Friday, June 25, 2010

ပြူတင်းပေါက်မှန်ပေါ်မှာ မိုးရေတွေ



ပြူတင်းပေါက်မှန်ပေါ်မှာ မိုးရေတွေ

တချိန်ချိန်က ချိန်းဆိုထားခဲ့တာ ဖြစ်ကောင်းဖြစ်မယ်
ခြိမ်း၍ ခြိမ်း၍လည်း ရွာခဲ့ပါတယ်
မိုးရေပေါက်တွေ...
မျက်လုံးအောက်ကို ရောက်မလာဘူး
ကန့်လန့်ဖြတ်တန်းတွေရဲ့ နောက်ကနေ
ပြူတင်းပေါက်ရဲ့ အပြင်ကို
ငေးရုံ ငေးကြည့်ခဲ့တယ်။

ပန်ဒိုရာ

Expand..

Sunday, June 13, 2010

ပညာရွှေအိုးကို ဘယ်သူရွှေ့သွားသလဲ

အခုတလော ဘလော့ဂ်ထဲမှာ တခြားနေရာမှာ ဆွေးနွေးထားခဲ့တဲ့ မှတ်ချက်တွေကို ကိုယ့်ဘလော့ဂ်မှာ ပြန်တင်တာ ခေတ်စားနေတယ်။ (မှတ်ချက်။ ကိုပေါ ကို စောင်းပြောခြင်းမဟုတ်။ တည့်တည့်ပြောတာ.. ။:))

ဒီတော့ ပို့စ်အသစ်ထွက်မလာနိုင်သေးတဲ့အတူတူ ပန်ဒိုရာလည်း အားကျမခံ ကိုဧရာမသီတာတို့ ဘလော့ဂ်မှာ ရေးဖြစ်ခဲ့တဲ့ မှတ်ချက်တစ်ခုက နည်းနည်းလေး ရှည်နေတာနဲ့ ဒီဘလော့ဂ်မှာ ပို့စ်အဖြစ် ပြန်တင်လိုက်ပါတယ်။ ဆွေးနွေးလိုက လာဆွေးနွေးပေါ့။ ပြန်ပြောစရာရှိလာရင် weekdays တွေမှာတော့ အလုပ်လုပ်နေတဲ့အတွက် တမဟုတ်ချင်း အကြောင်းပြန်နိုင်မှာ မဟုတ်ဘူး။

အခုဒီစာကို မဖတ်ခင် ကိုဧရာရဲ့ ပညာရွှေအိုး လူခိုးနိုင်ပါသလား ကို အရင်ဖတ်ပါ။

-----------

ဖတ်မိမှတ်မိ နားလည်မိသလောက် …..

ဖန်တီးသူကို မူပိုင်ခွင့် ပိုင်ဆိုင်မှုပေးတဲ့နေရာမှာ အဓိက ရည်ရွယ်ချက်ကတော့ တီထွင်ဖန်တီးမှုတွေကို အားပေးဖို့နဲ့ လူသားတွေကလည်း တီထွင်မှုရဲ့ အကျိုးကို ရစေဖို့ဖြစ်ပါတယ်။ တီထွင်သူက မောင်ပိုင်မှတ်ပုံတင်ခွင့်ရသွားတဲ့အတွက် လူသားတွေရဲ့ အကျိုးခံစားခွင့်ကို ထိုက်တန်တဲ့ အဖိုးအခထက်ပိုပြီး နစ်နာသွားစေတယ်ဆိုရင်လည်း မဟုတ်သေးဘူး။ လူတွေက သုံးချင်တိုင်းသုံးခွင့်ရနေလို့ တီထွင်သူမှာ အကျိုးမရှိပဲ နောက်ထပ် တီထွင်လိုစိတ်တွေကို ဟန့်တားသွားစေတယ်ဆိုရင်လည်း မဟုတ်သေးဘူး။ အဲဒီ အစွန်းနှစ်ခုကြားမှာ မျှတပေးဖို့ ဒီစနစ်က ရည်ရွယ်တယ်။ ထုတ်လုပ်ရောင်းချတဲ့ နေရာမှာ monopoly သိပ်ဖြစ်လာတာတွေနဲ့ ပတ်သက်လို့ကတော့ တိုးတက်တဲ့နိုင်ငံတွေမှာ anti-trust law တွေ competition law တွေနဲ့ ပြန်ညှိထားပါတယ်။

အထူးသဖြင့် patent လို့ခေါ်တဲ့ သိပ္ပံနည်းပညာ တီထွင်မှုတွေမှာဆိုရင် တီထွင်သူ/ မူပိုင်ခွင့်လျှောက်ထားသူ ကို monopoly rights အနေနဲ့ အချိန်ကာလတခု အထိ ပေးလိုက်တယ်။ အပြန်အလှန် လဲလှယ်တဲ့အနေနဲ့ သူကလည်း သူ့ရဲ့တီထွင်မှုအဆင့်ဆင့်ကို လူတွေသိနိုင်အောင် ဖွင့်ထုတ်ပြီး ပြောပြရတယ်။ တစ်ခုရှိတာကတော့ patent ရယူခွင့်လျှောက်တာက ဈေးကြီးပြီး အချိန်ကြာတတ်တဲ့အတွက် ကုမ္ပဏီအသေးတွေ ပုဂလိက တွေအတွက် ၀န်ထုတ်ဝန်ပိုးဖြစ်စေတယ်။ ဒါကြောင့်လည်း ကုမ္ပဏီ အကြီးတွေကပဲ patent ပိုင်ဆိုင်မှုတွေ ပိုများနေတတ်တာပါ။

လူသားတွေအတွက် အကျိုးမယုတ်စေဖို့ သင့်တင့်တဲ့ သတ်မှတ်ချက်တွေ ရှိပါတယ်။ ဥပမာ scientific formula တွေကို patent လုပ်လို့မရပါဘူး။ နိုင်ငံအလိုက် လိုအပ်ချက်နဲ့အညီ ဥပဒေကို ပြင်ဆင်ကြတာလည်း ရှိပါတယ်။ အိန္ဒိယမှာဆိုရင် ဆေးဝါးနဲ့ပတ်သက်တဲ့ တီထွင်မှုတွေမှာ generic drugs တွေကို ပေးထုတ်ရပါတယ်။

Copy left တို့ Open source တို့လို နည်းပညာဝေမျှလိုတဲ့ဘက်က လှုပ်ရှားမှုတွေလည်း ရှိလာပါတယ်။ ဒါကတော့ အားလုံးနဲ့ဆိုင်တဲ့ ပြဿနာ ဖြစ်ပါတယ်။ တဟုန်ထိုး တိုးတက်လာတဲ့ နည်းပညာနဲ့အညီ ဥပဒေက လိုက်မပြင်နိုင်သေးလို့ ဖြစ်ပါတယ်။ တချို့ တင်းကျပ်တဲ့ ဥပဒေတွေက ဒီခေတ် တိုးတက်လျှင်မြန်နေတဲ့ နည်းပညာခေတ်မှာ သဘာဝမကျတော့ဘူး။ ဒါတွေကိုလည်း ကျောင်းတွေကပညာရှင်တွေ တက်ကြွလှုပ်ရှားသူတွေ ဥပဒေပညာရှင်တွေနဲ့ အစိုးရတွေကြားမှာ ဆွေးနွေးငြင်းခုံနေကြဆဲပါ။

ဖွံ့ဖြိုးမှု မညီမျှတဲ့ နိုင်ငံတွေကြားမှာ အခွင့်ကောင်းယူတဲ့ ပြဿနာတွေလည်း ရှိလာတတ်ပါတယ်။ လွန်ခဲ့တဲ့ နှစ်အနည်းငယ်ကတော့ အိန္ဒိယက ဘာစမာတီ ဆန် (ဒန်ပေါက်ချက်တဲ့ဆန်) ကို အနောက်နိုင်ငံက တယောက်ယောက်က မူပိုင်ခွင့် လျှောက်လာတယ်။ ဒါကတော့ patent ဆန်ဆန် ဖြစ်တဲ့ plant variety ဆိုတဲ့ အောက်မှာလို့ ထင်ပါတယ်။ အိန္ဒိယက ကန့်ကွက်လိုက်ရတယ် ပြောတယ်။ အဲဒီလို traditional knowledge တွေ genetic resources တွေကို အိမ်ရှင်နိုင်ငံကသာ ပိုင်ဆိုင်သင့်တယ်ဆိုတဲ့ သတ်မှတ်ချက်တွေလည်း ရှိပါတယ်။ တစ်ဦးတစ်ယောက်က အတင်းဦးပြီး သွားမှတ်ပုံတင်လို့ မရပါဘူး။ ဥပမာ သနပ်ခါးရဲ့ ဆေးဖက်ဝင်ပုံတို့ ကချင်ပြည်က ခန်းတောက်မြစ်နဲ့မချစ်ဥ တို့ကို နိုင်ငံခြားသားတစ်ယောက်က သူပိုင်တဲ့နည်းပညာဆိုပြီး မှတ်ပုံသွားတင်လို့မရဘူး။ ခက်တာက အဲလို traditional knowledge တွေ genetic resources တွေက မဖွံ့ဖြိုးသေးတဲ့ နိုင်ငံတွေမှာ အများအပြားရှိနေပြီး အဲဒီနိုင်ငံတွေ ကိုယ်တိုင်က သတိမမူမိ မမူအား ကြတာပါ။ သူများက သူပိုင်တယ်ဆိုပြီး မှတ်ပုံတင်သွားတောင် သိလိုက်မှာမဟုတ်ဘူး။ လောလောဆယ်တော့ အဲဒီကိစ္စတွေကို နိုင်ငံတကာမှာ အကြီးအကျယ် ဆွေးနွေးနေကြတုန်းပါ။

နောက်တချက်ကတော့ ဆင်းရဲတဲ့နိုင်ငံတွေမှာ နည်းပညာ ဗဟုသုတ မတိုးတက်တဲ့အတွက် တိုးတက်ပြီးသားသူတွေဆီက အစစ်တွေ မ၀ယ်နိုင်တဲ့အခါ ခိုးသုံးရတာပါပဲ။ ဆင်းရဲရာကနေ တိုးတက်ရာတိုးတက်ကြောင်းအတွက် ဗဟုသုတ နည်းပညာကို လိုချင်၊ အဲဒါကို တရားဝင်ဈေးနှုန်းတွေနဲ့ ၀ယ်ဖို့အတွက်ကလည်း ဆင်းရဲ ဆိုတော့ သံသရာက ဘယ်လိုလုပ်ပြတ်မှာလဲ။ ဒီတော့ နေရင်းထိုင်ရင်း နေ့စဉ်ဘ၀မှာပဲ မလွှဲသာမရှောင်သာ သူခိုးဖြစ်နေရသူတွေအတွက် စဉ်းစားဖို့လိုပါတယ်။ ဒါကတော့ သက်ဆိုင်ရာနိုင်ငံရဲ့ အကြီးအကဲတွေက နိုင်ငံတကာအဖွဲ့အစည်းတွေနဲ့ ညှိယူရမှာပါ။ နိုင်ငံတကာ ပဋိညာဉ်တွေ စာချုပ်တွေမှာ လက်မှတ် လုံးဝမထိုးပဲ ရှောင်နေတာထက် ကိုယ့်ပြည်သူတွေအတွက် အကျိုးမယုတ်စေဖို့ ချွင်းချက်တွေကို ကာလတစ်ခုအထိ တရားဝင် သတ်မှတ်လာအောင် ညှိနှိုင်းဖို့ ဖြစ်နိုင်ခြေတွေရှိပါတယ်။ သို့သော်လည်း ဒါတွေက ကိုယ့်နိုင်ငံအတွက် တာဝန်ရှိသူတွေ ကိုယ်တိုင် သိနားလည်ပြီး နိုင်ငံတကာမှာ ကိုယ်လိုချင်တာကို ကိုယ့်ဘာသာ တိုက်တွန်း ဆွေးနွေးဖို့ လိုပါတယ်။ ခက်တာက အဲလို မဖွံ့ဖြိုးသေးတဲ့နိုင်ငံမျိုးတွေက ဒီလိုကိစ္စတွေကို ဦးစားပေးအနေနဲ့ ဘယ်တော့မှ စဉ်းစားလေ့မရှိဘူး။ သူတို့မှာ ဒီ့ထက်အရေးကြီးတဲ့ ကိစ္စတွေက ရှိနေတယ် ဆိုတော့ကာ.....။

(အားရင်တော့ ဒီထဲက ဗွီဒီယိုလေးကြည့်ကြည့်ပါနော်။ http://pandora-and-pandora.blogspot.com/2008/10/blog-post_12.html )

ပန်ဒိုရာ

Expand..

Sunday, June 6, 2010

လူရိုင်းတွေနေတဲ့ရွာ




လူရိုင်းတွေနေတဲ့ရွာ

အရောင်များနဲ့ချောက်ချားစေမတဲ့
မျက်နှာ ၀မ်းဗိုက် လက်မောင်း
ရဲပဒေါင်းထအောင် ကြောင်ကျားခြယ်
ရွာထိပ်ကို ၀င်ဝင်ချင်းမှာ နတ်ဘုရားရုပ်တုနဲ့
အရိုးတွေ ချိုတွေ အစွယ်တွေနဲ့
တင်းပုတ်နဲ့ ၀ါးရင်းတုတ်နဲ့ လှံချွန်ရှည်နဲ့
သားရဲတွေကို ရင်ဆိုင်ဖို့
တခြားမျိုးနွယ်စုတွေကို ရင်ဆိုင်ဖို့
လူစိမ်းတွေကို ရင်ဆိုင်ဖို့
ရင်ဆိုင်မှုတွေကို ရင်ဆိုင်ဖို့
ဆွဲခေါ်ချင်လို့ ရိုးအမှု လို့ဆိုဆို
ချန်ထားချင်လို့ ရိုးသားမှု လို့ဆိုဆို
ကိုယ့်ဘာသာစကားနဲ့ကိုယ်
ကိုယ့်ဘ၀နဲ့ကိုယ့်အကြောင်းနဲ့
ကိုယ့်အဓိပ္ပါယ်နဲ့ကိုယ် နေထိုင်ကြတယ်
အရှက်ဆိုတာကို အဓိပ္ပါယ်ဖွင့်ပုံကိုက ကွဲပြားတယ်
အသက်ဆိုတာကို တန်ဖိုးထားပုံကိုက ကွဲပြားတယ်
အချစ်ဆိုတာကို ခံယူပုံ အပြစ်ဆိုတာကို ခံယူပုံ
ယုတ်စွအဆုံး ဗုံသံကိုကြားပုံကအစ
ထုံ ထုံ ထုံ လို့ နားမှာ မမြည်ဘူး
ဝေါင်း ဝေါင်း ဝေါင်း လို့ ကျားတစ်ကောင်ဟိန်းသလို မှတ်ယူတယ်
ဗုံသံထဲမှာလည်း အစုံပါတယ် အကုန်ပါတယ် ဘုံပါတယ်
ရွာသူကို ပိုးပမ်းတဲ့အကြောင်း
အမဲသားငါး များများရစေဖို့အကြောင်း
ဝက်ဝံနဲ့ နပန်းသတ်တဲ့အကြောင်း
တောင်ကျရေပြင်း တိုက်စားသွားတဲ့အကြောင်း
(လူဖြူတွေကို မုန်းတီးတဲ့အကြောင်းလည်း ပါနိုင်ရဲ့)
ဝေါင်း ဝေါင်း ဝေါင်း တီးခတ်ကြ ကခုန်ကြ
သေသူ့ဝိညာဉ်တွေ ပူးကပ်တုန်ယင်နေတဲ့ဗုံ
ဝေါင်း ဝေါင်း ဝေါင်း
မီးပုံပေါ်မှာ ချွေးစက်တွေဟာ တဖျစ်ဖျစ်ကျွမ်းလောင်
ဝေါင်း ဝေါင်း ဝေါင်း
ယဇ်စင်ပေါ်မှာ သားကောင်ကို လှီးဖြတ်လိုက်ပြီ
ဝေါင်း ဝေါင်း ဝေါင်း
နတ်ဝင်သည်ရဲ့ နိမိတ်ဖတ်သံကို မျက်တောင်မခတ်နာခံကြ
ဝေါင်း ဝေါင်း ဝေါင်း
ဆက်သွယ်မှုဟာ ဗုံသံနဲ့
တောင်းဆိုမှုဟာ ကကြိုးတွေနဲ့
ကျမ်းစာဟာ အရုပ်သင်္ကေတနဲ့
မိုးကောင်းကင် ကို ပကတိမျက်စိနဲ့ ဖတ်ရှုကြတယ်
နက္ခတ်တာရာတွေကို ဗလာလက်ဖ၀ါးမှာ ရေးမှတ်ကြတယ်
ရာသီဥတုကို သစ်ရွက်တွေပေါ် ဖွဖွတင်ကြည့်တယ်
သားကောင်ကို လေတိုးသံတွေထဲမှာ ခြေရာခံတယ်
အဲဒီတုန်းက နေရောင်ဟာ ခရမ်းလွန်ရောင်ခြည်ကင်းတယ်
အဲဒီတုန်းက မိုးရေစက်တွေမှာ အက်စစ်မပါဘူး
ကျောက်ဖြစ်ရုပ်ကြွင်းတွေသာ စကားပြောတတ်ခဲ့ရင်
အဲဒီတစ်နေ့ကို ပြန်ခေါ်ပေးလိမ့်ဦးမယ်
စက်တပ်ယာဉ်ကြီးတွေ ဝေါခနဲ ဆိုက်ရောက်လာကြတဲ့နေ့
တင်ဆောင်လာတယ် ဟင်းခတ်အမွှေးအကြိုင်တွေ အိုးခွက်ပန်းကန်တွေ
တပ်ဆင်လာတယ် အဆင်တန်ဆာများ ခမ်းနားဝတ်ရုံများ
ချဲ့ထွင်လာတယ် ၀ယ်လိုအား ရောင်းလိုအား ဈေးကွက်စီးပွား
သင်ကြားလာတယ် မင်းတို့ကဘာလဲ ငါကဘာလဲ ဘာကဘာလဲ
ထို့နောက် ထို့နောက်နှင့် ဒီ့ထက်မကများ..
ဒီ့ထက် ဒီ့ထက်….
ဒီ့ထက်များရဲ့ အဲဒီ့ထက်မှာ…
တံဆိပ်တုံးများ အမှတ်သင်္ကေတများ
အသွေးအရောင်များ အစုအဖွဲ့များ
ဖြစ်စဉ်များ အစ်ဇင်များ
သံတူကြောင်းကွဲ ကြောင်းတူသံကွဲတို့ရဲ့
ဖက်ရှင် အက်ရှင်များ
ပခုံး-ပခုံးများ ခြေရာ-ခြေရာများ
ထိုင်ခုံချင်း တကျွိကျွိတွန်းတိုက်သံ
ဝီစီတရွှီရွှီမှုတ်သံ လက်ခုတ်တဖြောင်းဖြောင်းတီးသံ
အဲဒီလိုနဲ့ ဗုံသံတွေခြောက်ခန်းပြီး
လူရိုင်းယဉ်ကျေးမှု ပျောက်ကွယ်ခဲ့တာပဲ။


ပန်ဒိုရာ

Expand..