Thursday, March 26, 2009

နေရောင်အောက်မှာ လင်းလက်နေတဲ့ အခွင့်အလမ်းတွေ

ပုံကို ဒီက ရတယ်။


Under the Tuscan Sun ဒီနာမည်ကို စမြင်လိုက်တုန်းကတော့ Nothing is new under the sun. ဆိုတဲ့စကားလေးကို ဗြုန်းဆို သတိရမိခဲ့တယ်။ ခင်မင်ရတဲ့ အစ်မတစ်ယောက်က လွန်ခဲ့တဲ့ ၂ နှစ်လောက်က ဒီကားလေးကောင်းတယ် ကြည့်ပါလားလို့ အခွေလေး ပေးလာလို့ ကြည့်ဖြစ်ခဲ့တဲ့ ရုပ်ရှင်ဇာတ်ကားတခု ဖြစ်ပါတယ်။ ထွက်တာတော့ ကြာလှပြီ ၂၀၀၃ ခုနှစ်ကတည်းကပါ။

ဒီဇာတ်လမ်းက မင်းသမီးဇာတ်ပါ။ အသက်ကြီးတဲ့အထိ မပျက်စီးပဲ လှနေသေးတဲ့ Diane Lane က အဓိက ဇာတ်ဆောင်ပေါ့။ ဇာတ်လမ်းထဲမှာ သူက အသက် ၃၅ နှစ်လောက် ရှိတဲ့ စာရေးဆရာမ Frances အနေနဲ့ သရုပ်ဆောင်ထားတယ်။ အမျိုးသားနဲ့ ကွာရှင်းပြတ်စဲပြီးခါစ စိတ်ဓာတ်တွေ သုညအထိ ကျနေတဲ့ အနေအထားကနေ ဇာတ်လမ်းကို စထားပါတယ်။ သူ့ရဲ့ အချစ်ဆုံး သူငယ်ချင်းဖြစ်တဲ့ Patti (Sandra Oh) က စိတ်ပြေလက်ပျောက် ခရီးထွက်ဖို့ အကြံပေးလာပါတယ်။ တကယ်ကတော့ အဲဒီခရီးဟာ ယောင်္ကျားရှာလေး ဖြစ်တဲ့ Patti နဲ့ သူ့ပါတနာတို့ သွားဖို့ စီစဉ်ထားတဲ့ gay trip ပါ။ နောက်တော့ Patti က ကိုယ်ဝန်ရလာလို့ မသွားဖြစ်တာနဲ့ အစားထိုးသွားဖို့ Frances ကို တိုက်တွန်းလိုက်တာပါ။

ဒီလိုနဲ့ Frances လည်း အီတလီနိုင်ငံက Tuscany ဆိုတဲ့ နေရာကို ခရီးထွက်လာခဲ့ပါတယ်။ ပြီးတော့ သွားရင်းလာရင်း အဲဒီမှာ တွေ့တဲ့ အိမ်တအိမ်ကို သဘောကျလို့ မမျှော်လင့်ပဲ ၀ယ်ဖြစ်သွားပါတယ်။ အဲဒီမှာပဲ သူ့ဘ၀က အသစ် ပြန်စသလို ဖြစ်သွားတော့တယ်။

သူ့အိမ်ကို ပြင်ဆင်မွမ်းမံဖို့ ပိုလန်က ရွှေ့ပြောင်းအလုပ်သမားတွေ အဖွဲ့ကို ငှားရမ်းပါတယ်။ နောက်ပိုင်း အလုပ်လုပ်ကြရင်း အဲဒီအလုပ်သမားတွေနဲ့ ခင်မင်ရင်းနှီးသွားပါတယ်။ သူ့ကို အိမ်ကိစ္စတွေ အကျိုးဆောင် ကူညီပေးတဲ့ အဲဒီအရပ်က အမျိုးသားတယောက်နဲ့လည်း ခင်မင်မှု တည်ဆောက်ခဲ့ပါတယ်။ အဲဒီအမျိုးသားမှာ အိမ်ထောင်နဲ့ မိသားစုရှိတယ်။ Frances ဟာ တယောက်တည်းမို့ တခါတလေလည်း အဲဒီလူကို အားကိုးမိသလို ဖြစ်ခဲ့တယ်။ ချစ်စရာကောင်းတဲ့ Frances ကိုလည်း သနားကြင်နာမိသလို ဖြစ်လာတာကို ကိုယ့်ဘာသာ သတိထားမိတဲ့ အမျိုးသားဟာ ပွင့်ပွင့်လင်းလင်း ပြောပြပြီး ခြေလှမ်းမလွန်ခင် နောက်ဆုတ်လိုက်ပါတယ်။

Frances ဟာ ဒီကြားထဲမှာ နည်းနည်း ဂေါက်သလိုရှိတဲ့ စိတ်ဝင်စားစရာ ရုပ်ရှင်မင်းသမီးဟောင်း အမျိုးသမီးကြီး တယောက်နဲ့လည်း တွေ့ဆုံခင်မင်ခဲ့တယ်။ ဒီလိုနဲ့ပဲ သူစိမ်းတို့ရဲ့အလယ်မှာ ၀န်းကျင်အသစ်ကို လိုက်လျောညီထွေ ဖြစ်အောင် နေထိုင်စူးစမ်းရင်း ပျော်ရွှင်မှုကို ပြန်ရှာခဲ့ပါတယ်။ တနေ့တော့ မြို့ထဲ ထွက်လည်ရင်းနဲ့ ပျော်ရွှင်မှုရဲ့ လမ်းစတခုကို တွေ့ခဲ့တယ်။ အဲဒါကတော့ အမှတ်မထင် တွေ့ခဲ့တဲ့ လူတယောက်ပါ။ တိုတိုပြောရရင်တော့ အဲဒီလူနဲ့ Frances တို့ ဓာတ်တည့်သွားကြတယ်။ ချစ်ကြိုက်သွားကြတယ်ပေါ့။ ဒါပေမယ့်လည်း ပျော်ရွှင်မှုတွေဟာ ကြာရှည်မခံခဲ့ဘူး။

သူငယ်ချင်း Patti က ကိုယ်ဝန်ကြီးနဲ့ ရောက်လာပါတယ်။ သူငယ်ချင်းကို ဂရုစိုက်နေရင်းနဲ့ပဲ ချိန်းထားတာတွေ ပျက်ကွက်ခဲ့တယ်။ နောက်မှ ပြန်တွေ့ဖို့ ကြိုးစားတဲ့အချိန်မှာ ဟိုလူက နောက်တယောက်နဲ့ ငြိသွားခဲ့ပြီ။ သူကလည်း အဆက်အသွယ် မရတဲ့အချိန်မှာ Frances နဲ့ ဇာတ်လမ်း ရှေ့မဆက်ဖြစ်တော့ဘူးလို့ ထင်မိခဲ့တော့ စိတ်မကောင်းပေမယ့်လည်း မတတ်နိုင်တော့ဘူး။ Frances စိတ်ဓာတ်ကျရပြန်ပြီ။ နေရောင်တွေက လင်းမလိုလိုနဲ့ ပြန်မှိန်သွားခဲ့ရပြီ။

ဒီအချိန်မှာပဲ သူနဲ့ခင်မင်တဲ့ အိမ်ပြင်ပေးတဲ့အဖွဲ့က ပိုလန်အလုပ်သမားလေး တယောက်ဟာ ဒေသခံ မိန်းကလေးတစ်ယောက်နဲ့ ချစ်ကြိုက်ပါတယ်။ မိန်းကလေးဘက်က သဘောမတူတော့ ကောင်လေးက Frances ကို အားကိုးတကြီး တိုင်တည်ပါတယ်။ Frances က ကူညီရပ်တည်ပေးလိုက်တော့ စုံတွဲလည်း အဆင်ပြေသွားတယ်။ ဒီလို ကူညီနိုင်လိုက်တော့ Frances လည်း ပီတိဖြစ်နေရတော့တယ်။

အခွင့်အလမ်းတွေက ရပ်မသွားပါဘူး။ ဇာတ်သိမ်းပိုင်းမှာတော့ ဧည့်ခံပွဲမှာ Frances ကို လေးစားတဲ့ စာဖတ်ပရိသတ်ဖြစ်တဲ့ အမျိုးသားတယောက်က မိတ်ဆက်လာတယ်။ Frances ရဲ့ မျက်လုံးတွေလည်း အရောင်တောက်ပလာတယ်။ သူတို့နှစ်ယောက် စကားလက်ဆုံ ကျနေတုန်းမှာပဲ ရုပ်ရှင်က ပြီးသွားပါတယ်။

ဇာတ်လမ်းရဲ့ Theme က ဒီလိုဆိုပါတယ်။ Life offers you a thousand chances ... all you have to do is take one. တဲ့။ ဘ၀က သင့်ကို အခွင့်အလမ်းတထောင် ပေးပါတယ်။ လုပ်ရမှာကတော့ တခုကိုသာ ယူလိုက်ပါလေ.. တဲ့။

ဒီဇတ်လမ်းထဲမှာတော့ Frances ပျောက်ဆုံးခဲ့တာဟာ ပျော်ရွှင်မှုနဲ့ ချစ်ခြင်းမေတ္တာပေါ့။ နောက်တော့ သူလိုချင်တာကို ပြန်ရနိုင်တဲ့ အခွင့်အလမ်းတွေ ပေါ်လာပါတယ်။ ပြောရမယ်ဆိုရင်တော့ မဖြစ်နိုင်ခဲ့တဲ့ အိမ်အကျိုးဆောင်နဲ့ ခင်မင်ခဲ့တာတောင်မှ မယူဖြစ်ခဲ့တဲ့ အခွင့်အလမ်းတခုပါပဲ။ ဇာတ်သိမ်းမှာတော့ အခွင့်အလမ်း နောက်ထပ်တခုကို လှစ်ရုံလေး လှစ်ပြပြီး အဆုံးသတ်ထားတယ်။

ဇာတ်လမ်းထဲမှာ တခြား စိတ်ဝင်စားစရာ ဇာတ်ကွက်လေးတွေ ရှိပါသေးတယ်။ တခုခုကို မမေ့နိုင်မပျောက်နိုင် နေ့စဉ်မှန်မှန် ပန်းစည်းလေး လာချနေတဲ့ အဘိုးကြီးတယောက်ကိုလည်း နှိုင်းယှဉ် တွေးတောစရာ ဖြစ်အောင်ပြထားသေးတယ်။ Frances ၀ယ်လိုက်တဲ့ အိမ်ရဲ့ နာမည်က Bramasole ဆိုတာ နေရောင်ခြည်ကို မျှော်လင့်တမ်းတနေတဲ့ အရာတခု လို့အဓိပ္ပါယ်ရတယ် ဆိုတာကလည်း ဇာတ်လမ်းရဲ့ ဆိုလိုချက်ကို ပံ့ပိုးပေးထားပါတယ်။

ကြိုက်မိတဲ့ စကားပြောလေးတွေ ရှိပါတယ်။ အဲဒီအထဲမှာတော့ Katherine ဆိုတဲ့ အမျိုးသမီးကြီးက Frances ကို ပြောခဲ့တာတချို့လည်း ပါတယ်။

Katherine: Regrets are a waste of time. They're the past crippling you in the present.
နောင်တတွေဟာ အချိန်ကို အလဟသဖြစ်စေတယ်။ ဒါတွေက မင်းရဲ့ ပစ္စုပ္ပန်ကို ချိနဲ့စေတဲ့ အတိတ်တွေပဲ။

Katherine: Never lose your childish innocence. It's the most important thing.
မင်းရဲ့ကလေးဆန်တဲ့ အပြစ်ကင်းစင်မှုကို မပျောက်ပါစေနဲ့။ အဲဒါ အရေးအကြီးဆုံးအရာပဲ။



ဒီနေရာမှာ (ကိုယ်တယောက်တည်းအနေနဲ့) နားလည်မိတာ တခု ရှိပါတယ်။ အခွင့်အရေး (opportunity) နဲ့ အခွင့်အလမ်း (chance) တူမလိုလိုနဲ့ နည်းနည်းကွဲတယ်လို့ ခံစားမိတယ် ။ (သဘောတူချင်မှတူပါ။ ထင်တာပြောတာ။)

အခွင့်အရေး (opportunity) လို့ ပြောလိုက်ရင် အပေါင်းလက္ခဏာ အဓိပ္ပါယ်ပါတယ် လို့ စိတ်ထဲခံစားရတယ် ။ သေချာမှု ပိုတယ်။ ယူသာယူလိုက်ပါ။ ကောင်းကျိုးကို ဆောင်ကြဉ်းလာမယ်လို့ နားလည်မိသလိုပဲ။ ဒါပေမယ့် အခွင့်အလမ်း (chance) ဆိုရင်တော့ ပိုပြီး ဘက်လိုက်မှု ကင်းတယ်လို့ ထင်မိတယ်။ ကောင်းချင်လည်း ကောင်းမယ် ဆိုးချင်လည်း ဆိုးမယ်။ ဒါပေမယ့် ယူလိုက်ရင်တော့ တခုခု ကြိုးစားခွင့်ကို ပေးထားတယ်။ ကိုယ့်ဆုံးဖြတ်ချက်နဲ့ လုပ်ရည်ကိုင်ရည်ကို မူတည်ပြီး ကောင်းကျိုး ဆိုးကျိုးက ဖြစ်လာမယ် လို့ သဘောပေါက်မိတယ်။ အခွင့်အလမ်းဆိုတာ ပိတ်ဆို့ အကျဉ်းကျပြီး အတိတ်က ရုန်းမထွက်နိုင်တဲ့အချိန်မှာ ပေါ်ပေါက်လာတဲ့ လမ်းစ တခုလိုပါပဲ။ အဲဒီလမ်းစကို မြင်လိုက်သလား ဆိုတာရယ် လှမ်းယူလိုက်ပြီး ဘယ်ကိုရောက်သွားမလဲ ဆိုတာရယ် ကတော့ ကိုယ့်ဥာဏ်ပညာ အဆုံးအဖြတ်နဲ့ အားထုတ်မှုမှာပဲ ဆက်မူတည်နေမယ်။

ဒီဇာတ်လမ်းက ပြောထားတယ်။ ဘ၀မှာ အခွင့်အလမ်းဆိုတာ အကြိမ်ထောင်ချီ လာပါတယ်တဲ့။ တစ်ခုသာ ယူလိုက်ဖို့လိုပါတယ် တဲ့။ အခွင့်အလမ်းကို အခွင့်အလမ်းမှန်း သိဖို့တော့ လိုမယ်။ ဘယ်အချိန်မှာ လှမ်းယူပြီး ဘယ်လို ဆက်လုပ်ရမယ် ဆိုတာ သတိမပြတ်ဖို့တော့ လိုပါမယ်။ အတိတ်မှာ နစ်မြုပ်ပြီး စိတ်ဓာတ်ကျဆင်း နေမယ့်အစား ရုန်းထွက်ချင်စိတ်လည်း ရှိရပါမယ်။ ဒီဇာတ်လမ်းက လူတဦးချင်းရဲ့ ပုဂ္ဂလိက ဘ၀ကို ဖော်ကျုးပါတယ်။ လူအများနဲ့ အစုအဖွဲ့နဲ့ ဆိုင်တဲ့ ကိစ္စတွေမှာဆိုရင်ရော ဘယ်လို အဓိပ္ပါယ် သက်ရောက်နိုင်မလဲ။ ဆက်တွေးနေမိတယ်။

ပန်ဒိုရာ


18 comments:

khin oo may said...

ရတဲ့အခွင့်အရေးကို မလွတ်အောင် ဆုပ်နိုင်ဘို့လည်းလိုသေးတယ။် တစ်ခါတလေ တစ်သက်မှာ တစ်ခါဘဲရတတ်တယ်လေ။

Moe Cho Thinn said...

ရုပ်ရှင်လေးက ကောင်းလိုက်တာ။ ဖြစ်တတ်တဲ့ လူ့သဘော သဘာဝလေးတွေကို ခပ်ပါးပါးလေး ပြသွားတာနော်။
လူတိုင်းရဲ့ဘ၀မှာ အနိမ့်အမြင့်တွေ ရှိကြတယ်။ နိမ့်တဲ့အချိန်မှာ ကိုယ်က လိုက်ပြီး ကိုယ့်ကိုယ်ကို မနှိမ့်လိုက်ဖို့ လိုတယ် ထင်မိတယ်။ နို့မို့ဆို ကိုယ့်တံခါးကို လာခေါက်တဲ့ အခွင့်အလမ်းတွေကို သတိမပြုမိဘဲ လွတ်သွားမှာ..။

နေညိုရင့် said...

ဒီရုပ်ရှင်ကို ကြည့်ဖို့  အခွင့်အရေး ဖန်တီိး လိုက်ဦးမယ်ဗျာ။

ဇနိ said...

Diane Lane ကို သဘောကျတယ် ကျေးဇူးပါ ဒေါ်ပန်
ရှာဖွေကြည့်လိုက်ပါဦးမယ်

Nu Thwe said...

Good point. One needs not be the victim of 'learned helplessness' to be able to grab a chance or chances.

MANORHARY said...

Yeah! The Opportunity and Chance are not the same...There will be so many
Opportunities which we don't want to hold anything but some few chances we want to try..that's the life !!

ရွာသားလေးဝိုင်တီယူ said...

ပထမနှစ်တုံးက ကျက်ခဲ့ဖူးတဲ့ မြန်မာစာ စကားပုံလေးကို သတိရသွားမိတယ်
"အခွင့်အရေးဆိုတာ တံခါးကို ခေါက်ရုံသာခေါက်တတ်သည် တွန်းဖွင့်၍ ၀င်မလာတတ်တဲ့။" အခွင့်အရေးဆိုတာကို သိနေဖို့လိုသေးတာကိုး။ ပေးတုန်းက မယူ ဝေးသွားမှတမ်းတနေလို့ကတော့ အပိုတွေပါပဲလေ...

အိန္ဒြာ said...

ပန်ဒိုရာရေ..

အကြိမ်ပြီတစ်ထောင်ထဲက..
တစ်ခုကို...မိမိရရ...
ဆုတ်ကိုင်မိခဲ့ကြ..သ..လား....

ဘာပဲပြောပြောမျှော်လင့်ချက်..ရောင်ခြည်တွေ..
မြင်လိုက်ရတာပေါ့....

ကျနေတဲ့စိတ်တွေ..အတွက်
အားဆေးကောင်းတစ်ပုဒ်ပေါ့...

ကျေးဇူးတင်ပါတယ်..မပန်ရေ..

Phyo Maw said...

ဝေမျှတဲ့ အတွက် ကျေးဇူးပါ...။

Kay said...

ကြည့်ဖူးတဲ့ ကြိုက်ဖူးတဲ့ ကားလေးပေါ့ကွယ်-
တို့ကတော့..အဲဒီ ကားထဲမှာ ဘာကို သွားခံစားရသလဲ ဆိုတော့..လွတ်လပ်ခြင်း.. တပြိုင်တည်းပဲ တွဲပါနေတတ်တဲ့..မေတ္တာ ငတ်မွတ်ခြင်း။

အိမ်အိုကြီးကို သူ မြင်မြင်ချင်း ချစ်သွားတာ .. ရုပ်တန်ဖိုးတဲ့ ပိုတဲ့ အိမ်ကြီးရဲ့ စွဲဆောင်မူ..
မိန်းမ အဖော်ခြင်း ကြားက..ခင်မင် သံယောဇဉ်
( သူ့သူငယ်ချင်း.. grey' anatomy ထဲက..တရုတ်မင်းသမီး ကိုလည်း သဘောကျတယ်..သရုပ်ဆောင်ကောင်းလို့)

လူ့ဘ၀ တွေရဲ့..လူဆန်မူတွေ..မေတ္တာတွေ.. ရုန်းမထွက်နိုင်ခြင်းတွေ..ရုန်းထွက်ပြေးခြင်းတွေ.. မျှော်လင့်ချက်တွေ..

အဖြေမပါတဲ့... လူ့ဘ၀ ဇတ်လမ်းကောင်းလေး တခုပါ။

( အကြိုက်တူ)း)

မောင်မျိုး said...

ဒေါ်လေးရေ့ ...ဒီပို့စ်လေးတွက် ကျေးဇူး စာကြွင်းတွေကတော်တော် ကောင်းတယ် ။

Katherine: ဆိုတဲ့ အမျိုးသမီးကြီးပြောတဲ့ စကားလေး သိပ်ကို တန်ဖိုးရှိတာပဲ ကူးသွားပြီဗျာ..။


နောင်တတွေဟာ အချိန်ကို အလဟသဖြစ်စေတယ်။ ဒါတွေက မင်းရဲ့ ပစ္စုပ္ပန်ကို ချိနဲ့စေတဲ့ အတိတ်တွေပဲ။


မင်းရဲ့ကလေးဆန်တဲ့ အပြစ်ကင်းစင်မှုကို မပျောက်ပါစေနဲ့။ အဲဒါ အရေးအကြီးဆုံးအရာပဲ။

Phyo Evergreen said...

Opportunity ဆိုတာကို ပေးလာလို့ ရတဲ့အခွင့်အရေးလိုထင်တယ်... တစ်ခါလုပ်ပြီးရင်ပြီးသွားမယ်.။ Chance ကိုတော့ ကိုယ်ဘာသာရွေးခွင့် ရှိတဲ့အခွင့်အလမ်း.. အမြဲဆက်လျှောက်နေရမယ်လို့ထင်တယ်..။

မမသီရိ said...
This comment has been removed by the author.
မမသီရိ said...

ဒီပို့စ်လေး ရေးပေးတဲ့ မပန် ကို ကျေးဇူးတင်တယ်
ဒီရုပ်ရှင်တော့ မကြည့်ဖြစ်သေး
ဒါပေမဲ့ အဲဒီအျမိုးသမီးရဲ့ ဘ၀ ကို ကိုယ်ချင်းစာ နိုင်ပါရဲ့
....
opportunities နဲ့ chance နဲ့ မတူဘူးဆိုတာလဲ သေချာတာပေါ့
'opportunity' means "favorable; good for a purpose"
'chance' means luck; happening without known cause or planning

Brave Leo said...

Ma Pan..!

Thanks a lot...! Then it is true that the meaning of "Opportunity" and "Chance" looks like same but not.
I absolutely agree that it is not easy to grab the chance that's why all the people can not success in their life.

KT (Malaysia)

YoungGun said...

ဆုပ်ကိုင်လိုက်တဲ့ အခွင့်အရေးက တစ်လွဲကြီးဖြစ်နေရင်တော့ ဂွပဲ။ လူအများနဲ့ အစုအဖွဲ့နဲ့ ဆိုင်တဲ့ ကိစ္စတွေမှာဆိုရင်ရော ဘယ်လို အဓိပ္ပါယ် သက်ရောက်နိုင်မလဲ ဆိုတာကတော့ အတော်လေး ဟုတ်ပါတယ်။ ခေါင်းဆောင်တစ်ယောက် အမြင်မှားသွားတာနဲ့ တိုင်းပြည်တစ်ပြည်ဟာ နှစ်ပေါင်းဆယ်စုချီပြီး ... ရွှေပြည်တော်မျှော်တိုင်းဝေးခဲ့ရပါပေါ့။

သီဟသစ် said...

မပန်ရေ
ဇာတ်ကားကို ကိုယ်တိုင်ကြည့်ရင်တောင် အဲဒီလောက်ပြည့်ပြည့်စုံစုံ ခံစားသိနိုင်မယ် မထင်ပါဘူး။
Thanks.

Life offers you a thousand chances ... all you have to do is take one.

အဲဒီစကားလေးကို သဘောကျပြီးယူသွားပါတယ်။

သက်ပိုင်သူ said...

ကြည့်ချင်နေတဲ့ ရုပ်ရှင်လေး အခုထက်ထိ ကြည့်ဖို့အချိန်မရသေးဘူး.. ကျေးဇူးပါ မမပန်