Sunday, June 14, 2009

အသံမဲ့တေးတစ်ပုဒ်

အခုရက်မှာ ဘာမှမရေးချင်လို့ ဘာမှမရေးဖြစ်ဘူး။ တက်ဂ်ထားတာတွေကိုတော့ မကြာခင် ရေးဖြစ်အောင် ကြိုးစားပါ မယ်။ လောကအလှ အွန်လိုင်းမဂ္ဂဇင်းမှာ ဖော်ပြခဲ့တဲ့ ၀တ္ထုလေးကို ပြန်တင်လိုက်ပါတယ်။ အဲဒါကလည်း ရေးပြီးတော့မှ ဒီလိုအကြောင်းအရာတွေ ရေးဖြစ်တာ များနေပြီလို့ ကိုယ့်ဘာသာ ပြန်မြင်ပြီး သိပ်စိတ်တိုင်းမကျသလိုဖြစ်သွားလို့ပါ။ ခံစားမှုသက်သက်ဖြစ်ဖြစ် တခုခုတော့ ပေးနိုင်မယ် ထင်ပါတယ်။ ဘလော့ဂ်ထဲမှာ နှေးကွေးလေးလံ ထုံထိုင်းနေတာတွေ ဂျွန်လကုန်လောက်မှာ အလုပ်တွေ နည်းနည်း အနည်ကျသွားလို့ စိတ်ကြည်လင်လာရင် ပြန်သွက်လက်လာမယ် မျှော်လင့်ပါတယ်။ သည်းခံလက်စနဲ့ ဆက်ပြီး သည်းခံကြပါဦး။

-------------------


အသံမဲ့တေးတစ်ပုဒ်



“ မျှော်သာမျှော် ပေါ်မလာသူရယ် စိမ်းကား.. မချစ်လို့မုန်းလို့ ပုန်းနေလား ... ကိုယ့်သီချင်းသံလေးများ ကြားရင်..”

ဟော.. ကြားရပြန်ပြီ။ မြန်မာသီချင်းသံ။ သေသေချာချာ နားစိုက်ထောင်တော့ အသံက တိုးလျသွားပြန်သလိုလို။ သူမရဲ့ အိပ်ရာနံဘေးက ပြတင်းပေါက်ကလေးကနေ ကြည့်လိုက်လျှင် အဲသည်တိုက်ခန်းရဲ့ ရေချိုးခန်း အထက်ဖက်က တရုတ်ကတ်မှန်လေးတွေကို တစွန်းတစ လှမ်းမြင်နေရလေသည်။

အပြင်ဖွဲ့စည်းပုံက အင်္ဂလိပ်အက္ခရာ အယ်လ် ပုံသဏ္ဍာန် ထောင့်ချိုးနေသဖြင့် သူမအိပ်ခန်းက ကြည့်လျှင် နောက်တစ်ထပ် အမြင့်မှာ တည်ရှိနေတဲ့ အဲသည်တိုက်ခန်းလေးရဲ့ အပြင်နံရံဖြူဖြူကို လှမ်းမြင်နေရသည်။ လူသူတိတ်ဆိတ်လို့ သူမ တစ်ယောက်တည်း အာရုံစူးစိုက် စာဖတ်နေချိန်တွေမှာ ရေချိုးခန်းထဲက သီချင်းဆိုသံ ချိုသြသြက လွင့်ပျံလာတတ်သည်။

စကြားခါစတော့ မြန်မာသံ ပီပီသသ ကြားလိုက်တာမို့ အံ့သြ စပ်စုစွာ နားစွင့်လိုက်တာလောက်ပဲ ဖြစ်သည်။ နောက်တော့ သူဆိုတဲ့ သီချင်းတွေက ရယ်စရာ ကောင်းတဲ့အခါကောင်း ခံစားချက် အပြည့်နဲ့ အတည်ပေါက် ဖြစ်လိုဖြစ်မို့ သဘောကျစွာ ဒီအချိန်ရောက်တိုင်း သတိထား နားထောင်မိတာ ကြာခဲ့ပြီ။

တခါတလေတော့ သူက ခေတ်ပေါ် ဟစ်ပ်ဟော့ပ် သီချင်းတွေကို ပါးစပ်ဆိုင်းပါ တီးကာ ခပ်မြူးမြူး ဆိုတတ်သည်။ တခါတလေကျတော့လည်း ခေတ်ဟောင်းသီချင်းတွေ စန္ဒယားချစ်ဆွေတို့ ကိုစောညိမ်းသီချင်းတို့ တွံတေးသိန်းတန်ပါမကျန် အသံနေ အသံထားဖြင့် အကျအန ဆိုချင်ဆိုနေပြန်သည်။

သူမ နှစ်သက်တတ်တဲ့ စိုင်းထီးဆိုင်တို့ ခင်မောင်တိုးတို့ သီချင်းတွေကို စိတ်ပါလက်ပါ ဆိုနေတဲ့ နေ့မျိုးမှာတော့ ဖတ်လက်စ စာအုပ်ကိုပင် ဘေးချကာ နားစွင့်မိသေးသည်။ တနေ့တနေ့ သူ့ခံစားချက် ပြောင်းလာတိုင်း သီချင်းက ပြောင်းနေတာ ဖြစ်နိုင်သည်။ သေချာတာကတော့ အခုလိုအိမ်နဲ့ဝေးတဲ့ တိုင်းတပါးက မြို့ပြနိုင်ငံ သေးသေးလေးမှာ တင်းကျပ်လာတဲ့ စိတ်တွေကို ခေတ်မျိုးစုံက သီချင်းတွေနဲ့ ရေမှုန်ရေမွှားတွေအောက်မှာ လျှော်ဖွပ်ဆေးကြောတတ်တဲ့ သူဟာ သိပ်ကို ငယ်ရွယ်တဲ့ လူငယ်လေးတစ်ယောက်တော့ မဖြစ်နိုင်။ အနည်းဆုံးတော့ အသက် ၃၀ ၀န်းကျင် လူရွယ်တစ်ယောက် ဖြစ်ရမည်။ ဒါဆိုလျှင်တော့ သူမနဲ့ မတိမ်းမယိမ်းပေါ့။

တကယ်တော့ သူမ ဘ၀ထဲမှာ တစိမ်းယောင်္ကျားလေး တစ်ယောက် ဆိုတာကို မစားအပ်တဲ့ သစ်သီးတစ်လုံးလို ထိတ်လန့်တကြား ဝေးဝေးက ရှောင်ခွာနေခဲ့တာ ကျင့်သားရနေခဲ့ပြီပဲ။ ကံအားလျော်စွာ နိုင်ငံရပ်ခြားမှာ ဘွဲ့လွန်ဆက်တက်ဖို့ ကျောင်းဝင်ခွင့်ရတော့ အရင်ကတည်းကချခဲ့တဲ့ ဆုံးဖြတ်ချက်တွေက ပိုခိုင်မာလာခဲ့သည်။

ငါ့မှာအချိန်တွေမရှိဘူး…။ ငါ့ဘ၀ဟာ ငါ့မိသားစုအတွက်…။ ငါ့မှာ လုပ်စရာတွေ အများကြီးရှိသေးတယ်…။ ဒါက သူမရဲ့ လက်သုံးစကားတွေ။

မိသားစုမှာ အကြီးတစ်ယောက် ဖြစ်ရတာ ကံဆိုးတယ်လို့ မှတ်ယူရမလား။ ရိုးသားတဲ့ ၀န်ထမ်းမိဘတွေဟာ သူမတို့ မောင်နှမတွေကို လူတန်းစေ့ ထားနိုင်ရုံ ပြည်တွင်းက ဘွဲ့လေး တစ်လုံးရဖို့ ပံ့ပိုးပေးရုံအပြင် ခန်းခန်းနားနား မတည်ဆောက်ပေးနိုင်ခဲ့တာကလည်း ဘယ်လိုမှ အပြစ်တင်ရက်စရာ မရှိပါလေ။

ဒီကိုရောက်လာတော့ ကျောင်းစအပ်ပြီး ရက်ပိုင်းအတွင်းမှာ အချိန်ပိုင်း အလုပ်တစ်ခုခု ရှာနေသည်ဟု ဆိုလာသော သူမကို သူငယ်ချင်းများက အံ့သြတကြီး ကြည့်ကြလေသည်။

“ခင်လေးရယ်.. တကယ် တရားဝင် အလုပ်လုပ်ခွင့်ရမှာက ပထမ ခြောက်လတန်း ပြီးမှလေ။ ခဏတော့ နေလိုက်ပါဦးလား။ မိသွားရင်လည်း မကောင်းဘူး။ နောက်ပြီး စာတွေက လိုက်နိုင်ပါ့မလား မသေချာသေးဘူးလေ။ ဒီမှာက အဆိုင်းမဲန့် တွေရော ပရောဂျက်တွေပါ ရှုပ်နေတာပဲ။”

“မပူပါနဲ့ဟာ.. စာတွေ လိုက်နိုင်မှာပါ..”

သူမက ရယ်ကျဲကျဲနှင့် သည်လို ပြန်ဖြေရင်း သတင်းစာတွေကို လှန်ကာ အလုပ်ကြော်ငြာ ကော်လံသေးသေးလေးတွေကို မျက်ခြေမပြတ် လိုက်ကြည့်လေ့ရှိသည်။ အမယ်.. ညဆိုင်းများ လုပ်နိုင်လျှင် တနာရီကို ၇ ဒေါ်လာ တောင် ရမယ် ဆိုပဲ။ ဒါပေမယ့် တစ်ပတ် အနည်းဆုံးလုပ်မှ လုပ်ခကို စပေးမှာတဲ့။ သြော်.. ပညာသင်ဆု သာ ရခဲ့မယ် ဆိုလျှင် တော်တော် အဆင်ပြေမှာပဲလေ။

နိုင်ငံခြားထွက်ဖို့ ဆိုသည်မှာ အပိုစုငွေရယ်လို့ ဘာမှ မရှိနိုင်ခဲ့တဲ့ သူမတို့ မိသားစုလေး အဖို့တော့ အတော့်ကို ကသီလင်တ နိုင်ခဲ့ပါသည်။ ကျောင်းလျှောက်စားရိတ်က အစပြုလို့ လေယာဉ်ခ၊ ကျောင်းလခနှင့် ဒီကိုရောက်လျှင် အနည်းဆုံး တစ်လစာ နေထိုင်စားရိတ်အတွက် ဆွေမျိုးများထံမှ ခေတ္တချေးယူလာခဲ့ရသော ငွေကြေးပမာဏက သူမကို ဖိစီးသည်။ ဒီကြားထဲ ဆယ်ကျော်သက် မောင်လေးက တဖွဖွ မှာတတ်သေးသည်။

“မမ.. ဟိုမှာ Levis ဂျင်းဘောင်းဘီတွေ ဆိုရင် နောက်ဆုံးပေါ်ဒီဇိုင်းနဲ့ အစစ်လည်း ဖြစ်တာ သေချာတယ်။ ကျွန်တော့်အတွက် ၀ယ်ထည့်ပေးလိုက်နော်။ ကျွန်တော့ ခါးဆိုက်ဇ် ကို မှတ်သွား။”

“ဟဲ့.. မောင်လေးရယ်..။ အနည်းဆုံးတော့ ဒေါ်လာ တစ်ရာကျော်မှာပေါ့။ နင်ကလည်း ကြည့်ကျက်မှာပါဦး။ နင့်အစ်မက ကျောင်းသွားတက်တာလေ။ ကျောင်းပြီးသွားပြီး အလုပ်ရမှ ငါတတ်နိုင်ရင် ၀ယ်ပေးမှာပေါ့။”

သည်လို ပြန်ပြောမိပေမယ့် Levis ဆိုင်ရှေ့က ဖြတ်လျှောက်မိတိုင်း ဟိုဒီဇိုင်းလေးဆိုရင် အချစ်ဆုံး မောင်လေးနဲ့လိုက်မှာပဲ ဒီအရောင်လေးမြင်ရင် သူလိုချင်ရှာမယ်.. စသည်ဖြင့် အတွေးရောက်မိသေးသည်။

သည်တော့လည်း သူမရဲ့ တွက်ချက်မှုတွေက ပိုမို ကျစ်လျစ်လာခဲ့သည်။ ခေါက်ဆွဲခြောက် ၅ ထုပ်ပါတာက ဒီတံဆိပ်ဆိုလျှင် ၁ ဒေါ်လာနဲ့ ဆင့် ၈၀ ပဲကျမယ်။ ကြက်ဥ ၁၀ လုံးပါသောကဒ် ၀ယ်လျှင် ဘယ်အမျိုးအစားက ၂ ဒေါ်လာအောက် ဖြစ်မလဲ။ ဘယ်လို စားသောက်ရင် အသက်သာဆုံး ဖြစ်မလဲ။ ကျောင်းသွားချိန် ညနေ ၅ နာရီကနေ ည ၉ နာရီ။ စာကျက်ချိန် ည ၁ နာရီ အထိထား။ မနက်စောစော ထပြီး အချိန်ပိုင်းအလုပ် ၆ နာရီလောက် လုပ်မယ်ဆိုရင်…။ မလိုအပ်ရင် ဖုန်းမဆက်ကြပါနဲ့နော်။ ဘာ.. သူငယ်ချင်းတွေ စုဝေးပွဲဟုတ်လား။ ဘုန်းကြီးကျောင်း အလှူ..။ ဆောရီး။ ကျွန်မ မလာနိုင်ဘူး။ တကယ်ကို အချိန်မရလို့ပါနော်..။ သူမဟာ ငွေကြေးတွက်ချက်မှုတွေနဲ့ အချိန်တွေနဲ့ ရုန်းကန် လွန်ဆွဲနေလေရဲ့။

အမိမြေထက် အဆမတန် တိုးတက်နေတဲ့ ကျွန်းပြာပြာ နိုင်ငံသေးသေးလေးမှာ ခန်းနားထည်ဝါတဲ့ ကုန်တိုက်ကြီးတွေနဲ့၊ လှပသစ်လွင်တဲ့ အသုံးအဆောင်တွေနဲ့။ သူမအတွက်တော့ နွေးထွေးခိုလှုံရာ ရှားပါးလိုက်တာကွယ်။ စာအုပ်ထူထူတွေထဲမှာ ခေါင်းနှစ်လို့။ အချိန်ပိုင်း အလုပ်ခွင်ထဲမှာ အလုပ်ကြပ်ရဲ့ အဆူအကြိမ်းသံကြားမှာ အမှားအယွင်းနည်းအောင် အာရုံစူးစိုက် ညောင်းညာလို့။ သည်လို့နဲ့ သူမပိုင်ဆိုင်တဲ့ ညနက်နက်တွေ ရောက်တဲ့အခါမှာတော့ ကြင်နာတတ်တဲ့ တစ်ယောက်ယောက်ရဲ့ ရင်ခွင်ထဲမှာများ ချွဲနွဲ့တိုးဝင်ခွင့် ရခဲ့မယ် ဆိုရင်..။ အိုး.. မလိုအပ်တဲ့ အတွေးတွေကို မောင်းထုတ်လိုက်ရပြန်ပြီ။

သူမအတွက် နားခိုရာဆိုတာ သူမတစ်ယောက်တည်းပဲ ရှိနေတတ်တဲ့ ဟောသည် အခန်းကျဉ်းကလေးသာ ဖြစ်သည်။ ညရဲ့တိတ်ဆိတ်ခြင်းတွေက သူမရဲ့ တနေ့လုံး ဆူပွက်နေတဲ့ သွေးကြောတွေကို အနည်ထိုင်စေသည်။ မနက်ည ၀င်ချိန်ထွက်ချိန် မတိုက်ဆိုင်လို့ သူမရဲ့ ခုတင်ဘေးက အခန်းဖော်နဲ့ဆိုတာလည်း မျက်နှာချင်း မဆိုင်ဖြစ်ခဲ့တာ ဘယ်နှစ်လ ကြာနေပြီလဲ။

“ဒီတခါ လမင်းတွေ့ရင် ပြုံးဖြစ်အောင် ပြုံးပြလိုက်ပါကွယ်..”

ဟော.. သီချင်း က ပြောင်းသွားပြန်ပြီ။ ဒီည သူ နည်းနည်း ပျော်နေသလား။ အသံက ရွှင်ပျတဲ့ အရိပ်အယောင် ပါနေသည်။ တခါတလေတော့ သူဟာ ဘယ်လိုပုံပန်းလဲ သူမ သိချင်လှပါသည်။ တစ်တိုက်တည်း နေကြသူတွေမို့ အလုပ်သွားချိန် ကျောင်းသွားချိန်တွေမှာ ဓာတ်လှေခါးထဲ ဖြစ်ဖြစ် မဆုံနိုင်ဘူးလား။ သူဘယ်လိုပုံစံလဲ မသိမသာ တစေ့တစောင်း ကြည့်လိုက်ရုံနဲ့တော့ အပြစ်မဖြစ်နိုင်ဘူး ထင်ပါရဲ့။

ခုတလောတော့ အလုပ်ပင်ပန်းလို့လား အိပ်ရေးတွေပျက်လွန်းလို့လား။ ခံစားရသည်က နွမ်းနွမ်းလျလျ ရီရီဝေေ၀။ မှတ်ဥာဏ်တွေကလည်း အရင်လို မကောင်းချင်တော့။ တခါတလေများဆို ဒါ အလုပ်သွားရမယ့် အချိန်လား ကျောင်းသွားရမယ့် အချိန်လားဟု ဝေေ၀၀ါးဝါး နိုင်လွန်းလှသည်။ နိစ္စဓူဝ ပုံမှန်လှုပ်ရှားနေသော စက်ရုပ်ဆန်ဆန် ဇယားကွက်ထဲမှာ ဟောဒီအခန်းထဲက သူမ၏ ကိုယ်ပိုင်အချိန်လေးဆီ ပြန်ရောက်မှသာ အသိစိတ်က ပြည့်ပြည့်၀၀ ပြန်ဝင်လာသည် ဟု ဆိုနိုင်မည်။ သစ်သား စားပွဲလေး တစ်လုံးရယ်၊ စာအုပ်ထူထူတွေရယ်၊ အဆင်အယင်ကင်းမဲ့တဲ့ တစ်ယောက်အိပ် အိပ်ယာ တစ်ခုရယ်၊ ဘယ်တော့မှ မျက်နှာချင်း မဆိုင်ဖြစ်တဲ့ အခန်းဖော်ရဲ့ လူမရှိတဲ့ ခုတင်ရယ်၊ တချက်ချက်မြည်နေတဲ့ နာရီသံတွေရယ်၊ လရောင်ကို မမြင်ရတဲ့ ပြတင်းပေါက်ရယ်၊ သွေ့သွေ့ခြောက်ခြောက် အုတ်နံရံဖြူဖြူတွေရယ်၊ ပြီးတော့.. ပြီးတော့.. သဲ့သဲ့ လှမ်းကြားရတတ်တဲ့ သူ့သီချင်းသံ ချိုသြသြရယ်ပေါ့။ အဲဒါ.. သူမရဲ့ ကိုယ်ပိုင်အချိန်တွေမှာ သူမ ပိုင်ဆိုင်တဲ့ ကမ္ဘာ..။

မေမေရေ.. နောက် သုံးလ လောက်ဆို အကြွေးယူလာခဲ့တဲ့ ပိုက်ဆံတွေ ကျေမယ် ထင်ပါတယ်။ နောက် ပညာသင်နှစ်ထဲမှာတော့ အိမ်ကို ပုံမှန် ငွေပို့နိုင်အောင် အထိ သမီးကြိုးစားပါမယ်။ ဖြစ်နိုင်ရင် ပညာသင်ဆု ရအောင်လည်း ပြန်လျှောက်ကြည့်ဦးမှာ မေမေရဲ့..။ အတွေးထဲမှာ အိမ်ကို စာရေးနေမိပြန်သည်။ ဖုန်းဆက်ရတာကလည်း ဈေးကြီးလိုက်တာ။ အလွမ်းဖြေခ လို့ သူမဘာသာ နာမည်ပေးထားသည့် ဖုန်းကဒ်ကလေးတွေရဲ့ ကုန်ကျစားရိတ်ကိုတော့ တွက်တွက်ချက်ချက် မဖြစ်မိအောင် အတတ်နိုင်ဆုံး နေပါသည်။ အဝေးရောက် သမီးကြီးရဲ့ အသံလေးကို ပုံမှန်ကြားရမှ ဖေဖေနဲ့ မေမေက အားရှိသတဲ့။ အဆင်ပြေသလား.. နေကောင်းသလား.. ဘာမှ မထူးခြားသော အလာပ သလာပ စကားလုံးတွေပဲ ဖြစ်စေကာမူ အဲသည် စကားတွေ နောက်ကွယ်က မမြင်နိုင်တဲ့ စွမ်းအားတွေကို သူမက ကောင်းကောင်း တန်ဖိုးထားပါသည်လေ။

သီချင်းသံက ပျောက်သွားခဲ့ပြီ….။ တိတ်ဆိတ်နေသော အခန်းကျဉ်းလေးထဲမှာ အသက်ရှူ မ၀သလို မောလျလာပြန်သည်။ နားထဲမှာ လေတွေ စီစီလောင်လောင် ဖြစ်လာသလိုလို။ အိုး….ထိုင်နေတာ ကြာသွားလို့များလား။ တခါတလေတော့လည်း အခန်းပြင်ထွက် လမ်းလေးဘာလေး လျှောက်ဦးမှပါပဲ။ သူမကို ရေလေးထွက်သောက် လမ်းလေးထွက်လျှောက်ဖို့ သတိပေးမယ့်လူမရှိ။ ညနေစာ ဘယ်လိုစားသလဲ သတိတရ မေးမြန်းမည့်သူမရှိ။ စာကြည့်နေရင်း မောမောပန်းပန်း အိပ်ပျော်သွားလျှင် စောင်ခြုံပေးမည့်သူမရှိ။ သူမ အိမ်ပြန် နောက်ကျချိန်တွေမှာ စိတ်ပူ စောင့်နေမယ့်သူ မရှိ..။ တိုက်ခန်းကလေးထဲမှာ သူမနေတဲ့အခန်းကရော တဖက်ခန်းကရော နေကြသူ အခန်းဖော်တွေမှာလည်း အလုပ်ကိုယ်စီ ကျောင်းကိုယ်စီဖြင့် ဖြတ်သန်းနေရသည့် ကိုယ်ပိုင် ဇယားကွက်ကလေးတွေ ကိုယ်စီနှင့်လေ။

ဧည့်ခန်းထဲကို အထွက် အ၀င်တံခါးက သော့ခလောက် မြည်သံကို ကြားလိုက်ရသည်။ တစ်ယောက်ယောက် အိမ်ပြန်လာပြီ ထင်ပါရဲ့။ ပွင့်လာတဲ့ တံခါးနဲ့အတူ အခန်းထဲကို ၀င်လာသော ယောင်္ကျားလေး နှစ်ယောက်နဲ့ တရုတ်ပုံစံ အမျိုးသမီးတစ်ယောက်က ဧည့်ခန်းမှာ မတ်တပ်ရပ်နေသော သူမကို နှုတ်မဆက်ကြပါ။

“အခန်းက တော်တော်ကျယ်သားပဲ.. လေ၀င်လေထွက်လည်း မဆိုးပါဘူး”

သူမ မှတ်မိနေတဲ့ အသံချိုသြသြကို ကြားလိုက်ရသည်။ သူက ဆက်ပြောပြန်သည်။

“ကျွန်တော်တို့က ဒီအခန်း အပေါ်ထပ်မှာပဲ နေတော့ ဒီရပ်ကွက်နဲ့ကတော့ ရင်းနှီးပြီးသား ဖြစ်နေပြီလေ”

သူမ ရင်ထဲမှာ တဖြတ်ဖြတ် ဖြစ်လာသည်။ ဒီ အသံ.. သီချင်းဆိုခဲ့တဲ့ အသံ။ ဟုတ်တယ်။ ဒါ.. သူမှ သူ အစစ်ပဲ။ ဘာလာလုပ်တာလဲ ဟင်။ ဟိုဘက်ခန်းက တယောက်ယောက်နဲ့ သူငယ်ချင်းမို့ လာလည်တာလား။ ဒါဆိုရင် နောက်ကို သူမနဲ့ ခင်မင်ဖို့တောင် ဖြစ်ကောင်း ဖြစ်လာနိုင်မယ်ပေါ့။ အိုး.. တိုက်ဆိုင်လိုက်တာ။

ဗြုန်းခနဲ သူမ အတွေးကို သူမ ပြန်ရှက်ကာ ခေါင်းငုံ့လိုက်မိပါသည်။ ပြီးတော့မှ သူ့မျက်နှာကို လှမ်းကြည့်ပြီး ပြုံးပြမည်အလုပ် သူမအခန်းဘေးက အခန်းထဲကို သူတို့ဝင်သွားကြသည်။ ဟော.... ဒါကတော့ ပိုင်စိုးပိုင်နင်းပါလား။ သူမ မနေနိုင်ပဲ လိုက်ဝင်သွားတော့ အခန်းတခုလုံးမှာ ပစ္စည်းတွေ ရှင်းလင်းနေသည်ကို တွေ့လိုက်ရသည်။ ဟင်.. ဒီအခန်းက သူတို့တွေ ဘယ်တုန်းက ပြောင်းသွားကြပါလိမ့်။ သူမကိုတောင် မပြောမဆို။

“ကျွန်တော်တို့ အိမ်ရှင်က ဆက်မငှားတော့ဘူးဆိုလို့ ဒီအခန်းကို လာကြည့်တာပါ။”

တရုတ်အမျိုးသမီးက ခေါင်းတညိတ်ညိတ် လုပ်နေသည်။

ဟင်.. ဒီလိုဆို သူတို့က အခန်းလာငှားတာပေါ့။ ဒါပေမယ့်.. ဒါပေမယ့်။ နေပါဦး။ အခုက ယောင်္ကျားလေးတွေကို ငှားဖို့တဲ့လား။ ဒီဘက်အခန်းထဲမှာ မိန်းကလေးတွေ နေနေတယ်လေ။ သူမ စိတ်တိုသွားသည်။ ဟိုတရုတ်အမျိုးသမီး ဟာ ပွဲစား ဖြစ်မှာပေါ့။ ပွဲစားတွေဟာ သိပ်ခက်တာပဲ။ ဒီလို ရောနှော နေလို့တော့ ဖြစ်မလား။ လူအသစ်သွင်းရင်လည်း မိန်းကလေးအချင်းချင်းမှပဲ ဖြစ်တော့မှာပေါ့။ သူမက တခုခုပြောဖို့ အမျိုးသမီးကို ဟန်ပြင်တော့ ယောင်္ကျားလေး နှစ်ယောက်က မီးဖိုချောင်ဘက် ထွက်သွားကြပြန်သည်။ သူမက သူတို့နောက်က လိုက်သွားလိုက်ပါသည်။

“ဒါဆို တိုက်ခန်း တစ်ခန်းလုံး ငှားဖို့ လွတ်နေတာပေါ့.. ဟုတ်လား”

ဟင်.. ဒါက ဘာကို ဆိုလိုတာလဲ။

“ဒီမှာ အရမ်း ကြိုးစားတဲ့ ကောင်မလေး တစ်ယောက် နေခဲ့တယ် ဆိုပဲ။ ကျောင်းတဖက်နဲ့ အအိပ်ပျက်အစားပျက် နေလွန်းတော့ စိတ်မကောင်းစရာ ကြုံရတာပေါ့ကွာ”

အသံချိုသြသြတစ်ယောက်ရဲ့ သူငယ်ချင်းဖြစ်ဟန် တူသူက ခပ်တိုးတိုး ပြောသည်။ သူတို့ ဘာတွေ ပြောနေကြပါလိမ့်။

“ပွင့်ပွင့်လင်းလင်း ပြောရရင်တော့ အခန်းဖော်တွေလည်း ကြောက်လန့်ပြီး အဲဒီကတည်းက ပြောင်းသွားကြတာပဲ။ ကောင်မလေးက မကျွတ်မလွတ်ပဲ ရှိနေတယ်လို့ ယူဆကြတယ်။”

ဘုရား ဘုရား။ သူမ တကိုယ်လုံး သွေးတွေ ဖြန်းခနဲ ပြောင်းပြန်စီးသွားသလို ခံစားလိုက်ရသည်။ ဒါ.. ဒါ.. ဘယ်သူ့အကြောင်း ပြောနေကြတာလဲ။ မဟုတ်တာတွေ..။ တဆိတ်လောက်.. ရှင်တို့.. လွန်လာပြီ။

“ပြောင်းလာရင်တော့ အပေါ်ထပ်အောက်ထပ်ပဲ ဆိုတော့ ပြောင်းတဲ့စားရိတ် သက်သာတာပေါ့။ ဘာဖြစ်လဲကွာ ငါတို့က ယောင်္က်ျားလေးတွေချည်းပဲဟာ။ မကြောက်ပါနဲ့။”

သွား..။ ရှင်တို့ အားလုံး ထွက်သွား။ ဒါ.. ကျွန်မ နေနေတဲ့ အိမ်…။ အားအင်တွေရှိသမျှ ရုန်းကာ သူတို့အားလုံးကို တိုးဝင်… လက်ဖ၀ါးတွေနဲ့ ရိုက်ပုတ်..။ အို.. မရပါလား။ သူမရဲ့ လက်တွေဟာ ဘာမှမရှိတဲ့ ဗလာနယ်ကိုသာ ရိုက်ခတ်နေတော့သည်လေ။

“အဲဒီကောင်မလေးနာမည်က ခင်လေး ဆိုလား..”

သူမ မိုက်ခနဲ ဖြစ်သွားသည်။ ဘာကိုမှ မကြားတော့ မမြင်တော့.. မျက်လုံးထဲမှာ နီနီပြာပြာ…။ အခန်းထောင့်ကလေးမှာ အားအင်ချိနဲ့စွာ ပျော့ခွေကျသွား…..။ တံခါးပြန်ပိတ်လိုက်ပြီ။ စကားပြောသံများ ခြေသံများ တဖြေးဖြေး ဝေးသွားသည်။

ဒါဆိုရင် … သူမဟာ.. သူမဟာ..

တိတ်ဆိတ်နေတဲ့ အခန်းလေးထဲမှာတော့ ဘယ်သူမှ မကြားနိုင်တဲ့ ငိုရှိုက်သံတွေသာ ပဲ့တင်ထပ်ကျန်ရစ်ခဲ့ပြီ။



ပန်ဒိုရာ

( ၂၇ ဧပြီ ၂၀၀၉)



26 comments:

အိန္ဒြာ said...

ဖတ်ပြီးသားကြီး....

အဟင့် အဟင့်

မယ့်ကိုး said...

မမအိန္ဒြာကတော့ ဖတ်ပြီးသားပြီးဆိုပြီး ငိုသွားတယ်။ ကျွန်မကတော့ မဖတ်ရသေးလို့  ပျော်ရွှင်စွာ ဖတ်ဖြစ်ပါတယ်။
မ သိပ်စိတ်တိုင်းမကျဘူး ဆိုပေမယ့် ဖတ်ရတာ ကောင်းပါတယ်။

:P said...

မဖတ်ဖူးသေးဘူး... ဖတ်ကောင်းတယ်..။

TZA said...

မိုက်တယ်.. ဒီလိုသိမ်းသွားမယ်လို့ မထင်ခဲ့ဘူး..

အပြုံးပန်း said...

အရေးအဖွဲ့လေး ကြိုက်လိုက်တာ။
အဲဒီလိုမျိုးလေး ရေးတတ်ချင်တယ်၊
အဆုံးပိုင်းလေးက ထင်မှတ်မထားဘူး။
ရေးတဲ့သူက စိတ်တိုင်းမကျဘူး ဆိုပေမယ့်
သိပ်ကောင်းပါတယ်လို့ ပြောချင်ပါတယ်။

Mhu Darye said...

ဖတ်ရသေးဖူး.. အစပိုင်းမှာတင် အဆုံးကို နည်းနည်းရိပ်မိသလို ရှိပေမယ့်..(ခုတလော ဆင်တင်တင် ဇာတ်ကြောင်းလေးတွေချည်းပဲ ဖတ်မိနေလို့လားရယ် မသိ) ဆုံးတဲ့ထိ သေချာဖတ်သွားပါတယ်။

ပြန်လည်ဖော်ပြပေးတဲ့ အတွက် ကျေးဇူးပါနော်။း)

Rita said...

စိတ်မကောင်းဘူး

Rita said...

ပြန်လျော်ပေး
စိတ်မကောင်း ဖြစ်သွားပြီ

ကိုပေါ said...

အများစု ကြုံတွေ့တတ်ကြတဲ့ အတွေ့အကြုံလေးတွေနဲ့ ဇာတ်လမ်းကို စလိုက်တဲ့အခါ.... ဟုတ်လိုက်တာ၊ အဖြစ်ချင်းတူလိုက်တာ...နဲ့ စိတ်ဝင်တစား ဖတ်ရှုလာလိုက်တာ အဆုံးသတ်မှာ မထင်မှတ်တဲ့ ဇာတ်သိမ်းကလေးနဲ့ အဆုံးသတ်ထားပုံကလည်း ရင်နင့်စဖွယ်ကောင်းသလို ၀တ္ထုတပုဒ်အနေနဲ့လည်း နှစ်သက်စဖွယ် ကောင်းလှပါတယ်။

Ko Boyz said...

မဖတ်ဖူးသေးဘူး။ ခုမှ သေချာ ဖတ်ဖြစ်တာ...။ ကောင်းတယ်။ ကြိုက်တယ်။
ကျေးဇူးတင်ပါတယ်။

ဆောင်းယွန်းလ said...

ဖတ်လို့ကောင်းလိုက်တာမပန်ရေ..

”အလွမ်းဖြေခ လို့ သူမဘာသာ နာမည်ပေးထားသည့် ဖုန်းကဒ်ကလေးတွေရဲ့ ကုန်ကျစားရိတ်” ဆိုတဲ့အသုံးလေးကို သဘောကျမိတယ်..

ဖတ်ပြီးတော့မောသွားတယ်

Anonymous said...

အဟောင်းဆိုပေမယ့် မဖတ်ရသေးလို့
ပြန်ဖတ်ပြီး ခံစားသွားပါတယ်။ စာကောင်းလေးတွေလို့ မျှော်နေမိတယ်။ ဒါပေမယ့် မအားမလပ်ဆိုတော့ ဘယ်လိုမှ မတောင်းဆိုတော့ပါဘူးခင်ဗျာ

myo said...

မေးလ်ထဲမှာ ဖတ်နေတာကနေ ခံစားရလို့ လာပြီးမန့်တာပါ.. ဖတ်လို့ကောင်းပါတယ်မပန်..။

ကျော်ညိုသွေး said...

နာမည်က ခင်လေး တဲ့လား

တန်ခူး said...

ရင်ထဲမှာ ဆို့ နင့်ပြီး ကျန်ခဲ့တယ် ပန်ရေ… စက်ရုပ်ဆန်ဆန် လှုပ်ရှားနေရတဲ့ ဘ၀တွေထဲမှာ ပျော်စရာလေးတွေတော့ ထွက်ပေါက်အနေနဲ့  တခါတလေရှိသင့်တာ အမှန်ပါ… ပျော်စရာတွေနဲ့  ဝေးဝေးသွားတဲ့အခါ တေးတွေလဲ အသံမဲ့ပေါ့… (အလုပ်တွေပိနေတယ်ဆိုလို့  မနှောက်ယှက်တာပါ… လွမ်းတာတော့ အရမ်းပဲ)

လင်းဒီပ said...

ကောင်းလိုက်တာ..။

witch83 said...

လောကအလှမှာ တစ်ခါဖတ်ပြီးသားပါ။ ဒုတိယအကြိမ်မြောက် ခံစားသွားပါတယ်။း)

Moe Cho Thinn said...

ဇာတ်ကောင် ကောင်မလေးလို လိမ်မာရေးခြားရှိပြီး စာကြိုးစားတဲ့ မိန်းကလေးမျိုး၊ မိဘကို သိတတ်တဲ့ မိန်းကလေးမျိုးမို့ ဖတ်ရတာ စိတ်ချမ်းသာနေတာ၊ နောက်ဆုံး ဇာတ်သိမ်းမှာ စိတ်မကောင်းဘူး။ အဟောင်းပေမဲ့ အရမ်းကောင်းလျက်ပါ ပန်ပန်။

သက်ဝေ said...

ချစ်တဲ့ ပန်ပန်...
ဖတ်ပြီးသားပေမယ့် ထပ်ဖတ်သွားပါတယ်...။
ဇာတ်သိမ်းကို တော့ ပြန်မဖတ်တော့ဘူး.. ကျော်သွားလိုက်တယ်...။

ပန်ပန် စိတ်တွေ မြန်မြန်ကြည်လင်ပါစေ...
အလုပ်တွေလဲ မြန်မြန် အနည်ကျသွားပါစေ...
ဒါမှ စာတွေ များများပြန်ရေးနိုင်မှာ...
သတိရနေတယ်...

Anonymous said...

အစ်မရေ... ဒီတစ်ပုဒ်ကို အရမ်းနှစ်ခြိုက်မိပါတယ်။
ပြီးတော့ ကိုယ့်ကိုယ်ကိုလည်း အအိပ်မှန် အစားမှန်လေး ပုံမှန်ပြန်ဖြစ်ဖို့ အသိတရား ၀င်သွားတယ်။ ကျေးဇူးတင်ပါတယ် အစ်မ

လေးစားစွာဖြင့်
ရတနာ

khin oo may said...

မဖတ်ဖြစ်သေးဘူး အခုမှ လာဖတ်တာပါ။
ဇတ်လမ်းလေးကကောင်းလိုက်တာ မထင်မှတ်မိဘူး
စိတ်မကောင်းလိုက်တာ.။

khin oo may said...

လာဖတ်ရခြင်းအကြောင်းရင်းက အမည်မဖော်လိုသူ စာဖတ်သူတစ်ဦးက အကူအညီတောင်းလို့ပါ။

(ခုတလောတော့ အလုပ်ပင်ပန်းလို့လား အိပ်ရေးတွေပျက်လွန်းလို့လား။ ခံစားရသည်က နွမ်းနွမ်းလျလျ .........်လွန်းလှသည်။ နေ့တဓူဝ ပုံမှန်လှုပ်ရှားနေသော စက်ရုပ်ဆန်ဆန် ဇယားကွက်ထဲမှာ ဟောဒီအခန်းထဲက သူမ၏ ကိုယ်ပိုင်အချိန်လေးဆီ)

အဲဒီမှာ နေ့တဓူဝ လို့ရေးထားတာကို အခုလို (နိစ္စဓူဝ ) ..လို့ ပြောခိုင်းပါတယ။်


စိတ်မရှိပါနဲ့။
ချစ်ခင်စွာဖြင့်

khin oo may said...

အစ်မ သဘောအရဆိုရင်ဖြင့်မပြောပေါင်။

pandora said...

ပြောင်းလိုက်ပြီ မခင်ဦးမေရေ ကျေးဇူးပါ..။
ပြောစရာရှိတာ ပြောပါ။ ပြောတာ ကောင်းပါတယ်။ အောင့်ထားရင် ၀မ်းချုပ်တတ်တယ်။ :P

khin oo may said...

ဟင်..

Thant Thura said...

Is the story based in singapore? look so familiar with our life here :) nice story