သူတို့တူးဖော်ကြပါလိမ့်မယ်

painting ICN2, water colour, study

သူတို့တူးဖော်ကြပါလိမ့်မယ်

တီးမှုတ်ကခုန်နေတဲ့ စားသောက်ခန်း

အာရုံငါးပါးက မုန်တိုင်းကို ဖုံးလွှမ်းနေလို့

ကုန်းပတ်ကွင်းပြင်

ဘတပြန်ကျားတပြန် သတ်ပုတ်နေကြစဉ်  ရေလုံးတွေ ဝေါခနဲ

အထက်တန်းအိပ်စင်

ဇောချွေးပြန်နေဆဲ လည်ဆွဲတစ်ကုံး နက်ကတိုင်တစ်ချောင်း

ဒီဝမ်းဗိုက်ပေါက်

ဒီလမ်းနောက်ကို တားမရဆီးမရ တကောက်ကောက်

ပျောက်ဆုံးနေတဲ့ ကျောက်ဆူးကြိုး

တွေ့ခဲ့ရင်တောင် ဒီအခြေအနေမှာ အသုံးချလို့ မရဘူး

နောက်ဆုံးပျဉ်ချပ် တစ်ချပ်

ကလေးသူငယ်နဲ့ သက်ကြီးရွယ်အိုတွေ တန်းစီလျက်

လုပ်ဖော်ကိုင်ဖက်အဖွဲ့

ပရိုတိုကောလ်အတွင်း ရုန်းရင်းဆန်ခတ်

ကပ္ပတိန်

ဦးထုပ်ကို ချွတ်တယ် နှုတ်ဆက်အနမ်း နမ်းလိုက်တယ် ပြီးတော့ ပြန်ဆောင်းလိုက်တယ်

အချိန်တွေ ………………………………….

………………………………………………..

………………………………………….. ကျော်ဖြတ်သွားပါလိမ့်မယ်

ပေါလောမျောနေမယ့် အုတ်ဂူတစ်လုံးထဲမှာ

နစ်မြုပ်မှုအား သစ္စာရှိစွာ ဖက်တွယ်နေရစ်သူရဲ့ ဝိညာဉ်ပေါ်

ပင့်ကူတစ်ကောင် အိမ်ဆောက်ရင်း လှိုင်းစီးနေ။

ပန်ဒိုရာ

၂၀.၂.၂၀၁၃

Expand..

Summary..

နယူးဇီလန်မှ ကဗျာဆရာ စာရေးဆရာ “ဂျက်ဖရီ ပါပရိုရာ ဟိုးလ်မန်း”

နယူးဇီလန်မှ ကဗျာဆရာ စာရေးဆရာ “ဂျက်ဖရီ ပါပရိုရာ ဟိုးလ်မန်း”  

(မှတ်ချက်။ ။ ကြုံတွေ့ခဲ့တဲ့ ကဗျာဆရာတွေနဲ့ တွေ့ဆုံမေးမြန်းမှုနဲ့ သူတို့ရဲ့ လက်ရာအချို့ကို ဆက်လက်တင်ပြသွားပါမယ်။ မကြာခင်ကတော့ အီရတ်က ကဗျာဆရာမ “ဂူလာလာနိုရိ” အကြောင်းကို ရေးသားခဲ့ပါတယ်။ အခုလို မိတ်ဆက်ပေးသွားမယ့် ကဗျာဆရာတွေ အားလုံးဟာ ဆုရသူတွေ၊ အကောင်းဆုံးတွေ၊ နာမည်အကြီးဆုံးတွေ ဟုတ်ချင်မှ ဟုတ်ကြပါမယ်။ ဟုတ်ရင်လည်း ဟုတ်ကြပါမယ်။ သေချာတာကတော့ သူတို့ဟာ သူတို့ရဲ့နိုင်ငံမှာ လက်တလော ကဗျာရေးသားနေဆဲ ယနေ့ခေတ် ကဗျာဆရာများ ဖြစ်ကြပါတယ်။ အခြားနိုင်ငံတွေရဲ့ ယနေ့ခေတ် ကဗျာလောကထဲမှာ သူလိုကိုယ်လို ရေးသားနေသူတို့ရဲ့ ဘဝ၊ ပြောပြချက်တွေနဲ့ လက်ရာတွေကို မိမိဘာသာ တစေ့တစောင်း ကြည့်ချင်လို့ လက်လှမ်းမီသလောက် မေးကြည့်ခြင်းသာ ဖြစ်ပါတယ်။ နောက်အကြောင်းရင်းတစ်ခုကတော့ မူရင်းစာရေးသူတွေနဲ့ ဆက်သွယ်နိုင်တဲ့ အခွင့်အလမ်းရချိန်မှာ တရားဝင်ခွင့်တောင်းပြီး ဘာသာပြန်ခြင်း အလေ့အထကို နှစ်သက်လို့လည်း ဖြစ်ပါတယ်။)

နယူးဇီလန်က ကဗျာဆရာ စာရေးဆရာ ဂျက်ဖရီ ပါပရိုရာ ဟိုးလ်မန်း(Jeffery Paparoa Holman) ရဲ့ ထူးခြားချက်ကတော့ သိုးမွေးညှပ်သူ၊ စာပို့သမား၊ စိတ်ရောဂါဌာန လူမှုဆက်ဆံရေးဝန်ထမ်း၊ စာအုပ်ရောင်းသူ စတဲ့ ဘဝမျိုးစုံ ကျင်လည်ခဲ့ပြီး အသက်အရွယ် အတော်ရကာမှ ကဗျာကို ပြန်လည်ပြီး တစိုက်မတ်မတ် ရေးသားခဲ့၊ ပညာရပ်တစ်ခုအနေနဲ့ ကျောင်းမှာ လေ့လာသင်ယူခဲ့ပြီး ခက်ခက်ခဲခဲ ထိုးဖောက်ဝင်ရောက်ခဲ့တဲ့ သူ့ရဲ့ကြိုးပမ်းမှုပါ။   ယခုလည်း ပင်စင်ယူတဲ့ အသက်အရွယ်ရောက်သည့်တိုင် ကဗျာကို ချစ်မြတ်နိုးစွာနဲ့ ဆက်လက် လေ့လာသင်ယူနေဆဲ၊ ခေတ်ပြိုင်ပုံစံမျိုးစုံနဲ့ ရေးသားနေဆဲ ကဗျာဆရာတစ်ဦး ဖြစ်ပါတယ်။ သူ့ရဲ့ ကဗျာဖြတ်သန်းမှုကို အင်တာဗျူး အဖြေတွေမှာ ဖတ်ရှုနိုင်ပါတယ်။

သူ့ဘဝအကြောင်း အကျဉ်းချုပ်၊ သူ့ကို မေးမြန်းခဲ့တဲ့ အင်တာဗျူးနဲ့ သူ့ရဲ့ ထင်ရှားတဲ့ ကဗျာနှစ်ပုဒ်ကို မိတ်ဆက် တင်ပြလိုက်ပါတယ်။ အင်တာဗျူးကတော့ အိုင်အိုဝါတက္ကသိုလ် International Writing Program(IWP) မှာ ဆုံတွေ့ခဲ့တဲ့အခိုက် ဘော့စဝါနာက အာဖရိကန်ကဗျာဆရာမ တီဂျေဒီးမားနဲ့ ပန်ဒိုရာတို့က မေးမြန်းခဲ့တာဖြစ်ပါတယ်။

ဂျက်ဖရီ ပါပရိုရာ ဟိုးလ်မန်း ကို ၁၉၄၇ ခုနှစ်မှာ လန်ဒန်မြို့မှာ မွေးခဲ့ပါတယ်။ ၁၉၅၀ မှာ သူ့မိဘတွေနဲ့အတူ နယူးဇီလန်ကို ပြောင်းရွှေ့လာခဲ့တယ်။ တောင်ပိုင်းဒေသ ကမ်းရိုးတမ်းက ကျောက်မီးသွေးမိုင်းလုပ်ငန်း ပတ်ဝန်းကျင်မှာ ကြီးပြင်းလာခဲ့ပြီး အဲဒီ ဘဝဟာ သူ့ရဲ့ စာတွေအပေါ် ထင်ဟပ်နေခဲ့ပါတယ်။ ဂျက်ဖရီ ဟာ သူ့အချစ်ဦးဖြစ်တဲ့ ကဗျာအပြင် သမိုင်း၊ မှတ်တမ်း စတဲ့ သုတစာတွေ၊ ဝေဖန်သုံးသပ်ချက်နဲ့ ပညာရပ်ဆိုင်ရာ ဆောင်းပါးတွေ ရေးသားပါတယ်။ လတ်တလောမှာတော့ ခရစ်ချပ်ခ်ျမှာ ရှိတဲ့ ကန်တာဘာရီ တက္ကသိုလ်မှာ Senior Adjunct Fellow အဖြစ် လုပ်ကိုင်နေပါတယ်။ (၂၀၁၂ နိုဝင်ဘာမှာ ပင်စင်ယူမယ်လို့ ပြောခဲ့ပါတယ်။)

သူ့ကဗျာစာအုပ် ၇ အုပ်ထဲက ပထမဆုံး စာအုပ်ကို ၁၉၇၄ ခုနှစ်မှာ ထုတ်ဝေခဲ့ပါတယ်။ နောက်ဆုံးထုတ်ဝေခဲ့တဲ့  ကဗျာစာအုပ်ကတော့ ၂၀၁၂ ခုနှစ်မှာ ကန်တာဘာရီ တက္ကသိုလ်က ထုတ်ဝေတဲ့ “လှုပ်ခါချခြင်း ၆.၃” ဖြစ်ပါတယ်။ ငလျင်အကြောင်းကို အခြေခံတဲ့ ကဗျာတွေဖြစ်ပါတယ်။ သုတစာပေအနေနဲ့တော့ သမိုင်းစာအုပ်တစ်အုပ်ဖြစ်တဲ့ “ကမ္ဘာနှစ်ခုရဲ့ အကောင်းဆုံး” စာအုပ်ကို ၂၀၁၀ မှာ ထုတ်ဝေခဲ့ပြီး “ပျောက်ဆုံးနေတဲ့လေယာဉ်မှူး” စာအုပ်ကို ၂၀၁၃ စင်တင်ဘာမှာ ထုတ်ဝေပါမယ်။  

မေး။      ။ ဆရာက အချိန်ပြည့်စာရေးဆရာတစ်ယောက် ဖြစ်ပါသလား။ မဟုတ်ခဲ့ဘူးဆိုရင် တခြားဘာတွေများ လုပ်ပါသလဲ။

ဖြေ။       ။အခုဆိုရင်တော့ ဟုတ်ပါတယ်။ အချိန်တိုင်းလိုလိုရေးတဲ့ စာရေးဆရာပေါ့။ ဒါပေမယ့် အဲဒီလိုဖြစ်လာဖို့ နှစ်ပေါင်းများစွာ အချိန်ယူခဲ့ရတယ်။ ၂၀၁၂ နိုဝင်ဘာလကုန်မှာ ကျွန်တော် အသက် ၆၅ နှစ်ပြည့်လို့ အစိုးရဆီက ပင်စင်လစာ ရတော့မယ်။ အဲဒီအချိန်ကျရင်တော့ ကျွန်တော့်ရဲ့ ဘဝမှာ ပထမဆုံးအနေနဲ့ ပင်စင်စား အချိန်ပြည့် စာရေးဆရာဖြစ်တော့မယ်။   အလုပ်ကနေ အနားယူတယ် ဆိုတာကတော့ ဘာကိုဆိုလိုမလဲ မသိဘူး။ နယူးဇီလန်နဲ့ တခြားဘယ်နေရာက  စာရေးဆရာတွေမဆို စာရေးတာတစ်ခုတည်းနဲ့ အသက်မွေးဖို့ ခက်ခဲပါတယ်။ ကျွန်တော်က အချိန်ပြည့် အသက်ရှင်နေထိုင်တဲ့ လူသားတစ်ယောက်ပါ။ ဒီတော့လည်း ကျွန်တော်ဟာ ဘာသာစကားနဲ့ အတွေ့အကြုံတွေကို စုပ်ယူထားပြီး စာရေးဖို့ အမြဲအဆင်သင့် ဖြစ်နေပါတယ်။ ကျွန်တော်ထိုင်ပြီး တစ်ခုခု ရေးလိုက်တဲ့အခါ စာမျက်နှာတွေပေါ်မှာ ရောက်လာမယ့်စာတွေ တစ်နည်းနည်းနဲ့ ဖြစ်လာပါတယ်။

မေး။      ။ဘာကြောင့် ဘယ်သူ့အတွက် ဆရာ စာရေးပါသလဲ။

ဖြေ။       ။ ကျွန်တော် စာရေးရတာ ပျော်ရွှင်နှစ်ခြိုက်လို့ ရေးတာပါ။ ဘာဖြစ်လို့လဲဆိုတော့ စကားလုံးတွေနဲ့ ကစားရတာ ကြိုက်လို့ပါ။ မူလတန်းကျောင်းသား အရွယ်ကတည်းက ကျွန်တော့် အင်္ဂလိပ်စာ စွမ်းရည်ကို မြင်ကြတဲ့ ဆရာဆရာမတွေရဲ့ အားပေးမှုကို ရခဲ့ပါတယ်။ ကျွန်တော့် အသက် ၁၁ နှစ်အရွယ်မှာ လေယာဉ်ပျံကို စတီထွင်ခဲ့တဲ့ ရိုက်ညီနောင်အကြောင်း ပထမဆုံး ကဗျာကို ရေးခဲ့တယ်။ ဒီတော့ ကျွန်တော်က ကိုယ့်အတွက်လည်း စာရေးသလို စာဖတ်ပရိသတ်သာ ရှိခဲ့ရင် သူများတွေအတွက်ပါ စာရေးတယ်လို့ ထင်ပါတယ်။ တကယ်လို့ ကျွန်တော့်စာအုပ်တွေကို ဘယ်သူမှ ဝယ်မဖတ်တောင်မှ  ကိုယ့်ဘာသာရေးပြီး ကိုယ့်ဘာသာဖတ်ပါမယ်။ ကျွန်တော့်အတွက်တော့ စာရေးခြင်းက အသက်ရှုခြင်းနဲ့ တူပါတယ်။ 

 .....................

 အပြည့်အစုံကို ဖတ်ရှုရန် ရသကမ်းခြေ လပွတ္တာအွန်လိုင်း မဂ္ဂဇင်း သို့သွားပါ။ 

Expand..

Summary..

အမဲလိုက်ခန်း

painting ICN2

အမဲလိုက်ခန်း

ဝန်းကျင်ဟာ အရိပ်မထင်

ညို့ညို့ဆိုင်းဆိုင်း ထူထူထပ်ထပ်

ဖြိုးဖြိုးဖြောက်ဖြောက် သစ်ရွက်တွေပေါ်မှာ

သွေးစက်တွေ တုန်ခါ

တောဟာ မောကြီးပန်းကြီး အသက်ရှူမြန်လာ

ရက်စက်ခြင်းဟာ ရှင်သန်မှုအတွက်

အရသာခံ ဟင်းတစ်ခွက်

အဲဒီမှာ ဇာတ်လမ်းရဲ့

အံ့မခန်းလှချက်

ပေါက်ကွဲသံဟာ တောလုံးညံတယ်

ဘယ်မလဲ

လန့်ပြေးသွားသော ခြေရာတစ်စ

ဒူးထောက်ထိုင်ချရင်း အဝေးကိုမျှော်ကြည့်လိုက်တယ်

ချိန်ရွယ်မိတာပါ

မရည်ရွယ်ခဲ့ဘူး။

ပန်ဒိုရာ

၇.၄.၂၀၁၁-၂၅.၁.၂၀၁၃

Expand..

Summary..