလည်း မပါဘူး)
လင်းနို့တစ်ကောင်လို ဇောက်ထိုးဆွဲတယ် အိပ်မက်ထဲမှာ
ပင့်ကူတစ်ကောင်လို ကုတ်ကတ်တွယ်ဖက်တယ် စိတ်ကူးထဲမှာ
ဘယ်တော့များ ဘက်တ်မဲင်း စပိုက်ဒါမဲင်း ဖြစ်လာမလဲ ပေါ့
(တကယ်တော့ ပင်ဂွင်းတကောင်လို လိမ့်လိမ့်လိမ့်လိမ့် လမ်းလျှောက်နေတာ)
လေဟာနယ်ခေတ်မှာ အကွာအဝေးတွေဟာ အဝေးအကွာမှာမရှိပါဘူး တဲ့
ဒါတွေဟာ မျက်စိတစ်မှိတ်ပါ လျှပ်တစ်ပြက်ပါ လက်တစ်ကမ်းပါ မောက်စ်တစ်ကလစ်ပါတဲ့
အချိန်မရွေး ကောက်ပြန်သွားရင်ရသားပဲ ထပျံသွားရင်ရသားပဲ တဲ့
ပြောပြီးပြီပဲ သူ့မှာ အတောင်ပံပါပါတယ် ဆိုမှ။



ပန်ဒိုရာ

အသံများ လှုပ်လို့ လီလို့ လှည့်လို့ ခေတ်က တခစ်ခစ်နဲ့

သရုပ်ဖော်ပုံ ဒီနေရာကို သွားပြီး ပန်ဒိုရာ လျှောက်ခြစ်ထားသည်။

အသံများ လှုပ်လို့ လီလို့ လှည့်လို့

အသံတွေ သန့်စင်လား အသံတွေသန်မာလား
အသံကြောင့်သေသွားသောဖါးများ
အသံထက်မြန်နှုန်းမြင့် အတုအယောင်များ
အသံနဲ့ ရရှိခဲ့တဲ့ ထိခိုက်ရှနာများ
အသံဘယ်လောက်ကြားလဲ အသံများ

အသံကို အသံချင်းကျောသပ်ရင်သပ်
အသံကို အသံချင်းမျက်နှာလိုအားရ
အသံကို အသံချင်းအဆင်းဘီးတပ်
အသံကို အသံနဲ့မြှောက်ထိုးပင့်ကော်
အသံကို အသံနဲ့လက်ဝါးချင်းရိုက်
အသံကို အသံနဲ့နောက်ကျောဓါးစိုက်
အသံကို အသံက ချောင်းမြောင်းလုပ်ကြံ

အသံကို အသံက အခါတော်ပေး
အသံရှေ့ အသံတွေ လက်ညှိူးထောင်ခေါင်းငြိမ့်
အသံရှေ့ အသံတွေ ဒူးတုတ် ဦးညွှတ်
အသံရှေ့မှာ အသံတွေ နာတာရှည် အဖျားသွေးဝင်ခဲ့

အသံမှာ အဆန်ပါမလာဘူး
အသံကို အသံတွေက ဆုတောင်းမေတ္တာပို့သ
အသံကို အသံတွေက စိုးရိမ်ကြောင့်ကျ
အသံကို အသံတွေက လည်တဆန့်ဆန့်မျှော်လင့်
အသံရှေ့မှာ အသံတွေ အလံမလှဲခဲ့ကြဘူး

အသံတွေ သံချေးစား အသံတွေဟာ နင်းပြား
အသံတွေကီးချိန်းလာ အသံတွေကီးကြောင်လာ
အသံသေး အသံညောင်များ အသံဝါ အသံပြာများ
အသံနက်များ အနက်ရှိုင်းဆုံးအသံများ
နံရံဆီလှိုင်းလိုပြေးရိုက်လိုက် အသံများ
နံရံက ပြန်ကန်ထွက် အသံများ
အံသွားထဲက ကြိတ်ထွက်လာသံများ
ကြမ်းကြားက လေကြားက အသံများ
တော်လဲသံ ကျီးပြိုနေသံများ

အသံတွေ ကောက်ပင်ရိပ်လှီး လိုက်သံများ
အသံတွေ ရေကူးညာတင် နေသံများ
အသံတွေ ဖရုဿဝါစာ
အသံတွေမကြားဝံ့မနာသာ
အသံတွေ ငါတကော သူတကော
အသံတွေ သန်ရာသန်ရာပြောကြ
အသံတွေ ပဲ့ထွက်လာ
အသံတွေ ပဲ့တင်ရိုက်
ဘယ်သံများ ညာသံများ ဘယ်သန် ညာသန်များ
ညာသံပေးလို့ အညာသန်နေဆဲ..များ

အသံဟာ သံသရာတစ်ဖက်ကမ်းအထိ တွင်းတူးမိုက်ခဲ့တယ်.။


အိန္ဒြာ

..................................................................................

ခေတ်က တခစ်ခစ်နဲ့

ခေတ်တိုင်းမှာ လူသံတွေကြားရတယ် အူသံတွေကြားရတယ်
ခေတ်ထဲမျှောလိုက်သူတွေရှိတယ်
ခေတ်ကိုလိုက်ဆယ်သူတွေရှိတယ်
ခေတ်ကိုခြေနဲ့ကန်ကျောက်သူတွေရှိတယ်
ခေတ်ကိုပြားပြားဝပ်ကိုးကွယ်သူတွေရှိတယ်
ရှေ့ကခေတ်ကိုဆွဲထားသူတွေရှိတယ်
နောက်ကခေတ်ဆီတွန်းချသူတွေရှိတယ်
ပြောဆိုပိုင်ခွင့်ရှိတယ် တင်ပြပိုင်ခွင့်ရှိတယ်
လက်ခံပိုင်ခွင့်ရှိတယ် ထောက်ခံပိုင်ခွင့်ရှိတယ်
ဝေဖန်ပိုင်ခွင့်ရှိတယ် ငြင်းပယ်ပိုင်ခွင့်ရှိတယ်
မောင်း-ထုတ်-ပိုင်-ခွင့်-လည်း-ရှိ-တယ်
ခေတ်တိုင်းမှာ
ငါ့ခေတ်မှ ငါ့ခေတ်
မင်းတို့ခေတ်က မင်းတို့ခေတ်
ခေတ်တကော ကော သူတွေရှိတယ်
ခေတ်တိုင်းမှာ
ခေတ်ရှေ့ပြေး ခေတ်နောက်ပြန်
ခေတ်ကျန် ခေတ်ဆွေး ခေတ်ပျက်သူဌေးတွေရှိတယ်
ခေတ်ပြောင်းတော်လှန်ရေးများ ရှိတယ်
ခေတ်ပြောင်းတော်လှန်ရေးကို တော်လှန်သော တော်လှန်ရေးများ ရှိတယ်
ခေတ်ကောင်းက ခေတ်ဆိုး အနိုင်ကျင့်တာကို ခံရတယ်
ခေတ်ဆိုးကိုတော့ လူတွေက အနိုင်ကျင့်တယ် (ဟင်း.. လူဆိုးတွေ) :P
စိတ်ညစ်လို့ အရက်သောက်တာ ခေတ်ကြီးကြောင့်
အအေးမိလို့ ဟပ်ချိုးချေတာလည်း ခေတ်ကြီးကြောင့်
ခလုပ်တိုက် ဖားပြုပ်ကိုက် တရုတ်ရိုက်တာလည်း ခေတ်ကြီးကြောင့်
အိုကွယ် ဘယ်လိုပဲဖြစ်ဖြစ်
ရွှေခေတ် ငွေခေတ် ပတ္တမြားခေတ်
တို့ခေတ်.. ကိုတော့ ရောက်ရမည်မှာ မလွဲပါ
အဲ… ဒါ…. ဒို့ဗမာ။

ပန်ဒိုရာ

ဘာလင်တံတိုင်းကြီး ခြားနေတဲ့ ဗယ်လင်တိုင်း

အချစ်ဆိုတာကို ဘာနဲ့ ဖွဲ့နွဲ့မလဲ
စိန့်ဗယ်လင်တိုင်းကို သေနတ်နဲ့ချိန်လိုက်ကြပြီ
ခဏနေပါဦး
အဘိုးအိုက သားတို့ကို
ထင်းတစ်စည်းအား ဒူးဖြင့်ရိုက်ချိုးကြည့်စေသောအခါ
ခဏနေပါဦး
ဖတ်စာအုပ်များ ဖျိုးဖျိုးဖျတ်ဖျတ် လှန်လှောသံ
ကွဲပြားမှုကို အားပြုလျှင် အစုအဖွဲ့တွေဟာ ပို ခိုင်မာသလား မခိုင်မာသလား
မျက်ထောင့်နီများဖြင့် ငြင်းခုံရင်း သဘောထားတင်းမာလာခြင်း
ခဏနေပါဦး
ပဲပြုတ်နဲ့ နံပြားဆိုတာ ရိုးသားမှု၏ နိမိတ်ပုံသင်္ကေတ
ဘာမှပြောမနေနဲ့ သူ့ကိုချစ်ရင် သူ့စကားကို နားထောင်ကြ
ခဏနေပါဦး
ရာသီဥတုသာယာခိုက် ဆိုလာရောင်ခြည်ကို သုံးစွဲခြင်းဟာ
ခေတ်ရဲ့လိုအပ်မှုကို စရိတ်အနည်းဆုံးနည်းလမ်းဖြင့်
လက်တွေ့ကျကျ မျက်ခြေမပြတ် ထင်ဟပ်ခြင်းသာဖြစ်တယ်
ဒါ အေးအတူပူအမျှ အတူတကွ မူအရပဲ.. တဲ့
(လမ်းမပေါ်တက်ပြီး ဖြန့်ခင်းလှန်းနေသည့်
ဆေးရိုးသည်ကြီးများအသင်း၏ ရှင်းလင်းထုတ်ပြန်ချက်)
ခဏနေကြပါဦး
ဒီမှာ …. ငါ့ကဗျာ
နှင်းဆီပွင့် ချောကလက် ၀ိုင်ချို များ လည်း တစ်လုံးမှ မပါ။

ပန်ဒိုရာ

ခါတိုင်းနှစ်တွေကျတဲ့နှင်းထက်ပိုပြင်းထန်နေတဲ့သတင်း

နေစမ်းပါဦး ခဏ…
အပြင်မှာ ဆီးနှင်းတွေကျနေတယ်လို့ ရှင်ပြောလိုက်သလား
နှင်းမုန်တိုင်းဆိုတာ အိုင်ဖုန်း မျက်နှာပြင်လို ရှောရှောရှူရှူဖြစ်ရဲ့လား
ကျွန်မမှ နှင်းဖြူဖြူ အဖတ်အဖတ်တွေ မကြုံဖူးတာ
ဒီမှာ ရောက်နေတဲ့ နေရာက အီကွေတာ
ဟုတ်တယ် အီကြာကွေးလို့ မှားမှားပြောကြတဲ့ အီကွေတာ
လွန်ခဲ့တဲ့ အနှစ်နှစ်ထောင်ကတည်းကလည်း အီကွေတာပဲ
အမြဲတမ်းအီကွေတာမှာ အမြဲစိမ်းတဲ့တောတွေ ရှိတယ်ရှင့်
ဒီဘက်ခြံက မြက်က တကယ့်ကိုစိမ်းတာ ဆရာ
မျက်မှန်စိမ်းတွေ ချွတ်ကြည့်လိုက်လည်း စိမ်းဦးမှာပဲ
ကမ္ဘာ့အကြီးဆုံး ကျောက်စိမ်းတုံးကြီးတွေထက်လည်း စိမ်းမှာပဲ
(ပြောရရင် အဲဒီကျောက်စိမ်းတုံးကြီးတွေကို ကျွန်မလည်း မမြင်ဖူးပါဘူး)
မမြင်ဖူးတာတွေ ရမ်းပြောရရင် ကျွန်မကွန်ပြူတာလည်း နှေးနှေးလာတယ်
ရှင်ရော နောက်ဆုံးပေါ်သတင်းတွေ အကုန်လိုက်ဖတ်ဖြစ်သလား
တစ်ယောက်ချင်း နဲ့ လူအများ ဆိုတာ ဘာကွာသလဲ
ပိုင်ဆိုင်မှုနဲ့ ထိန်းချုပ်မှု ဆိုတဲ့ အရာနှစ်ခုကို ခွဲခြားထားဖို့မလိုဘူးလား
ကီ်းန်ဇ် က ဘာညာ စတိဂလစ်ဇ်က ဘာညာ
ပြောရင်းဆိုရင်း မာဂရက်သက်ချာကို ဆွဲမထည့်ပါနဲ့
ကျွန်မက အကိုးအကားတွေကို သိပ်ကြိုက်လှတာမဟုတ်ဘူး
တော်ပါပြီ ဒီအကြောင်းတွေပြောရတာ မျက်ရည်တောင်ဝေ့တယ်
(၀မ်းနည်းလို့ မဟုတ်ဘူး။ အိပ်ငိုက်သန်းဝေတာ)
ဒီမှာက ညသန်းခေါင်ကျော်နေပြီလေ
မထူးပါဘူး ညဥ့်နက်လိုက်တော့လည်း မိုးလင်းဖို့ပိုနီးသွားမှာပေါ့
ရှင့်နှင်းမုန်တိုင်းကရော မစိမ်းသေးဘူးလား.. အဲလေ.. မစဲသေးဘူးလား။

ပန်ဒိုရာ

ဆူးတို့ဖြင့်ထုံမွှမ်းထား၏။

ရေးထားတာ တစ်နှစ်ကျော် ကြာပြီဖြစ်တဲ့ ၀တ္ထုတို တစ်ပုဒ်ပါ။ စိတ်တိုင်းမကျလို့ နှစ်ခါ ပြန်ပြင်ခဲ့တယ်။ အခုတော့ နည်းနည်း ထပ်လက်စသတ် စိတ်ဖြတ်ပြီး ဘလော့ဂ်မှာ တင်လိုက်ပါတယ်။


ဆူးတို့ဖြင့်ထုံမွှမ်းထား၏။



(၁)
သူမရဲ့ နာမည်က ဆူး။ ဆူးကလေး တစ်ချောင်းလိုပဲ စူးရှနေတယ်။ ပန်းပွင့်လေးလို နူးညံ့နေရမယ့် သူမရဲ့ နှလုံးသားဟာ ဆူးချွန်မြမြတွေနဲ့ ထိုးထိုးထောင်ထောင် ၀န်းခက်ကာရံ ထားသလိုပါပဲ။

ရာသီဥတုသာယာတဲ့ မနက်ခင်းတစ်ခုမှာပေါ့။ အဲဒီနေ့က ဆူးဟာ မာကျောကျော ဖြစ်မနေခဲ့ပါဘူး။ ညှိုးခွေခွေနဲ့ အိပ်ချင်မူးတူး ဆူးကလေး တစ်ချောင်းရယ်ပါ။

“တနင်္ဂနွေ မနက် ၁၁ နာရီ Orchard လမ်းက Coffee Bean ကိုလာခဲ့ပါ။ ခဏလေး ထိုင်ပေးရုံပါ။ မိတ်ဆွေတယောက်နဲ့ ချိန်းထားတာ ကိုယ်တစ်ယောက်တည်း မတွေ့ချင်လို့”

ကိုယ်က အဲဒီ စာကြောင်းလေးကို ဆူးရဲ့ လက်ကိုင်ဖုန်းကို ပို့ထားခဲ့တယ်။ အိုခေ ဆိုတဲ့ အဖြေနဲ့အတူ အဲဒီမနက်က သူမ အချိန်မီ ရောက်အောင် လာခဲ့ပါတယ်။

ဆူးက Latte တစ်ခွက် မှာတယ်။ Salmon Salad တစ်ပွဲ မှာတယ်။ အိပ်ရာထပြီး တန်းလာတာ အရမ်းဆာနေတယ်လို့ ပြောတယ်။ အရှိန်မပြယ်သေးဘူး လို့လည်း ပြောတယ်။ မျက်လုံးလေးတွေက ရီနေတယ်။ ညက ဘယ်ကိုသွားခဲ့သလဲ ဘာတွေလုပ်ခဲ့သလဲ ကိုယ်က မမေးပါဘူး။ ကိုယ်နဲ့တော့ ဘယ်လိုမှ မတူနိုင်တဲ့ ယဉ်ကျေးမှုတွေမှာ ကြီးပြင်းနေထိုင်ခဲ့ရပြီး အရွယ်လည်း ကောင်းကောင်း ရောက်နေပြီ ဖြစ်တဲ့ သူမကို ပြုံးကြည့်နေလိုက်တယ်။

ဟိုမှာ ကိုယ်တို့ စောင့်နေသူ … ကော်ဖီဆိုင်ထဲ ၀င်လာတာကို ကိုယ်က အဝေးကြီး ကတည်းက မြင်သားပဲ။ ဒါပေမယ့်လည်း မိန်းကလေးတို့ ထုံးစံအတိုင်း ဆူးကို မသိမသာ အချက်ပြ ကိုယ်တို့အချင်းချင်း မသိသလို စကားပြောနေပြီး အနားရောက်တော့မှ .. ဟော.. ရောက်လာပြီလား ပေါ့။

ဥရောပတိုက်သား တစ်ဦးရဲ့ နာမည်ရှည်ရှည်ကို ပြောပြရတာ ထောင့်လွန်းပါတယ်။ အနီးစပ်ဆုံး အသံထွက်ချင်ရင်တော့ အေလီယန် (Alien) လို့ပဲ ခေါ်လိုက်ကြပါစို့။ ဟုတ်လည်း ဟုတ်တယ်လေ။ နောက်ပိုင်းကျတော့ သူက ဆူးရဲ့ ကမ္ဘာလေးထဲကို ၀င်လာခဲ့တဲ့ လူစိမ်းတယောက် ဖြစ်နေတော့တာကိုး။

အေလီယန်က ကိုယ့်ကို ဟိုင်း လို့ ခပ်တိုးတိုး နှုတ်ဆက်တယ်။ ကိုယ့်ဘေးက ဆူးကို စူးစမ်းသလို တချက်ကြည့်ပြီးတော့ ဆူးနဲ့ မျက်နှာချင်းဆိုင်တည့်တည့်က ခုံမှာ ၀င်ထိုင်လိုက်ပါတယ်။


(၂)
“မ, မှတ်မိလား။ အဲဒီနေ့က ဆူးက ခေါင်းထဲမှာ ရီဝေေ၀အရှိန်နဲ့ မူးနောက်နေသေးတာ။ သူနဲ့ပထမဆုံး တွေ့တဲ့အချိန်မှာ ဘာတွေပြောမိမှန်းကို မသိပါဘူး”

အဲဒီလို မေးတဲ့အချိန်မှာ ဆူးရဲ့ မျက်ဝန်းလေးတွေဟာ အရောင် တောက်နေတယ်။ နေရောင်ထဲမှာ တဖြတ်ဖြတ်လက်နေတဲ့ ရေလှိုင်းပြာပြာတွေလိုပဲ။ ဘ၀ရဲ့ချိုမြိန်တဲ့ အချိုးအကွေ့တစ်ခုမှာ ပျော်ဝင်နေတဲ့ အချိန်ပေပဲလို့ ကိုယ်ထင်မိတယ်။

“ဆူးရဲ့ ဘ၀မှာ ဆူးတွေ အများကြီး ကြမ်းခဲ့ရတယ် မ, ရယ်။ နူးညံ့မှု တစ်ခုအောက်မှာ အနည်ကျချင်ပါပြီ..” တဲ့။

သူမ မကြာခဏ ပြောပြခဲ့ပါတယ်။ အဖေနဲ့ အမေရဲ့ ပဋိပက္ခတွေ ကြားမှာ ကလေးတစ်ယောက်အတွက် နွေးထွေးတဲ့ ရင်ခွင် ပျောက်ခဲ့ရတာတွေ။ နိုင်ငံတွေ ပြောင်းနေရတော့ မျိုးမတူတဲ့ ယဉ်ကျေးမှုတွေကြား အထာမကျ ဖြစ်ခဲ့ရတာတွေ၊ အဲဒီကြားက လွဲချော်ခဲ့ရတဲ့ နှလုံးသား ဇာတ်လမ်းတွေ ဆိုပါတော့။

ကောင်းတဲ့အချက်ကတော့ ကိုယ်တို့တွေ ဖြတ်သန်းသင်ယူခဲ့ရတဲ့ အတွေ့အကြုံတွေနဲ့ မတူတဲ့ ဘာသာစကား ဗဟုသုတ အတွေးအခေါ် ဆိုင်ရာ တိုးတက်မှုတွေကို ဆူး အသက်အရွယ်မှာ ကိုယ့်ပြည်တွင်းက လူငယ်တယောက် ရနိုင်တာထက် ပိုပြီး ရယူလာနိုင်ခဲ့တယ်။ တဖက်ကလည်း အဲဒါကပဲ ဆူးကို ကိုယ့်လူမျိုးတွေရဲ့ လူမှုအသိုင်းအ၀ိုင်း ဆက်ဆံရေးတချို့မှာ ကိုးလို့ကန့်လန့် ဖြစ်လာစေတယ်။ အဲဒါကပဲ ဆူးကို သူမနဲ့ စကားပြောဖို့ နားလည်မှု ပိုရနိုင်သူ တွေနဲ့ ပတ်သက်လာဖို့ ဖြစ်လာတယ်။

ဘ၀တွေမှာ အပူနဲ့ အအေး နှစ်မျိုးပဲ ရှိတာမဟုတ်ဘူး။ အဖြူနဲ့ အနက် နှစ်ရောင်သာ ရှိတာမဟုတ်ဘူး။ အလင်းနဲ့ အမှောင် နှစ်ခြမ်းတည်း ကွဲပြားနေတာမဟုတ်ဘူး။ ရုပ်ရှင်ဇာတ်လမ်းတွေထဲကလို အတက်အကျတွေ ပြင်းပြင်းထန်ထန်နဲ့ အကြီးအကျယ် ဇာတ်မနာခဲ့ပေမယ့် သက်သက်ကလေး ခါးနေတဲ့ ဘ၀တွေ ရှိတယ်။ ခိုးလိုးခုလုလေး စူးရုံစူးနေတဲ့ ဆူးတွေ ရှိတယ်။ ဘယ်လိုပြောပြရပါ့မလဲ။

အပြောင်းအလဲတွေကြားမှာ ဟိုမရောက်ဒီမရောက် ကြီးပြင်းလာပြီး ကိုယ့်လူမျိုး တချို့အတွက်တော့ မျက်စိနောက်စရာ ဖြစ်နေနိုင်တဲ့ ဆူးကို ကိုယ် ဒီနိုင်ငံလေးမှာ လာဆုံတွေ့ခဲ့တယ်။ အဲဒီ ထိုးထိုးထောင်ထောင် ဆူးကလေးတစ်ချောင်းရဲ့ လူတကာ အလွယ်တကူ မမြင်နိုင်တဲ့ ဖြူစင်မှုလေးတွေကို ကိုယ်က အသိအမှတ်ပြုခဲ့ပါတယ်။

ကိုယ်နဲ့ ဆူး တွေ့စ ကာလတွေမှာတော့ သူမကို ကျောခိုင်းသွားတဲ့ တစုံတယောက်အတွက် ဆူးရိုင်းကလေးတွေ ကြမ်းရှနေချိန်ပေါ့။ ကော်ဖီဆိုင်မှာ ဆုံကြပြီးတဲ့ နောက်ပိုင်းရက်တွေမှာ ဆူးခက်ကလေးတွေ နုသစ် လန်းဆန်းလာတယ်။ သူမ ကို အေလီယန်က ဆက်ပြီး ဆက်သွယ်လာကြောင်း နောက်ထပ်ပြီး တွေ့ဖြစ်ကြတဲ့ အကြောင်း တခါတခါ လက်ကိုင်ဖုန်းကို လှမ်းပို့လာတဲ့ စာကြောင်းတွေထဲမှာ ရယ်ကျဲကျဲ ပျော်ရွှင်သံလေးတွေ ပါနေတာ ကိုယ်သတိထားမိတာပေါ့။

မမြန်လွန်းဘူးလား။ အေလီယန် က တခြား ပတ်သက်တာတွေ ရှိသလား။ အတည်လား အပျော်လား။ ဒီမေးခွန်းတွေကိုတော့ မမေးဖြစ်ခဲ့ဘူး။ အရွယ်ရောက်ပြီး အတွေ့အကြုံလည်း ရှိသင့်သလောက် ရှိပြီး ဖြစ်တဲ့ ဆူး ကိုယ်တိုင်အတွက်ပဲ ချန်ထားခဲ့ပါတယ်။ နောက်ပိုင်းတော့ အေလီယန်ရဲ့ သွားစရာ ပွဲလမ်းတွေကိုပါ ဆူးကို ခေါ်သွားတာတို့ အမျိုးတွေ ရင်းနှီးတဲ့ မိတ်ဆွေတွေနဲ့ မိတ်ဆက်ပေးတာတို့ ဆူးက ပြောပြပါတယ်။

“မ.. ပြန်ပြောပြနော်။ အဲဒီ စတွေ့တဲ့နေ့က ဘာတွေ ပြောဖြစ်ကြလို့လဲ။ ဘာဖြစ်လို့ ဆူးနဲ့ သူ တစ်ခါတည်း ဓာတ်တည့်သွားကြတာလဲ။ ဆူး ဘာမှ မမှတ်မိတော့ဘူး သိလား”

ကိုယ်လည်း အလုပ်မအားတာက တစ်ကြောင်း ဆူးမေးတာကိုလည်း အမှတ်တမဲ့နဲ့ အာရုံသိပ်မထားမိတာက တစ်ကြောင်းမို့ အဲဒီအချိန်က ပြန်မပြောပြဖြစ်ခဲ့ဘူး။


(၃)
တချို့ဇာတ်လမ်းတွေက မျှော်လင့်ထားသလိုပါပဲ။ သိပ်ထူးထူးခြားခြားတော့ မဟုတ်လှဘူး။
ဇာတ်သိမ်းပိုင်းမှာ အကြမ်းဖျဉ်းကတော့ နှစ်မျိုးပဲလေ။ ဇာတ်ပေါင်းမှာလား ကွဲမှာလားပေါ့။

“ဒါက ဇာတ်လမ်းကို ဘယ်နေရာမှာ ဖြတ်လိုက်လဲ ဆိုတဲ့နေရာမှာ မူတည်တယ်။ တကယ့် လူ့ဘ၀ထဲမှာ ဇာတ်လမ်းတွေက မသေမချင်း သိမ်းလို့ရတာမှ မဟုတ်ပဲလေ”

ဆူးက မခိုးမခန့် ရယ်သွမ်းသွေးရင်း ဒီလို ပြောလာတယ်။

“တကယ်တော့ အဲဒီနေ့က အေလီယန်နဲ့ ဆူးကို ဒီလိုပတ်သက်လာအောင် တွေ့ပေးမယ့် ရည်ရွယ်ချက်တော့ မဟုတ်ခဲ့ဘူး”

ကိုယ်ဒီလိုပြောတော့ ဆူးက ခေါင်းခါပါတယ်။

“ဒီလိုလည်း မဟုတ်ဘူး။ နောက်ဆက်တွဲတွေက မ ရဲ့အပြစ်တော့ လုံးဝမဟုတ်ဘူးလေ”


(၄)
ဒီဇာတ်လမ်းရဲ့ အစက ကိုယ်ပါပဲ။ ဧည့်ခံပွဲ တစ်ခုမှာ အေလီယန် နဲ့ ဆုံတွေ့ခဲ့တယ်။

တကယ်တော့ အဲဒီအချိန်မှာ ဧည့်ခံပွဲက ပြီးဆုံးခါ နီးနေပြီ။ ထုံးစံအတိုင်း မိုးတိုးမတ်တတ် စားကြသောက်ကြရင်း မိတ်ဆက်ကြ လိပ်စာကဒ်တွေ လဲလှယ်ကြ အလုပ်ကိစ္စ ပတ်သက်မလား ချိတ်ဆက်ကြပေါ့။ ပြန်ခါနီးမှ တွေ့ပြီး နှုတ်ဆက်မိတဲ့ အေလီယန်နဲ့ ကိုယ် စကားပြောကြတာ သုံးလေးခွန်းတောင် မပြည့်ခဲ့ဘူး ထင်တာပဲ။ သွားတော့မယ် ဆိုတော့မှ သူက ကိုယ့်ရဲ့ လက်ကိုင်ဖုန်း နံပါတ်ကို တောင်းလာတယ်။ “ပွဲက ပြီးလုနေပြီလေ။ နောက်မှ အပြင်မှာ တွေ့ပြီး စကားပြောကြတာပေါ့။ မင်းတို့နိုင်ငံရဲ့ အကြောင်းတွေကိုလည်း ကိုယ်စိတ်ဝင်စားတယ်” တဲ့။

ဒီလို အသိုင်းအ၀ိုင်းတစ်ခုမှာ ဘေးကလူတွေလည်း ရှိတော့ အားနာပြီး ဖုန်းနံပါတ် ပေးမိသွားပါတယ်။ တကယ်တော့ ပြောရတာလည်း တော်တော် ခက်ပါတယ်။ ယောင်္ကျားလေး တစ်ယောက်ယောက်က ခင်မင်တွေ့ဆုံချင်တယ် ပြောတိုင်း ကိုယ့်ကို မရိုးသားတဲ့ သဘောနဲ့ စိတ်ဝင်စားတယ်လို့ အဲဒီ တဒင်္ဂမှာ ကိုယ့်ကိုယ်ကို အထင်တကြီးနဲ့ အလွယ်တကူ ဘယ်လိုလုပ် ကောက်ချက်ချနိုင်မှာလဲ။

ကိုယ့်ရဲ့ ဗယ်လက်က လက်ချောင်းတွေကို သူ သေသေချာချာ ကြည့်မိရဲ့လားတော့ မသိပါဘူး။ ကြည့်ရင်တော့လည်း စိန်ပွင့်သေးသေးပါတဲ့ လက်စွပ်လေးတစ်ကွင်းကို လက်ခလယ်မှာ ၀တ်ထားတာပဲ မြင်ရလိမ့်မယ်။

နောက်တနေ့မှာ အေလီယန့် ဆီက နှုတ်ခွန်းဆက်တဲ့ စာကြောင်းတချို့ ဖုန်းထဲဝင်လာတယ်။ ကိုယ်ကလည်း ဒီကြားထဲ ခရီးသွားဖို့ ဖြစ်နေတယ်။ မိသားစု ကိစ္စတွေနဲ့ အလုပ်များနေတယ် လို့ ပြန်လိုက်တယ်။ ဒါဆို သူ သဘောပေါက်လောက်ပါရဲ့လို့ ထင်လိုက်သေးတယ်။ ကိုယ်ခရီးက ပြန်လာတဲ့အချိန်မှာတော့ အားရင် ကော်ဖီသောက်ဖို့ တွေ့ကြရအောင် ဆိုတဲ့ စာကြောင်းတစ်ခုကို ထပ်ရပြန်တယ်။

ခက်တယ်လေ။ မတွေ့ချင်ဘူး ဆိုရင် ဒီလိုလူတစ်ယောက်အတွက် ရိုင်းရာရောက်နေမလား။ ဒီမှာ ပိုင်ရှင်နဲ့နော် လို့ စကားမဆက်မစပ်နဲ့ အသားလွတ် ပြောရမှာလည်း ကောင်းပါ့မလား။ သူဟာ တကယ်ကိုပဲ မိတ်ဖြစ်ဆွေဖြစ် တွေ့ဆုံချင်တာရော မဖြစ်နိုင်ဘူးလား။ ကိုယ့်လူလည်း အနားမှာ မရှိတဲ့အချိန် ဘယ်လိုလုပ်ရပါ့။


(၅)
“ဇာတ်လမ်းတစ်ခု ဖြစ်မလာအောင် တားဖို့လုပ်ခဲ့တာက ဇာတ်လမ်းနောက်တစ်ခု စဖို့ ဖြစ်လာတယ်… တကယ်လို့…”

ကိုယ်ခဏရပ်ပြီး စဉ်းစားလိုက်တယ်။ တကယ်လို့တွေ ကတော့ အများကြီးပါပဲ။

ကိုယ်က လက်စွပ်လေးကို ကြည့်လိုက်တယ်။ လက်စွပ်လေးက လက်ဆစ် ဖုထစ်မနေတဲ့ ကိုယ့်ရဲ့ လက်သူကြွယ်နဲ့ဆို တော်တော်ကိုချောင်တယ်။ လျှောပြီး ကျွတ်ကျမတတ်ပဲ။ လက်သူကြွယ်ကို ပြောင်းစွပ်လိုက်တော့ လက်ခလယ်မှာ ကြာရှည်ဝတ်ထားခဲ့တဲ့ နေရာက အဖြူရစ်ကလေး ပေါ်လာတယ်။

အဲဒီနေ့က ကော်ဖီဆိုင်မှာ စားပွဲပေါ်ကို တင်ထားတဲ့ ကိုယ့်လက်မှာ လက်သူကြွယ်ကို သေသေချာချာ ပြောင်းစွပ်ထားတဲ့ ဒီလက်စွပ်ကို အေလီယန် သတိထားမိမယ် ထင်တာပဲလေ။ အင်း.. အေလီယန်ရဲ့ လက်မှာတော့ ဘာမှ ၀တ်ဆင်ထားတာ မတွေ့ခဲ့ဘူး။

နောက်ပိုင်းမှာ ကိုယ့်ကို လုံးဝ မဆက်သွယ်တော့တဲ့ အေလီယန်၊ ကိုယ်မိတ်ဆက်ပေးမိတဲ့ ဆူးနဲ့ ဇာတ်လမ်းအသေအချာ ဆက်ဖြစ်အောင်ကို ဆက်သွားတဲ့ အေလီယန် ဟာ ဘယ်လိုရည်ရွယ်ချက်နဲ့ ကိုယ့်ကို စတွေ့ချင်ခဲ့တယ် ဆိုတာ သိပ်စဉ်းစားစရာတော့ မလိုတော့ဘူး။

တကယ်လို့ ကိုယ်သာ လက်စွပ်ကလေး တစ်ကွင်းကို မှန်ကန်တဲ့ လက်ချောင်းမှာ စွပ်ထားခဲ့မိရင် အေလီယန်က တွေ့ကြရအောင် လို့ ချိန်းဆိုလာစရာ အကြောင်းမရှိဘူး။ ဒါဆို အေလီယန်နဲ့ ဆူးနဲ့လည်း တွေ့လာစရာအကြောင်းမရှိဘူးပေါ့။

“တကယ်လို့ အေလီယန် ချိန်းတဲ့ နေရာကို မ က မလာခဲ့ရင်လည်း ကိစ္စက ပြတ်နေတာပဲ”

“ဟင့်အင်း သူက ထပ်ချိန်းနေဦးမှာပဲ ထင်တယ်လေ။ ကိုယ်က စပြီး တခုခု တည့်တိုး ပြောမပြလိုက်မချင်းပေါ့ ”

ကိုယ်က စောဒက တက်လိုက်သေးတယ်။ တခါတခါတော့လည်း သိမ်မွေ့တဲ့ လူမှုဆက်ဆံရေးတွေမှာ သူ့အလွန် ကိုယ့်အလွန် မဖြစ်အောင် ရွှေ့ကွက်တွေက ထင်သလောက် မလွယ်လှဘူး။ ဘယ်သူက စရွှေ့မှာလဲ။

တကယ်လို့ အဖော်ခေါ်သွားမိသူက ဆူး မဟုတ်ခဲ့ပဲ တခြားတစ်ယောက် ဆိုရင်ရော….။

သူတို့နှစ်ယောက် ပြောဖြစ်ခဲ့တဲ့ စကားတချို့ကို သတိရနေပါသေးတယ်။

“ဒါက ဆူး ပါ ကိုယ့်သူငယ်ချင်းပေါ့”

“အော်.. မင်းတို့လူမျိုးတူပေါ့။ သိပ်တော့ ရုပ်ချင်းမဆင်ဘူးနော်”

ကိုယ်နဲ့ ဆူး ရယ်လိုက်ခဲ့ကြတယ်။

“အင်း.. လူမျိုးက တူတော့တူတယ်။ မွေးခဲ့တဲ့ နိုင်ငံလည်း တူတယ်။ ဒါပေမယ့် ကြီးပြင်းခဲ့တာ မတူသလို ဆူးက သွေးတွေ အမျိုးစုံ ရောနေတယ်”

ကိုယ်တို့နိုင်ငံလေးမှာ တိုင်းရင်းသား လူမျိုးစုတွေ တစ်ရာကျော်ရှိတဲ့ အကြောင်း၊ တရုတ် အိန္ဒိယ က ရွှေ့ပြောင်းနေထိုင်ခဲ့ကြသူ တွေလည်း အများအပြား ရှိတဲ့အကြောင်း၊ ဆက်ပြောဖြစ်ကြတယ်။

အဲဒီကနေတဆင့် ဆက်ပြောဖြစ်သွားတဲ့ လတ်တလော အဖြစ်အပျက်တွေအကြောင်း ဘာသာစကားတွေအကြောင်း စတဲ့ ဟိုရောက်ဒီရောက် ခေါင်းစဉ် အစုံတွေကြားမှာ သွက်လက်တဲ့ ဆူးမှမဟုတ်ရင် ဘယ်သူက ၀င်ပြောနိုင်ခဲ့မလဲ။

နောက်ဆုံးတော့ ဆူးက သူ့အသက်ကို ပြောဖြစ်သွားတယ်။ အိုး.. မင်းက ငယ်ငယ်လေး ရှိသေးတာပဲ ဆိုပြီး အေလီယန်ဟာ နောက်ဆုံး တအံ့တသြနဲ့ သဘောကျသွားခဲ့တာ ဆူးတစ်ချောင်း စူးသွားတာပဲ ဖြစ်ခဲ့ရမှာပေါ့။

စောစောက ပြောခဲ့သလိုပေါ့။ တကယ်လို့ အေလီယန်က ကိုယ့်ကို တွေ့ချင်ခဲ့တာ မဟုတ်လို့ဖြစ်ဖြစ် ကိုယ်က ဘယ်လိုနည်းနဲ့မှ မတွေ့ဆုံပဲ ငြင်းခဲ့တာဖြစ်ဖြစ်ဆိုရင်တော့ အခု ဇာတ်ကြောင်းကို ပြန်ပြောပြနေစရာ အကြောင်းကို မရှိတော့ဘူးလေ။ သို့သော်လည်း ကိုယ်က အေလီယန်နဲ့ တွေ့ဆုံခဲ့တယ်။ ဆူးကိုမှလည်း ခေါ်သွားခဲ့မိတယ်။ တကယ်လို့ ဆူးမဟုတ်တဲ့ အခြားတစ်ယောက် ဆိုရင်…။

အဲဒါတွေအားလုံး လွန်မြောက်ခဲ့လို့ ဇာတ်လမ်းတစ်ခု ဖြစ်လာခဲ့တဲ့ အခါကျပြန်တော့ တကယ်လို့ ကိုယ်ဟာ ဒီဇာတ်လမ်းကို ဒီ့ထက်စောစော အချိန်တွေကတည်းက ပြောပြခဲ့ရင်တော့ ဇာတ်လမ်းရဲ့ အဆုံးဟာ ပျော်ရွှင်စရာ လို့ ကြားကြရလိမ့်မယ်။ အခုတော့….။


(၆)
ရှေ့လဆိုရင် အေလီယန်က အလုပ် စာချုပ်သက်တမ်းကုန်လို့ သူ့နိုင်ငံကို အပြီး ပြန်တော့မယ်တဲ့။

“ဒါဆို ဘာဆက်လုပ်မှာလဲ ဆူး။ ယူတို့က အလေးအနက်လား”

ကမ်းခြေတစ်ခုမှာ သူတို့နှစ်ယောက် ရိုက်ထားခဲ့တဲ့ ဓာတ်ပုံတွေကို ကြည့်ရင်း ပြုံးနေတဲ့ ဆူးကို ကိုယ်က မေးခဲ့ပါတယ်။

ဆူးက ခေါင်းညိတ်ပါတယ်။

“ဒါပေမယ့် သူ့မှာ ဆူးတစ်ယောက်တည်း ရှိတာမဟုတ်ဘူး”

ဆူး ဒီလို ပြောလာတာကို ကိုယ်သိပ်တော့ မအံ့သြမိတာ အမှန်ပဲ။

“သူ့ရဲ့ အိမ်မှာ နေရာလပ် တစ်နေရာ ရှိနေတာကတော့ သေချာတယ်။ ဒါပေမယ့် သူ့ဆီကို ဆူးလိုက်မသွားပါဘူး။ ဆူးက ဒီမှာ လုပ်စရာတွေက အများကြီး ရှိသေးတယ်။ သူကလည်း ဆူးကို မခေါ်သေးပါဘူး။ ဒါပေမယ့် သူက တခြားတစ်ယောက်တွေကိုလည်း မခေါ်ဘူး”

ဆူးက ဓာတ်ပုံတွေကို ယုယုယယ ပြန်ကောက်သိမ်းလိုက်တယ်။

“သူက စိတ်မကောင်းပါဘူး လို့ ပြောလာတယ်။ ကိစ္စမရှိဘူး။ ကျွန်မမှာ ပိုက်ဆံရှိရင် အချိန်ရှိရင် ဘယ်လောက်ပဲဝေးဝေး ရှင့်အိမ်တံခါးဝကို အချိန်မရွေး လာခေါက်လို့ ရတာပဲလေ.. လို့ ပဲ ဆူး ပြောလိုက်တော့ သူ ငိုင်သွားတယ်”

ဆူးက တည်တည်ငြိမ်ငြိမ်ပဲ ဆက်ပြောနေတယ်။ ဆူးရိုင်းကလေးတွေ ပြန်ကြမ်းရှ လာပြန်ပြီလား။ ဆူးခက်လေးတွေ အေလီယန်ကို တကယ် တွယ်ငြိသွားခဲ့သလား လို့ ကိုယ်မေးချင်နေခဲ့တယ်။ ဒါပေမယ့် ဘာမှ ဆက်မပြောဖြစ်ခဲ့ ပါဘူး။

ကိုယ်ဟာ ဒီဇာတ်လမ်းကို ဒီအချိန်မှာမှ ဇာတ်ကြောင်းပြန်ပြီး ပြောပြဖြစ်ခဲ့ပါတယ်။

တကယ်လို့ စောစောကသာ ပြောဖြစ်ခဲ့မယ် ဆိုရင် ပျော်ရွှင်စွာ တွေ့သွားကြလေသတည်း ဆိုတဲ့ ဇာတ်သိမ်းကို ကြားရမှာပေါ့။ အခုမှ ပြန်ပြောခဲ့တော့ သူတို့ ဝေးသွားကြတော့မယ် ဆိုတဲ့ ဇာတ်သိမ်းကို ကြားကြတော့မယ်။

တကယ်လို့ နောက် တစ်လ.. တစ်နှစ်.. သုံးနှစ်.. ဆယ်နှစ်ကြာမှ ပြန်ပြောဖြစ်ခဲ့မယ် ဆိုရင် ဇာတ်သိမ်းပိုင်းက ဘယ်လိုဖြစ်လာမလဲ မသိနိုင်ဘူး။

“တကယ်လို့ မ မှာ ဒီလက်စွပ်တစ်ကွင်း လုံးဝ မရှိခဲ့ဘူး ဆိုရင်ရော ဘယ်လိုဖြစ်မလဲ”

ဆူးက ဒီလိုမေးလာလိမ့်မယ်လို့ ကိုယ်ထင်သားပဲ။ ကိုယ်က ဘာမှပြန်မပြောပဲ အသာပြုံးလိုက်ပါတယ်။ ကိုယ်ဒီလို ဘာမှ ပြန်မပြောပဲ နေလိမ့်မယ် ဆိုတာကိုလည်း ဆူး သိသားပဲ။ လက်စွပ်ကလေး ၀တ်ထားတဲ့ ကိုယ့်လက်ဖျားတွေကို ဆူးက အသာ ဆုပ်ကိုင်လိုက်တယ်။ “တကယ်လို့”တွေ အများကြီးနဲ့ ဖွဲ့စည်းထားတဲ့ ဘ၀တလျောက်လုံးမှာ ဖူးစာ ဆိုတာ ကိုယ်တို့ ပြောပြဖို့ ခက်တဲ့ အကြောင်းအရာ တစ်ခုပါပဲ။ ချစ်ခြင်းမေတ္တာ ဆိုတာကရော…။

ကိုယ်တို့ ထိုင်နေတဲ့ ကော်ဖီဆိုင်လေးက ပြူတင်းပေါက်မှာ လေပြည်လေး သာသာတိုက်နေပါတယ်။ ကိုယ်တို့ လေကို မမြင်ရပါဘူး။ ဒါပေမယ့် ခန်းဆီးလေး လှုပ်နေတာကိုပဲ အသေအချာ မြင်နေရတော့တယ်။



ပန်ဒိုရာ

တချိန်က ၀တ်ဆင်ခဲ့သော

မသက်ဝေ က ရေးပါဆိုလို့ ရေးလိုက်ပါပြီ။

လုံချည်(ထဘီ)ကို ၀တ်တတ်အောင် ငယ်ငယ်လေးကတည်းက မေမေက သင်ပေးခဲ့ပါတယ်။ ပထမဆုံးဝတ်ခဲ့တာက ကလေးဘ၀က စပ်ထဘီလေး တစ်ထည်လို့ ထင်ပါတယ်။ မြန်မာ့ရိုးရာ လုံချည်အင်္ကျီ ၀တ်စုံတွေကိုလည်း အကြိမ်ပေါင်းများစွာ နှစ်နှစ်သက်သက် ၀တ်ဆင်ခဲ့ပါတယ်။ အခုလည်း သင့်တော်တဲ့ နေရာမှာ ၀တ်ဆင်ဖို့ ၀န်မလေးပါဘူး။ မိန်းကလေးတွေ လုံချည်လေး သပ်သပ်ရပ်ရပ် ၀တ်ဆင်ထားရင် အားလုံးကို ကြည့်ကောင်းတယ် လို့ပဲ မြင်ပါတယ်။

မြန်မာဝတ်စုံ ၀တ်တဲ့နေရာမှာတော့ မြန်မာလုံချည်ကို မြန်မာအင်္ကျီ လက်ရှည်ခါးတို (ရင်ဖုံး သို့မဟုတ် ရင်စေ့) နဲ့ တွဲဝတ်ရတာကို အထူးပိုနှစ်သက်ခဲ့တယ်။ ပြည်ပကို ရောက်မလာခင် မြန်မာပြည်မှာ နေထိုင်တုန်းက မကြာခဏ ၀တ်လေ့လည်း ရှိခဲ့တယ်။

တစ်ခုတော့ ရှိပါတယ်။ နေ့စဉ် ၀တ်စားတဲ့အခါ ပုံစံတူကို စတိုင်တမျိုးတည်း အနေနဲ့ အမြဲတစေ မ၀တ်တတ်ပါ။ ကိုယ့်ဘလော့ဂ်မှာ ၀တ္ထု ကဗျာ ဆောင်းပါး ပန်းချီ ဓာတ်ပုံ နည်းနည်းစီနဲ့ ရေးပုံရေးဟန်ကလည်း စိတ်ကူးတည့်ရာ အစုံပါတာကို တွေ့ရသလိုပေါ့။ မြန်မာပြည်မှာ ကျောင်းတက်ခဲ့ အလုပ်လုပ်ခဲ့ ချိန်တွေကလည်း ဒီနေ့ မြန်မာဆန်ဆန် ဖြစ်ချင်ဖြစ်နေပေမယ့် မနက်ဖြန် ဂျင်းနဲ့တီရှပ်နဲ့ မြင်ချင်လည်း မြင်ရမယ်။ အခုဒီမှာနေတော့လည်း ပုံစံတစ်မျိုးတည်းမဟုတ်ပဲ ဘောင်းဘီ စကပ် dress ၀တ်စားပုံ အစုံ (လိုက်လိုက် မလိုက်လိုက်:P) ဟိုစပ်စပ် ဒီစပ်စပ် ၀တ်ဆင်ဖြစ်တဲ့အတွက် ပိုက်ဆံပိုကုန်ပါတယ်။ :)

မေမေက စည်းကမ်းရှိတဲ့အတွက် သူငယ်ငယ်က ၀တ်ခဲ့တဲ့ မြန်မာလုံချည် အင်္ကျီလေးတွေ သိမ်းထားတာတွေ ကျန်ခဲ့ပါတယ်။ ဟိုခေတ်က ဒီဇိုင်းတွေပေါ့။ ကိုယ်ငယ်ငယ်တုန်းက တခါတလေမှာ အဲဒါတွေလည်း တမင်စတိုင်လုပ်ပြီး ယူဝတ်ပါတယ်။ ပါတိတ်ကိုတော့ အဆင်သေးတာတွေ ၀တ်ဖြစ်ပါတယ်။ အဲဒီအချိန်က ဗူးပါတိတ် ဆိုတာလည်း ခေတ်စားလိုက်သေးတယ်။ ၀မ်းဆက် ၀တ်ကြပါတယ်။ ပြောင်လုံချည်တွေ၊ တရုတ်ပိတ် အပွင့် သေးသေးလေးတွေလည်း ၀တ်ပါတယ်။ တက္ကသိုလ်တက်ချိန်က အခမ်းအနားတခုခု ရှိလာရင် ချိတ်လုံချည်လေးတွေ အခြား မြန်မာ့ရိုးရာ လုံချည်လေးတွေ မကြာခဏ၀တ်ဖို့ ကြုံလာတတ်ပါတယ်။

အခုကတော့ မြန်မာလုံချည်တွေ နည်းနည်းကျန်သေးပေမယ့် ရိုးရာဝတ်စုံပြည့် ၀တ်တဲ့အခါ မြန်မာအင်္ကျီခါးတို ကိုတော့ မ၀တ်ဖြစ်တာ ကြာပါပြီ။ ရှိခဲ့တဲ့ အင်္ကျီတွေကလည်း မတော်တော့ပါဘူး။ အရင်တုန်းကတော့ အင်မတိအင်မတန် ပိန်တော့ ခါးမပေါ်အောင် နေရထိုင်ရတာလည်း ပိုသပ်ရပ်လွယ်ကူပါတယ်။ နောက်ပိုင်းတော့လည်း အသက်ကလေး ထောက်လာတော့ ၀လာတဲ့အတွက် ကိုယ့်ကိုယ်ကို ယုံကြည်မှုလည်း နည်းလာလို့ ၀တ်စရာလမ်း ကြုံလာရင်တောင်မှ မြန်မာအကျီင်္ဆို ခါးအောက်ကို ရှည်တာမျိုးပဲ ၀တ်ဖြစ်ပါတယ်။

မြန်မာပြည်ကို အလည်ပြန်တဲ့အခါမျိုးတော့ လုံချည်တွေ ပြန်ဝတ်ဖြစ်ပါတယ်။ အခက်အခဲတွေတော့ ရှိလာတယ်။ ပြည်ပကို ရောက်ကတည်းက လုံချည်စကပ် လိုဟာမျိုးက အသစ် ထပ်မချုပ်ဖြစ်တော့ဘူး ဆိုတော့ လွန်ခဲ့တဲ့ နှစ်ပေါင်းများစွာက ချုပ်ခဲ့တာတွေက မတော်တော့ဘူး ဖြစ်နေတယ်။ လုံချည်စကပ် မဟုတ်တဲ့ ရိုးရိုးလုံချည်ကျပြန်တော့ ၀တ်နေမကျတဲ့အတွက် ခါးညှပ်တဲ့နေရာက နာပါတယ်။ နည်းနည်း အသားမာတဲ့ လုံချည်ဆိုရင် လမ်းလျှောက်တဲ့အခါ ခြေဖမိုးမှာ လုံချည်အနား ပွန်းပါတယ်။

အခု လက်ရှိကတော့ နေ့စဉ်သာမန်အချိန်တွေမှာ လုံချည်မ၀တ်ဖြစ်တော့ပါ။ သူများတွေနဲ့ ကွဲပြားနေပြီး မလိုအပ်ဘဲ လူတွေရဲ့ အာရုံစူးစိုက်မှုကို မရချင်လို့ ဖြစ်ပါတယ်။ မနှစ်ကတော့ အလုပ်ထဲက ပွဲတစ်ခုမှာ နောက်ဆုံးကျန်ပြီး တော်နေသေးတဲ့ ရင်ဖုံးအကျီလက်ရှည်နဲ့ ပန်းပွင့်လေးတွေပါတဲ့ လုံချည်စကပ်တစ်ထည်ကို ၀တ်ဖြစ်ပါတယ်။ စိမ်းပြာရောင်လေးပါ။ လုပ်ဖော်ကိုင်ဖက်တွေက သဘောကျကြပါတယ်။ အင်္ကျီမှာ ပန်းထိုးထားတာကိုလည်း နှစ်သက်ကြပါတယ်။

မြန်မာလုံချည်တွေထဲမှာ ဘယ်လို အဆင်အသွေးမျိုးကို နှစ်သက်တတ်လဲ ဆိုရင် မချစ်ကြည်အေး ဘလော့ဂ်မှာ တင်ထားတဲ့ပုံတွေထဲက အင်းလေးလုံချည်လေးတွေရယ် သူ့အထက်ကပ်လျက်က ပုံနှစ်ပုံထဲက လုံချည်လေးတွေမျိုးရယ်ပါ။(လက်ဆောင်ပေးချင်တယ် ဆိုရင် သိရအောင်လို့.. ဟဲဟဲ။) ချင်းမိုင်က ပတ်လုံချည်လေးတွေလည်း ဒီဇိုင်းအတော်များများကို ကြိုက်တယ်။

ဝတ်ခဲ့သမျှမှာ မှတ်မှတ်ရရ အဖြစ်ဆုံးက နံ့သာရောင် ချိတ်လုံချည်နဲ့ ပိုးအကျီင်္ မြန်မာဝတ်စုံတစ်စုံပါ။ (ဘာကြောင့်ပါလိမ့် ?)။ ဓာတ်ပုံတွေတော့ မတင်တော့ပါ။ စိတ်မှန်းနဲ့သာ ကြည့်လိုက်ကြပါတော့နော်။ :)

ပန်ဒိုရာ