လေးရာသီရုပ်မြင်သံကြားဇာတ်လမ်းတွဲများမှ

လေးရာသီရုပ်မြင်သံကြားဇာတ်လမ်းတွဲများမှ

အာရုံတစ်ခြမ်းကို နောက်တစ်ခြမ်းနဲ့ ဖမ်းလိမ်ချုပ်ထား
လွတ်မြောက်လိုစိတ်တွေတင်းတောင့် လွတ်ထွက် မသွားအောင်
ကျစ်ကျစ်ပါနေ သွေးကြောတွေထဲ တဖျဉ်းဖျဉ်း အသံတွေ တဟင်းဟင်း
ခြေလက်တွေဖြတ်တောက်လည်းအညှောင့်ပြန်ထွက် နံရိုးတွေတဖျစ်ဖျစ်ပြန်စေ့သွား ဆဲလ်တွေ

ရီဂျန်နရိတ် မဖြစ်နိုင်တော့အောင် ဦးခေါင်းတည့်တည့်ကို ချိန်ပြီးပစ်ထည့်လိုက်
မီးပွိုင့်တွေ တစ်ခုပြီးတစ်ခု ရှော့ခ်ရသွား လှေခါးမလိုဘဲ မိုးပျံတိုက်တွေကို လူလွန်သတ္တိနဲ့
ခုန်ချ ဘေးတိုက် တည့်တည့် ကန့်လန့် ဒေါင်လိုက် ဇောက်ထိုး ၃၆၀ဒီဂရီ
အကြီးအကျယ် ပေါက်ကွဲကာနီး တစ်စက္ကန့်အလိုမှ ဇာတ်လိုက်ဟာ သီသီကလေး

လွင့်စင်ထွက်သွား အားလုံးဆွံ့အကျန်ခဲ့မှ အရာရာ နေသားတကျ ဖွာလန်ကျဲစွာ
အင်နာဂျီပါးလွှာတဲ့ စကားလုံးပွယောင်းယောင်းတွေ တတ်နိုင်သမျှလေး ဒီတစ်ခါဖြင့်
တကယ့်ကို နောက်ဆုံး နူးညံ့တဲ့အသုံး မိခင်ဆန်ဆန် မောင်နှမဆန်ဆန် ချစ်သူဆန်ဆန်
တဒင်္ဂကလေး ဟိုမှာ ရိပ်ခနဲ လိုက်လာကြပြန်ပြီ ခေါင်းငုံ့ထား ပြန်လှည့်မကြည့်တမ်း

ပြေးပေတော့ မကြာခင် ဇာတ်သိမ်းပိုင်း အမှတ်စဉ်လေးဆယ် အတွဲတစ်ရာ့တစ်ဆယ် မှာ
စူပါအင်အားဖြည့် အင်ဂျက်ရှင်ကို သွေးကြောထဲ ဖောက်ခနဲ ဦးနှောက်ထဲ လက်ခနဲ
ဗီလိန်တွေလူကောင်းပြန်ဖြစ် ပြောင်းပြန်နိယာမနဲ့ အကူးအပြောင်းမှာ ဟက်ခနဲ
အရိုးတွေတရွှီရွှီတွန်လာကြ ဂူဂဲလ် ဖေ့စ်ဘွတ်ခ်များမှ တဆင့် ဗိုင်းရပ်စ်လို ပြန့်နှံ့စေတဲ့

ပါဝါတစ်ခုဟာ စုပ်ယူနေ သံလိုက်တုံးလိုဆွဲခေါ် အဲဒါဟာ မွတ်သိပ်မှုသက်သက်
စိတ္တဇကို စိတ်တစ်စက ပြန်ငြင်း ကြက်သီးမွေးညင်းတွေကို ခုတ်ပိုင်းချလိုက်
နောက်တစ်ခါ greater good အတွက် save the world ကျေးဇူးပြုပြီး
ကီးဘုတ်ပေါ်မှာ အဲဒီပတ်စဝါ့ဒ်ကို ရိုက်ထည့်နေမိတဲ့ လက်ချောင်းလေးတွေ ထိပ်ကို

ပင်အပ်တွေ တစ်ချောင်းချင်း တစ်ချောင်းချင်း တစ်ချောင်းချင်း … စိုက်-ထည့်-လိုက်
အဖြူရောင်မုသားများ လေထဲစိမ့်ထွက် အသက်ရှူသူတိုင်းအတွက် အန္တရာယ်အချက်ပေးသံ
ခေတ္တနားကြပါစို့ ခေတ္တရှောင်ရှားကြပါစို့ ခေတ္တထွက်ခွာကြပါစို့ ခေတ္တ ခေတ္တ
((အားးးးးး.. ဓာတ်လှေခါးထဲ ပိတ်မိနေလို့ ကယ်ကြပါဦး ဒုံး ဒုံး…))


ပန်ဒိုရာ
၂၄.၁၂.၂၀၁၁

Expand..

Summary..

ခရစ္စမတ်လက်ဆောင်

ခရစ္စမတ်လက်ဆောင်

ခရစ္စမတ်ဆိုတာ သူ့အတွက် ပျော်ရွှင်စရာ ပွဲတော်တစ်ခုဟု မစဉ်းစားတော့တာ ကြာပြီ။ ခရစ္စမတ်မှ မဟုတ်၊ နှစ်သစ်ကူးပွဲ၊ ပါတီပွဲတွေ၊ စင်မြင့်ဖျော်ဖြေပွဲတွေ မည်သည့်ပွဲသဘင်မျိုးကမှ သူ့ကို ပျော်ရွှင်မှု (အနည်းဆုံး စိတ်လှုပ်ရှားမှုလောက်ပင်) မပေးစွမ်းနိုင်တော့တာ ကြာခဲ့ပြီ။ သူထိုင်နေသည့် ခုံတန်းရှည်ပေါ်ကို နှင်းတွေ ဖြိုးဖြိုးဖျောက်ဖျောက် ကျနေစဉ် အိမ်အတော်များများ ရှေ့တွင်တော့ ထင်းရှုးပင်များကို ပြောင်ပြောင်လက်လက် ရောင်စုံဖဲပြားများ ခေါင်းလောင်းများဖြင့် ဆင်ယင်နေကြသည်။ အိမ်တွေထဲမှ ကလေးများ ဆူဆူညံညံ အော်ဟစ်ရယ်မောနေသံကို ကြားရတော့ သူ ပခုံးတွန့်မိသည်။ အခုလိုအချိန်မျိုးမှာ တစ်ယောက်ယောက်က ပေးမည့် ခရစ္စမတ်လက်ဆောင်ကို မျှော်လင့်ရင်ခုန်နေကြတာ ဖြစ်မှာပေါ့။ ငယ်ငယ်တုန်းကတော့ လိုချင်ခဲ့သော အရာတွေကို စန်တာကလော့ဟု ခေါ်သော ခရစ္စမတ်ဘိုးဘိုးက လက်ဆောင်ထုပ်ထဲ ထုပ်ပိုးသယ်လာမည်ဟု သူလည်း မျှော်လင့်ခဲ့ဖူးပါသည်။ အဲဒီအချိန်က သူလိုချင်သည့် အရာတွေကတော့ ရိုးစင်းခဲ့ပါသည်။ ရောင်စုံခဲတံဗူး၊ ဘောလုံး၊ ပလစ်စတစ် သေနတ် စတာတွေ။ တခါတလေကျတော့ သူ တောင့်တနေသည့် အရာတွေက လက်ဆောင်ထုပ်ထဲ ပါမလာပေမယ့်လည်း အခြား သူ နှစ်သက်နိုင်သော အရာတစ်ခု ပါလာတော့ ပျော်ရွှင်ခဲ့ရပါသေးသည်။ ဥပမာ သူတွေးမထားခဲ့သည့် ရုပ်စုံကာတွန်း စာအုပ်တစ်အုပ်ဖြစ်ဖြစ် ချိုချဉ်တစ်ထုပ်ဖြစ်ဖြစ် ရလာတဲ့အခါ..။ တခါတလေတော့ ကိုယ်လိုချင်တာ မဟုတ်သည့် အရာတစ်ခု ရလာတော့လည်း ပျော်နိုင်တာပဲ မဟုတ်လား။ ကိုယ်လိုချင်တာ မဟုတ်သည့် အရာကလည်း ကိုယ်မလိုချင်တဲ့အရာ ဟုတ်ချင်မှ ဟုတ်ပါလိမ့်မည်။ အဲဒီအရာဟာ ပိုကောင်းသည် မကောင်းဘူးကလည်း ပြောရခက်ပါသည်။ မည်သူက သတ်မှတ်သလဲ ဆိုသည်မှာ မူတည်နေတတ်သည်။ ဘာပဲဖြစ်ဖြစ် ငယ်ငယ်တုန်းကတော့ ပျော်ရွှင်စရာတွေက အတော်များခဲ့ပါသည်။ ရုပ်ရှင်ကြည့်ရတာလည်း ပျော်စရာ။ ပွဲဈေးမှာ မုန့်တွေ ၀ယ်စားရတာလည်းပျော်စရာ။ စာမေးပွဲတွေ အောင်တာလည်း ပျော်စရာ။ အဲဒီအထဲမှာ ကဗျာရွတ်ပြိုင်ပွဲတွေမှာ ပြိုင်ရတာလည်း ပျော်စရာတစ်ခု။ စင်မြင့်ပေါ်မှာ ဒူးကလေးထောက်လို့ လက်ဟန်အမူအရာဖြင့် ပါးစပ်ကလေးဟပြီး ကဗျာရွတ်နေသည့် အပြစ်ကင်းစင်သော ကလေးလေးတစ်ယောက်၏ ပုံရိပ်ဟာ ပျော်စရာပဲ။ အဲဒီလို ပျော်စရာ ကဗျာတွေကို အသက်ကြီးလာတဲ့အခါ ဘာဖြစ်လို့ မရွတ်နိုင်ကြတော့တာပါလိမ့်။ ငယ်ငယ်ကတော့ ဘာလိုချင်ခဲ့ ဘာလုပ်ချင်ခဲ့သလဲဆိုတာတွေ၊ ရခဲ့သလား မရခဲ့သလား ဆိုတာတွေဟာ သိပ်တော့အရေးမကြီးခဲ့ဘူး ထင်ပါသည်။ မရတော့လည်း မေ့မေ့ပျောက်ပျောက်ဖြစ်ပြီး အစားထိုး တစ်ခု ရသွားတော့လည်း အလွယ်တကူ ပျော်ရွှင်တတ်သားပဲ မဟုတ်လား။ တကယ်တော့ သည်လို ပြောရတာလည်း သိပ်တော့ မတရားပါ။ ဒါက အခုအချိန်မှာ အရင်အချိန်ကို ပြန်တွေးတဲ့ အတွေးဖြစ်နေသည်။ အဲဒီတုန်းကလည်း အဲဒီအရွယ်အလျောက် အရေးကြီးကောင်း ကြီးခဲ့နိုင်ပါသည်။ သို့သော်လည်း အသက်ကြီးလာသည့်အခါ လူတို့၏ အလိုတွေက ပိုပြီး ရှုပ်ထွေးနေတတ်သည် မဟုတ်ပါလား။ လူကြီးတို့၏ မျှော်လင့်ချက်သည် ကိုယ်တိုင်တစ်ဦးတစ်ယောက် ထက်ပိုသော အခြားသူများနှင့် သက်ဆိုင်သည့် မျှော်လင့်ချက် ဖြစ်နေတတ်သည်။ သူ့ဆန္ဒက အခြားတစ်ယောက်ယောက်၏ ဆန္ဒနှင့် ပြောင်းပြန် အချိုးကျနေနိုင်မလား။ ဒါဟာ လွဲမှားနေသည့် ယုတ္တိဗေဒလည်း ဖြစ်နိုင်ပါသည်။ လူတွေဟာ နောက်ဆုံးတော့ တစ်ဦးချင်း တစ်ယောက်ချင်း မဟုတ်ဘူးလား ဘာလို့ တခြားသူတွေကို ထည့်စဉ်းစားနေရမှာလဲ ဆိုသည်မှာ ပဋိပက္ခဖြစ်စေသော စဉ်းစားမှုဖြစ်သည်။ ဘာပဲဖြစ်ဖြစ် လိုချင်တာတွေဟာ အချိန်အခါ နေရာအလိုက် ပြောင်းပြောင်းလာတတ်သည် ဆိုလျှင်တော့ သူ့မျှော်လင့်ချက်တွေ ပြောင်းလဲလာဖို့ သူက မျှော်လင့်နေသေးသည်။ အခုအချိန်မှာ ခရစ္စမတ်က သူ့အတွက် အရေးမကြီးဘူးပဲ ထားပါတော့၊ သူလိုချင်သည့် တစ်ခုခုဟာ ခရစ္စမတ်မှာ လက်ဆောင်တစ်ခုအဖြစ် ကျိန်းသေ ရလာမည် ဆိုလျှင်တော့ နေ့တိုင်းကို သူက ခရစ္စမတ် ဖြစ်နေစေချင်ဦးမှာ။ ဒါဟာလည်း မည်သူကမှ အပြစ်မတင်သင့်သည့် သာမန်လူသားဆန်ဆန် လောဘတစ်မျိုး ဖြစ်ပါလိမ့်မည်ဟု သူက ချေပနေမိသေးသည်။ ကိုယ်လိုချင်သည့် အရာတစ်ခုကို ကိုယ်ပေးစေချင်သူ တစ်ယောက်က ပေးလာမှ ရချင်တာ ဆိုတာမျိုးကတော့ မခက်ပေဘူးလား။ ဘာကိုမှ လိုချင်ရကောင်းမှန်း မသိတော့အောင် စိတ်တွေ ကုန်ခန်းနေတာလည်း ဖြစ်နိုင်ပါသည်။ ဘာထည့်ထားမှန်းမသိသည့် ကံကြမ္မာကို စွန့်စွန့်စားစား ဖွင့်ဖောက်ဖို့တော့ သူ မကြိုးစားခဲ့ပါ။ သူ ဆက်ထွက်လာတော့ ဝတ်ထားသည့် ကုတ်အင်္ကျီပေါ်မှာ တင်နေသော နှင်းဖတ်တွေက တပါတည်း ခိုတွယ်လိုက်သွားသည်။ အနီရောင် ဖဲကြိုးဖြင့် စည်းနှောင်ပြီး လှလှပပ သပ်သပ်ရပ်ရပ် ထုပ်ပိုးထားသည့် အစိမ်းရောင် လက်ဆောင်ထုပ်ကလေးက သူ့ကိုငေးကြည့်ရင်း ခုံတန်းရှည်ပေါ်မှာ ကျန်ရစ်ခဲ့သည်။

ပန်ဒိုရာ
၂၂.၁၂.၂၀၁၁


(Rose ရေးခိုင်းထားတဲ့ tag post ကို ရေးလိုက်ပါတယ်။)

Expand..

Summary..

ပညာရေးစနစ်တစ်ခု၏.....

ခိုင်စိုးလင်း စီစဉ်တဲ့ “ကျောင်းအကြောင်း” (all about school) ebook ထွက်ပါပြီ။ သရုပ်ဖော်ပုံတွေကို မလေးမေက ရေးဆွဲပါတယ်။ ပါဝင်ရေးသားသူတွေကတော့ ကိုကိုသက်၊ ကျော်ညိုသွေး၊ ကြည်သက်ဟန်၊ ခိုင်စိုးလင်း၊ ချစ်ကြည်အေး၊ ညီဇံလှ၊ ညိုမင်းခ၊ နေဦး၊ ပန်ဒိုရာ၊ မိုးလှိုင်ည၊ မှိုင်း ဆေး(၂)၊ Louise Jane Cher ၊ သက်ဝေ၊ ဟန်သစ်ငြိမ်၊ ဟယ်ရီလွင် နဲ့ သြမြိုင် တို့ ဖြစ်ပါတယ်။

အောက်က လင့်ခ်မှာ download ယူနိုင်ပါတယ်။ (connection နှေးလွန်းလို့ ကိုယ်တိုင်တော့ download မရသေးပါ။)
http://www.mediafire.com/?g8zfx92c7t1124o

ပန်ဒိုရာ ရေးသားတဲ့ “ပညာရေးစနစ်တစ်ခု၏ အစွန်းထွက်တန်ဖိုးများ၏ အရေးပါမှု၏ ကျေးဇူးခံကျေးဇူးစားများ၏ နောက်ဆက်တွဲ” ဆိုတဲ့ စာအသစ်တစ်ပုဒ်ရယ် “အသံမမြည်နိုင်တဲ့ ခေါင်းလောင်းကလေးတွေ” ဆိုတဲ့ ဝတ္ထုဟောင်းတစ်ပုဒ်ရယ်ကို ဖော်ပြထားပါတယ်။ download လုပ်ရတာ ခက်ခဲသူတွေ ဖတ်နိုင်ဖို့ စာအသစ်ကို ဒီမှာ ပြန်တင်လိုက်ပါတယ်။

--------------

ပညာရေးစနစ်တစ်ခု၏ အစွန်းထွက်တန်ဖိုးများ၏ အရေးပါမှု၏ ကျေးဇူးခံကျေးဇူးစားများ၏ နောက်ဆက်တွဲ

အခန်း(၁)
(အဲဒါ ကျောင်းပေါ့)
တက္ကစီဒရိုင်ဘာက မေးငေါ့ပြရင်းပြော။ ဓာတ်ပုံတွေ ဖြန်းခနဲ ရိုက်သံ။
(အဲဒီမှာ ကျောင်းဆောင်တွေရှိတယ်- စာသင်ဖို့၊ ဘော်ဒါဆောင်တွေရှိတယ်- ကျောင်းသားနေဖို့၊ ရေကန်တစ်ကန်ရှိတယ်- အပန်းဖြေဖို့၊ စာကြည့်တိုက်တစ်ခုရှိတယ်- စာအုပ်တွေထားဖို့၊ ဘွဲ့နှင်းသဘင်တစ်ခုရှိတယ်- ကျင်းပဖို့)
(ပညာရေးရော ဘယ်လောက်ရှိပါသလဲ)
ပြန်ဖြေသံ မကြားရ။
(…ပညာရေးနှင့်ကျောင်း၊ ကျောင်းနှင့်ပညာရေး၊ ကျောင်းမပါသောပညာရေး၊ ပညာရေးမပါသောကျောင်း…)
အတွေးများ လွတ်ထွက်ပြီး ၀ရုန်းသုန်းကား ဆူညံ။

အခန်း(၂)
ကတ္တားလာ၊ ကံလာ၊ ကြိယာလာ။ ကြားမှာ အတွဲအဆက်ပုဒ်များ လိုသလိုထည့်။ ဆရာက နမူနာပေး။ (ဥပမာ - မောင်လှသည် ဘောလုံးကို ကန်သည်)။ ၀ါကျများဖွဲ့ရန် ကျောင်းသားများကို ညွှန်ကြား။
(မောင်မြသည် ဘောလုံးကို ကန်သည်)
(မောင်ဘသည် ဘောလုံးကို ကန်သည်)
(နီနီသည် ဘောလုံးကို ကန်သည်)
(ဖြူဖြူသည် ဘောလုံးကို ကန်သည်)
(ကိုကိုသည် ဘောလုံးကို ကန်သည်)
(မမသည် ဘောလုံးကို ကန်သည်)
ကလေးများ တစ်ယောက်တစ်ပေါက် ဖြေသံ ဟိုနား ဒီနားက ထွက်လာ။ ဆရာက ခေါင်းညိတ်။
((၀တ်မှုန်ရွှေရည်သည် ဟန်ဘာဂါကို စားသည်))
(ဒါဘယ်သူပြောတာလဲ)
ဆရာ့အသံသည် မာန်ဖီနေ။ တစ်ခန်းလုံး ဟိန်းသွား။ ၀တ်မှုန်ရွှေရည်ကြောင့်လား၊ ဟန်ဘာဂါကြောင့်လား။ စားသည်ကြောင့်လား။ ကျောင်းသားများ မည်သူမျှ ပြန်မဖြေကြ။ တိတ်ဆိတ်နေ။ စာသင်ခန်း ပြူုတင်းပေါက်အပြင်တွင် တည်ရှိသော ဗာဒံပင်တစ်ပင်မှ သစ်ရွက်နီနီတစ်ရွက် ကြွေကျ မြေခ သေဟ။

အခန်း (၃)
ကြေမွနေသော ခေါင်းထဲမှ ပင့်ကူတစ်ကောင်၏ နားကျပ်တစ်စုံ ဆင်မယဉ်သာ လက်လှမ်းများဖြင့် ဒီဗွီဒီဖွင့်စက်တစ်လုံး ပလုပ်ပလောင်း ခရမ်းရင့်ရောင် သစ်ခွပန်းကို ရီမုကွန်ထရိုးဖြင့် ဒစ်ရှင်နရီ ကြည့်စရာမလိုဘဲ တယ်လီဖုန်း မြည်လာစဉ် စင်ကာပူတံဆိပ် Bee Cheng Hiang ၀က်သားပြား၏ နူးညံ့ပျောင်းမွှတ်မှုဟာ သွားရေယိုစရာ စတီးလ်ချိုင့်၏ အတွင်းရော အပြင်ပါ ညောင်းညာကိုက်ခဲနေသဖြင့် အ၀ါရောင် စက္ကူအိတ် ကျိုးပေါက်သွားလျှင်သွားချင်း ဒိုင်ယာရီနောက်ကွယ်မှ ဖြစ်တည်နေထိုင်မှု၏ အဓိပ္ပါယ်တွင် သက်ရောက်နှိုင်းယှဉ်ချက်များဖြင့် ဇီဝမျိုးစိတ်တို့ ပါဝင်ခွင့်မရသောအခါ တမ်းမက်မူးရီတိမ်းညွှတ်မိသူ အဖို့မှာတကား ကလီရှေးများဖြင့် အထူးထူးအပြားပြား တင်စားရွတ်ဆိုအပ်သော လမ်းဘေးလက်ဖက်ရည်ဆိုင် ယင်တလောင်းလောင်းအုံလျှက် ပစ္စတိုတစ်လက် ဖြောင်းခနဲအဖွင့် တစ်နေ့ရွှေ တစ်နေ့ငွေ ဆိုသလို ခရီးဆောင်အိတ် အနီရောင်လိုင်းကျားကြီးများထံသို့ တောအုပ်ဟာ တရွှီရွှီမြည် လိုင်းကျသွားနိုင်သည် ဆိုသော်လည်း ယနေ့အကြွေးမရောင်းသည့် တံခါးဟစိစိကို ရေအပြည့်ထည့်ထားသော ဇလားတစ်လုံး မျက်နှာသစ်ကန် အစပ်နားမှာ ပြက္ခဒိန်ရှေ့ချ စာစီစာရိုက် အချိန်တန်တော့လည်း နွားပိန်ကန်လာမှာပေါ့ကွာ။

အခန်း (၄)
ခန်းမထဲမှ လူအများသည် မိန့်ခွန်းကို စောင့်မျှော်လျက်။ မိန့်ခွန်း အစီအစဉ်သည် အသင့်ရေး မိန့်ခွန်းစာရွက်ကို စောင့်မျှော်လျက်။ မိန့်ခွန်းစာရွက်သည် သူ့ကိုကိုင်ဖတ်မည့် မိန့်ခွန်းခြွေသူကို စောင့်မျှော်လျက်။ မိန့်ခွန်းခြွေမည့်သူသည် မိုက်ကရိုဖုန်းကို စောင့်မျှော်လျက်။ မိုက်ကရိုဖုန်းသည် လျှပ်စစ်မီးကို စောင့်မျှော်လျက်။ လျှပ်စစ်မီးသည် စီမံကိန်းကို စောင့်မျှော်လျက်။ စီမံကိန်းသည် အသေးစိတ် ညွှန်ကြားချက်များကို စောင့်မျှော်လျက်။ အသေးစိတ် ညွှန်ကြားချက်များသည် ဆုံးဖြတ်ချက်ကို စောင့်မျှော်လျက်။ ဆုံးဖြတ်ချက်သည် အစည်းအဝေးကို စောင့်မျှော်လျက်။ အစည်းအဝေးသည် ခန်းမထဲမှ လူအများကို စောင့်မျှော်လျက်။ ခန်းမထဲမှ လူအများသည်…

အခန်း (၁-က)
(ရှင့်ဟာက ရိုးလွန်းတယ် ရှင့်ဟာက သိပ်ကိုရိုးလွန်းနေတယ်)
(ငါသင်ထားတာ ဒါအကုန်ပဲကွ)
စက္ကူအပိုင်းအစတစ်ဖဲ့ ကျကျနန ကျကွဲသွား။

ပန်ဒိုရာ
၂၁-၂၂.၁၀.၂၀၁၁

Expand..

Summary..

ခန္ဓာကိုယ်အခြေပြုဖြစ်စဉ်ဖန်တီးမှုများ (၈ ဒီဇင်ဘာ ၂၀၁၁)

၁။ Richard Martel (French Canadian performance artist & scholar)
အမှိုက်သိမ်း ခေါင်းလောင်းလေးတစ်လုံး ကို တီးတယ်။ အိတ်တစ်လုံးထဲက ဒန်အိုးဖုံးတစ်လုံး ထုတ်လာပြီး ရှေ့ကို ခြေလှမ်းမှန်မှန်နဲ့လျှောက်လာတယ်။ ဒန်အိုးဖုံးကို ကြမ်းပြင်ပေါ်ချတယ်။ အိတ်ရှိရာကို ပြန်သွားတယ်။ ခေါင်းလောင်းလေးကိုတီးတယ်။ အမှိုက်တွေကို လက်ခုတ်ထဲထည့်ပြီး အသေအချာ သယ်လာတယ်။ ဒန်အိုးဖုံးပေါ်မှာ သပ်သပ်ရပ်ရပ် ချတယ်။ ပြီးတော့ လက်ညိုးတစ်ချောင်းထောင်ပြီး တစ်နေရာကို ညွှန်ပြရင်း ရပ်နေတယ်။ ပြန်သွားတယ်။ အမှိုက်သိမ်းခေါင်းလောင်းကို တီးတယ်။ နောက်ထပ် ဒန်အိုးဖုံးတစ်လုံးနဲ့ အဲဒီ ဖြစ်စဉ်ကို ပြန်လုပ်တယ်။ လက်ညိုးထိုးတဲ့ ဦးတည်ရာကို အကြိမ်တိုင်းမှာ ပြောင်းတယ်။ အထက်စောင်းစောင်းဆီ အောက်စူးစူးဆီ အမှိုက်တွေတည့်တည့်ဆီ စသည်ဖြင့်။ ဒီလိုနဲ့ ဒန်အိုးဖုံး လေးခုတိတိမှာ အမှိုက်တွေ တန်းစီ နေရာချလို့ပြီးပြီ။ နောက်ဆုံဒန်အိုးဖုံး တစ်ခုကို အလယ်မှာ ချထားလိုက်တယ်။ ဒီတစ်ခါ သူ့အိတ်ထဲက အရာတစ်ခုကို မထုတ်ခင် အ၀ါရောင် ရာဘာလက်အိတ်တစ်စုံကို ကျကျနန စွပ်တယ်။ ဆွဲထုတ်လိုက်တာက ရွှေရောင် ပြောင်းတိုသေနတ် တစ်လက်။ သေနတ်ကို လက်နှစ်ဖက်နဲ့ အုပ်မိုးဆုပ်ကိုင် မြှောက်ချီတယ်။ အလယ်က ဒန်အိုးဖုံးဆီကို ခြေတစ်လှမ်းချင်း လှမ်းလျှောက်ပြီး သေနတ်ကို ထည့်လိုက်တယ်။ သေနတ်ရှိရာကို လက်ညိုးညွှန်လိုက်ပြန်တယ်။ အဲဒီနောက် အရပ်လေးမျက်နှာကနေ လေးကြိမ်တိုင်တိုင် ဒူးထောက် လက်နှစ်ဘက်ကို ဖြန့်ကားပြီး ရွှေရောင်သေနတ်ကို အရိုအသေ ပြုလိုက်တယ်။ ပြီးတော့ အမှိုက်ထည့်ထားတဲ့ ဒန်အိုးဖုံးလေးခုကို သေနတ်ရဲ့ လေးဘက် လေးတန်မှာ နေရာရွှေ့ ချထားလိုက်တဲ့အခါ ပြကွက်ပြီးဆုံးပါပြီ။



၂။ မသော်တာ၊ မြတ်ခိုင်ဇင်၊ ပီတိ
အဖြူရောင် ၀တ်စုံကို ၀တ်ဆင်ထားတဲ့ ကလေးမလေး တစ်ယောက်ဟာ ထီးအဖြူတစ်လက်ကို လက်တစ်ဘက်က ဇောက်ထိုး ကိုင်ဆောင်းထားတယ်။ မျက်လုံးနှစ်ဘက်ဟာ အ၀တ်တစ်စနဲ့ ပိတ်ဖုံးခံနေရပြီး အဖြူရောင် အိတ်တစ်လုံးကိုလည်း လွယ်ထားတယ်။ သူ့ရှေ့ဘက် ခပ်လှမ်းလှမ်းမှာတော့ ထည့်စရာ (ရေစစ်) တစ်ခု ကို လက်နှစ်ဘက် ဆန့်တန်းပြီး တည့်တည့်မတ်မတ်ကိုင်ကာ မတ်တတ်ရပ်နေသူ မိန်းကလေးတစ်ဦး။ တတိယမြောက် အမျိုးသမီးတစ်ဦးကတာ့ သစ်သားကုလားထိုင်တစ်လုံးကို ကြိုးကြီးကြီးတွေနဲ့ သူမရဲ့ နောက်ကျောကို ပူးချည်ထားတယ်။ လက်ထဲမှာတော့ အိတ်ကြီး တစ်လုံးကို ကိုင်ပြီး လူတွေကြားကို သွားလာလှည့်လည်နေတယ်။ အဲဒီအမျိုးသမီးရဲ့ ချဉ်းကပ်ခြင်းကို ခံရသူတွေဟာ အိတ်ကြီးထဲမှာ ပါလာတဲ့ ပလတ်စတစ်ဘောလုံး သေးသေးလေးတွေကို နှိုက်ယူပြီး အဖြူရောင်ဝတ်စုံနဲ့ ကောင်မလေးရဲ့ လက်ထဲကို သွားထည့်ပေးကြရတယ်။ ကလေးမလေးက ဘောလုံးရတဲ့အခါ သူ့ရှေ့မှာ မတ်တတ်ရပ်နေတဲ့ မိန်းကလေးရဲ့ ရေစစ်ခွက်ထဲကို ၀င်အောင် မှန်းပြီး လှမ်းပေါက်တယ်။ ဘောလုံးတွေက ဘေးကိုချော်သွားတာ များတယ်။ ဒီလိုနဲ့ တစ်ယောက်ပြီး တစ်ယောက် ဘောလုံးတွေ တစ်လုံးပြီး တစ်လုံး ပေးကြတာကို ကလေးမလေးက ပေါက်ရင်းနဲ့ နောက်ဆုံး တစ်လုံးသာ အိတ်ထဲမှာ ကျန်တယ်။ ဒီတော့ အိတ်ကြီးကိုင်ထားတဲ့ အမျိုးသမီးက ကလေးမလေးရဲ့ မျက်လုံးစည်းကို ဖွင့်ပေးလိုက်တယ်။ နောက်ဆုံးဘောလုံးကို လက်ထဲထည့်ပေးလိုက်တယ်။ အမြင်အာရုံထင်ရှားသွားတဲ့ ကလေးမဟာ သူ့လက်ထဲက နောက်ဆုံးဘောလုံးနဲ့ ရေစစ်ထဲဝင်အောင် ပေါက်မလို့ အသေအချာ ချိန်တယ် ရွယ်တယ်။ နောက်ဆုံးအချိန်မှာတော့ ဘောလုံးကို မပစ်ပေါက်တော့ပဲ သူလွယ်ထားတဲ့ အဖြူရောင် အိတ်ထဲကိုပဲ ထည့်လိုက်တော့တယ်။



၃။ ငြိမ်းချမ်းစု
ဗုဒ္ဓဘာသာ ဘုရားရှိခိုး ဂီတသံက ပျံ့လွင့်နေတယ်။ သရုပ်ဖော်ပြသူဟာ ပရိသတ်ထဲမှာ ထိုင်နေတယ်။ တီးလုံးသံ မှိန်လာပြီး သူဟာ အိတ်တစ်လုံးထဲက စက္ကူလေယာဉ်ပျံတွေကို လေထဲကို လွှတ်ရင်း ရှေ့ကို လျှောက်လှမ်းလာတယ်။ စက္ကူလေယာဉ်ပျံ တွေ ဆက်လွှတ်တယ်။ နောက်တော့ စက္ကူလေယာဉ် တစ်စီးကို နံရံပေါ်မှာတင်ပြီး အတောင်ပံတစ်ဘက်စီပေါ်မှာ ဆော့ပင်တစ်ချောင်းနဲ့ ရေးခြစ်လိုက်တယ်။ ရေးလိုက်တဲ့ စာလုံးကတော့ FREEDOM တဲ့။ အဲဒီ FREEDOM လို့ အတောင်ပံတွေပေါ်မှာ ရေးထားတဲ့ စက္ကူလေယာဉ်ကို ကိုင်ပြီး အားကုန်လွှဲ လွှတ်လိုက်ပြန်တယ်။ လေယာဉ် ကျသွားတဲ့ အနီးအနားကလူတွေက တစ်ခါ ပြန်လွှတ်ကြတယ်။ အဲဒီလို လေယာဉ်ကို ဟိုဘက်ဒီဘက် လွှတ်နေကြတုန်းမှာပဲ သူဟာ ညာဘက် လက်ချောင်းတွေကို တိပ်တွေနဲ့ ပတ်ချည်လိုက်တယ်။ တိပ်ကြိုးနဲ့ ပတ်ထားတဲ့သူ့လက်ချောင်းတွေရဲ့ ထိပ်မှာတော့ ကဒ်ထူပြားနဲ့ လုပ်ထားတဲ့ လက်ညိုးထိုးနေတဲ့ပုံစံ လက်အတုတစ်ခုကို တပ်ဆင်လိုက်တယ်။ ဗြုန်းဆို သူက အသံနက်ကြီးနဲ့ ထအော်လိုက်တယ်။ “ဘာမှတ်နေလဲ၊ ငါရှာနေတာ…...” လက်ညိုးအတုကြီး ကို နေရာအနှံ့ ထိုးနေရင်း ပြောနေရင်း အဲဒီမှာ ပြကွက်ကို အဆုံးသတ်ပါတယ်။။




၎။ သင်တန်းသားတစ်ဦး (အမည် မမှတ်မိ)
တိုက်ပုံအနက်နဲ့ ပုဆိုးဝတ်ထားတဲ့ သူဟာ ခြေတစ်ပေါင်ကျိုးနဲ့ မြင်ကွင်းထဲ ၀င်ရောက်လာတယ်။ အဲဒီအနေအထားမှာပဲ စီးထားတဲ့ ကတ္တီပါဖိနပ်ကို တစ်ဖက်တစ်ချက်မှာ ချွတ်လိုက်တယ်။ ခြေကိုကားပြီး မတ်မတ်ရပ်တယ်။ တိုက်ပုံအင်္ကျီကို ကြယ်သီးမဖြုတ်ပဲ လက်ကိုလျှိုပြီး အထဲသွင်းလိုက်တယ်။ တိုက်ပုံအင်္ကျီရင်ဘတ် ကြယ်သီးလွတ်နေတဲ့ နေရာကနေ လက်ဖမိုးနှစ်ဘက်ကို ပြန်ထုတ်လာတယ်။ လက်အိတ် အဖြူရောင် စွပ်လိုက်တယ်။ လက်တွေရဲ့ အနေအထားကို လက်အုပ်ချီ၊ လက်တစ်ချောင်းပေါ် လက်တစ်ချောင်းဆုပ်ကိုင်၊ လက်သီးဆုပ် စသည်ဖြင့် အမျိုးမျိုး တဖြည်းဖြည်းနဲ့ ပြောင်းပြနေတယ်။ အကြာကြီး လက်သရုပ်ဖော်မှု ပြီးတဲ့အခါမှာတော့ လက်နှစ်ချောင်းကို ကို အင်္ကျီအောက်ကပဲ တိုက်ပုံအင်္ကျီလက် ထဲ ပြန်ထည့်လိုက်တယ်။ ၀တ်ထားတဲ့ ပုဆိုးကို အောက်နားစကနေ လှမ်းမတယ်။ ပုဆိုးကို အကုန်ဆွဲ ခေါင်းမြီးခြုံကာ တစ်ပတ်ကျွမ်း လှိမ့်ချလိုက်တဲ့အခါ ဖန်တီးမှုပြကွက်ဟာ အဆုံးသတ်ပါတယ်။



၅။ ဉာဏ်လင်းထက်
လူတွေရဲ့ လက်တွေကို သန့်စင်ဆေးရည်နဲ့ လိုက်ဖြန်းပေးတယ်။ လက်ချင်းတွဲပြီး လူတန်းကြီး နှစ်ထပ် လုပ်ခိုင်းတယ်။ လူတန်းကြီးရှေ့ မြက်ခင်းပြင်ပေါ်မှာ လှေခါးတစ်စင်းကို ထောင်ပြီး လှေခါးထစ်တွေ အဆုံးကို တက်ပါတယ်။ လက်ထဲမှာတော့ ရေကရားတစ်ခုကို ကိုင်ထားတယ်။ ပန်းပွင့်တွေကို လှေခါးပေါ်ကနေ ကြဲချလိုက်တယ်။ ရေကရားကို လှေခါးအမြင့်ကနေ ကိုင်မြှောက်ပြီး တစ်စက်ချင်း ဖြည်းဖြည်းသွန်းချပါတယ်။ ရေကရားကိုလောင်းနေစဉ် ဆုတောင်းတေးသံတစ်ခု နောက်ခံဂီတအဖြစ် ပေါ်လာခဲ့တယ်။ ရေစက်ချမှုပြီးဆုံးချိန်မှာ ပရိသတ်ကြီးကို လက်တွဲဖြုတ်နိုင်ကြပါပြီ လို့ ကြေညာလိုက်ပြီး သူ့ရဲ့ဖန်တီးမှု ကို နိဂုံးချုပ်ပါတယ်။




၆။ ရဲဝင်းစော
စစချင်းတော့ ကုလားထိုင်တစ်လုံးပေါ်မှာ သူ ထိုင်နေတယ်။ နောက်တော့ ကုလားထိုင်ပေါ်က ဆင်းပြီး ဘေးမှာ ထိုင်လိုက်တယ်။ ကုလားထိုင်ကို ဘေးဘက်လှည့်လိုက်တယ်။ သူလည်း ဘေးလှည့်ထိုင်တယ်။ ကုလားထိုင်ကို တစောင်းလှဲချလိုက်တယ်။ သူလည်း ကိုယ်တစောင်း လှဲချလိုက်တယ်။ ကုလားထိုင်ကို ပက်လက်လှန် ထောင်လိုက်တယ်။ သူလည်း ပက်လက်လှန်လိုက်တယ်။ ကုလားထိုင်ကို နောက်ကျောခိုင်းလိုက်တယ်။ သူလည်း နောက်ကျောခိုင်း ထိုင်လိုက်တယ်။ ကုလားထိုင်ကို မှောက်လိုက်တယ်။ သူလည်း မှောက်ချလိုက်တယ်။ ကုလားထိုင်ကို ရှေ့ဘက်ပြန်လှည့်ပြီး ချလိုက်တယ်။ သူလည်း ကုလားထိုင်နောက်ကနေ အဲဒီပုံစံအတိုင်း လိုက်ထိုင်လိုက်တယ်။ နောက်ဆုံးတော့ ကုလားထိုင်ကို သူ့ပေါင်ပေါ်ကို ယူတင်လိုက်ပါတော့တယ်။



၇။ ကိုစန်းဦး
စားပွဲပေါ်ကို ဖရဲသီးတစ်လုံးနဲ့ သင်္ဘောသီးတစ်လုံး ယူလာတယ်။ အမျိုးသမီးတစ်ယောက်ကို ဖိတ်ခေါ်တယ်။ ဖရဲသီးကို ချီးမြှင့်လိုက်တယ်။ စားပွဲကိုကျောခိုင်းပြီး ပရိသတ်ဘက် မျက်နှာမူထားတဲ့ ကုလားထိုင်တစ်လုံးပေါ်မှာ အမျိုးသမီးကို ဖရဲသီးကို ကိုင်ပြီး ထိုင်ခိုင်းလိုက်တယ်။ နောက်ထပ် အမျိုးသားတစ်ယောက်ကို ဖိတ်ခေါ်တယ်။ သဘောင်္သီးကို ပေးလိုက်တယ်။ နောက်ထပ် ကုလားထိုင်တစ်လုံး ပေါ်မှာ အဲဒီသင်္ဘောသီးကို ကိုင်ပြီး သူ့ကို ထိုင်ခိုင်းလိုက်ပြန်တယ်။ ခဏကြာတော့ သရုပ်ပြသူဟာ သင်္ဘောသီးကို ပြန်တောင်းတယ်။ လူကိုတော့ သူ့နေရာမှာပဲ ထိုင်ခိုင်းထားတယ်။ စားပွဲပေါ်မှာ ဓားတစ်ချောင်းနဲ့ သင်္ဘောသီးရဲ့ ထိပ်ဝကို လှီးဖြတ်လိုက်တယ်။ ဇွန်းတစ်ချောင်းနဲ့ အထဲက အသားတွေကိုခြစ်ယူပြီး ပန်းကန်ထဲကို ထည့်တယ်။ ဖရဲသီးကို လည်း ပြန်ယူပြီး ထိပ်ဝလှီးဖြတ် အသားခြစ်ယူတယ်။ နောက်တော့ သင်္ဘောသီးအသားတွေကို ဖရဲသီးထဲ အစာသွတ်တယ်။ ဖရဲသီး အသားတွေကို သင်္ဘောသီးထဲ အစာသွတ်တယ်။ အကျွင်းအကျန်တွေ အစအနတွေကို အားရပါးရ ပါးစပ်ထဲ ထည့်စားပြီး ရှင်းလိုက်တယ်။ ဘာမှမကျန်တော့တဲ့အခါ အသီးတွေကို လှီးဖြတ်ထားတဲ့ ထိပ်ဝတွေကိုပြန်ကပ်ပြီး စတက်ပလာနဲ့ နှိပ်ပိတ်လိုက်တယ်။ နောက်ဆုံးမှာတော့ ဖရဲသီးအစာသွပ်ထားတဲ့ သင်္ဘောသီးကို အမျိုးသားကို ပြန်ပေး သဘောင်္သီးအစာသွပ်ထားတဲ့ ဖရဲသီးကို အမျိုသမီးကို ပြန်ပေးလိုက်ပါတယ်။



၈။ အုန်းခိုင်ဇင်
မြက်ခင်းပြင်ပေါ်မှာ အိတ်တစ်လုံးထဲက အရာတွေကို ကြဲဖြန့်ချလိုက်တယ်။ တစ်ခါသုံး ဗူးခွံတွေ ပလတ်စတစ်ခွံတွေ၊ ပိန်ရှုံ့နေတဲ့ သံဗူးခွံတွေ၊ ဘောလ်ပင် ခဲတံ စာရေးကိရိယာ အပျက်တွေ။ သစ်ရွက်တွေ၊ ဂျင်းဘောင်းဘီ အင်္ကျီ အစုတ်အပြတ်တွေ။ စာရွက်လွတ်တွေပေါ်မှာ ဆော့ပင်ရောင်စုံနဲ့ စာကြောင်းတွေ ရေးခြစ်လိုက်တယ်။ White is blank. Green is illusion. Blue is pain. စသည်ဖြင့်။ ရောင်စုံစက္ကူတွေကို ဟိုဟိုဒီ ကြဲချလိုက်ပြန်တယ်။ ၀ါးအုပ်ဆောင်းတစ်ခုကို ယူလာပြီး ကွင်းပြင်ရဲ့အလယ် တစ်နေရာမှာ ချလိုက်တယ်။ စောစောက ရေးခြစ်ထားတဲ့ စာရွက်တွေကို အုပ်ဆောင်းပေါ်မှာ ပတ်ပတ်လည် စီရီခင်းလိုက်တယ်။ တိုင်ငါးတိုင်ကို အုပ်ဆောင်း ပတ်ပတ်လည်မှာ စိုက်လိုက်တယ်။ အုပ်ဆောင်းရဲ့ အလယ်က အပေါက်ထဲကို ကောက်ရိုးခြောက်စည်းတွေကို ထိုးထည့်လိုက်တယ်။ ပြီးတော့ ပန်းစည်းတစ်စည်းထဲက ရောင်စုံပန်းငါးပွင့်ကို ယူလာတယ်။ တိုင်တွေကြားမှာ ပန်းတွေကို တစ်ပွင့်စီ ဆင်ယင်လိုက်တယ်။ ကျန်တဲ့ပန်းတွေကို ပွင့်ဖတ်တွေခြွေပြီး ကြဲဖြန့်လိုက်ပြန်တယ်။ အသင့်ရေးထားတဲ့ စာတစ်ပိုဒ်ကို ရွတ်ဖတ်ခြင်းဖြင့် ပြကွက်ကို အဆုံးသတ်ပါတယ်။ “သံသရာလည်နေတဲ့ သံသရာစက်ဝိုင်းရဲ့ နှောင်ဖွဲ့ခြင်းနဲ့ အာရုံတွေရဲ့ တားမြစ်ထိန်းချုပ်မှုကို ခံစားကြတယ်။ ကြွေလွင့်ကြ၊ လှုပ်ရှားကြ၊ လှပကြ၊ စကြ၀ဠာခွင်ထဲမှာ တစ်စုံတစ်ယောက်ရဲ့ ………………………….”.












ပြည်လမ်း Institut Francais de Birmanie မှာ ၂၀၁၁ ဒီဇင်ဘာ ၈ ရက် ညနေက ကျင်းပခဲ့တဲ့ Body Temporary လို့ အမည်ရတဲ့ performance ဖန်တီးမှုတွေမှာ တွေ့မြင်ခဲ့ရတာတွေကို သိုလှောင်ထားခဲ့တဲ့ အာရုံထဲက ဆွဲခေါ်ပြီး အနီးစပ်ဆုံး စာစီကုံးလိုက်ပါတယ်။ အနုပညာရှင်တွေက ဘာတွေကို ဖန်တီးပြချင်ခဲ့သလဲ ဆိုတာ ရှာဖွေ တွေ့ရှိ သုံးသပ် ခံစားစရာများ ဖြစ်ခဲ့ရင် ကိုယ်တိုင် ဆက်လက် တွေးတောကြစေဖို့ပါ။

ပန်ဒိုရာ

Expand..

Summary..

ကွန်ကရစ်မြို့တော်

ကွန်ကရစ်မြို့တော်

တစ်နာရီ ခြောက်ဆယ်မိုင်လျော့လျော့မှာ မအိပ်ငိုက်အောင်
ဖြစ်စေ အိပ်မငိုက်အောင်ဖြစ်စေ သတိပေးစာတမ်းကို နာခံလျက် အသက်ကို မြတ်မြတ်
နိုးနိုး ထုပ်ပိုးကာ ဘာ့ကြောင့်ရပ်ရပ် လမ်းဘေးချရပ်ရင်း အလျင်လိုသူများအနေဖြင့်
လမ်းအိုကိုသာ လိုက်သင့်သော ခရီးအဆုံးမှာ မြင်လေရာရာ ဟာခနဲ ဟင်ခနဲ
ကမ္ဘာမှားသလား ဂြိုဟ်မှားသလား ခရမ်းပြာလဲ့လဲ့ မီးလုံးမီးစုန်းတွေ အဆန်းတကြယ်
ပလတ်စတစ်ပန်းရောင်စုံတို့ ၀န်းရံခ နေသော ပဒုမ္မာ ကုမုဒြာ ကြာပန်းများလည်း လန်းစွင့်
လျက် ဘိလပ်မြေ ဘိလပ်ရည်များ လိမ်းကျံသည့် ကျက်သရေဆောင် လမ်းမရှည်များ စည်းကမ်းတကျ
လေးထောင့်ကွက်ကျ မဟာဆန်ဆန် ပါဠိပုံဆောင်ခဲ မြို့ငယ်များ အရာတော်မြေချ အိမ်ကြီးကနားတို့ဖြင့်
တုတ်တုတ်ပင်မလှုပ် လူသူဆူပူကင်းဝေး ဆိတ်ငြိမ်ပိပြားလျက် အခြေချ စိတ်နှင့်ခန္ဓာထပ်တူ
ရွေ့လျားကြသူများမှ တပါးအင်္ဂါရပ်များအားလုံး နှင့်အညီ ပြီးပြည့်စုံခြင်းဟာ ကျိုးနွံခယ
ဦးချချင်စရာ ညနက်နက်မှာ လထွက်ခါမှ ရုပ်တုကြီးများ အသက်ဝင်လာမလား သောသောညံညံ
မြို့သူမြို့သားတို့ စည်ကားပျော်ပါး ရောင်းဝယ်ဖောက်ကားကြ မနက်မိုးလင်းမှ အလျှိုလျှို
ပျောက်ကွယ်သွားကြလေသည် ဆိုသော ဒဏ္ဍာရီထဲက အဖြစ်မျိုးလား ရူးနှမ်းချောက်ချား
အတွေးပွားမိ နောင်အနှစ် တစ်ထောင်ခန့်အကြာ ပိဋကတ်သုံးပုံကို ဆောင်ကြဉ်း၍ ဘုရား
ကျောင်း ကန် စေတီ ပုထိုးများ တည်ထားစေခဲ့သော သာသနာ့ ဒါယိကာ မင်းမြတ်အနော်ရထာ၏
ဘုန်းတော် ကံတော် ဥာဏ်တော်ပွင့်လင်း အံ့ဘနန်း ဖြစ်လှပါဘိခြင်းလို့ ပုဂံမြို့ဟောင်းမှာ ကမ္ဘာလှည့်
ခရီးသွားတို့ ရင်သပ်ရှုမောရသလို မှတ်တမ်းများ မှတ်ရာများ အမှတ်သည်းခြေများဖြင့်
အသင်္ချေအသချာင်္ သင်္ချာတွက်ထုတ် အလုပ်ရှုပ်ကြရပေလိမ့်မလား လို့လည်း မရဲတရဲ စိတ်ကြီးများပင်
ဝင်ခဲ့မိ ကမ္ဘာ့အကျယ်ဆုံး လမ်းမကြီးတစ်စင်းထိပ်ဝယ် ညီလာခံသဘင်များလည်း ရက်သတ္တပတ်လုံး
နှစ်ဆယ့်လေးနာရီ အလင်းရောင်မပြတ် ၀ှဲချီးကျင်းပလျက် အမှန်အကန် တည်ရှိ ကိုင်တွယ်၍ရခြင်း
အကောင်အထည် ရုပ်အားဖြင့် ဒု ဗြက် တိတိတိကျရှိခြင်း သိပ်သည်း ကြမ်းရှ ကျစ်လျစ်
မာကြော ကြံ့ခိုင် ထူထဲ မြဲမြံခြင်း စသည့် ဂုဏ်သတ္တိများ အထူးထူးအပြားပြားဖြင့် ကွန်ကရစ်မြို့တော်။


ပန်ဒိုရာ
၇-၈.၁၂.၂၀၁၁

Expand..

Summary..