ဝိဘစ္ဆ

ဝိဘစ္ဆ

ကျောက်တောင်ကျောက်စွန်းတွေကြားက
ဖုန်မူန့်တွေအလိမ်းလိမ်းကြားမှာ
ကျောက်သားတွေလိုမာကျောပြီး
ဖုန်မှုန့်တွေဖုံးလွှမ်းနေတဲ့နှလုံးသားတွေဟာ
တန်ခိုးရှင်ရဲ့အမိန့်တော်ကို
သွေးနဲ့လဲပြီးနာခံရန်အသင့်ဖြစ်နေကြတယ်။

သိန်းငှက်တစ်ကောင်ကလည်း
အတောင်တွေတဖြန်းဖြန်းခတ်
လေဟုန်မှာ ၀ဲ လို့ ချောင်းမြောင်းရင်း
မာန်ပြင်းတွေမလျှော့နိုင်သေးဘူး။

လောဘ
ဒေါသ
သံသယ
အာဃာတ
အကြောက်တရား
အဲဒါတွေပေါင်းလိုက်တော့
အပျက်အစီး
သွေးထွက်သံယို
လူ့အသက်
ညည်းညူသံ
ငိုသံတွေ သောသောညံသွားတယ်။

အယူအဆလား အယူဝါဒလား
စီးပွားရေးလား လူမျိုးရေးလား
သင်ကျွန်ုပ်လက်တစ်ချောင်းကိုဖြတ်လို့
သင့်လက်တစ်ချောင်းကိုကျွန်ုပ်ပြန်ဖြတ်တာလား။
သင့်လက်တစ်ချောင်းကိုဖြတ်လိုက်မှသာ
ကျွန်ုပ်ရဲ့လက်ချောင်းတွေကြီးထွားစေလား။
သင့်လက်တစ်ချောင်းဟာ
ကျွန်ုပ်ရဲ့လက်တစ်ချောင်းလောက်တန်ဖိုးမရှိတာလား။
သင့်လက်တစ်ချောင်းဖြတ်လိုက်ခြင်းဖြင့်
လက်ချောင်းများစွာကိုကယ်တင်နိုင်လိုက်ခြင်းလား။
ဘာဥပဒေသ ပြပြ
ဘယ်သူက စစ
မွမွကြေနေတဲ့ လက်ချောင်းအပြတ်အပြတ်တွေ
ဟိုမှာ မြင်မကောင်းအောင်ပြန့်ကျဲကုန်ပြီ။

လောကငြိမ်းချမ်းရေးဆိုတာ
ဘာ..ညာ..
လက်ခါခါခေါင်းခါခါနဲ့
ရှင်းပြဖို့ကြိုးစားနေတဲ့ဖခင်ကို
ပါးစပ်အဟောင်းသားနဲ့ နားစွင့်နေတဲ့
ကလေးငယ်ရဲ့ မျက်ဝန်းတစ်စုံက
မျှော်လင့်ချက်ရောင်ခြည်တွေ
အနာဂတ်မှာလည်း
အပြစ်ကင်းစွာဆက်လက်လင်းလက်နေပါစေကွယ်။

လူသားတွေရဲ့ ရင်ခွင်တွေဟာ
လှိုင်းတံပိုးတွေလိုမို့မောက်ရင်ခုန်ရလွန်းလို့
နာကျင်လှပြီ
ဒီဂြိုဟ်ပြာပြာဟာ ကျိန်စာသင့်နေရော့သလားကွယ်
မီးကိုတွေ့ရှိခဲ့
မီးကိုကြောက်လန့်ခဲ့
မီးကိုအသုံးချခဲ့
မီးလျှံတွေကြား ပြာကျသွားဖို့တော့မဟုတ်ဘူးနော်။

သွေးစွန်းနေတဲ့ အတောင်ပံဖြူဖြူတွေနှေးကွေးလာပြီ
ကိုက်ချီထားတဲ့သံလွင်ခက်ဟာ
သန်းပေါင်းခြောက်ထောင်ကို
ဘယ်လောက်တောင်များညီညီမျှမျှ
(တရားလည်းမျှမျှတတ)
ကြဲချပေးနိုင်မှာလဲ
အဲဒါတွေမတွေးပါရစေနဲ့
ချိုးဖြှူုငှက်တွေဟာငါတို့ကိုယ်တိုင်ဖြစ်တယ်။ ။


ပန်ဒိုရာ
၉၊၃၊၂၀၀၆