နားလည်ခြင်းရဲ့ နှင်းဆီတစ်ပွင့်

နားလည်ခြင်းရဲ့ နှင်းဆီတစ်ပွင့်


နားလည်မှုဆိုတာ ကမ္ဘာတစ်ခုဆိုရင်
ဥက္ကာပျံတစ်စင်း ပဲ့ကျလာသလိုမျိုး
ရှောင်မရတိမ်းမရ
မျှော်လင့်ချက်တွေကို ထက်ပိုင်းချိုးချရတယ်။

နားလည်မှုဆိုတာ ရာသီဥတုဆိုရင်
နွေခေါင်ခေါင်မှာ သွန်းချသွားတဲ့
မိုးရေစက်ခါးခါးရဲ့ ပွတ်တိုက်ရှတမှုတွေပါတယ်။

နားလည်မှုဆိုတာ ခရီးရှည်ဆိုရင်
ကန္တာရထဲက ရေကြည်တစ်ပေါက်အတွက်
လှီးဖြတ်သောက်သုံးရတဲ့ ဆူးပင်တွေပါတယ်။

နားလည်မှုဆိုတာ ကစားပွဲတစ်ပွဲဆိုရင်
အလျော်အစားမပါတဲ့ လောင်းကြေးနဲ့
မတိုက်ဖြစ်တော့မယ့် ထီလက်မှတ်တစ်စောင်ပါတယ်။

နားလည်မှုဆိုတာ ကဗျာတစ်ပုဒ်ဆိုရင်
စကားလုံးတွေကို ဖောက်သီထားတဲ့
ကြိုးမျှင်တစ်ချောင်းရဲ့ တုန်ခါမှုတွေပါတယ်။

နားလည်မှုဆိုတာ ပန်းတစ်ပွင့်ဆိုရင်
ပန်းနိယာမရဲ့ အကန့်အသတ်ပြင်ပက
ခြွေမှကြွေမယ့် ဆူးမဲ့သက်တမ်းတစ်ခုပါတယ်။

လူဆိုးကြီးရေ…
နားလည်ခြင်းလှိုင်းလုံးတွေ ဖုံးသွားပြီးတဲ့အခါ
ကမ်းစပ်မှာ တင်ကျန်ခဲ့မယ့်
မျက်ရည်တစ်စက်ရဲ့ ခြေရာ
ငါလိုက်ရှာခဲ့ပါတယ်ကွယ်…။


ပန်ဒိုရာ