Tuesday, August 18, 2015

အိုင်အိုဝါရက်စွဲများ အပိုင်း (၉) - နိဂုံး



(ဓာတ်ပုံတွေတင်ရခက်တာနဲ့ မတင်ဖြစ်တဲ့ နိဂုံးပိုင်းပါ။ နှစ်ချို့နေပြီမို့ ခွင့်လွှတ်ပါ။ ဖတ်သူလည်း သိပ်မရှိလောက်လို့ အေးအေးဆေးဆေး လုပ်နေတာပါ။ :))


အိုင်အိုဝါရက်စွဲများ အပိုင်း (၉) - နိဂုံး

၂၃။ ဝါရှင်တန်ဒီစီ ခရီး

ဝါရှင်တန်ဒီစီကို မထွက်ခွာခင် IWP စာရေးဆရာတွေရဲ့ အထုပ်အပိုးတစ်ခုစီကို အမေရိကန်နိုင်ငံတွင်း မိမိတို့နှစ်သက်ရာ ခရီးဆုံးတစ်ခုကို ပို့ပေးဖို့ IWP ကစီစဉ်ပေးပါတယ်။ ပစ္စည်းအတော်များများကို သေတ္တာအကြီးထဲမှာ ထုပ်ပိုးပြီး နောက်ဆုံးခရီးစဉ်ဖြစ်တဲ့ နယူးယောက်ကို ပို့လိုက်တဲ့အခါ ဝါရှင်တန်ဒီစီမှာ နေထိုင်ဖို့ အဝတ်အစားအနည်းငယ်ပဲ သေတ္တာအသေးထဲမှာ သက်တောင့်သက်သာ ဖြစ်သွားပါတယ်။ 

မသွားခင် ရက်အတန်ကြာကတည်းက ဝါရှင်တန်ဒီစီမှာနေထိုင်တဲ့ ဒေါ်မေငြိမ်း၊ ဒေါ်စမ်းစမ်းတင်၊ ဒေါ်ခက်မာတို့နဲ့ ချိန်းဆိုထားခဲ့ပါတယ်။ ဆရာမဒေါ်မေငြိမ်းနဲ့ သိကျွမ်းခင်မင်ခဲ့တာ ၂၀၀၇ ခုနှစ်မှာ အင်တာနက်ထဲက စခဲ့တာပါ။ ဆရာမ ဒေါ်စမ်းစမ်းတင်၊ ဒေါ်ခက်မာတို့နဲ့လည်း ကြိုးညှိခြင်း ကဗျာစာအုပ် စီစဉ်ရင်းနဲ့ ခင်မင်ခဲ့ရပါတယ်။ အပြင်မှာ လူချင်းတစ်ခါမှ မဆုံဖူးတဲ့ စာရေးဆရာမတွေနဲ့ တွေ့ဆုံရမှာ  စိတ်လှုပ်ရှားစရာလည်း ကောင်းလှပါတယ်။

အုပ်ချုပ်ရေးမြို့တော် ဝါရှင်တန်ဒီစီကို ရောက်တဲ့ညဟာ သမ္မတရွေးကောက်ပွဲ အဆုံးအဖြတ်ပေးမယ့် ညလည်း ဖြစ်နေပါတယ်။ IWP ရုံးက အချိန်ကိုက် စီစဉ်ထားခဲ့ပါတယ်။ ရောက်ရောက်ချင်းမှာ ကျွန်မတို့ တည်းခိုတဲ့ Hilton Garden Inn Downtown ဟိုတယ်မှာ လာတွေ့သူက ဒေါ်စမ်းစမ်းတင်ပါ။ အဲဒီနေ့ညနေပိုင်းမှာ ဟိုတယ်အနီးတဝိုက်နဲ့ အိမ်ဖြူတော်အထိ လမ်းလျှောက်ပြီး လိုက်ပြခဲ့ပါတယ်။ ဝါရှင်တန်ဒီစီရဲ့ ဖွဲ့စည်းပုံကြောင့် မြို့ထဲက လမ်းတွေဟာ မှတ်ရလွယ်ကူပါတယ်။  ပြီးတော့ ဒေါ်မေငြိမ်း စောင့်နေတဲ့နေရာကို ရထားစီးပြီး သွားကြပါတယ်။

(ပုံ၁။ ဒေါ်စမ်းစမ်းတင်နဲ့အတူ)


အဲဒီညက ဒေါ်ခက်မာ၊ ဒေါ်စမ်းစမ်းတင်၊ ဒေါ်မေငြိမ်းမိသားစု၊ ကျွန်မသူငယ်ချင်း ညီညီ(သံလွင်)ရဲ့အစ်မ မတင်မိုးအေးတို့ ဇနီးမောင်နှံ နဲ့အတူ မြန်မာထမင်းဟင်း ရောင်းတဲ့ စားသောက်ဆိုင်မှာ ညစာစားခဲ့ပါတယ်။  တကယ်တော့ မတင်မိုးအေးနဲ့ ဆရာမဒေါ်မေငြိမ်းတို့က ကျွန်မရောက်လာတဲ့အခါ ဝါရှင်တန်ဒီစီအနီးက နီဝါရောင်သစ်ရွက်တွေနဲ့ လှပတဲ့ တောအုပ်ရှိရာကို လိုက်ပို့ပေးမယ်လို့ စီစဉ်ထားခဲ့တာပါ။ ဒီဒေသက သစ်ရွက်တွေ အရောင်ပြောင်းချိန်ဟာ အိုင်အိုဝါထက် နောက်ကျတဲ့အတွက် လှပတဲ့ ရှုခင်းကို မြင်နိုင်သေးလို့ပါ။ ဒါပေမယ့်လည်း စန်ဒီမုန်တိုင်းကြောင့် သစ်ရွက်တွေလည်း ကြွေပြီး ရာသီဥတုဆိုးသွားခဲ့တဲ့အတွက် အဲဒီအစီအစဉ်ကို ဖျက်လိုက်ရပါတယ်။ 

(ပုံ၂။ ဒေါ်ခက်မာ၊ ဒေါ်မေငြိမ်း၊ ဒေါ်စမ်းစမ်းတင်တို့နဲ့ ညစာအတူစားကြစဉ်)

ညကအေးလာတဲ့အတွက် ဟိုတယ်မှာ ပြန်နားရင်း တီဗွီကနေ သမ္မတ ရွေးကောက်ပွဲ အဖြေကို စောင့်ကြည့်ခဲ့ပါတယ်။ IWP စာရေးဆရာ တချို့ကတော့ အဲဒီညမှာ အိမ်ဖြူတော်အနီးတဝိုက်မှာ စောင့်နေခဲ့ကြပါတယ်။ IWP ရုံးအဖွဲ့တွေရော စာရေးဆရာတွေပါ သမ္မတအိုဘားမားကို အားပေးကြသူတွေ ဖြစ်တာမို့ ပျော်ရွှင်စရာည ဖြစ်ခဲ့ပါတယ်။
နောက်တစ်နေ့ မနက်ပိုင်းမှာတော့ IWP က စီစဉ်ပေးတဲ့ tour ကားကြီးနဲ့ မြို့ရဲ့ ထင်ရှားတဲ့နေရာတွေကို လျှောက်ကြည့်ကြပါတယ်။ အဖြူရောင်အဆောက်အဦတွေ အများအပြားတွေ့ရတဲ့ ဝါရှင်တန်ဒီစီမြို့မှာ အဆောက်အဦအမြင့်ကြီးတွေတော့ သိပ်မရှိပါဘူး။ သွားခဲ့တဲ့ နေရာတွေထဲမှာ သမ္မတဟောင်းတွေဖြစ်တဲ့ ဂျက်ဖာဆင်၊ လင်ကွန်း၊ ဝါရှင်တန်၊ ရုစဗဲ့ တို့ရဲ့ အမှတ်တရ အဆောက်အဦတွေ၊ အမှတ်တရကျောက်တိုင်၊ ဒုတိယကမ္ဘာစစ်၊ ဗီယက်နမ်စစ်ပွဲ၊ ကိုရီးယားစစ်ပွဲ တွေအတွင်းမှ ကျဆုံးသွားတဲ့ ရဲဘော်တွေအတွက် အမှတ်တရနေရာတွေ၊ မာတင်လူသာကင်းအမှတ်တရ၊ Capitol အဆောက်အဦ၊ အိမ်ဖြူတော်နဲ့ ကမ္ဘာပေါ်မှာ အကြီးဆုံး ပြတိုက်စုစည်းရာဧရိယာဖြစ်တဲ့ စမစ်ဆိုနီယမ် ပြတိုက်ဝင်း တို့ပါဝင်ပါတယ်။  


(ပုံ ၃။ အိမ်ဖြူတော်)


(ပုံ ၄။ Capitol အဆောက်အဦ)


(ပုံ ၅။ သမ္မတလင်ကွန်း ရုပ်တု)


(ပုံ ၆။ မာတင်လူသာကင်းရုပ်တုရှေ့မှာ IWP စာရေးဆရာတွေ ပို့စ်ပေးနေစဉ်)

(ပုံ ၇။ ကိုရီးယားစစ်ပွဲ အမှတ်တရ နေရာ)

(ပုံ ၈။ ဗီယက်နမ်စစ်ပွဲအတွင်း ကျဆုံးသွားတဲ့ စစ်သည်တွေရဲ့ နာမည်ကို ကဗျည်းမှတ်တမ်းတင်ထားပုံ)


IWP က လိုက်ပို့တဲ့ နေ့တစ်ဝက်ခရီးစဉ် ပြီးတဲ့အခါ ကိုယ့်အစီအစဉ်နဲ့ကိုယ် သွားချင်တဲ့နေရာကို သွားလည်ဖို့ အချိန်ရတာမို့ ဒေါ်စမ်းစမ်းတင်နဲ့ ချိန်းဆိုထားခဲ့ပါတယ်။ နေ့လည်စာစားပြီးကြတဲ့အခါ စမစ်ဆိုနီယမ် ပြတိုက်ဝင်းထဲကို ဝင်လာခဲ့ပါတယ်။ ကြည့်ရှုစရာ ၁၉ ခုလုံးကို နေ့တစ်ဝက်နဲ့ လည်ပတ်ဖို့ဆိုတာကတော့ မဖြစ်နိုင်တဲ့ကိစ္စပါ။ တကယ်တော့ အဲဒီလိုပြတိုက်ကြီးတွေကို တစ်နေ့မှာ တစ်ခုပဲ လည်ပတ်ကြည့်ရှုရင် အကောင်းဆုံး၊ အနှစ်သာရလည်း အရှိဆုံးဆိုတာကိုတော့ ရှီကာဂိုက ပြတိုက်တွေမှာ သွားကြည့်ကတည်းက သဘောပေါက်ခဲ့ပါတယ်။ ဒါပေမယ့်လည်း နောက်တစ်နေ့မှာ ကျွန်မက ကဗျာရွတ်ဖို့ အစီအစဉ် ရှိနေတဲ့အတွက် လေကြောင်းနဲ့အာကာသ ပြတိုက်နဲ့  ကျွန်မကြည့်ချင်နေတဲ့ တရုတ်အနုပညာရှင် အိုင်ဝေဝေရဲ့ လက်ရာတွေကို အထူးခင်းကျင်းထားတဲ့ ဟစ်ရ်ှဟွန်းပြတိုက် တို့ကို သွားခဲ့ပါတယ်။

လေကြောင်းနဲ့အာကာသ ပြတိုက်ထဲမှာ ခင်းကျင်းထားတဲ့ လေယာဉ်တွေကို မြင်တော့ စိတ်ထဲမှာ  Night at the museum 3 ရုပ်ရှင်ကို ပြန်သတိရပြီး ပြုံးမိပါသေးတယ်။ စင်ကာပူက Science Centre နဲ့ အသစ်ဖွင့်ထားတဲ့ ArtScience Museum ကိုလည်း သတိရမိပါတယ်။ မြန်မာပြည်မှာတော့ ရန်ကုန်က နက္ခတ်တာရာပြခန်းကို ငယ်ငယ်က ရောက်ဖူးခဲ့ပါတယ်။ အခုတော့ အဲဒီပြခန်းလည်း လူတွေ စိတ်ဝင်စားကြသေးရဲ့လား မသိပါဘူး။ ပြုပြင်မွမ်းမံတယ်လို့လည်း ကျွန်မ မကြားမိပါ။ နိုင်ငံရပ်ခြားက ပြတိုက်တွေလို ခေတ်မီ ခေတ်လွန် အရာတွေကို အဆင့်မြင့်မြင့် မခင်းကျင်းနိုင်ပေမယ့် အနည်းဆုံး အခြေခံလောက်ဖြစ်ဖြစ် အများပြည်သူ ကြည့်ရှုလေ့လာနိုင်တဲ့ သိပ္ပံနဲ့နည်းပညာဆိုင်ရာ ပြတိုက်တစ်ခုလောက် ရန်ကုန်မှာ ရှိရင် ကလေးတွေအတွက် အကျိုးရှိမယ်၊ တီထွင်ဖန်တီးလိုစိတ်နဲ့ အားကျစိတ်လည်း ရှိလာမယ်လို့ တွေးဖြစ်အောင် တွေးမိလိုက်ပါသေးတယ်။
(ပုံ ၉။ လေကြောင်းနဲ့အာကာသပြတိုက် (Air and Space Museum) မှ မြင်ကွင်းတစ်ခု) 


အဲဒီနောက် ဟစ်ရ်ှဟွန်းပြတိုက်ကို ဆက်သွားခဲ့ပါတယ်။ ဟစ်ရ်ှဟွန်းပြတိုက်မှာက အဆောက်အဦထဲမှာ တပ်ဆင်မှုအနုပညာ (installation) တွေ ပန်းချီကားတွေရှိပြီး အပြင်ဘက် ခြံဝင်းထဲမှာတော့ ရုပ်တုဥယျာဉ်အဖြစ် တည်ရှိပါတယ်။ According to what လို့ နာမည်ပေးထားတဲ့ အိုင်ဝေဝေရဲ့ လက်ရာစုစည်းမှုတွေထဲက ပထမဦးဆုံး ထင်ထင်ရှားရှား လှမ်းမြင်ရတာက ရာသီခွင်သင်္ကေတ တွေပါ။ ဗိသုကာပညာရှင်တစ်ဦးလည်း ဖြစ်တဲ့ အိုင်ဝေဝေဟာ အနုပညာဆန်တဲ့ စိတ်ကူးစိတ်သန်းတွေကို သူ့ရဲ့ ကျွမ်းကျင်တဲ့လက်ရာနဲ့ လှလှပပ ပေါင်းစပ်ပြီး ခဲရာခဲဆစ် ဖန်တီးနိုင်သူပါ။ နာမည်ကြီးလှတဲ့ အိုင်ဝေဝေရဲ့ လက်ရာတွေကို မျက်ဝါးထင်ထင်တွေ့လိုက်ရမှပဲ သူ့ရဲ့ အသေးစိတ်ကျကျ အားထုတ်မှုနဲ့ နည်းပညာပိုင်း ကျွမ်းကျင်မှုဟာ အလွယ်တကူ လိုက်လံတုပလို့မရအောင် ကြီးမားလှတာကို ပိုသဘောပေါက်မိပါတယ်။ 


(ပုံ ၁၀။ အိုင်ဝေဝေရဲ့ provisional landscape တရုပ်ပြည်က ဆောက်လုပ်ရေးလုပ်ငန်း အဆင့်ဆင့်ဓာတ်ပုံ)


(ပုံ ၁၁။ အိုင်ဝေဝေရဲ့  a cloud burst of wooden stools သစ်သားထိုင်ခုံများ ချိတ်ဆက်မှု)


(ပုံ ၁၂။ အိုင်ဝေဝေရဲ့ snake ceiling  စီချွမ်ငလျင်မှာသေဆုံးသွားကြတဲ့ ကျောင်းသားလေးတွေ သုံးလေ့ရှိတဲ့ ကျောပိုးအိပ်တွေကို မြွေတစ်ကောင်အဖြစ် ခင်းကျင်းထားပုံ)


(ပုံ ၁၃။ အိုင်ဝေဝေရဲ့ Dropping a Han Dynasty Urn, 1995/2009; Colored Vases, 2007-2010. )


အဲဒီနောက် အောက်ထပ်မှာ ခင်းကျင်းပြထားတဲ့ ဘာဘရာကရုဂါ (Babara Kruger) ရဲ့ ယုံကြည်မှု+သံသယ (belief+doubt) စကားလုံး installation တွေကို ကြည့်ဖြစ်ပါတယ်။ ဥပဒေရဲ့အလွန်မှာ ဘယ်သူရှိသလဲ။ ဘယ်သူဖွင့်ဟပြောဆိုသလဲ။ ဘယ်သူနှုတ်ဆိတ်နေလဲ။ (Who is beyond the law? Who speaks? Who is silent?) အစရှိတဲ့ ပုံနှိပ်စာလုံးအဖြူရောင်တွေကို အကြီးကြီးချဲ့ပြီး အနီရောင်နဲ့ အနက်ရောင် နောက်ခံတွေမှာ ခင်းကျင်းစီရီထားတာ ထူးခြားတဲ့ အာရုံခံစားမှုကို ပေးစေပါတယ်။ 
(ပုံ ၁၄။ ကရုဂါရဲ့ ခင်းကျင်းတင်ဆက်မှု)

ပြတိုက်တွေက ပြန်လာပြီးတဲ့အခါ တရုတ်ဆိုင်က အစားအသောက်တွေ ဝယ်ပြီး ဒေါ်စမ်းစမ်းတင်အိမ်မှာ စားဖြစ်ကြပါတယ်။ 

ပြီးတော့ ရွေးကောက်ပွဲ လေ့လာရေးခရီးအတွက် မြန်မာပြည်ကနေ ရောက်နေကြသူတွေနဲ့အတူ လွတ်လပ်သောအာရှအသံ (RFA) ရုံးကို အလည်သွားဖြစ်ခဲ့ကြပါတယ်။ နောက်တစ်နေ့မှာတော့ မနက်ပိုင်းမှာ ဗွီအိုအေ(VOA) အသံလွှင့်ဌာနကို အလည်ရောက်ခဲ့ပါတယ်။ ဒေါ်လှလှသန်းနဲ့ တွေ့ဆုံဖြစ်တဲ့အခါ ကျွန်မစီစဉ်ခဲ့တဲ့ ကြိုးညှိခြင်း ကဗျာစာအုပ်နဲ့ မြန်မာအမျိုးသမီး ကဗျာဆရာ တွေအကြောင်းကို စိတ်ဝင်စားတဲ့အတွက် အမျိုးသမီးကဏ္ဍအတွက် အင်တာဗျူးတစ်ခု လုပ်ဖြစ်ခဲ့ပါတယ်။ 

(ပုံ ၁၅ ။ RFA ရုံးမှာ အမှတ်တရ)


(ပုံ ၁၆။ VOA ရုံးမှာ အမှတ်တရ)

မွန်းလွဲပိုင်းမှာတော့ Politics and Prose Book Store မှာ ကျင်းပတဲ့ ကဗျာရွတ်ပွဲကို သွားရပါတယ်။ နိုင်ငံခြားရေးဝန်ကြီးရုံးရဲ့ ပညာရေးနဲ့ ယဉ်ကျေးမှုဌာန က Assistant Secretary ဖြစ်တဲ့ မစ်စ် အန်းစတော့ခ် (Ms. Ann Stock) က အမှာစကားပြောခဲ့ပါတယ်။  အဲဒီနေ့က ကူဝိတ်က တားလက်ဘ်၊ ရုရှက အလီဆာ၊ ပါကစ္စတန်က ဘီလယ်တို့နဲ့အတူ ကျွန်မလည်း ကဗျာအချို့ ရွတ်ခဲ့ပါတယ်။ မေးလာတဲ့ မေးခွန်းတွေကိုလည်း ဆွေးနွေးဖြေကြားခဲ့ပါတယ်။ အဲဒီညနေစောင်း ကဗျာရွတ်ပွဲကိုလည်း ဆရာမ ဒေါ်စမ်းစမ်းတင်က လာပြီး အားပေးခဲ့ပါတယ်။ ဆရာမရဲ့ ဧည့်ဝတ်ကျေဖော်ရွေမှုတွေက မမေ့နိုင်စရာပါ။  ကြိုးညှိခြင်းစာအုပ်ကို တကူးတကမှာကြားပြီး အားပေးသူတစ်ဦးဖြစ်တဲ့ မချယ်ရီ ကလည်း ကဗျာရွတ်ပွဲကို လာရောက်ခဲ့ပါတယ်။ 

(ပုံ ၁၇။ Politics and Prose စာအုပ်ဆိုင်မှာ ကဗျာအကြောင်းဆွေးနွေးကြစဉ်)


၂၄။ နယူးယောက်ခရီး

ဝါရှင်တန်ဒီစီကနေ နယူးယောက်ကို ဘတ်စ်ကားစီးပြီး သွားခဲ့ပါတယ်။ နယူးယောက်ကို ရောက်တဲ့နေ့က သောကြာနေ့ မွန်းလွဲပိုင်းဖြစ်ပါတယ်။ IWP စာရေးဆရာတစ်ယောက်က MoMA (မော်ဒန်အနုပညာပြတိုက်)ကို သောကြာနေ့ညနေပိုင်း သွားရင် ဝင်ခွင့်လက်မှတ်တွေ အလကားပေးတယ်လို့ သတင်းပေးထားပါတယ်။ ပုံမှန်ဆိုရင်တော့ ဝင်ကြေး၂၅ဒေါ်လာ ပေးရမှာပါ။ အဲဒီညနေက နာမည်ကျော် MoMA ကို ရောက်ခဲ့ပါတယ်။ ပြတိုက်ထဲက နာမည်ကျော်တွေရဲ့ မူရင်း လက်ရာတွေကို ကြည့်ခဲ့တဲ့ အတွေ့အကြုံရှိခဲ့ပေမယ့်လည်း အခုလို တစ်စုတစ်စည်းတွေ ထပ်တွေ့ရတော့ ရင်ခုန်စရာကောင်းတာပါပဲ။

အချိန်တိုအတွင်းမှာ ကျွန်မစိတ်အဝင်စားဆုံး လက်ရာတွေရှိတဲ့ အထပ်တွေကိုပဲ သွားခဲ့ပါတယ်။ ဒေါ်လာ ၁၂၀ မီလီယံနီးပါး စံချိန်ချိုးပြီး လေလံအောင်ထားခဲ့တဲ့ မွန့်ခ်ျရဲ့ အော်သံ၊ မိုနေးရဲ့ ကြာပန်းတွေ၊ ဗန်ဂိုးရဲ့ ကြယ်စုံည၊ ဖရီဒါခါလိုရဲ့ ကိုယ်တိုင်ရေးပုံတူတွေ၊ ရူးဆိုး၊ ဂေါ်ဂင်၊ ပီကာဆို၊ မိုဒီလျာနီ စတဲ့ မြောက်များလှစွာတဲ့ နာမည်ကျော် ပန်းချီဆရာတွေရဲ့ ပန်းချီကားတွေ၊ ပန်းပုရုပ်တွေ၊ installation art တွေကြားမှာ ညနေခင်းရဲ့ အချိန်တွေဟာ အကုန်မြန်ခဲ့ပါတယ်။
(ပုံ ၁၈။ နယူးယောက်မြို့တွင်းတစ်နေရာ)


(ပုံ ၁၉။ MoMA မှာ တွေ့ခဲ့ရတဲ့ အော်သံ ပန်းချီကား)


(ပုံ ၂၀။ မိုနေးရဲ့ ကြာပန်းတွေနဲ့အတူ)


နယူးယောက်မြို့ကို ရောက်ရှိခဲ့တဲ့ အချိန်အတောအတွင်း flarf ကဗျာဆရာမ နာဒါဂေါ်ဒင်နဲ့ LPကဗျာဆရာ ပါမောက္ခ ချားလ်စ်ဘန်းစတိန်း တိုနဲ့ တွေ့ဆုံဖြစ်ခဲ့တာဟာလည်း အလွန်ကို ကံကောင်းလှပါတယ်။ နာဒါဂေါ်ဒင်ကိုတော့ PEM-SKOOL ကဗျာဆရာတွေနဲ့ ကဗျာဆရာဟံလင်း တို့ကတဆင့် facebook မှာ မိတ်ဆက်ဖြစ်ပြီးတော့ ဘန်းစတိန်းကိုတော့ Bones Will Crow အယ်ဒီတာတစ်ဦးဖြစ်သူ ဂျိမ်စ်းဘန်းရဲ့ အကြံပြုချက်အရ ကိုယ့်ဘာသာမိတ်ဆက်ပြီး တွေ့ဖြစ်ခဲ့တာဖြစ်ပါတယ်။ (Conceptual ကဗျာဆရာ ဂိုးလ်စမစ်၊ LP ကဗျာဆရာ ဘန်းစတိန်းနဲ့ flarf ကဗျာဆရာမ နာဒါဂေါ်ဒင်တို့နဲ့ တွေ့ဆုံခဲ့တဲ့ အကြောင်းတွေကို ကဗျာလောက ၂ မှာလည်း ဆောင်းပါးသီးသန့် ရေးထားခဲ့ပါတယ်။) 

(ပုံ ၂၁။ နာဒါဂေါ်ဒင်နဲ့ တွေ့ဆုံစဉ်)


(ပုံ ၂၂။ ဘန်းစတိန်းနဲ့ တွေ့ဆုံစဉ်)


ကဗျာနဲ့ပတ်သက်လို့ Poets House ကိုလည်း IWP အစီအစဉ်နဲ့ အလည်အပတ်ရောက်ခဲ့ပါတယ်။ အဆောက်အဦရဲ့ အပေါ်ထပ်မှာတော့ ကဗျာနဲ့ ပတ်သက်တဲ့ စာအုပ်တွေ အများအပြားစုစည်းထားတဲ့ စာကြည့်တိုက်တည်ရှိပြီး အောက်ထပ်မှာတော့ ကဗျာရွတ်ပွဲကျင်းပတဲ့ ခန်းမရှိပါတယ်။ IWP စာရေးဆရာတွေထဲက ဥဇဘက်ကစ္စတန်က အလီနာ၊ ဘော့စဝါနာက တီဂျေဒီးမားနဲ့ ဘရာဇီးက ရော်ဒရီဂိုတို့က သူတို့ရဲ့ လက်ရာတွေကို ဖတ်ပြခဲ့ပါတယ်။ 

(ပုံ ၂၃။ Poets House ရှေ့မှာ)

စိတ်လှုပ်ရှားစရာကောင်းတဲ့ အစီအစဉ်တစ်ခုကတော့ Battery Dance Company နဲ့ IWP တို့ ပူးပေါင်းတင်ဆက်တဲ့ စာပေနဲ့အက အစီအစဉ်ဖြစ်ပါတယ်။ အဲဒီအစီအစဉ်မှာပါဝင်ဖို့ ကဗျာတွေ စကားပြေတွေကို ပေးပို့ဖို့ IWP စာရေးဆရာတွေကို ဖိတ်ခေါ်ထားခဲ့ပါတယ်။ ရေးသားရမယ့် အဓိက အကြောင်းအရာကတော့ Expressing Freedom ဖြစ်ပါတယ်။ IWP စာရေးဆရာ ၉ ယောက်နဲ့ ဒါရိုက်တာ ခရစ္စတိုဖာမာရေးလ်ကိုယ်တိုင် ပါဝင်ခဲ့ကြပါတယ်။ ကျွန်မက ကဗျာကို အင်္ဂလိပ်လို တိုက်ရိုက် ရေးလေ့ရေးထ သိပ်မရှိပါဘူး။ ဒါပေမယ့်လည်း ဒီအစီအစဉ်မှာ ပါဝင်ဆင်နွှဲချင်တဲ့အတွက် “…. Leading to the people” လို့ ခေါင်းစဉ်ပေးထားတဲ့ ကဗျာတစ်ပုဒ်ကို ရေးခဲ့ပါတယ်။ ဒီကဗျာကို ရေးတဲ့အချိန်မှာ ခေါင်းစဉ်အတွက် “Liberty Leading the People” ဆိုတဲ့ နာမည်ကျော် ပြင်သစ်ပန်းချီကားရဲ့ လှုံ့ဆော်မှုကို တစ်စိတ်တစ်ပိုင်း ရခဲ့တယ်။ ကဗျာကို မြန်မာလို ဘာသာပြန်ရင်တော့ အောက်ပါအတိုင်း ဖြစ်ပါတယ်။

လူထုဆီသို့ သယ်ဆောင်လာသော…

ဖြတ်သန်း ပြီးတော့ ဖြတ်တောက်
ပြတ်တောင်းပြတ်တောင်း ဖြတ်
ပြတ်တောင်းပြတ်တောင်းများစွာနဲ့ ဖြတ်
တဆက်တစပ်တည်း ဖြတ်
တစ်သက်တာထာဝရ ဖြတ်
တစ်ဦးဆိုင်လက်နဲ့
အများပိုင်လက်နဲ့
ရှေ့ကကမ်းတဲ့ လက်တစ်ချောင်းနဲ့
ရှေ့ကိုလှမ်းတဲ့ လက်အချောင်းချောင်းနဲ့
သေးကွေးနုနယ်လက်တွေနဲ့
အရေတွန့်ရှုံ့တွလက်တွေနဲ့
သွယ်ပျောင်းဖော့ဖယောင်းလက်တွေနဲ့
ဆာလောင်ငတ်မွတ်အရိုးပြိုင်းလက်တွေနဲ့
သွေးရောင်လွှမ်းကျန်းမာသန်စွမ်းလက်တွေနဲ့
လက်ဖြူတွေ လက်မဲတွေ လက်ဝါတွေ
တစ်ခုခုကို ဆုပ်ကိုင်ချင်ရင် တစ်ခုခုကိုတော့ လွှတ်ချခဲ့ရမယ်
(ဟင့်အင်း တစ်ခုမက အများကြီး)
ကြက်သီးမွေးညင်းတွေ
ပါးစပ်ထဲကိုက်ထားတဲ့ လက်သည်းတွေ
တဆတ်ဆတ်တုန်နေတဲ့ ရင်ခုန်သံတွေ
နက်ရှိုင်းတဲ့အမြစ်တွေရဲ့ ဖက်တွယ်မှုတွေ
ဒရွတ်တိုက်နေတဲ့ သံကြိုးထူထူတွေ
ပျံ့လွင့်နေတဲ့ ထင်ယောင်ထင်မှားတွေ
ဒါတွေကို လွှတ်ချလိုက်ပြီး မီးရှုးတိုင်တစ်တိုင်ကို ကိုင်စွဲနိုင်လိုက်တဲ့အခါ
အဲဒါကို လွတ်လပ်ရေးလို့ခေါ်တယ်

ပန်ဒိုရာ
၂၆.၁၀.၂၀၁၂

ကဗျာရဲ့ အင်္ဂလိပ်ဗားရှင်းကို အကပညာရှင် ကားမန်းနီကိုးလ် (Carmen Nicole) ရဲ့ အကသရုပ်ဖော်နဲ့ အတူ ရွတ်ဆိုတင်ဆက်ခဲ့ပါတယ်။ အဲဒီပွဲကို အစကတော့ Ellis Island မှာ စင်တင်ကပြမကြလို့ စီစဉ်ခဲ့ကြတယ်။ နောက်တော့ စန်ဒီ ဟာရီကိန်း ကြောင့် အဲဒီကျွန်းကို သွားလို့မရတဲ့အတွက် နယူးယောက်မြို့ ဘရော့ဝေးလမ်းက Access Theatre မှာပဲ ကျင်းပလိုက်ရပါတယ်။

အဲဒီနေ့က တင်ဆက်မှုအစီအစဉ်တွေဟာ ကျွန်မအတွက်တော့ အများကြီး လေ့လာမှတ်သားစရာတွေ ဖြစ်ခဲ့ပါတယ်။ စာရေးဆရာ ၁၀ ယောက်ရဲ့ လက်ရာတွေကို သရုပ်ဖော်တဲ့ အကပညာရှင် ၁၀ ယောက်ဟာ တစ်ဦးနဲ့တစ်ဦး တင်ဆက်ပုံချင်း စိတ်ကူးစိတ်သန်းချင်း မတူညီပဲ အတော်ကို လွတ်လွတ်လပ်လပ်နဲ့ ပေါ့ပေါ့ပါးပါးလည်း ဖြစ်ကြပါတယ်။ ကကြိုးကကွက်တွေထဲမှာ ဇင်ဘာဘွေက ခရစ္စတိုဖာမာလာဇီ ရဲ့ ကဗျာထဲက ပန်းတွေပွင့်လာပုံကို သရုပ်ဖော်တဲ့ လူမည်းအကပညာရှင် ဘာဖာနာ ရဲ့ လှုပ်ရှားဟန်တွေဟာ အထူးကို အသက်ဝင်လှပါတယ်။ (အဲဒီအစီအစဉ်ကို အင်တာဗျုးတွေအပါအဝင် ရိုက်ကူးထားတဲ့ ဗွီဒီယိုကိုတော့ အင်တာနက်ထဲက http://vimeo.com/58791865 ဆိုတဲ့ လင့်ခ်မှာ ကြည့်လို့ရပါတယ်။) ရန်ကုန်ကို ပြန်ရောက်တဲ့အခါ အဲဒီ တင်ဆက်မှုဟာ ကျွန်မရဲ့ စိတ်ထဲမှာ စွဲလန်းနေတဲ့အတွက် Blue Wind Multimedia International Art Festival မှာ ကဗျာဆရာမလည်းဖြစ် အကပညာရှင်လည်းဖြစ်တဲ့ မွန်းသူအိမ်နဲ့အတူ ကျွန်မရဲ့ “ငါ ကျနေတယ်” ဆိုတဲ့ကဗျာကို သရုပ်ဖော်ခဲ့ပါတယ်။ 

(ပုံ ၂၄။ အကပညာရှင် ကားမန်းနီကိုးလ် နဲ့ အတူ)

ကျွန်မရောက်ဖူးချင်တဲ့ နိုင်ရာဂရာ ရေတံခွန်ဘက်ကို သွားဖို့ အဆင်မပြေခဲ့ပေမယ့် နယူးယောက်မြို့ကြီးမှာ လည်ပတ်ဖို့ အချိန်တချို့ရခဲ့ပါတယ်။ ကျွန်မရဲ့ ဘလော့ဂ်ကို လာဖတ်ရာကနေ သိကျွမ်းခင်မင်ခဲ့တဲ့ ကိုသက်မှူး (ဆရာရန်ကုန်ဘဆွေရဲ့သား) ကလည်း နေရာတချို့ကို လိုက်ပို့ပေးခဲ့ပါတယ်။ ကျွန်မတို့ တည်းခိုတဲ့ဟိုတယ်က Times Square မှာ တည်ရှိတာမို့ သွားရလာရတာလည်း အဆင်ပြေလှပါတယ်။ ဘရွတ်ကလင်း တံတား၊ Wall street အနီးတဝိုက်၊ World Trade Centre ရဲ့နေရာဟောင်း၊ Central Park တို့ကိုလည်း ရောက်ခဲ့ပါတယ်။ စင်ကာပူမှာ ရထားကို အဓိကထားပြီး သွားလာခဲ့တဲ့ အလေ့အကျင့်ကြောင့် ဝါရှင်တန်ဒီစီနဲ့ နယူးယောက်မှာ မြေပုံကိုကြည့်ပြီး ရထားစီးရတာ သိပ်တော့ မခက်ခဲလှပါဘူး။ တစ်ခုပါပဲ။ နယူးယောက်မှာတော့ ရထားရှိရာ မြေအောက်ထဲကို ဝင်ပေါက်နဲ့ ထွက်ပေါက်ဟာ နေရာမတူတာမို့ သင်္ကေတတွေကို မှတ်သားထားရပါတယ်။ အလွန်စည်ကား ကြီးမားလှတဲ့ နယူးယောက်မြို့ကြီးမှာ သန့်ရှင်းသပ်ရပ်မှုအတွက်တော့ စင်ကာပူလောက် နိုင်နိုင်နင်းနင်း မစီမံနိုင်ဘူးလို့ မြင်ရပါတယ်။ 

(ပုံ ၂၅။ ဘရွတ်ကလင်း တံတားပေါ်မှမြင်ကွင်း)


(ပုံ ၂၆။ Central Park ထဲက မြင်ကွင်းတစ်ခု)

နိုဝင်ဘာ ၁၃ ရက်ညမှာတော့ ဟိုတယ်မှာ အတူတည်းခိုနေကြတဲ့ IWP စာရေးဆရာတွေဟာ IWP coordinator ဂျိုးရဲ့အခန်းမှာ နှုတ်ဆက်ပွဲညအဖြစ် အမှတ်တရ တွေ့ဆုံဖြစ်ခဲ့ကြပါတယ်။ သုံးလတာနီးပါး အတူတကွနေထိုင် စားသောက်ခဲ့၊ လှုပ်ရှားမှုတွေမှာ ပါဝင်ခဲ့ကြတဲ့ ခရီးစဉ်ဟာ အဆုံးသတ်ခဲ့ပါပြီ။ တချို့လည်း ကမ္ဘာ့တစ်နေရာရာမှာ အလွယ်တကူ ပြန်ဆုံကြဦးမှာပါ။ တချို့ကိုတော့ နောက်ထပ် လူချင်း တွေ့ဆုံဖြစ်ပါဦးမလားဆိုတာ မပြောနိုင်ပါဘူး။ အင်တာနက် လူမှုကွန်ရက်တွေ သုံးစွဲသူတို့ကတော့ အနည်းဆုံး အွန်လိုင်းကနေ အဆက်မပြတ် သတင်းတွေ ဝေမျှနေကြဦးမှာပါ။ တွေ့ဆုံခဲ့တဲ့ IWP စာရေးဆရာတွေကတဆင့် ဆက်လက်ချိတ်ဆက်ပြီး နိုင်ငံတကာစာပေ ကွန်ရက် ပိုပြီး ကျယ်ပြန့်လာဖို့လည်း ဖြစ်နိုင်ပါတယ်။

ဒီအစီအစဉ် တလျှောက်လုံးမှာ အနည်းဆုံး ဖုန်းဆက်လို့ပဲဖြစ်ဖြစ် အကူအညီပေးကြ၊ မသိတာကို ပြောပြပေးကြပြီး ဧည့်ဝတ်ကျေပွန်ခဲ့ကြတဲ့ အမေရိကရောက် မြန်မာမိတ်ဆွေတွေရဲ့ ကျေးဇူးကြောင့်လည်း အခက်အခဲတွေ လျော့ပါးခဲ့ရပါတယ်။ ရောက်လေရာမှာ ပန်ဒိုရာရဲ့ စာပေခရီးဟာ အွန်လိုင်းကနေ စတင်ခဲ့တာ၊ ထုတ်ဝေမှုလည်း ဘယ်လောက်အတိုင်းအတာပဲ ရှိသေးတာကို အားလုံးကို ပြောပြခဲ့ပါတယ်။ ကျွန်မရဲ့ ကဗျာတွေ စာတွေကို နှစ်သက်တယ်ဆိုရင် ပိုထင်ရှားတဲ့ ခေတ်ပြိုင် မြန်မာစာရေးဆရာ ကဗျာဆရာတွေ၊ ဘာသာမပြန်ရသေးတဲ့ ခေတ်အဆက်ဆက်က စာကောင်းပေကောင်းတွေ အများကြီး ရှိသေးတာကိုလည်း အမြဲမီးမောင်းထိုးပြခဲ့ပါတယ်။ ဘယ်လိုပဲဖြစ်ဖြစ် ကဗျာဆရာကြီး ပါမောက္ခ ချားလ်စ် ဘန်းစတိန်း အပါအဝင် ကျွန်မတွေ့ခဲ့တဲ့ စာပေသမားတွေ၊ ကျောင်းက တက္ကသိုလ်ဆရာတွေ အားလုံးဟာ မြန်မာလူမျိုး ကဗျာရေးသူ စာရေးသူ တစ်ယောက်အပေါ် ဝါနုဝါရင့်၊ အွန်လိုင်းပရင့်၊ အမျိုးသမီးအမျိုးသား ခွဲခြားမှုဆိုလို့ ခေါင်းထဲလုံးဝမထည့်ဘဲ အလေးထားဆက်ဆံခဲ့တာ ကျေးဇူးတင်လေးစားစရာပါ။ 

မြန်မာပြည်ကို ပြန်ရောက်လာတဲ့အခါ IWP စာရေးဆရာတချို့ရဲ့ အင်တာဗျူးတွေ၊ စာပေလက်ရာတွေကို ဘာသာပြန်ဖြစ်ခဲ့ပါတယ်။ ကျွန်မရဲ့ ကဗျာတချို့ကိုလည်း သူတို့ရဲ့ ဘာသာစကားနဲ့ ပြန်ဆိုဖြစ်ကြတာ ရှိပါတယ်။ IWP ဝက်ဘ်ဆိုက်မှာလည်း “On going home” ဆိုတဲ့ခေါင်းစဉ်နဲ့ အိမ်ပြန်ရောက်ချိန် ခံစားမှု ရသအက်ဆေးတစ်ပုဒ် အင်္ဂလိပ်ဘာသာနဲ့ ရေးဖြစ်ခဲ့ပါတယ်။ ဒီလိုနိုင်ငံတကာ အစီအစဉ်တွေဟာ တစ်နိုင်ငံနဲ့တစ်နိုင်ငံကြား စာပေယဉ်ကျေးမှုတွေ ကူးလူးယှက်နွယ်ဖို့အတွက် အလွန်သင့်တော် ကောင်းမွန်လှပါတယ်။ ၂၀၁၃ နှစ်ဆန်းပိုင်းမှာတော့ IWP ဒါရိုက်တာ ခရစ္စတိုဖာ မာရေးလ်နဲ့ အမေရိကန်စာရေးဆရာ ကဗျာဆရာတွေဟာ မြန်မာနိုင်ငံကို လာရောက်ပြီး တက္ကသိုလ်တွေမှာ ရက်တိုသင်တန်းတွေ ပို့ချပေးခဲ့ပါတယ်။ IWP ရဲ့ ၂၀၁၃ ခုနှစ် fall residency မှာတော့ မြန်မာနိုင်ငံက ကဗျာဆရာ၊ ဘာသာပြန်ဆရာ ဇေယျာလင်း တက်ရောက်နေပါပြီ။ 

မြန်မာစာပေကို ကမ္ဘာကသိစေ၊ ကမ္ဘာ့စာပေနဲ့ ယဉ်ကျေးမှုကိုလည်း မြန်မာက ပိုမိုရင်းနှီးကျွမ်းဝင်စေဖို့ ဒီလို အစီအစဉ်တွေမှာ မြန်မာစာရေးဆရာတွေ တက်တက်ကြွကြွ နှစ်စဉ်ပါဝင်နေကြဦးမယ်လို့ ယုံကြည်မိပါတယ်။ ကျွန်မဟာ ကံကောင်းချင်တော့ ဒီအစီအစဉ်တက်ရောက်နေစဉ်မှာ အလုပ်ကနေ ခွင့်ရက်ရှည်ယူထားတာမို့ မိသားစုကို သတိရတာကလွဲလို့ ဘာမှ ပူပင်စရာမရှိပဲ ခရီးစဉ်တလျောက်လုံးမှာ စိတ်အေးလက်အေး ပါဝင်ဆင်နွှဲနိုင်ခဲ့ပါတယ်။ လှပတဲ့အိုင်အိုဝါမြို့ကလေးမှာ အေးချမ်းခဲ့တဲ့ နေ့ရက်တွေကိုတော့ အထူး အမှတ်ရနေမှာပါ။

ပန်ဒိုရာ
၁၀.၉.၂၀၁၃

 ၂၀၁၃ နိုဝင်ဘာလ စတိုင်သစ်မဂ္ဂဇင်းတွင် ဖော်ပြပြီး။ 








Expand..

Sunday, August 16, 2015

အင်တာနက်ထဲက စုပေါင်းစပ်ပေါင်းကဗျာများ



အင်တာနက်ထဲက စုပေါင်းစပ်ပေါင်းကဗျာများ



“ကဗျာတစ်ပုဒ် နှစ်ယောက်တွဲရေးတာ ဘာမှ အသစ်အဆန်းတော့မဟုတ်ပါဘူး။ ရှေ့မှာ အများကြီး။ ကျွန်တော်ကတော့ fcebook သုံးရင်း FB ရဲ့ ဖန်ရှင်တွေကိုအသုံးချပြီး လုပ်လို့ရတဲ့ ကဗျာအလုပ်တစ်ခု လုပ်ကြည့်ဖို့ စိတ်ကူးမိတာပါလေ။ Group page တစ်ခုဖွင့်၊ ကော်မန့်ရေးစရာ ဘောက်စ်တွေနေရာမှာ ကဗျာရိုက်ထည့်ရင်း အပြန်အလှန်ရေးကြပေါ့”

ကဗျာတစ်ပုဒ်ကို ကဗျာဆရာတစ်ဦးထက်ပိုပြီး စုပေါင်းရေးသားကြတာ ယခင်ကတည်းက offline မှာ ရှိခဲ့ပါတယ်။ အင်တာနက်ပေါ်ပေါက်လာတဲ့အခါမှာတော့ အကွာအဝေးတွေဟာ ကျုံ့လာတဲ့အတွက် ကဗျာရေးသူ တစ်ဦးနဲ့တစ်ဦးကြား ဆက်သွယ်မှုတွေဟာ ပိုပြီး မြန်ဆန် လွယ်ကူလာပါတယ်။ အဲဒီအကျိုးဆက်ကြောင့် ပေါ်ထွက်လာတဲ့ ဥပမာတစ်ခုကတော့ ၂၀၁၅ ဖေဖေါ်ဝါရီက ထုတ်ဝေလိုက်တဲ့ ကဗျာဆရာမောင်ယုပိုင်ရဲ့ “Double Poetry Project” ဖြစ်ပါတယ်။ အထက်စာပိုဒ်ပါ စာသားတွေကတော့ Double Poetry Project ရဲ့ အမှာစာထဲက ကောက်နုတ်ထားတာဖြစ်ပါတယ်။ မြိတ်မြို့မှာ နေထိုင်သူ မောင်ယုပိုင်ဟာ အင်တာနက်ကို သုံးပြီး မြန်မာပြည်အခြားဒေသတွေနဲ့ နိုင်ငံရပ်ခြားနေထိုင်သူ အပါအဝင် ကဗျာဆရာ၊ဆရာမ ၄၄ဦးနဲ့အတူ “နှစ်ယောက်တစ်ပုဒ်” (အနည်းငယ်ကတော့ သုံးယောက်တစ်ပုဒ်) ကဗျာစုစုပေါင်း ၄၂ ပုဒ် ကို ရေးသားထုတ်ဝေနိုင်ခဲ့ပါတယ်။ “ကဗျာခေါင်းစဉ်ပူးပေါင်းမှု” မှာ အခြားသော ကဗျာဆရာ၊ဆရာမ ၁၆ ဦးလည်း ပါဝင်ခဲ့ကြပါတယ်။

၂၀၁၅ ကမ္ဘာ့ကဗျာနေ့မှာ အခမဲ့ကော်ပီတွေကို ဖြန့်ဝေခဲ့ပြီး ပုံနှိပ်စာအုပ်ထွက်လာဖို့ စီစဉ်နေဆဲဖြစ်တဲ့ ကဗျာဆရာရဲမြင့်သူ ရဲ့“ရဲမြင့်သူ နှင့် အခြားစစ်ပွဲများ (Collage & Collaboration)” ကဗျာတွေဟာလည်း ထိုနည်းတူဖြစ်ပါတယ်။ မောင်ယုပိုင်က facebook ပေါ်မှာ ပူးပေါင်းမဲ့ ကဗျာဆရာဆရာမ အားလုံးပါဝင်တဲ့ secret group page တစ်ခု တည်ထောင်ပြီး status နဲ့ comment တွေကတဆင့် ရေးသားခဲ့ပါတယ်။ ရဲမြင့်သူကတော့ facebook ပေါ်မှာ secret group page တစ်ခုစီ ကို ကဗျာဆရာ အခြားကဗျာဆရာ ၁၆ ယောက် တစ်ဦးချင်းနဲ့ သီးသန့်စီ တည်ထောင်ပြီး status နဲ့ comment တွေကတဆင့် ကဗျာပူးပေါင်းရေးသားခဲ့တယ်။

မောင်ယုပိုင်ရဲ့ နှစ်ယောက်တစ်ပုဒ်တွေမှာ ရေးသူနှစ်ဦးရဲ့ စာကြောင်းများ ပြန်လည်ရောနှောထားခြင်း တည်းဖြတ်ထားခြင်း မျိုး မတွေ့ရဘဲ ဘယ်သူက ဘယ်စာပိုဒ်ကို ရေးတယ်ဆိုတာကိုလည်း ကဗျာထဲမှာ နာမည်အတိုကောက်နဲ့ ဖော်ပြထားပါတယ်။ ရဲမြင့်သူကတော့ ရေးသူနှစ်ဦးရဲ့ စာကြောင်းတွေကို ပြန်လည်တည်းဖြတ် ရောနှောထားတယ် လို့ဆိုပါတယ်။ ဘယ်စာကြောင်းကို ဘယ်သူရေးတယ်ဆိုတာမျိုး ခွဲခြားဖော်ပြခြင်း မရှိပါဘူး။ ၂ ဦး ပေါင်းရေးရတာ တွဲဖက်ညီတာရှိသလို အဆင်မပြေတာလည်း ရှိတယ်၊ အာရုံခံစားမှုချင်း၊ စာကြောင်းချင်းဆက်စပ်မရလို့ ကဗျာဟာ မကောင်းဘူးလို့ ယူဆတဲ့အတွက် စာအုပ်ထဲ မထည့်ဖြစ်တော့တဲ့ ကဗျာတွေလည်းရှိတယ်လို့ ရဲမြင့်သူက ပြောပါတယ်။

ကဗျာတစ်ပုဒ်ကို ပူးပေါင်းရေးသားတဲ့နေရာမှာ ၂ ဦး သို့မဟုတ် ၃ ဦး ပူးပေါင်းတာတွေကို တွေ့ရပေမဲ့ အဲဒီထက်ပိုများတဲ့ ပူးပေါင်းမှုကတော့ တွေ့ရတာ နည်းပါတယ်။ အောက်ဖော်ပြပါကဗျာကတော့ တွေ့မိသမျှထဲမှာ ကဗျာရေးသူအရေအတွက် အများဆုံး ပူးပေါင်းမှုတစ်ရပ်ဖြစ်ပါတယ်။ စာကြောင်းအချို့ကို ကောက်နုတ်တင်ပြလိုက်ပါတယ်။

တံတားကို အကာအကွယ်ယူပြီး
……
တံတားဆရာ FBI တွေကြားမှာ
တံတားကို အကာအကွယ်ယူထားသူကရော
တံတိုင်းတွေ ခုထိလုံခြုံစွာ ပုန်းခိုနေကြတုန်း
လူထုဆီ
လူရွှင်တော်တွေဆီမှာ
တံတားဆရာနားလည်စပြုလာပြီ
ကက်ဘိနက်မှာ တံတားအကြောင်း ဆွေးနွေးကြမယ်တဲ့
တံတား ခု အဲ့နေရာမှာ ရှိသေးလား
တစ်ယောက်ယောက်က စောင့်ကြည့်နေခဲ့တာ/ဆဲ
တစ်ယောက်ကို တစ်ယောက်က နေသားတကျစောင့်ဆိုင်း
London bridge is falling down
Falling down falling down
ဘယ်သူ နာသွားသလဲ ဘယ်သူတွေ သာသွားသလဲ
တံတားဆရာ အပျော်ဆုံးနေ့ပဲ
ခွေးလာလို့မရအောင် ကြောင်တွေ
နောက်ကွယ်က ကြိုးကိုင်ခဲ့တာ
…..
အထက်ပါကဗျာကို ကဗျာဆရာ ၂၂ ယောက်က တစ်ယောက်ကို စာကြောင်းအနည်းငယ်စီနဲ့ စုပေါင်း ရေးသားခဲ့ပါတယ်။ facebook ပေါ်က comment တွေမှာ ရှေ့ကရေးတဲ့သူရဲ့ စာကြောင်းကို ကြည့်ပြီး နောက်က ဆက်ရေးကြတာဖြစ်ပါတယ်။ ကဗျာထဲမှာ ပါဝင်ခဲ့တဲ့ ကဗျာဆရာ ၃ - ၄ ယောက်နဲ့တွေ့တဲ့အခါ ဒီလိုကဗျာမျိုးရဲ့ အရည်အသွေးနဲ့ပတ်သက်လို့ မေးမြန်းမိတဲ့အခါ အားရမှု သိပ်မရှိကြောင်း ပြောခဲ့ကြပါတယ်။ သူတို့ပြောပြချက်အရ အွန်လိုင်းမှာ ဒီလို လူတွေအများကြီး စုရေးရတာ လွဲချော်မှုတွေလည်း ရှိတတ်ပါတယ် တဲ့။ ကိုယ့်ရှေ့က မှတ်ချက်ထဲက ကဗျာစာကြောင်းကို ကြည့်ပြီး လိုက်ရေးလိုက်တဲ့ စာကြောင်းဟာ ကော်နက်ရှင် အခြေအနေကြောင့် တော်တော်နဲ့ တက်မလာခင် အခြားသူတစ်ဦးရေးလိုက်တဲ့ စာကြောင်းက မှတ်ချက်ထဲမှာ တက်သွားလို့ အဆက်အစပ်မဲ့သွားတာ ဒါမှမဟုတ် အိုင်ဒီယာထပ်သွားတာမျိုး ရှိတတ်ပါသတဲ့။

အပြင် offline မှာတော့ Creative Writing သင်တန်းတွေမှာ  ဂိမ်းဆန်ဆန် ဒီလိုကဗျာရေးကြတဲ့ ရေးနည်းတစ်ခုကို ကြုံတွေ့ခဲဖူးပါတယ်။ ကျောင်းသား အများအပြားရှိတဲ့ အတန်းထဲမှာ စာရွက်လွတ်တစ်ရွက်ကို ပေးပြီး ကဗျာစာကြောင်းတစ်ကြောင်းစီ ရေးခိုင်းပါတယ်။ ဒုတိယရေးသူက ပထမဆုံးရေးသူရဲ့ ကဗျာစာကြောင်းကို ကြည့်ပြီး လိုက်ရေးရပါတယ်။ အဲဒီနောက် ပထမရေးသူရဲ့ စာကြောင်းကို စာရွက်ထဲမှာ ခေါက်ထားလိုက်ပါတယ်။ ဒီလိုနဲ့ နောက်ဆက်ရေးသူတွေက ကိုယ့်ရှေ့က ရေးသူရဲ့ စာကြောင်းက လွဲလို့ ဟိုးရှေ့က ရေးထားတဲ့ စာကြောင်းတွေကို မမြင်ရအောင် စာရွက်ကို ဆက်ဆက် ခေါက်သွားကြပါတယ်။ အားလုံးပြီးသွားတဲ့အခါကျမှ စာရွက်တစ်ရွက်လုံးကို ဖြန့်ကြည့်ပြီး ဘယ်လို ကဗျာမျိုး ထွက်လာတယ်ဆိုတာကို ကြည့်ကြပါတယ်။ ဒီလို အခြေအနေမှာတော့ အွန်လိုင်းမှာလို ကော်နက်ရှင် ပြဿနာ ကြုံစရာအကြောင်းမရှိလို့ ပိုစနစ်ကျစေပါတယ်။ ဒါပေမဲ့ ကဗျာဆရာ အများအပြားကို အခုလို စုပြီး ရေးသားဖို့ ဆိုရင်တော့ အားလုံး တစ်စုတစ်စည်း တစ်ထိုင်တည်း ဆုံတွေ့ဖို့ဟာ အွန်လိုင်းထက် အများကြီး ခက်ခဲပါတယ်။

အမေရိကန်ကဗျာဆရာကြီး မာဗင်ဘဲလ် (Marvin Bell) နဲ့ အိုင်အိုဝါတက္ကသိုလ်က IWP ဒါရိုက်တာ ခရစ္စတိုဖာမာရေးလ်တို့ဟာ “Everything at once” ဆိုတဲ့ နှစ်ဦးပေါင်း စကားပြေကဗျာစာအုပ် ဖြစ်မြောက်လာဖို့အတွက် ခရစ္စတိုဖာမာရေးလ်က ပြည်ပနိုင်ငံတွေမှာ ရှိနေပြီး မာဗင်ဘဲလ်က အမေရိကန်နိုင်ငံမှာ ရှိနေခဲ့ချိန်မှာ တစ်ဦးနဲ့တစ်ဦး ၁၅ လကြာအောင် အီးမေးလ်ကတဆင့် အပြန်အလှန် ကဗျာတွေ ပို့ ဆွေးနွေးတိုင်ပင်ပြီး ထုတ်ဝေခဲ့ကြတာဖြစ်ပါတယ်။ “ကဗျာဆရာ ၇ ယောက်၊ လေးရက်တာ၊ စာအုပ်တစ်အုပ်( seven poets, four days, one book)”  လို့ ခေါင်းစဉ်ပေးထားတဲ့ စာအုပ်တစ်အုပ် အတွက်တော့ ခရစ္စတိုဖာမာရေးလ်ဟာ ကဗျာဆရာ ၆ ယောက်ကို အိုင်အိုဝါမြို့ကို လာရောက်ဖို့ ဖိတ်ခေါ်ခဲ့ပါတယ်။ အဲဒီမှာ လေးရက်တာ နေထိုင်တဲ့အခိုက် ပထမဦးဆုံး ခရစ္စတိုဖာမာရေးလ်က ကဗျာတစ်ပုဒ်ကို အရင်ရေးပါတယ်။ သူ့ကဗျာထဲက စာကြောင်းတွေကို ကျန်ကဗျာဆရာတစ်ယောက်စီက ပထမဆုံး စာကြောင်းအဖြစ်ယူပြီး အသီးသီး ကဗျာဆက်ပြီး ရေးကြပါတယ်။ ပြီးတော့ အဲဒီကဗျာဆရာအသီးသီးရဲ့ စာကြောင်းတွေကို တခြားကဗျာဆရာတွေက ပထမဆုံးစာကြောင်းအဖြစ် ခွဲဝေယူပြီး ဆက်ရေးကြပြန်ပါတယ်။ အဲဒီလိုနဲ့ ချိတ်ဆက်ဖြစ်ပေါ်လာတဲ့ ကဗျာတွေကို စုစည်းပြီး ထုတ်ဝေထားတဲ့စာအုပ်ဖြစ်ပါတယ်။ ဒါကတော့ နိုင်ငံရပ်ခြားက သူတို့ရဲ့ အွန်လိုင်း အော့ဖ်လိုင်း ကဗျာပူးပေါင်းမှုတွေ ဖြစ်ပါတယ်။

အင်တာနက်ထဲက စုပေါင်းစပ်ပေါင်း ကဗျာမျိုးတွေထဲမှ အကြောင်းအရာ၊ Theme ဒါမှမဟုတ် ခေါင်းစဉ်တစ်ခုတည်းကို မတူညီတဲ့ ကဗျာဆရာတွေက တစ်ယောက် တစ်ပုဒ်စီ တမင်ရည်ရွယ် ဝိုင်းရေးကြတာတွေလည်း ရှိပါတယ်။ “ကျွန်တော်မသိဘဲ မိုးတွေရွာသွားတယ် မကြည်ဖြူ” နဲ့ အခြားသော မကြည်ဖြူခေါင်းစဉ်ပါ ကဗျာတွေကို ဇာတိ၊ နေ့သစ်၊ သူရဿဝါ၊ မိငြိဏ်းခက် စတဲ့ကဗျာဆရာ အသီးသီးကရေးခဲ့ကြတယ်။ “ဆိတ်” နဲ့ပတ်သက်တဲ့ ကဗျာတွေကို PEM Skool ကဗျာဆရာတွေ တစ်ယောက်တစ်ပုဒ် ရေးခဲ့ကြတယ်။ တချို့သော ခေါင်းစဉ်တူတွေကတော့ တိုင်ပင်တာမဟုတ်ဘဲ တိုက်ဆိုင်မှု ဒါမှမဟုတ် ယေဘုယျဆန်လွန်းသော ခေါင်းစဉ်ဖြစ်လို့ လည်းတူညီတာဖြစ်နိုင်တယ်။ ဥပမာအားဖြင့် “မိသားစု” ဆိုတဲ့ ခေါင်းစဉ်နဲ့ ကဗျာရေးသူတွေ အင်တာနက်ထဲမှာ အများအပြားရှိပါတယ်။

“သန်းခေါင်ယံကဗျာရေးပွဲတော်” လို့ အမည်ပေးထားတဲ့ ကဗျာစုစည်းမှုမှာတော့ ကဗျာဆရာ ဒီလူကလေးဟာ ကမ္ဘာ့ကဗျာနေ့ ညဘက်မှာ အချိန်တစ်ခု သတ်မှတ်ပြီး facebook ထဲက သူတင်ထားတဲ့ status အောက်မှာ မိမိတို့ကဗျာတွေကို comment ဝင်ရေးဖို့ ကဗျာဆရာအများအပြားကို ဖိတ်ခေါ်ခဲ့တာဖြစ်ပါတယ်။ အဲဒီမှတ်ချက်ကဗျာတွေကို စုစည်းပြီး ကဗျာစုစည်းမှုစာအုပ်အဖြစ် ပုံနှိပ်ထုတ်ဝေခဲ့ပါတယ်။

မြန်မာတွေကြား Facebook ခေတ်မစားခင် forum ၊ blog ၊ chat room၊ gtalk တွေထဲမှာလည်း လျှို့ဝှက်အုပ်စုဖွဲ့လို့ဖြစ်စေ၊ အများမြင်နိုင်တဲ့ public နေရာမှာဖြစ်စေ၊ တစ်ဦးနဲ့တစ်ဦး ခေါင်းစဉ်တူ ကဗျာရေးဖို့ tag ကြတာ၊ comment တွေ အပြန်အလှန်ပြောစကားတွေကို အသုံးပြုပြီး ပူးပေါင်းကဗျာရေးကြတာတွေ ရှိခဲ့ပါတယ်။ ဆက်သွယ်ရေး လွယ်ကူမြန်ဆန်စေတဲ့ အင်တာနက်သုံးစွဲမှုဟာ စုပေါင်းလုပ်ဆောင်ရတဲ့ ကဗျာလှုပ်ရှားမှု အတော်များများကို အထောက်အကူပြုခဲ့တာကတော့ ထင်ရှားပါတယ်။ ဒါပေမဲ့ အင်တာနက်ရဲ့ လျှင်မြန်မှုနဲ့ လွယ်ကူမှုဟာ စုပေါင်း ကဗျာတွေရဲ့အရည်အသွေးကိုရော သိသိသာသာ ပိုကောင်းလာစေသလား ဆိုတာကတော့ အပြင် offline မှာလိုဘဲ နှစ်ဦးနှစ်ဘက် ညှိနှိုင်းမှု၊ တည်းဖြတ်မှု၊ အာရုံခံစားတူညီမှု စတာတွေမှာ မူတည်နေတာမို့ ပြောရခက်နေပါသေးတယ်။


ပန်ဒိုရာ
၁၃-၁၈.၆.၂၀၁၅
(နှင်းဆီဖြူဂျာနယ် အတွဲ ၂ အမှတ် ၁ တွင် ဖော်ပြပြီး)

Expand..