Sunday, October 27, 2013

အိုင်အိုဝါရက်စွဲများ အပိုင်း (၈)



အိုင်အိုဝါရက်စွဲများ အပိုင်း (၈)

၂၀။ စီနီယာကောလိပ် နှင့် ဂျာနယ်လစ်ဇင်သင်တန်း စာသင်ခန်းများတွင်ဆွေးနွေးခြင်း

အိုင်အိုဝါမြို့က ကျောင်းစာသင်ခန်းတွေကို သွားလည်ပတ်တဲ့ အစီအစဉ်တွေက မပြီးဆုံးသေးပါဘူး။ အိုင်အိုဝါစီနီယာ ကောလိပ်ကို သွားပြီး မြန်မာနိုင်ငံအကြောင်းနဲ့ စာပေအကြောင်း ဆွေးနွေးပေးနိုင်မလားလို့ ဖိတ်ခေါ်လာပြန်ပါတယ်။ စီနီယာကောလိပ်မှာ အသက်အရွယ်ကြီးတဲ့ ပင်စင်စားအရွယ် ကျောင်းသားကျောင်းသူတွေ ရှိတယ်လို့ ပြောပါတယ်။
ရုရှက အယ်လီဇာ ရယ် ကျွန်မရယ်ဟာ စီနီယာကောလိပ်ကို သွားဖို့ အောက်တိုဘာ ၁၈ ရက်နေ့မှာ အလှည့်ကျပါတယ်။ အဲဒီနေ့က ညနေခင်းမှာ ကျွန်မတို့ IWP စာရေးဆရာအားလုံး ဘဏ်အကောင့်ဖွင့်ဖို့ စီမံပေးတဲ့ US Bank က ဖိတ်ကြားထားတဲ့ ညစာစားပွဲကလည်းရှိနေပါတယ်။ အောက်တိုဘာလထဲမှာ အပြင်ထွက်ရတာ ရာသီဥတုက အတော်အေးနေပါပြီ။ အဲဒီနေ့က ကျွန်မနဲ့ အယ်လီဇာဟာ မိုး သည်းသည်းအောက်မှာ အတူတူထွက်လာခဲ့ကြပါတယ်။

ညစာစားပွဲအတွက် အယ်လီဇာက အင်္ကျီပြန်လဲချင်တယ်ဆိုလို့ သူ့ကိုအရင်ဆုံး ဆွေးနွေးဖို့ အလှည့်ပေးလိုက်ပါတယ်။ ကျွန်မကတော့ အဲဒီဆွေးနွေးပွဲပြီးပြီးချင်းပဲ US Bank ကို ဆက်သွားလိုက်ပါတယ်။ ကောလိပ်မှာတွေ့ရတဲ့ သင်တန်းသားတွေက တကယ့်ကို အဘိုးအဘွားအရွယ်တွေပါ။ ဒီလိုအရွယ်မှာ ကိုယ်ဝါသနာပါတဲ့ စာပေကို လေ့လာနိုင်ဖို့ အခွင့်အရေး ရှိနေသေးတာလည်း အားကျစရာပါ။ တချို့လည်း တုတ်ကောက်နဲ့ တချို့လည်း ဘီးတပ်လှည်းတွေနဲ့ပါ။ လူကြီးတွေဖြစ်တဲ့အတွက် သူတို့နဲ့ ပြောတဲ့အခါမှာ ကျောင်းသားကလေးတွေကို ပြောရမယ့် အကြောင်းအရာနဲ့မတူပါဘူး။ အားလုံးက ဘားမား/မြန်မာ ဆိုတာကို သိကြပြီး ဒေါ်အောင်ဆန်းစုကြည်၊ ဦးနေဝင်း စသည်ဖြင့် အသေအချာ ကြားဖူးကြသူတွေလည်း ပါပါတယ်။ စာပေထက် နိုင်ငံအကြောင်းကို ပိုစိတ်ဝင်စားကြဟန်တူပါတယ်။ ကျွန်မလည်း သူတို့နဲ့ လိုက်ဖက်မယ့် အကြောင်းအရာတွေကို ပြင်ဆင်လာခဲ့ပါတယ်။ 

မြန်မာနိုင်ငံအကြောင်းနဲ့ မြန်မာ့စာပေအကြောင်းအကျဉ်းချုပ်ကို မိနစ်၂၀ လောက်ပြောပြပြီး ကျွန်မရဲ့ ကဗျာတွေထဲက သူတို့ကို ဖျော်ဖြေမှု ပေးနိုင်မယ့် ကဗျာ ၃ ပုဒ်ကို ရွေးထုတ်ပြီး ရွတ်ပြခဲ့ပါတယ်။ အချိန်နည်းသွားတာမို့ မေးခွန်း နှစ်ခု သုံးခုသာ ခွင့်ပြုနိုင်ခဲ့တယ်။ သူတို့ထဲက တချို့ကတော့ မနှစ်ကလည်း မြန်မာစာရေးဆရာ တစ်ယောက် လာပြီး ဟောပြောသွားသေးတယ်လို့ ဆိုပါတယ်။ ကိုချိုတူးဇော်လား ဆိုတော့ ဟုတ်တယ်လို့ ပြန်ပြောကြပါတယ်။ ကိုချိုတူးဇော်ကို သူတို့က အမှတ်တရဖြစ်နေခဲ့ကြပါတယ်။ 
စီနီယာကောလိပ်မှာ မြန်မာနိုင်ငံနှင့် မြန်မာစာပေအကြောင်း ဆွေးနွေးနေစဉ်

ဂျာနယ်လစ်ဇင်စာသင်ခန်းအတွက်ကိုတော့ သူတို့ရဲ့ ပရော်ဖက်ဆာ ဆရာမကြီးက ကြိုတင်ပြီး စာတွေပို့ထားပါတယ်။ ဒီအတန်းအတွက်ကိုတော့ မြန်မာနိုင်ငံရဲ့ သမိုင်းမှာ ထင်ရှားတဲ့ ဓာတ်ပုံတွေကို အင်တာနက်ကရှာဖွေ စုဆောင်းပြီး slide show ပြင်ဆင်ထားခဲ့ပါတယ်။ အဲဒီဓာတ်ပုံတွေထဲမှာ သီပေါဘုရင်နဲ့ စုဘုရားလတ်ပုံ၊ ကိုလိုနီခေတ်က ဓာတ်ပုံတွေ၊ ၈၈ အရေးအခင်းမှာ မဝင်းမော်ဦးကို ဆရာဝန်နှစ်ယောက် သယ်ပြေးသွားတဲ့ပုံ အပါအဝင် လှုပ်ရှားမှုပုံတွေ၊ ရွှေဝါရောင်အရေးအခင်းတုန်းက နာမည်ကျော်တဲ့ ကိုရင်လေးသပိတ်မှောက်နေတဲ့ပုံနဲ့ ဂျပန်သတင်းထောက်ကို ပစ်သတ်နေတဲ့ ပူလစ်ဇာဆုရပုံ၊ နာဂစ်ဒဏ်ခံရပုံ၊ ဒေါ်အောင်ဆန်းစုကြည်နဲ့ ဦးသိန်းစိန် ပထမဆုံး ပြန်လည်ညှိနှိုင်းကြစဉ် ဗိုလ်ချုပ်ဓာတ်ပုံကားချပ်ရှေ့မှာ ရိုက်ထားတဲ့ ပုံ၊ စတာတွေအပြီးမှာ မြန်မာ့ရေမြေတောတောင်ရဲ့ လှပတဲ့ရှုခင်းတွေနဲ့ မြန်မာ့ကျေးလက်လူထုရဲ့ သနပ်ခါးပါးကွက်ကျားနဲ့ ရိုးရိုးသားသား ပြုံးရွှင်နေတဲ့ ပုံလေးတွေ ပါဝင်ပါတယ်။ 

ကျွန်မရဲ့တင်ပြမှုကို “ဓာတ်ပုံတွေက ပြောပြတဲ့ မြန်မာအကြောင်း” လို့ ခေါင်းစဉ်တပ်ပြီး ကျောင်းသားတွေကို ဓာတ်ပုံရဲ့နောက်ကွယ်က မြန်မာ့သမိုင်းကြောင်းကို ပြောပြခဲ့ပါတယ်။ အဲဒီဆွေးနွေးပွဲမှာ ချီလီက မာတီးရားစ်နဲ့ ဘော့စဝါနာက တီဂျေတို့လည်း ပါကြပါတယ်။ ဆွေးနွေးသူတွေရဲ့ နိုင်ငံတွေနဲ့ ပတ်သက်ပြီးတော့ ပရော်ဖက်ဆာက ကျောင်းသားတွေကို ကြိုတင်ပြီးတော့ မေးခွန်းလေးတွေ မေးထားခဲ့ပါတယ်။ အဲဒီအထဲမှာ မြန်မာ၊ ချီလီ၊ ဘော့စဝါနာ လို့ ပြောလိုက်ရင် အဲဒီနိုင်ငံအသီးသီးအတွက် ခေါင်းထဲကိုဝင်လာတဲ့ စကားလုံး ၃ လုံးစီ ချရေးထားပါ ဆိုတာလည်း ပါပါတယ်။ အဲဒီစကားလုံးတွေကို ကြည့်လိုက်တဲ့အခါ တချို့ကျောင်းသားတွေဟာ မြန်မာနိုင်ငံအကြောင်းရော ချီလီ နဲ့ ဘော့စဝါနာတို့ အကြောင်းကိုရော တော်တော် မသိကြတာကို သတိထားမိပြန်ပါတယ်။ ဂျာနယ်လစ်ဇင် ဘာသာရပ်ကို သင်ကြားနေတဲ့ ကျောင်းသားတွေ ဖြစ်ကြပေမယ့် ကျွန်မပြတဲ့ ပူလစ်ဇာဆုရ ဓာတ်ပုံကိုလည်း ဘယ်သူမှ မသိကြပါဘူး။ ဘယ်လိုပဲဖြစ်ဖြစ် ကိုယ့်နိုင်ငံရဲ့ အကြောင်းအရာတွေကို သူတို့ကို မိတ်ဆက်တင်ပြခွင့်ရခဲ့ရတာ ကျွန်မအတွက် အခွင့်အရေးဖြစ်သလို သိခွင့်ကြုံရတာလည်း သူတို့အတွက် အကျိုးရှိခဲ့မယ်လို့ ယုံကြည်ပါတယ်။
ဂျာနယ်လစ်ဇင် စာသင်ခန်းမှာ ချီလီက မာတီးရားစ်၊ ပန်ဒိုရာနဲ့ ဘော့စဝါနာက တီဂျေ

၂၁။ ပျော်ရွှင်ဖွယ်တွေ့ဆုံပွဲများ

အောက်တိုဘာလထဲမှာ တဖြည်းဖြည်းနဲ့ နောက်ဆုံးပိတ် အစီအစဉ်တွေကို အပြီးသတ်ဖို့ ကြိုးစားလာရပါပြီ။ စုပေါင်းအမှတ်တရ ဓာတ်ပုံရိုက်ကြတာကိုတော့ နောက်ဆုံးအချိန်အထိ စောင့်မနေဘဲ စက်တင်ဘာလကတည်းက လုပ်ခဲ့ပြီးပါပြီ။ IWP ကိုတက်ရောက်ကြတဲ့ စာရေးဆရာတွေထဲမှာ အချိန်အစကနေ အဆုံးအထိ မနေနိုင်ကြသူတွေလည်း ပါပါတယ်။ တချို့ကလည်း ကြားကာလတွေမှာ အိမ်ပြန်ကြ၊ သူတို့အစီအစဉ်နဲ့ သူတို့ ခရီးသွားကြသူတွေလည်း ပါပါတယ်။ ဒီတော့ အားလုံးစုံစုံညီညီ ရှိလောက်တဲ့ စက်တင်ဘာလကတည်းက စုပေါင်းဓာတ်ပုံကို ရိုက်ထားခဲ့ကြပါတယ်။
စုပေါင်းဓာတ်ပုံ။ ရိုက်ပေးသူကတော့ စင်ကာပူက စတက်ဖနီရဲ့ အမျိုးသားပါ


ကျွန်မတို့ကို နေရာချထားပေးတဲ့ Iowa House Hotel မှာ IWP စာရေးဆရာအားလုံး အသုံးပြုနိုင်ဖို့ အများပိုင်အခန်းတစ်ခုကိုလည်း ပေးထားပါတယ်။ အဲဒီအခန်းထဲမှာ စာဖတ်ကြ၊ တွေ့ဆုံဆွေးနွေးကြ၊ စားသောက်ကြ၊ ညနေခင်းအစီအစဉ်တွေ လုပ်ကြ ပါတယ်။ တစ်ခါကတော့ အိုင်အိုဝါမြို့ခံ ကဗျာဆရာတစ်ယောက်ကို အဲဒီအခန်းကို ဖိတ်ကြားပြီး ကဗျာရွတ်ပွဲလုပ်ခဲ့ကြတယ်။ ပွဲအပြီး အမေးအဖြေ ကဏ္ဍမှာ ကျွန်မက မေးခွန်းတစ်ခုကို အမှတ်မထင် အစဖော်ခဲ့မိပါတယ်။ အဲဒါကတော့ ကဗျာဟာ လူ့အဖွဲ့အစည်းကို ပြောင်းလဲနိုင်သလား ဆိုတာပါပဲ။ အဲဒီနေ့ကမှတ်မှတ်ရရ အီရတ်က  ဂူလာလာနဲ့ ဥဘက်ကစ္စတန်က အလီနာတို့ နှစ်ယောက်ကြားမှာ ဆွေးနွေးငြင်းခုံပွဲလေး ဖြစ်သွားကြပါတယ်။

ဧည့်သည်ကဗျာဆရာ ပြန်သွားတဲ့အခါ အဲဒီအကြောင်းအရာကို ဆက်ဆွေးနွေးကြပါတယ်။ ဂူလာလာဟာ အသက်လေးဆယ်ပတ်ဝန်းကျင်ဖြစ်ပြီး စစ်ပွဲနဲ့ ဒုက္ခသုခ အတွေ့အကြုံမျိုးစုံကို ဖြတ်သန်းခဲ့တဲ့ ကြံ့ခိုင်တဲ့ အမျိုးသမီးတစ်ယောက်ပါ။ အလီနာကတော့ ၂၃ နှစ်လောက်ပဲ ရှိသေးပြီး အင်မတန်မှ စိတ်အားတက်ကြွတဲ့ ထူးချွန်ထက်မြက်သူလေးပါ။ သူတို့နှစ်ဦးက ကိုယ့်အမြင်နဲ့ကိုယ် ဆက်ဆွေးနွေးကြပါတယ်။ ဂူလာလာက “ကျွန်မကြုံတွေ့ခဲ့သမျှတော့ ကဗျာနဲ့ လူ့အဖွဲ့အစည်းကို မပြောင်းလဲနိုင်ဘူး” လို့ ဆိုပါတယ်။ “ကျွန်မဟာ ဝါသနာအရ ကဗျာရေးပေမယ့်လည်း နိုင်ငံက ကြုံနေရတဲ့ လတ်တလော စိန်ခေါ်မှုတွေကို ကူညီဖြေရှင်းဖို့အတွက် လက်တွေ့ကျတဲ့ လူမှုရေး နိုင်ငံရေး အလုပ်တွေကို လုပ်ခဲ့ရတယ်၊ အဲဒီလိုအချိန်မှာ လူ့အဖွဲ့အစည်းရဲ့ လိုအပ်မှုတွေကို ကဗျာရေးခြင်းအားဖြင့်တော့ ထိထိရောက်ရောက် မကူညီနိုင်ဘူး” လို့ဆိုပါတယ်။ 

အလီနာကတော့ လူငယ်ပီပီ မျှော်လင့်ချက်ထက်သန်စွာနဲ့ တက်တက်ကြွကြွပြန်ပြောပါတယ်။ “ကျွန်မဆိုလိုတာကတော့ ရေရှည်အတွက်ပါ။ ကဗျာက လူ့အဖွဲ့အစည်းကို ချက်ချင်းလက်ငင်း ပြောင်းလဲမသွားပေးပေမယ့် ကဗျာရေးခြင်း ဖတ်ခြင်း ဆိုတဲ့ ကဗျာယဉ်ကျေးမှု ဟာ လူ့အဖွဲ့အစည်းရဲ့ ခံယူချက်တွေကို ပြောင်းသွားစေနိုင်တယ် လို့ ကျွန်မကတော့ ယုံကြည်တယ်။” လို့ပြောပါတယ်။ ဒီအခါ ဂူလာလာက “ကဗျာတစ်ပုဒ်ကို ဖတ်ပြီးတော့ လူ့အဖွဲ့အစည်းတစ်ခုလုံး ပြောင်းသွားမှာလား” လို့မေးခွန်းထုတ်ပါတယ်။ ဂူလာလာဟာ ကဗျာတစ်ပုဒ်ကြောင့် ကိုလိုနီလက်အောက်မှာ အမျိုးသားရေးစိတ်ကို လှုံ့ဆော်ပေးတာတို့၊ အာဏာရှင် ဖိနှိပ်မှုအောက်မှာ လွတ်လပ်လိုစိတ်ကို အားပေးတာတို့အထိ လက်ခံပေမဲ့ လူ့အဖွဲ့အစည်းကို ပြောင်းနိုင်တယ် ဆိုတဲ့ စကားလုံးအပေါ်မှာတော့ လက်တွေ့ကျတဲ့ အယူအဆဘက်ကနေ သဘောမတူနိုင်ဘူးဖြစ်နေပါတယ်။

ကျွန်မက ကဗျာဆရာနှင်းခါးမိုးပြောခဲ့ဖူးတဲ့ “ကဗျာဟာ လူ့အဖွဲ့အစည်းကို ပြောင်းလဲစေမယ့် လူတွေကို ပြောင်းလဲပေးစေနိုင်ပါတယ်” ဆိုတဲ့စကားကို ကိုးကားလိုက်တော့ ဒါကိုတော့ သူတို့ နှစ်ဦးစလုံး လက်မခံနိုင်စရာ မရှိကြပါဘူး။ အဲဒီလို အမျိုးသမီးကဗျာဆရာတွေ တက်တက်ကြွကြွ ဆွေးနွေးနေကြတာကို အမျိုးသားကဗျာဆရာတွေကတော့ ခေါင်းတညိတ်ညိတ်နဲ့ စိတ်ဝင်တစား ထိုင်ကြည့်နေကြပါတယ်။ အဲဒီလို လွတ်လပ်ပွင့်လင်းတဲ့ အလွတ်သဘော ရင်းရင်းနှီးနှီး ဆွေးနွေးချိန်တွေဟာ စိတ်လှုပ်ရှားစရာ ပျော်စရာကောင်းလှပါတယ်။ 

တစ်ခါကလည်း ကိုရီးယားစာရေးဆရာ ဟေးအီစူးနဲ့ စကားလက်ဆုံကျဖြစ်ပါတယ်။ ကျွန်မတို့ဆီမှာ ဂျပန်စာရေးဆရာ မူရာကာမိကို နှစ်သက်ကြတဲ့အကြောင်း ပြောဖြစ်ပါတယ်။ သူက ကိုရီးယားရုပ်ရှင်တွေ ဇာတ်လမ်းတွဲတွေဟာ ကမ္ဘာကျော်ပေမယ့် ဂျပန်စာရေးဆရာတွေ ကမ္ဘာကျော်သလို ကိုရီးယားစာရေးဆရာတွေ ကိုရီးယားဝတ္ထုရှည်တွေ ကိုတော့ လူမသိကြဘူးဆိုတဲ့ အကြောင်း ပြောပြပါတယ်။ ဒါကြောင့်မို့ သူတို့ဆီမှာ အစိုးရအစီအစဉ်နဲ့ ဘာသာပြန်သင်တန်းတွေပေးပြီး ကိုရီးယားဝတ္ထုတွေကို ကျယ်ကျယ်ပြန့်ပြန့်ဖြစ်အောင် ဘာသာပြန်ဖို့ လုပ်နေတာတွေရှိတယ် လို့ ပြောပြပါတယ်။ သူတို့ဆီက စာရေးဆရာတွေဟာ ၂ နှစ် ၃ နှစ်လောက်မှ တစ်ခါ ဝတ္ထုရှည်တစ်ပုဒ်ရေးတာနဲ့ ဒီကြားထဲမှာ စာသင်တာနဲ့ မိသားစု လူတန်းစေ့ နေနိုင်တယ်လို့ဆိုပါတယ်။ သူဟာလည်း ဝတ္ထုတိုကိုတောင်မှ လိုအပ်တဲ့ သုတေသနတွေလုပ်၊ အချိန်ယူပြီးမှ တစ်နှစ်ကို ပုဒ်ရေအနည်းငယ်သာ ရေးသူပါ။ ကျွန်မတို့ဆီမှာ လောလောဆယ်ဖြစ်နေသေးတဲ့ အနေအထားတွေ (ဥပမာ- စာရေးဆရာတစ်ယောက်ဟာ စာရေးသားခြင်းသက်သက်နဲ့ အသက်မွေးဖို့ ခက်ခဲတာ၊ ရသစာပေ အရည်အသွေး တိုးတက်မှုနည်းနေတာ) တစ်ခွန်းပြောပြလိုက်တိုင်း သူက ဒီလိုမျိုး ကိုရီးယားမှာ လွန်ခဲ့တဲ့ အနှစ် ၂၀၊ အနှစ် ၃၀ လောက်က ဖြစ်ခဲ့တယ်လို့ ဆိုပါတယ်။ ကျယ်ပြန့်တဲ့ ကိုရီးယားနိုင်ငံမှာ စာရေးဆရာတစ်ယောက် ဖြစ်လာဖို့ဆိုတာကလည်း မလွယ်ပါဘူးတဲ့။ စာပေပြိုင်ပွဲ အဆင့်ဆင့်မှာ ဆုရဖို့လိုအပ်တယ် လို့ ပြောပါတယ်။ အခုအချိန်မှာ စာပေရေးသားခြင်းကို လူငယ်တွေဟာ အလွန် စိတ်ဝင်စားနေကြပြီး တက္ကသိုလ်တွေမှာ creative writing မေဂျာကို တက်ခွင့်ရဖို့အတွက် အမှတ်ကောင်းကောင်းရဖို့ ယှဉ်ပြိုင်နေကြတယ်လို့ဆိုပါတယ်။ 

IWP တက်ရတဲ့အခါမှာ ကျောင်းကစီစဉ်ပေးတဲ့ ပုံမှန်အစီအစဉ်တွေအပြင် အခုလို နိုင်ငံတကာက စာရေးဆရာတွေနဲ့ အလွတ်သဘော စကားစမြည်ပြောပြီး သူတို့ဆီက ဗဟုသုတရစရာတွေကို ဆွေးနွေးဖလှယ်ရတာ တန်ဖိုးရှိလှပါတယ်။ ဘော့စဝါနာက တီဂျေဒီးမားနဲ့ အိုင်အိုဝါမြစ်ဘေးမှာ နေ့လည်စာအတူထိုင်စားဖြစ်တဲ့ နေ့တစ်နေ့ကတော့ ကျွန်မတို့ဟာ ကဗျာအကြောင်း ပြောနေရင်းနဲ့ ဘော့စဝါနာနိုင်ငံရဲ့ ကြောက်စရာလန့်စရာ HIV/AIDS ပြန့်ပွားမှု အခြေအနေဆိုး အကြောင်းကို ပိုပြီး စိတ်ဝင်တစား ပြောဖြစ်ကြပါတယ်။ ခုခံအားကျဆင်းမှုရောဂါ ပျံ့နှံ့မှုဟာ တစ်နိုင်ငံလုံးကို ကမ္ဘာ့မြေပုံပေါ်က ပျောက်သွားတဲ့အထိ ရှင်းလင်းပစ်နိုင်လောက်အောင် ဆိုးဝါးနေကြောင်းကို သဘောပေါက်သွားတဲ့အခါ ဘော့စဝါနာ  အုပ်ချုပ်သူတွေဟာ ဖြစ်ပွားနေတဲ့ ကိန်းဂဏန်းတွေကို အတည်ပြုဝန်ခံပြီး အကူအညီတွေကို တောင်းခံခဲ့ကြတယ်လို့ ဆိုပါတယ်။ 

အိုင်အိုဝါဟိုတယ်ရဲ့ ညနေခင်းတချို့မှာ စာရေးဆရာတွေဟာ အဲဒီ အများသုံးဧည့်ခန်းမှာ စုဝေးပြီး စားသောက်ကြ သီချင်းဆိုကြ ကကြနဲ့ ပျော်ရွှင်စရာအချိန်တချို့လည်း ရှိခဲ့ပါတယ်။ တစ်ညနေမှာတော့ တစ်ယောက်က ဂစ်တာယူလာခဲ့ပါတယ်။ စာရေးဆရာ အတော်များများဟာ ဂီတအနုပညာနဲ့လည်း မစိမ်းသူတွေပါ။ အထူးသဖြင့် ဘီလာရုဇ်က အန်ဒရေနဲ့ ဘရာဇီးလ်က ရော်ဒရီဂိုး တို့ဟာ ပရော်ဖက်ရှင်နယ်တွေလို ဂစ်တာတီး ကျွမ်းကျင်သူတွေ ဖြစ်ကြပါတယ်။ နေဘုန်းလတ်ကလည်း သူကိုယ်တိုင် စပ်ထားတဲ့ မြန်မာသီချင်း တစ်ပုဒ်ကို ဂစ်တာတီးပြီး ဆိုပြခဲ့ပါသေးတယ်။ အီရတ်က ဂူလာလာက သူတို့ရိုးရာ ဗိုက်လှုပ်အကကို သင်ပေးလို့ စာရေးဆရာတွေက ကိုးရိုးကားရား လိုက်ကကြတာလည်း ပြန်တွေးကြည့်ရင် ရယ်စရာပါ။ Life of Discovery လို့ခေါ်တဲ့ IWPနဲ့ တရုတ်နိုင်ငံက စာရေးဆရာတွေရဲ့ ပူးတွဲပရောဂျက်အတွက် ရောက်ရှိနေကြတဲ့ တရုတ်စာရေးဆရာ ၄ ယောက်ကလည်း ဟိုတယ်ကို လာလည်ပြီး အဲဒီ အများသုံးဧည့်ခန်းလေးမှာ တရုတ်ရိုးရာ တူရိယာတွေကို တီးမှုတ်ဖျော်ဖြေသွားကြပါသေးတယ်။

အိုင်အိုဝါဟောက်စ်ဟိုတယ်မှာ အီရတ်က ဂူလာလာနဲ့ ဘီလာရုဇ်က အန်ဒရေ

အိုင်အိုဝါဟောက်စ်ဟိုတယ်မှာ ညနေခင်း အမှတ်တရ တွေ့ဆုံပွဲတစ်ခု



၂၂။ နှုတ်ဆက်ပွဲများ


စီနီယာကောလိပ်မှာ သွားရောက်ဆွေးနွေးတဲ့နေ့ ညနေပိုင်းမှာ US Bank က ဖိတ်ခေါ်တဲ့ ညစာစားပွဲကို သွားရပါတယ်။ US Bank ဟာ IWP စာရေးဆရာတွေ အစဉ်အဆက်ကို ငွေစာရင်းဖွင့်ဖို့ ဝန်ဆောင်မှုပေးနေတဲ့ ဘဏ်လည်းဖြစ်ပါတယ်။ အဲဒီညစာစားပွဲမှာ IWP ကိုတည်ထောင်ခဲ့သူတစ်ဦးဖြစ်တဲ့ ဟွာလင်းနီးလ်အန်ဂယ်လ် (ပေါလ် အန်ဂယ်လ်ရဲ့ ဇနီး) နဲ့လည်းတွေ့ခဲ့ရပါတယ်။ အဲဒီပွဲမှာတော့ ဘီလာရုဇ်က အန်ဒရီ၊ ဇင်ဘာဘွေက ခရစ္စတိုဖာနဲ့ ကိုရီးယားက ချွိုင် တို့က ကဗျာတွေ ပြဇာတ်တွေကို ဖတ်ခဲ့ကြပါတယ်။ ညစာစားပွဲအပြီး ချမ်းအေးလှတဲ့ ညချမ်းမှာ Englert Theatre မှာ နာမည်ကျော် Kronos Quartet ဂီတအဖွဲ့ရဲ့ ဖျော်ဖြေမှုကို အခမဲ့ နားဆင်ခဲ့ကြရပါတယ်။ IWP ကိုတည်ထောင်ခဲ့တဲ့ ဟွာလင်း အန်း အန်ဂယ်လ်ကို International IMPACT Award ဆုပေးပွဲ အခန်းအနားကိုလည်း IWP စာရေးဆရာတွေဟာ နှုတ်ဆက်ကာလတွေမှာ တက်ရောက်ခဲ့ကြပါတယ်။ အဲဒီနေ့အခန်းအနားက WorldCanvass Broadcast နဲ့ ပူးပေါင်းဆောင်ရွက်ခဲ့တာပါ။ 
US Bank ရဲ့ အမှတ်တရ ဒေါ်လာပြားလေးကို လက်ခံစဉ်


US Bank ဒင်နာမှာ ဆရာမကြီး ဟွာလင်း အန်း အန်ဂယ်လ် နဲ့ အမှတ်တရ


Kronos Quartet ဖျော်ဖြေပွဲ


နှုတ်ဆက်ပွဲတွေထဲမှာ ဖော်ရွေလှတဲ့ စာကြည့်တိုက်တာဝန်ခံ ဂျပန်မလေး ချာကီရဲ့ အိမ်ကိုခေါ်ကျွေးမွေးတဲ့ နေ့လည်စာကိုလည်း မေ့ထားလို့မရပါဘူး။ ချာကီဟာ အာရှတိုက်သား စာရေးဆရာတွေရဲ့ စာကြည့်တိုက်ကိစ္စ အဝဝ ကို ကူညီဖို့ တာဝန်ပေးခံထားရသူဖြစ်ပါတယ်။ သူက အာရှတိုက်သား စာရေးဆရာတွေကို လူနည်းနည်းစီခွဲပြီး သူ့အခန်းမှာ နေ့လည်စာလာစားကြဖို့ ဖိတ်ပါတယ်။ ကျွန်မကို ဘယ်သူတွေနဲ့ အတူတူလာချင်လဲ လို့ မေးတော့ ကျွန်မတို့ မြန်မာ ၂ ယောက်နဲ့အတူ ကိုယ်နဲ့လည်းခင်မင်နေတဲ့ ကိုရီးယား ၂ ယောက်ကို တစ်အုပ်စု ဖိတ်ပေးဖို့ ပြောလိုက်ပါတယ်။ အဲဒီနေ့မှာ သူ့တစ်ဦးတည်းနေထိုင်တဲ့ သပ်ရပ်တဲ့ အခန်းလေးထဲမှာ အရသာရှိလှတဲ့ ဂျပန်နေ့လည်စာကို စားခဲ့ရပါတယ်။ 
ချာကီရဲ့အိမ်မှာ ချာကီ၊ နေဘုန်းလတ်၊ ကိုရီးယားက အီးစူးတို့နဲ့အတူ။ ကိုရီးယားက ချွိုင် ကတော့ ဓာတ်ပုံရိုက်ပေးနေလို့ ဒီပုံထဲမှာ မပါဘူး။



နောက်ထပ်မမေ့စရာပွဲတစ်ခုကတော့ အောက်တိုဘာ ၃၀ ညမှာ IWP က ဆက်ဆံရေးတာဝန်ခံ ဂျိုးရဲ့ ညီတစ်ယောက် အိမ်မှာ ကျင်းပတဲ့ တစ္ဆေကြီးပွဲလို့ ခေါ်တဲ့ ဟယ်လိုဝင်းပါတီ ပါ။ ကျွန်မလည်း ဟယ်လိုဝင်းပါတီတွေကို တစ်ခါမှ မသွားဖူးပါဘူး။ သူတို့တွေ ဝတ်စားဆင်ယင်ကျင်းပပုံကိုတော့ အလွန်သိချင်နေပါတယ်။ ကျွန်မ အပါအဝင် IWP စာရေးဆရာတချို့ဟာ ပါတီပွဲနဲ့ လိုက်လျောညီထွေ ဝတ်စားဆင်ယင်ပြီး အဲဒီပွဲကို သွားခဲ့ကြပါတယ်။ အက ဝါသနာပါသူတွေကလည်း သီချင်းတွေဖွင့်ပြီး ကကြပါတယ်။ အဲဒီတလောမှာ ခေတ်စားနေတဲ့ အိုပါဂန်းနန်းစတိုင် သီချင်းကိုလည်း ဖွင့်ပြီး ကကြတာတွေ့ရပါတယ်။ အမေရိကန်တွေဟာ အဲဒီသီချင်းကိုလည်း အလွန်နှစ်သက်ကြပါတယ်။ 
စင်ကာပူက စတက်ဖနီက ယူရူဂွေးက လူးဝစ်ကို ဟယ်လိုဝင်းပွဲအတွက် ပြင်ဆင်ပေးနေစဉ်


အာဖဂန်နစ္စတန်က မိုဟစ်ဘ်နဲ့ ကိုရီးယားက ချွိုင် ဟယ်လိုဝင်းအတွက် ဝတ်စားဆင်ယင်ထားပုံ


စာကြည့်တိုက်မှာ အပတ်စဉ်ကျင်းပတဲ့ panel discussion ဆွေးနွေးပွဲတွေရဲ့ နောက်ဆုံးအစီအစဉ်မှာ Image of America ဆိုတဲ့ ခေါင်းစဉ်နဲ့ IWP စာရေးဆရာတွေက အမေရိကမှာ နေထိုင်ခဲ့တဲ့ အတွေ့အကြုံနဲ့ ထင်မြင်ချက်တွေကို ပြောကြပါတယ်။ အဲဒီနေ့က စကားပြောအလွန်ကောင်းတဲ့ ကူဝိတ်က တားလက်ဘ်က စာကြည့်တိုက်ဆွေးနွေးပွဲတွေမှာ ပီဇာကိုပဲ အမြဲကျွေးလို့ ငြီးငွေ့မိတဲ့အကြောင်း ဟာသနှောကာ ပြောတော့ အားလုံးပွဲကျခဲ့ကြပါတယ်။ ကျွန်မနဲ့ နေဘုန်းလတ်တို့လည်း အမေရိကအပေါ် ထင်မြင်ချက်တွေကို အနည်းငယ် ပြောဖြစ်ခဲ့ကြပါတယ်။ စလိုဗက်ကီးယားက စာရေးဆရာမ ယာနာ ရဲ့ holy တွေ ထပ်နေတဲ့ အိုင်အိုဝါ နှုတ်ဆက် ကဗျာတစ်ပုဒ် ကိုလည်း အားလုံးက အထူးသဘောကျကြပါတယ်။ ယာနာ ဟာ ထူးချွန်တဲ့ စာရေးဆရာမတစ်ဦး ဖြစ်ပါတယ်။ IWP တက်ရောက်နေတဲ့ ကာလထဲမှာပဲ ဥရောပစာပေဆု ချီးမြှင့်ခြင်း ခံလိုက်ရပါသေးတယ်။ 
Images of America ဆွေးနွေးပွဲမှာ စကားပြောဖြစ်စဉ်

နိုဝင်ဘာ ၄ ရက်နေ့မှာတော့ Englert Theatre မှာ IWP အစီအစဉ်က ကျင်းပတဲ့နှုတ်ဆက်ပွဲနဲ့ ဂုဏ်ပြုကဒ်ပြား ပေးအပ်ပွဲကို ပြုလုပ်ခဲ့ကြပါတယ်။ လက်ဆောင်တွေလဲလှယ်ကြ အမှတ်တရဓာတ်ပုံတွေရိုက်ကြတဲ့ နောက်ဆုံးနေ့ပါ။ စာရေးဆရာအားလုံးကို ဂုဏ်ပြုကဒ်ပြားတွေပေးအပ်ပြီးတဲ့အခါမှာ တစ်ယောက်ကျန်နေတယ်လို့ ဒါရိုက်တာ ခရစ္စတိုဖာ မာရေးလ်က ပြောပါတယ်။ ဟုတ်ပါတယ်။ ကဒ်ပြားမရသေးပဲ ကျန်နေသူက ကူဝိတ်က တားလက်ဘ်ပါ။ သူ့အတွက်တော့ အထူးပြင်ဆင်ထားပါတယ်လို့ ကြေညာပြီးတော့ လှမ်းပေးလိုက်တာက ပီဇာဗူးတစ်ဗူး ဖြစ်နေတဲ့အခါ အားလုံးက ရယ်မောကြပါတယ်။ ပီဇာကို ခဏခဏစားရလို့ မုန်းနေသူ တားလက်ဘ်ကို သက်သက် ကျီစယ်ကြတာဖြစ်ပါတယ်။ အဲဒီ ပီဇာဗူးထဲမှာ ဂုဏ်ပြုကဒ်ပြားကို ထည့်ထားပါတယ်။ အဲဒီပွဲအပြီးမှာတော့ စားသောက်ဆိုင်တစ်ခုမှာ ဆက်ပြီး အတီးအမှုတ်တွေ အကတွေနဲ့ နှုတ်ဆက်ပြီး ညဥ့်နက်အောင် နေခဲ့ကြပါတယ်။ 
IWP fall 2012 နှုတ်ဆက်ပွဲမှာ ဂုဏ်ပြုကဒ်ပြားတွေနဲ့အတူ နေဘုန်းလတ်နဲ့ အမှတ်တရ

နောက်တစ်နေ့မှာတော့ ကျွန်မတို့အားလုံးကို အိမ်အပြန်ခရီးရဲ့ နောက်ဆုံးအစီအစဉ်တွေဖြစ်တဲ့ ဝါရှင်တန်ဒီစီနဲ့ နယူးယောက်မြို့ ခရီးစဉ်အတွက် ပြင်ဆင်နေကြရပါပြီ။ တချို့စာရေးဆရာတွေက အဲဒီခရီးစဉ်မှာ မပါဝင်တာမို့ သူတို့အတွက်တော့ IWP အစီအစဉ်ကို တစ်ခါတည်း အပြီးနှုတ်ဆက်ခဲ့ရခြင်း ဖြစ်ပါတယ်။ IWP စာရေးဆရာတွေ ထွက်ခွာသွားတဲ့အခါ သူတို့ကျောင်းကြီးလည်း ခြောက်ကပ်ကျန်ခဲ့မယ်လို့  IWP ရုံးသူရုံးသားတွေက လွမ်းလွမ်းဆွတ်ဆွတ် ပြောကြပါတယ်။ ဒီမြို့လေးကို နောက်တစ်ခေါက် အလည်ရောက်လာဖို့ ဆိုတာကလည်း မလွယ်ဘူးမဟုတ်လား။  အဲဒီအချိန်မှာ သစ်ရွက်တွေ နီနီဝါဝါ အရောင်ပြောင်းရာကနေ ပင်လုံးကျွတ် တဖွဲဖွဲကြွေကျကုန်လို့ အိုင်အိုဝါတစ်မြို့လုံးက သစ်ပင်တွေဟာလည်း အရိုးပြိုင်းပြိုင်းနဲ့ ခြောက်သွေ့လာခဲ့ပါပြီ။


အိုင်အိုဝါတက္ကသိုလ်တစ်နေရာက သစ်ပင်ကြီး


 ပန်ဒိုရာ
(ဆက်လက်ဖော်ပြသွားပါမည်။ အပို်င်း ၉ တွင်နိဂုံးချုပ်ပါမည်။ )
 ၂၀၁၃ အောက်တိုဘာလ စတိုင်သစ်မဂ္ဂဇင်းတွင် ဖော်ပြပြီး။ 




Expand..

Friday, October 25, 2013

My 10 reasons for wanting a kid သားသမီးလိုချင်ရခြင်းအတွက် ကျွန်မရဲ့အကြောင်းပြချက် (၁၀) ချက်

My 10 reasons for wanting a kid
သားသမီးလိုချင်ရခြင်းအတွက် ကျွန်မရဲ့အကြောင်းပြချက် (၁၀) ချက်

1. I love kids. I really want to raise my own child, give her/him all my support and see how she/he will grow and stand on own feet. (my goodwill)

၁။ ကလေးတွေကိုချစ်တယ်။ ကိုယ့်ကလေးကို ပျိုးထောင်ချင်တယ်။ ပံ့ပိုးမှုတွေအားလုံး ပေးချင်တယ်။ ပြီးတော့ သူဘယ်လိုကြီးပြင်းပြီး ကိုယ့်ခြေထောက်ပေါ် ကိုယ်ရပ်လာမလဲဆိုတာ ကြည့်ချင်တယ်။ (ကျွန်မရဲ့စေတနာ)

2. I don’t want to miss the experience/advantage that only women can have. (my greed)
၂။ မိန်းမတွေသာလျှင် ရရှိနိုင်တဲ့ အဲဒီ အတွေ့အကြုံ/အခွင့်အရေးကို လက်မလွတ်ချင်ဘူး။ (ကျွန်မရဲ့လောဘ)

3. I am very interested in going through by myself the human-making process provided by our mother nature. (my curiosity)
၃။ သဘာဝမိခင်ကြီးက ဖန်တီးပေးထားတဲ့ လူပြုလုပ်ခြင်း ဖြစ်စဉ်ကို ကိုယ်တိုင်ဖြတ်သန်းဖို့ ကျွန်မ အလွန်စိတ်ဝင်စားတယ်။ (ကျွန်မရဲ့စူးစမ်းမှု)

4. I feel like I have done all I wanted so far and I am bored. I need the change of life. (my craziness)
၎။ အခုအချိန်အထိ ကျွန်မလုပ်ချင်တာတွေ အားလုံး လုပ်ပြီးသွားပြီလို့ ခံစားရတယ်။ ကျွန်မငြီးငွေ့လာပြီ။ ဘဝအပြောင်းအလဲ လိုအပ်တယ်။ (ကျွန်မရဲ့ရူးသွပ်မှု)

5. With the change of life, I think I will also have new challenges to polish my abilities (as well as new subjects to create my literary work). (my ego)
၅။ အဲဒီဘဝအပြောင်းအလဲမှာ ကျွန်မရဲ့ အရည်အသွေးတွေကို အရောင်တင်ပေးဖို့ စိန်ခေါ်မှုအသစ်တွေ ရလာမယ်လို့ထင်တယ်။ (စာပေလက်ရာတွေ ဖန်တီးဖို့ ကုန်ကြမ်းတွေလည်း ရလာမှာပေါ့)။ (ကျွန်မရဲ့အတ္တ)

6. I don’t want to run away from the ordinary ways of life that many other people are encountering. (my stubbornness)
၆။ အများသူငါ ကြုံတွေ့နေကြရတဲ့ ပုံမှန်ဖြစ်ရိုးဖြစ်စဉ် လူ့ဘဝမျိုးကနေ ကျွန်မ ထွက်မပြေးချင်ဘူး။ (ကျွန်မရဲ့ခေါင်းမာမှု)

7. I want to prove that, while not trying to escape from the ordinary ways of human life and entering motherhood, a woman can still manage some other things which not everyone can achieve. (my esteem)
၇။ အဲဒီလို လူတိုင်းရဲ့သာမန်ဖြစ်စဉ်တွေကနေ ရုန်းထွက်ဖို့ မကြိုးစားနေတုန်း၊ ပြီးတော့ မိခင်ဘဝကို ခံယူလိုက်တုန်းမှာပဲ မိန်းမတစ်ယောက်ဟာ လူတိုင်းမဆောင်ရွက်နိုင်တဲ့ တခြားကိစ္စတချို့ကိုလည်း စီမံနိုင်သေးတယ်ဆိုတာ ကျွန်မက သက်သေပြကြည့်ချင်တယ်။ (ကျွန်မရဲ့ဂုဏ်သိက္ခာ)

8. It is my gift that can make my beloved ones happy. I believe in all sorts of love. I believe in happiness. I have witnessed happy families. I think I can enjoy my life better with my devotion to family. (my hope)
၈။ ဒါဟာ ကိုယ်ချစ်တဲ့လူတွေကို ပျော်ရွှင်အောင်လုပ်ပေးနိုင်မဲ့ ကျွန်မရဲ့လက်ဆောင်တစ်ခု ဖြစ်တယ်။ ကျွန်မက ချစ်ခြင်းမေတ္တာ အမျိုးမျိုးကို ယုံကြည်ပါတယ်။ ပျော်ရွှင်မှုကိုလည်း ယုံကြည်တယ်။ ပျော်ရွှင်တဲ့ မိသားစုတွေကိုလည်း ကြုံတွေ့ဖူးခဲ့တယ်။ မိသားစုအပေါ်ထားရှိတဲ့ ချစ်ခြင်းမေတ္တာနဲ့ ကျွန်မရဲ့ဘဝကို ပိုပြီး နှစ်ခြိုက်ပျော်ရွှင် ခံစားနိုင်မယ်လို့ ထင်မိတယ်။ (ကျွန်မရဲ့မျှော်လင့်ချက်)

9. Some people believe that this ruined blue planet is not worthy of bringing in innocent babies. But I would like to try my best to generate a good person (at least not a destructive one) to this crazy world with a hope that he/she will provide a helping hand. (my ambition)
၉။ တချို့လူတွေကတော့ ပျက်စီးနေတဲ့ ဒီဂြိုဟ်ပြာကြီးကို အပြစ်ကင်းစင်တဲ့ ကလေးငယ်တွေကို ထပ်ခေါ်မလာသင့်တော့ဘူးလို့ ယုံကြည်ကြတယ်။ ကျွန်မကတော့ အဲဒီ ရူးသွပ်နေတဲ့ ကမ္ဘာကြီးအတွက် လူကောင်းတစ်ယောက် (အနည်းဆုံးတော့ ဖျက်လိုဖျက်ဆီးမလုပ်မဲ့ လူတစ်ယောက်) မွေးထုတ်ကြည့်ချင်တယ်။ သူက ကူညီပေးနိုင်လိမ့်မယ်ဆိုတဲ့ မျှော်လင့်ချက်တစ်ခုနဲ့ပေါ့။ (ကျွန်မရဲ့ရည်မှန်းချက်)

10. I think all pros and cons about having a kid will make me more like a human, bring me to a more mature level and help me to find out interesting perspectives on the essence and meaning of life. (my willingness to learn)
၁၀။ သားသမီးရှိခြင်းရဲ့ ကောင်းကျိုး၊ ဆိုးကျိုးတွေ အားလုံးဟာ ကျွန်မကို လူသားတစ်ယောက် ပိုဆန်လာအောင် လုပ်ပေးနိုင်မယ်၊ ပိုပြီးရင့်ကျက်တဲ့ အဆင့်တစ်ခုကို ခေါ်ဆောင်သွားနိုင်မယ်၊ ဘဝရဲ့အနှစ်သာရနဲ့ အဓိပ္ပာယ်အပေါ် စိတ်ဝင်စားစရာ အမြင်တွေကို ရှာဖွေတွေ့ရှိဖို့ ကူညီပေးနိုင်မယ် လို့ ကျွန်မ ထင်မိတယ်။ (ကျွန်မရဲ့သင်ယူလိုမှု)

Pandora
24.10.2013
ပန်ဒိုရာ
၂၄.၁၀.၂၀၁၃

Expand..

Thursday, October 24, 2013

အိုင်အိုဝါရက်စွဲများ အပိုင်း (၇)



အိုင်အိုဝါရက်စွဲများ အပိုင်း (၇)


၁၈။ ကဗျာရွတ်ပွဲ၊ စာဖတ်ပွဲများ

IWP တက်ရောက်နေတဲ့အချိန်မှာ ကျွန်မပထမဆုံး ဆင်နွှဲခဲ့တဲ့ ကဗျာရွတ်ပွဲဟာ ကလေးတွေအတွက် တီထွင်ဖန်တီးစာရေးသားခြင်း သင်တန်းအတွက် သွားခဲ့စဉ်က Spirit Lake မြို့ရဲ့ စာအုပ်ဆိုင်လေးမှာ ဖတ်ခဲ့တဲ့ ပွဲပါ။ အဲဒီနောက် International Burma Studies Conference က ပြန်လာပြီးတဲ့အခါ အိုင်အိုဝါမြို့က Prairie Lights Books စာအုပ်ဆိုင်မှာ ကျွန်မရဲ့ ကဗျာတွေကို ဖတ်ပြဖို့ အလှည့်ကျပါတယ်။ ကျွန်မနဲ့အတူတူ ဖတ်ခဲ့တဲ့ စာရေးဆရာတွေကတော့ ထိုင်ဝမ်က စာရေးဆရာ လင်းချန်ရင်နဲ့ အိုင်အိုဝါတက္ကသိုလ်က ကျောင်းသား ဂျိမ်းစ် မော်လီတို့ ဖြစ်ပါတယ်။

တစ်ယောက်ကို ၁၅ မိနစ်လောက် အချိန်ပေးထားတာမို့ အဲဒီနေ့က ကဗျာ ၄ ပုဒ် ဖတ်ဖြစ်ပါတယ်။ “ဟစ်တလာနဲ့ ချေဂွေဗားရား ဘီယာဘားမှာ စကားစမြည်ပြောကြတယ်”၊ “လူရိုင်းတွေနေတဲ့ရွာ”၊ “ဒီမြို့ထဲမှာ” ကဗျာတွေရဲ့ အင်္ဂလိပ်ဘာသာပြန်ကို ဖတ်ဖြစ်ပါတယ်။ အဲဒီနောက် နောက်ဆုံးအနေနဲ့ နေဘုန်းလတ်ထောင်ကျနေတုန်းမှာ အမှတ်တရ ရေးထားတဲ့ ကဗျာတစ်ပုဒ်ဖြစ်တဲ့ “နှုတ်တိုက်ကဗျာ” ကို ရွတ်ဖြစ်ပါတယ်။ ဘလော့ဂါဘဝနဲ့ ခင်မင်သိကျွမ်းရတဲ့ နေဘုန်းလတ်နဲ့ တိုက်တိုက်ဆိုင်ဆိုင် IWP ကို အတူတက်ရောက်ခွင့်ရတဲ့အချိန်မှာ ဘလော့ဂါတစ်ဦးအနေနဲ့  အဲဒီအချိန်က နေဘုန်းလတ်လွတ်မြောက်ရေးကို ရည်စူးပြီး ရေးထား
ခဲ့တဲ့ အဲဒီကဗျာကို ဖတ်ပြသင့်တယ်လို့ တွေးမိလို့ပါ။ အဲဒီကဗျာကို မရွတ်ခင် ရက်ပိုင်းအလိုမှာ ကိုယ့်ဘာသာပဲ အင်္ဂလိပ်လိုပြန်လိုက်ပြီး ကဗျာရွတ်ပွဲမှာတော့ အင်္ဂလိပ်မြန်မာ ၂ ဘာသာနဲ့ ရွတ်ပြခဲ့ပါတယ်။ ကြိုတင်ပြောမထားတာမို့ နေဘုန်းလတ်ကိုလည်း အံ့သြစေခဲ့ပါတယ်။
Prairie lights Books စာအုပ်ဆိုင်မှာ ပန်ဒိုရာ ကဗျာရွတ်စဉ်

နေဘုန်းလတ်ကိုတော့ IWP စာရေးဆရာတွေကို အိုင်အိုဝါမြို့ ဒေသခံတွေက တည်ခင်းတဲ့ အထူးညစာစားပွဲ ကဗျာရွတ်ဖို့ IWP က စီစဉ်ပေးခဲ့ပါတယ်။ ဟယ်လိုဝင်းပွဲတော်ချိန်ခါ နီးနေတာမို့ အဲဒီညစာစားပွဲမှာ ဟယ်လိုဝင်းသင်္ကေတ တစ္ဆေ သရဲ အရုပ်တွေနဲ့ ဆင်ယင်ထားတာကလည်း အမှတ်တရပါပဲ။ အဲဒီနေ့မှာ နေဘုန်းလတ်က  ခေတ်အဆက်ဆက် လင်းလက်နေမယ့်ကြယ်” ဆိုတဲ့ကဗျာရဲ့ အင်္ဂလိပ်ဘာသာပြန်ကို ရွတ်ဆိုခဲ့ပါတယ်။  ၂၀၁၁ ခုနှစ် အောက်တိုဘာ ၁၈ ရက်နေ့မှာ ကျရောက်တဲ့ ကိုမင်းကိုနိုင်ရဲ့ ၄၉ နှစ်မြောက်မွေးနေ့အမှတ်တရ အနေနဲ့ နေဘုန်းလတ်က ဘားအံအကျဉ်းထောင်မှ ရေးသားပေးပို့ခဲ့တဲ့ ကဗျာဖြစ်ပါတယ်။ ၂၀၁၂ အတွက် ကိုမင်းကိုနိုင်ရဲ့ အသက် ၅၀နှစ်ပြည့် မွေးနေ့နီးလာပြီမို့ အမှတ်တရ ရွတ်ဆိုတဲ့အကြောင်းနဲ့ နောက်ခံ သမိုင်းကြောင်းလေးကို ရှင်းပြတဲ့အခါ ပရိသတ်က အထူးစိတ်ဝင်စား အားပေးခဲ့ကြပါတယ်။ 
ညစာစားပွဲမှာ နေဘုန်းလတ် ကဗျာရွတ်စဉ်

 ကဗျာဆရာကြီး မာဗင်ဘဲလ် (Marvin Bell) နဲ့ IWP ဒါရိုက်တာ ခရစ္စတိုဖာမာရေးလ်တို့ အတူတူ ကဗျာရွတ်ဆိုခဲ့ကြတဲ့ ပွဲကိုလည်း အလွန်သဘောကျမိပါတယ်။ သူတို့နှစ်ဦးပေါင်း ထုတ်ဝေတဲ့ “Everything at once” ဆိုတဲ့ စကားပြေကဗျာစာအုပ် မိတ်ဆက်ပွဲမှာ ကဗျာဆရာကြီးနှစ်ဦးဟာ တစ်နာရီလောက်အတွင်းမှာ တစ်ယောက်တစ်လှည့် မရပ်မနား ကဗျာတွေ ရွတ်ကြတာဖြစ်ပါတယ်။ အဲဒီကဗျာစာအုပ် ဖြစ်မြောက်လာဖို့အတွက် ခရစ္စတိုဖာမာရေးလ်က ပြည်ပနိုင်ငံတွေမှာ ရှိနေပြီး မာဗင်ဘဲလ်က အမေရိကန်နိုင်ငံမှာ ရှိနေခဲ့ချိန်မှာ သူတို့နှစ်ယောက်ဟာ တစ်ဦးနဲ့တစ်ဦး ၁၅ လကြာအောင် အပြန်အလှန် ကဗျာတွေ ပို့ ဆွေးနွေးတိုင်ပင်ပြီး ထုတ်ဝေခဲ့ကြတာဖြစ်ပါတယ်။ ကဗျာပုဒ်ရေ အတော်များများကို မနားတမ်း တစ်ယောက်တစ်လှည့် ဖတ်ပြပြီးတဲ့အခါ သူတို့ထုတ်ဝေခဲ့တဲ့ အခြားကဗျာစာအုပ်တွေကိုလည်း လက်မှတ်ထိုး ရောင်းချပေးပါတယ်။ 
မာဗင်ဘဲလ်နဲ့ ခရစ္စတိုဖာမာရေးလ်
အဲဒီအထဲက စိတ်ဝင်စားစရာကောင်းတဲ့ စာအုပ်တစ်အုပ်က  ကဗျာဆရာ ၇ ယောက်၊ လေးရက်တာ၊ စာအုပ်တစ်အုပ်( seven poets, four days, one book)  လို့ ခေါင်းစဉ်ပေးထားတဲ့ စာအုပ်ပါ။ ခရစ္စတိုဖာမာရေးလ်ဟာ ကဗျာဆရာ ၆ ယောက်ကို အိုင်အိုဝါမြို့ကို လာရောက်ဖို့ ဖိတ်ခေါ်ခဲ့ပါတယ် တဲ့။ အဲဒီမှာ လေးရက်တာ နေထိုင်တဲ့အခိုက် ရေးသားခဲ့တဲ့ ကဗျာတွေပါ။ ပထမဦးဆုံး ခရစ္စတိုဖာမာရေးလ်က ကဗျာတစ်ပုဒ်ကို အရင်ရေးပါတယ်။ သူ့ကဗျာထဲက စာကြောင်းတွေကို ကျန်ကဗျာဆရာတစ်ယောက်စီက ပထမဆုံး စာကြောင်းအဖြစ်ယူပြီး အသီးသီး ကဗျာဆက်ပြီး ရေးကြပါတယ်။ ပြီးတော့ အဲဒီကဗျာဆရာအသီးသီးရဲ့ စာကြောင်းတွေကို တခြားကဗျာဆရာတွေက ပထမဆုံးစာကြောင်းအဖြစ် ခွဲဝေယူပြီး ဆက်ရေးကြပြန်ပါတယ်။ အဲဒီလိုနဲ့ ချိတ်ဆက်ဖြစ်ပေါ်လာတဲ့ ကဗျာတွေကို စုစည်းပြီး ထုတ်ဝေထားတဲ့စာအုပ်ဖြစ်ပါတယ်။ အဲဒီစာအုပ်ဖြစ်လာဖို့ ကဗျာဆွေးနွေးပွဲစီစဉ်ပုံ နဲ့ ကဗျာထုတ်လုပ်ပုံဟာ မှတ်သားစရာပါပဲ။ 

IWP စာရေးဆရာတွေထဲမှာ ကဗျာရွတ်တဲ့နေရာမှာ ထူးခြားဆန်းသစ်တဲ့ဟန်နဲ့ ရွတ်လေ့ရှိသူ ကဗျာဆရာတစ်ယောက်ကတော့ ယူရူဂွေး နိုင်ငံက လူးဝစ်ဘရာဗိုဖြစ်ပါတယ်။ အိုင်အိုဝါကို ရောက်ခါစက Pittsburg မှာ ကျင်းပတဲ့ Jazz Poetry ပွဲမှာလည်း ဘော့စဝါနာက တီဂျေဒီးမားနဲ့အတူ လူးဝစ်ဘရာဗိုဟာ သွားရောက်ကဗျာရွတ်ခဲ့ပါသေးတယ်။ တီဂျေဒီးမားရော လူဝစ်ဘရာဗို နှစ်ဦးစလုံးဟာ ကဗျာကို ရွတ်ဖတ်တဲ့နေရာမှာ အထူးအလေးပေးကြသူတွေပါ။ ပရိသတ်ကို စေ့စေ့ကြည့်ပြီး ပုံပြင်ဇာတ်လမ်းတစ်ခု ပြောပြနေသလို အသက်ဝင်လှတဲ့ တီဂျေရဲ့ စာရွက်မကြည့်ဘဲ ကဗျာကို အလွတ်ရွတ်ပုံက ဆွဲဆောင်မှုရှိသလို ဂီတနောက်ခံ၊ ဒစ်ဂျစ်တယ် လှုပ်ရှားမှုတွေပါတဲ့ ဗီဒီယိုနောက်ခံတွေ သူ့ရဲ့ ကိုယ်ပိုင်အသံအနိမ့်အမြင့်ရဲ့ အားတွေကို ထည့်သွင်းပြီး စိတ်ပါလက်ပါ ကဗျာရွတ်လေ့ရှိတဲ့ လူးဝစ်ဘရာဗိုကိုလည်း လူတိုင်းက အလွန်နှစ်သက်စွာ အားပေးကြပါတယ်။ 

ကံကောင်းထောက်မစွာပဲ ကျွန်မဟာ မြန်မာကဗျာဆရာတွေကြားမှာလည်း ထင်ထင်ရှားရှား ကြားဖူးနေတဲ့ ကွန်ဆက်ချူရယ် ကဗျာဆရာ ကဲနက်ဂိုးလ်စမစ် ရဲ့ ကဗျာရွတ်ပွဲနဲ့လည်း ကြုံကြိုက်ခဲ့ပါတယ်။ ဆရာဇေယျာလင်းနဲ့ ဆရာငြိဏ်းဝေတို့ရဲ့ ဆောင်းပါးတွေကြောင့် ကဲနက်ဂိုးလ်စမစ် အကြောင်းကို ရင်းနှီးနေခဲ့တာကြာပါပြီ။ ဒေါင်လိုက်အစင်းတွေ ထင်းထင်းပါတဲ့ ကုတ်အကျီဘောင်းဘီ ဝတ်စုံပြည့်နဲ့ ရှပ်အင်္ကျီ လိမ္မော်ရောင်လွင်လွင်ကို စတိုင်ကျကျ ဝတ်ဆင်ထားတဲ့ ဂိုးလ်စမစ်ဟာ ကဗျာတစ်ပုဒ်ကို နာရီဝက်ကြာအောင် ရေသောက်လိုက် လမ်းလျှောက်လိုက်နဲ့ မရပ်မနား ရွတ်ခဲ့ပါတယ်။ ကဗျာဆရာတစ်ယောက်တည်းက ကဗျာတစ်ပုဒ်တည်းကို နာရီဝက်ကြာအောင် ဆက်တိုက်ရွတ်ဆိုတဲ့ ကဗျာပွဲကို ကျွန်မ တစ်ခါမှ မကြုံဖူးခဲ့ပါဘူး။ 

အဲဒီနေ့က ဂိုးလ်စမစ်ရွတ်ခဲ့တာကတော့ “အမေရိကန်၏ သေကြေပျက်စီးမှု အဖြစ်ဆိုးကြီး ခုနစ်ခု - Seven American Deaths and Disasters”  ဆိုတဲ့ကဗျာရှည်ပါ။ အဖြစ်ဆိုးတွေကတော့ ဂျွန်အက်ဖ်ကနေဒီ၊ ရောဘတ်ကနေဒီ၊ ဂျွန်လင်နွမ်တို့ကို လုပ်ကြံသတ်ဖြတ်မှုတွေအကြောင်း၊ ချယ်လင်ဂျာ လွန်းပျံယာဉ် ပျက်ကျခဲ့တဲ့အကြောင်း၊ ၁၉၉၉ခုနှစ်က ကိုလန်ဘိုင်း ကျောင်းမှာ လူအများအပြားကို သေနတ်သမားတစ်ယောက်က ပစ်ခတ်သတ်ဖြတ်မှုအကြောင်း၊ စက်တင်ဘာ ဆယ့်တစ်ရက်နေ့ World Trade Centre တိုက်ခိုက်ခံခဲ့ရတဲ့အကြောင်း နဲ့ မိုက်ကယ်ဂျက်ဆင် သေဆုံးခဲ့တဲ့ အကြောင်းတွေပါ။  ဂိုးလ်စမစ်ဟာ အဲဒီကဗျာကို အစီရင်ခံစာတွေ၊ မှတ်တမ်းတွေ၊ အသံလွှင့်ချက်တွေ၊ အင်တာဗျူးတွေ အစရှိတဲ့ မူလတည်ရှိပြီးသား စာသားတွေကို အသုံးပြုပြီး ဖွဲ့စပ်ခဲ့ပါတယ်။  ဂိုးလ်စမစ်ဟာ ၂၀၁၁ခုနှစ် က အိမ်ဖြူတော်မှာ ကျင်းပတဲ့ အမေရိကန်ကဗျာပွဲတော်မှာလည်း အိုဘားမားနဲ့ မီရှဲလ်တို့ရှေ့မှာ ကဗျာရွတ်ပြခဲ့ရပါသေးတယ်။ ဂိုးလ်စမစ်ရဲ့ လေယူလေသိမ်း အလှည့်အပြောင်းတွေနဲ့ ကဗျာရွတ်ဆိုတဲ့ အသံဟာ သူ့ရဲ့ စုစည်းဖွဲ့စပ်ထားတဲ့ စာသားတွေနဲ့ အံဝင်ခွင်ကျပြီး အသက်မရှူမိအောင်ကို စိတ်ဝင်စားစရာပါ။ စာရွက်ထဲမှာ ကဗျာကို မျက်စိနဲ့ ဖတ်ရုံဆိုရင် ဒီလိုအရသာကို မခံစားနိုင်ဘူးလို့ ကျွန်မယုံကြည်မိပါတယ်။  (Conceptual ကဗျာဆရာ ဂိုးလ်စမစ်၊ LP ကဗျာဆရာ ဘန်းစတိန်းနဲ့ flarf ကဗျာဆရာမ နာဒါဂေါ်ဒင်တို့နဲ့ တွေ့ဆုံခဲ့တဲ့ အကြောင်းတွေကို ကဗျာလောက ၂ မှာလည်း ဆောင်းပါးသီးသန့် ရေးထားခဲ့ပါတယ်။) 
Conceptual ကဗျာဆရာ ကဲနက်ဂိုးလ်စမစ်

အိုင်အိုဝါမြို့မှာ ရောက်နေတဲ့အခိုက် ကျွန်မကို ရေဒီယိုကနေ ကဗျာရွတ်ဖို့ ဖိတ်ခေါ်တာကိုလည်း ကြုံခဲ့ရပါတယ်။ အိုင်အိုဝါမြို့မှာတည်ရှိတဲ့ KRUI ရေဒီယို ရဲ့ Lit Show လို့အမည်ရတဲ့ FM အသံလွှင့်မှု အစီအစဉ် ဖြစ်ပါတယ်။  ကျွန်မအပါအဝင် IWP စာရေးဆရာ အချို့ကို အဲဒီရေဒီယိုအစီအစဉ်မှာ တိုက်ရိုက်အသံလွှင့်ပြီး ကဗျာရွတ်ဖို့ ဖိတ်ခေါ်တာဖြစ်ပါတယ်။  ကျွန်မနဲ့အတူ ရေဒီယိုမှာ အသံလွှင့်ခဲ့ကြသူတွေကတော့ ဖိလစ်ပိုင်က ဂျင်းန်ဗီးအာဆန်ဂျို၊ ရုရှက အလီဆာ ဂျနီဗာ၊  နယူးဇီလန်က ဂျက်ဖရီပါပရိုရာဟိုးလ်မန်း၊ ဇင်ဘာဘွေက ခရစ္စတိုဖာမာလာဇီနဲ့ စင်ကာပူက စတက်ဖနီရဲ တို့ဖြစ်ကြပါတယ်။ တချို့က စကားပြေဖတ်ကြပြီး တချို့က ကဗျာဖတ်ကြပါတယ်။ တစ်ယောက်ကို အချိန် ၈ မိနစ်လောက် ပေးထားတာမို့ ကဗျာ ၂ ပုဒ်ကို ရွေးချယ်လိုက်ပါတယ်။ အင်္ဂလိပ်ဘာသာပြန်တွေကိုပဲ ရွတ်ခဲ့ပါတယ်။ “လူရိုင်းတွေနေတဲ့ရွာ” နဲ့ “စိတ်အစွန်းရောက်ရောဂါနဲ့ ၂၈ ရက်အကြာ” တို့ပဲဖြစ်ပါတယ်။ တိုက်ရိုက်အသံလွှင့်ရတဲ့ ပထမဆုံးအတွေ့အကြုံမို့ မမှားအောင် သတိထားရပါတယ်။

၁၉။ ရှီကာဂိုမြို့ ခရီးစဉ်

IWP လေ့လာရေး ခရီးစဉ်တွေထဲမှာ အောက်တိုဘာ ၁၉ ကနေ ၂၁ ရက်နေ့အထိ ကျွန်မတို့ကို ရှီကာဂိုမြို့ကို ပို့ဆောင်ပေးမယ့် အစီအစဉ်တစ်ခု ပါဝင်ပါတယ်။ အိုင်အိုဝါမြို့ကနေ ရှီကာဂိုကို လေယာဉ်နဲ့ သွားလို့လည်းရသလို ကားမောင်းသွားရင်လည်း ၄ နာရီလောက်ပဲ ကြာတဲ့ ခရီးဖြစ်ပါတယ်။
မနက် ၉ နာရီခွဲမှာ အိုင်အိုဝါမြို့ကနေ ဘတ်စ်ကားတွေနဲ့ ထွက်ခွာခဲ့ကြပါတယ်။ ရှီကာဂိုကို ၁ နာရီ ခွဲလောက် ဝင်မယ် ခန့်မှန်းထားပြီး ရောက်တဲ့ မွန်းလွဲပိုင်းမှာလည်ပတ်ဖို့ အတွက် ကျွန်မတို့ကို အစီအစဉ် ၃ ခုထဲက တစ်ခု ရွေးခိုင်းထားပါတယ်။ အဲဒါတွေကတော့ (၁) Frank Lloyd Wright Home and Studio / Architectural Tour (၂) Ernest Hemingway Museum/Birthplace  (၃) Poetry Foundation တို့ဖြစ်ပါတယ်။ ဟဲမင်းဝေးရဲ့ ပြတိုက်ကို စိတ်ဝင်စားပေမယ့် Poetry Foundation ကိုပဲ သွားဖို့ ဆုံးဖြတ်လိုက်ပါတယ်။ 


Poetry Foundation ဟာ ကျွန်မတို့တည်းခိုတဲ့ Hyatt Chicago Millennium Mile ဟိုတယ်ကနေ လမ်းလျှောက်သွားရင် နီးနီးလေးပါ။ ဟိုတယ်ကို ရောက်တဲ့အချိန်မှာ မှန်းထားတာထက် နည်းနည်း နောက်ကျနေတာမို့ Poetry Foundation ရုံးမပိတ်ခင် အမြန် သုတ်ခြေတင်ခဲ့ကြရပါတယ်။ ရောက်တဲ့အခါ IWP စာရေးဆရာတွေကို ရုံးက တာဝန်ရှိသူတွေက အချိန်ယူပြီး အဆောက်အဦအတွင်းမှာ အသေအချာ လှည့်လည်ပြသကြပါတယ်။ နှစ် ၁၀၀ ပြည့်မဂ္ဂဇင်းအပါအဝင် အခြားမှတ်သားဖွယ်ရာ စာရွက်စာတန်းတွေကိုလည်း လက်ဆောင်ပေးကြပါတယ်။ (နောက်နေ့မှာတော့ Poetry Foundation နှစ်တစ်ရာပြည့် အထိမ်းအမှတ် ပြသမှုတွေ၊ တင်ဆက်မှုတွေ၊ ပိုစတာတွေကို မြို့ထဲက လမ်းမတွေ အတော်များများမှာ တွေ့ခဲ့ရပါတယ်။) 
Poetry Foundation ရုံးခန်းတွင်း


Poetry Foundation မဂ္ဂဇင်းမျက်နှာဖုံးများရှေ့တွင်အုပ်စုလိုက် အမှတ်တရ

အဲဒီနေ့ ညနေခင်းမှာတော့ IWP ဝန်ထမ်းတစ်ဦးဖြစ်တဲ့ ကေစီယာ (Kecia) က IWP စာရေးဆရာအချို့ကို တရုတ်တန်းကို လိုက်ပို့ပေးပါတယ်။ အိုင်အိုဝါမြို့မှာ တရုတ်စားသောက်ဆိုင် အနည်းငယ်ရှိပေမယ့် အာရှက လာသူတွေဟာ အိမ်ကနေထွက်ခွာလာတာ နှစ်လနီးပါး ကြာလာတဲ့အခါ အာရှအစားအစာ ကောင်းကောင်းစားဖို့ တောင့်တနေကြတာ အမှန်ပါ။ တရုတ်တန်းက ဆိုင်တွေထဲမှာ စီချွမ်အစားအသောက် ရတဲ့ ဆိုင်တစ်ဆိုင်ကို ရွေးချယ်လိုက်ကြပြီး ဟောင်ကောင်က လင်းနဲ့ ထိုင်ဝမ်က ချမ်း တို့ ဦးဆောင်ပြီး အစားသောက်တွေ မှာကြပါတယ်။ အဲဒီညက အရသာရှိတဲ့ ဟင်းလျာတွေကို စားသောက်ပြီး အားလုံး ကျေနပ်ပျော်ရွှင်ခဲ့ကြပါတယ်။
ရှီကာဂို တရုတ်တန်းတွင် ပျော်ရွှင်စွာ စားသောက်နေသော IWP စာရေးဆရာများ

နောက်တစ်နေ့မနက်မှာတော့ မနက်စာကို ဟိုတယ်ကနေ လှမ်းမြင်နေရတဲ့ နံနက်ခင်းစာဆိုင်လေးမှာ စောစောစီးစီး သွားစားလိုက်ကြပြီး  Art Institute of Chicago လို့အမည်ရတဲ့ ပန်းချီပြတိုက်ကြီးကို လမ်းလျှောက်သွား ခဲ့ကြပါတယ်။ ကျွန်မတို့တည်းတဲ့ ဟိုတယ်ဟာ မြို့ရဲ့ အရေးပါတဲ့ နေရာအတော်များများရဲ့ အချက်အချာမှာ တည်ရှိတာမို့ စိတ်ဝင်စားစရာနေရာ အတော်များများဟာ လမ်းလျှောက်သွားရင် အလွယ်တကူရောက်နိုင်တဲ့ အကွာအဝေးမှာပါ။ ပြတိုက်ကို သွားတဲ့လမ်းမှာ Cloud Gate သို့မဟုတ် Chicago Bean လို့အမည်ရတဲ့ ဖန်လုံးကြီးနဲ့ ပန်းခြံတည်ရှိပါတယ်။ လမ်းတလျှောက်မှာ မြင်ရတဲ့ လှပခန့်ညားတဲ့ အဆောက်အဦကြီးတွေဟာလည်း သဘောကျစရာကောင်းလှပါတယ်။ ချီကာဂိုဟာ City of Architecture လို့ အသိအမှတ်ပြုခံရတဲ့ မြို့ဖြစ်ပါတယ်။ 
ရှီကာဂိုရဲ့ ပဲစေ့ပုံဖန်လုံးကြီး

 Art Institute of Chicago ရဲ့ရှေ့ကိုရောက်တဲ့အခါ ပြတိုက်ဖွင့်ဖို့ စောင့်ဆိုင်းနေတဲ့ လူတန်းရှည်ကို တွေ့လိုက်ရပါတယ်။ ပြတိုက်က မနက် ၁၀ နာရီခွဲမှာ ဖွင့်ပါတယ်။ အဆောက်အဦဟာ စတုရန်းပေပေါင်း တစ်သန်းကျော်ကျယ်ဝန်းပြီး အမေရိကန်နိုင်ငံရဲ့ ဒုတိယအကြီးဆုံး အနုပညာပြတိုက်လို့ သိရပါတယ်။ လက်ရာပေါင်း ၂၆၀၀၀ ကျော်ကို ပြသထားပါတယ်။ ကျွန်မတို့ဟာ အဲဒီပြတိုက်မှာ နေ့လည်စာ မစားမီအချိန်အထိသာ လည်ပတ်ဖို့ စီစဉ်ထားခဲ့တာကြောင့် ပြတိုက်တစ်ခုလုံးကို နှံ့စပ်အောင်သွားဖို့ စိတ်မကူးတော့ဘဲ ကိုယ်စိတ်အဝင်စားဆုံး အထပ်တွေကိုသာ သွားကြည့်ဖို့ ဆုံးဖြတ်လိုက်ပါတယ်။ ဗန်ဂိုး၊ မိုနေး၊ မာနေး၊ ရေနွှား၊ ပီကာဆို၊ ဒါလီ၊ အန်ဒီဝါးဟိုး အစရှိတဲ့ နာမည်ကျော် အနုပညာရှင်တို့ရဲ့ မူရင်းလက်ရာတွေကို ကြည့်ရှုရတာ စိတ်လှုပ်ရှားဖို့လည်းကောင်းလှပါတယ်။ 
Art Institute of Chicago ထဲက ဗန်ဂိုးရဲ့ နာမည်ကျော် ပန်းချီကား Bedroom in Arles

Art Institute of Chicago ထဲက အန်ဒီဝါးဟိုးရဲ့ မော် နဲ့အတူ

အဲဒီနေ့ကတော့ museum tour လို့ပဲ ပြောရတော့မှာပါ။ နေ့လည်စာစားပြီးတဲ့အခါမှာ ဟိုတယ်နဲ့ အနီးဆုံးမှာရှိတဲ့ Museum of Contemporary Art ကိုလည်း သွားခဲ့ကြပါတယ်။ အဲဒီ ပြတိုက်ကတော့ သိပ်မကြီးလှတာမို့ အချိန်သိပ်ယူစရာ မလိုခဲ့ပါဘူး။ စိတ်ဝင်စားစရာကောင်းတဲ့ အထူးပြုလုပ်ချက်တွေနဲ့ ဗီဒီယိုတွေ၊ installation art တွေနဲ့ လက်ရှိဖန်တီးနေဆဲ အနုပညာရှင်တွေရဲ့ လက်ရာတွေကိုတော့ အဲဒီမှာ လေ့လာခဲ့ရပါတယ်။ တကယ်တော့ အချိန်သာရမယ်ဆိုရင် တစ်ရက်မှာ အဲဒီလို ပန်းချီပန်းပု အနုပညာပြတိုက်မျိုး တစ်ခုသာ ကြည့်ရှုလေ့လာမယ်ဆိုရင် ပိုကောင်းမယ် လို့ ထင်မိပါတယ်။ ဒါမှပဲ ကျေကျေညက်ညက် စိတ်အေးလက်အေး ခံစားနိုင်မှာပါ။

Museum of Contemporary Art ကနေထွက်လာပြီးတဲ့အခါ လှမ်းမြင်နေရတဲ့ မီရှီဂန်ရေကန်ကြီးရှိရာကို လမ်းဆက်လျှောက်ကြပါတယ်။ ရေကန်ကြီးလို့ဆိုပေမယ့် ကျွန်မမျက်စိထဲမှာတော့ ပင်လယ်ကြီးလို ကျယ်ဝန်းလှပါတယ်။ မီရှီဂန်ရေကန်ဟာ မြောက်အမေရိကရဲ့ ရေကန်ကြီး ၅ ကန်ထဲမှာ တစ်ခုအပါအဝင်ဖြစ်ပြီး အမေရိကန်နိုင်ငံရဲ့ နယ်နိမိတ်ထဲမှာ လုံးလုံးလျားလျား တည်ရှိတဲ့ တစ်ခုတည်းသော ကန်ကြီးဖြစ်ပါတယ်။ ကျန်တဲ့ ရေကန်ကြီး ၄ ခုကတော့ ကနေဒါနိုင်ငံနဲ့ ဆက်စက်တည်ရှိနေကြပါတယ်။ လေကလေးတဖြူးဖြူးနဲ့ ပင်လယ်ကမ်းစပ်လို ဖြစ်နေတဲ့ ရေပြာပြာကမ်းခြေမှာ ခဏတဖြုတ်နားကြပြီးတဲ့အခါ လှမ်းမြင်နေရတဲ့ ချားရဟတ်တွေရှိတဲ့ စည်ကားတဲ့ကမ်းခြေတစ်နေရာကို သွားကြရအောင် လို့ ကိုရီးယားက စာရေးဆရာ အီစူးက တိုက်တွန်းလာပါတယ်။

Navy Pier လို့ ခေါ်တဲ့ ရှီကာဂိုရဲ့ သမိုင်းဝင် ဆိပ်ကမ်းတစ်နေရာမှာတော့ မကြာမီကျရောက်တော့မယ့် ဟယ်လိုဝင်းတစ္ဆေကြီးပွဲအတွက် ဆင်ယင်ထားတဲ့ အရုပ်တွေနဲ့ ကြောက်စရာ ချစ်စရာ လှပစည်ကားနေပါတယ်။ ချားရဟတ်စီးတဲ့လူတွေက စီး၊ တစ်နေ့လုံး လျှောက်ထားရလို့ ခြေထောက်ညောင်းပြီး ထိုင်သူတွေက ထိုင်နေချိန်မှာ ကျွန်မကတော့ ကမ်းနားတလျှောက် ဖြည်းဖြည်း လျှောက်ရင်း ရှီကာဂိုရဲ့ နေဝင်ဆည်းဆာအလှကို ဓာတ်ပုံမှတ်တမ်းတင်နေမိပါတယ်။  အဲဒီပွဲခင်းထဲမှာ ကလေးတွေအတွက် အစားအစာနဲ့ အမြန်စား အစားအစာတွေသာ များနေတာမို့ ညစာစားဖို့အတွက် မြို့ထဲကို ပြန်ထွက်လာကြပြန်ပါတယ်။
ရှီကာဂိုမြို့လယ်မြင်ကွင်း


မီရှီဂန်ကန်စောင်းမှ IWP စာရေးဆရာများ

Navy Pier မှ ရှီကာဂိုမြို့ ဆည်းဆာကို လှမ်းမြင်ရစဉ်

အဲဒီနေ့ညစာကိုတော့ ပြီးခဲ့တဲ့ ညကလို ခမ်းခမ်းနားနား မစားဖြစ်ကြပါဘူး။ တချို့လည်း ခြေထောက်တော်တော်ညောင်းနေကြပြီမို့ စားပြီးတဲ့အခါ ဟိုတယ်ကို တန်းပြန်သွားကြပါတယ်။ ကျွန်မကတော့  ဖိလစ်ပိုင်၊ ကိုရီးယား၊ ထိုင်ဝမ် စာရေးဆရာ ဆရာမတို့ နဲ့အတူ အဆောက်အဦအမြင့်တစ်ခုကို တက်ပြီး ညရှုခင်းကို ကြည့်ဖို့ စိတ်ဝင်စားမိပြန်ပါသေးတယ်။ ဒီလိုနဲ့ John Hancock Building and Observatory ဆိုတဲ့ အဆောက်အဦကြီးပေါ်တက်ပြီး ကော်ဖီသောက်ခဲ့ကြပါတယ်။ မီးရောင်စုံတွေနဲ့ ရှုမငြီးတဲ့ ရှီကာဂိုရဲ့ ညမြင်ကွင်းကို ကြည့်ရင်း စင်ကာပူက sky park တို့ Singapore Flyer တို့ကို သတိရပါတယ်။ ပြီးတော့ ကျွန်မတို့ ရန်ကုန်မြို့မှာတော့ ဒီလို မြို့ရှုခင်းကို အများပြည်သူ တက်ကြည့်လို့ရတဲ့ အဆောက်အဦမြင့် မရှိသေးတာကို သတိထားမိပါတယ်။ အနီးစပ်ဆုံးကတော့ ကုန်သည်ကြီးများ ဟိုတယ်ရှေ့က ဆာကူရာတာဝါ အထပ် ၂၀ မှာရှိတဲ့ ကော်ဖီဆိုင်လောက်ပါပဲ။ ဒါတောင်မှ မှိတ်တုပ် မီးလေးတွေနဲ့ ရန်ကုန်ညအလှဟာ ဖွံ့ဖြိုးတဲ့နိုင်ငံတွေနဲ့ အခုအချိန်မှာတော့ အကွာခြားကြီး ကွာခြားနေပါတယ်။

နောက်တစ်နေ့မှာ အိုင်အိုဝါမြို့ကို ပြန်ကြမယ့် ကားတွေထဲမှာ အစောဆုံးခရီးစဉ်ကို ကျွန်မကရွေးလိုက်ပါတယ်။ အဲဒီနေ့ ညနေမှာ ကျင်းပမဲ့ ကဲနက်ဂိုးလ်စမစ်ရဲ့ ကဗျာရွတ်ပွဲကို အမီသွားနိုင်အောင်ပါ။ မနက်စောစောမှာတော့ အချိန်နည်းနည်းရသေးတာမို့ စာရေးဆရာတချို့နဲ့အတူ မနက်စာစားဖို့ထွက်ရင်း ကန်တစ်ပတ်ကို လမ်းလျှောက်ကြပါသေးတယ်။ အပြန်မှာ မြို့ထဲက မစ္စစ္စပီမြစ် ဖြတ်စီးနေတဲ့ ဆိပ်ကမ်းကို ရောက်တဲ့အရာ ကူဝိတ်က စာရေးဆရာက တားလ်ဘ် (Taleb) က Architectural cruise tour နဲ့ အပျော်စီးသင်္ဘောမြို့တစ်ပတ် စီးချင်တယ်လို့ အဖော်စပ်ပါတယ်။ ဒါပေမယ့် ကံမကောင်းစွာပဲ သင်္ဘောထွက်မယ့် အချိန်ဇယားက ကျွန်မတို့ ပြန်ရမယ့် အချိန်နဲ့ မကိုက်ညီပါဘူး။
ဒီလိုနဲ့ ဟိုတယ်ကို ပြန်လာကြရင်း စကားလက်ဆုံကျမိတော့ ကျွန်မက မှတ်ချက်ချမိပါတယ်။ “ဒီမြို့မှာ ထင်ထင်ရှားရှားအဖြစ်ဆုံးကတော့ မြင့်မားလွန်းတဲ့ အဆောက်အဦ အများကြီးရှိတာပဲ။ ကျွန်မနေခဲ့တဲ့ မြို့တွေမှာ ဒီလိုအတွေ့အကြုံမျိုး မရှိခဲ့ဖူးဘူး။ မြို့ထဲလမ်းမတွေမှာ လျှောက်သွားတဲ့အခါ အခုလို မြင့်လွန်းတဲ့ အဆောက်အဦတွေကြားမှာ ကျွန်မဟာ ပိုပြီး ပုဝင်သေးကွေးသွားတယ်လို့ ခံစားရတယ်။ တခါတလေတော့ ကျွန်မတို့ဟာ ကိုယ့်ကိုယ်ကို သေးသေးလေးဖြစ်ကြောင်း အခုလို သတိပေးတဲ့ ခံစားမှုမျိုးလိုတယ် ထင်ပါတယ်”

တားလက်ဘ်က သူ့ရဲ့ အတွေ့အကြုံတစ်ခုကို ပြန်ပြောပြပါတယ်။ “ကျွန်တော် ပထမဆုံး လေယာဉ်စီးဖူးခဲ့တဲ့ အတွေ့အကြုံကို သတိရတယ်။ ပြတင်းပေါက်ကနေ အခြားလေယာဉ်တစ်စီး ပျံသွားတာကို တွေ့လိုက်ရတယ်။ ကျွန်တော့်မျက်စိထဲမှာ အဲဒီလေယာဉ်လေးဟာ သေးသေးလေးရယ်။ ဒါနဲ့ အနားမှာ အစားအသောက်လာချပေးတဲ့ လေယာဉ်မယ်လေးကို ပြောလိုက်မိတယ်။ ဟိုးမှာ လှမ်းမြင်ရတဲ့ လေယာဉ်လေးက သေးသေးလေးနော် လို့။ လေယာဉ်မယ်လေးက ကျွန်တော့်ကို ပြုံးပြီးပြန်ပြောပါတယ်။ ဟိုဘက်က လေယာဉ်ကနေ ပြန်ကြည့်ရင်လည်း ကျွန်မတို့ လေယာဉ်ကို သေးသေးလေးလို့ မြင်ရမှာ။ တကယ်တော့ အဲဒီလေယာဉ်ဟာလည်း ကျွန်မတို့လို လေယာဉ်ကြီးပါပဲ။ ဝေးနေလို့ပါ တဲ့။ ကျွန်တော် သင်ခန်းစာတစ်ခုရပါတယ်။ လူတွေဟာ ကိုယ့်ကိုယ်ကို ကြီးမားလှတယ်လို့ ထင်နေတတ်ကြတယ်” တဲ့။

အဲဒီနောက် ရှီကာဂိုနဲ့ ပတ်သက်တဲ့ ကဗျာတစ်ပုဒ်ရေးမိပေမယ့် အခုအထိ စိတ်တိုင်းမကျသေးလို့ အဆုံးမသတ်ရသေးပါဘူး။ “ဒေါင်လိုက်ပြန့်ကားနေတဲ့ မြို့ကြီးထဲမှာ ငါတစ်ယောက်တည်း ပိုပြီးတော့ ပုဝင်သေးကွေးသွား” ဆိုတဲ့ စာကြောင်းတစ်ကြောင်းကိုတော့ တေးထားလိုက်ပါသေးတယ်။
ရှီကာဂိုမြို့ကအပြန် မစ္စစ္စပီမြစ်နံဘေးမှာ IWP စာရေးဆရာများ အမှတ်တရ

အဲဒီခရီးစဉ်အပြီးမှာရှီကာဂိုမြို့ကို နောက်ထပ်တစ်ခေါက်ထပ်ရောက်ခဲ့ပါသေးတယ်။ အောက်တိုဘာလကုန်မှာ ကျွန်မရဲ့ အမျိုးသား ရောက်လာတဲ့အတွက် ရှီကာဂိုကို သွားပြီး ခေါ်ခဲ့တာပါ။ အဲဒီတစ်ခေါက်မှာတော့ တစ်နေ့တာ လည်ပတ်တဲ့အခါ စောစောက တားလက်ဘ် သွားချင်ခဲ့တဲ့ Architectural cruise tour ကို သွားဖြစ်ခဲ့ပါတယ်။ မြို့လည်ခေါင်မှာ မြစ်ကြီးက ဖြတ်စီးနေတာလည်း ရှီကာဂိုမြို့ရဲ့ ထူးခြားချက်တစ်ခု ဖြစ်ပါတယ်။ Windy City လို့ နာမည်ကျော်တဲ့ ရှီကာဂိုရဲ့ လေအေးတွေ တသုန်သုန်တိုက်နေတဲ့ သင်္ဘောကြီးပေါ်မှာ ချမ်းချမ်းစီးစီးနဲ့ ထိုင်ရင်း ရေကြောင်းလမ်းတလျှောက် မြင်နေရတဲ့ အဆောက်အဦတွေအကြောင်းကို ဧည့်လမ်းညွှန် အင်ဂျင်နီယာက ရှင်းပြတာကို နားထောင်ရပါတယ်။ အဆောက်အဦတွေရဲ့ သမိုင်းသာမက မော်ဒန်၊ ပို့စ်မော်ဒန် သွင်ပြင်လက္ခဏာတွေနဲ့ တည်ဆောက်ပုံ သဘောတရား (ism) တွေကိုပါ ရှင်းပြသွားတာဟာ အလွန်ကို ဗဟုသုတ တိုးစေပါတယ်။  ကျွန်မ အနှစ်သက်ဆုံး လေ့လာရေးခရီးစဉ်တစ်ခု ဖြစ်ပါတယ်။

အဲဒီတစ်ခေါက်မှာ ညနေချမ်းမှာတော့ ရှီကာဂိုရဲ့ အမြင့်ဆုံးအဆောက်အဦဖြစ်တဲ့ Willis Tower ကို တက်ခဲ့ပါတယ်။ အဲဒီ အဆောက်အဦမှာ အပြင်ကို ထိုးထွက်နေပြီး မှန်နဲ့ခင်းထားတဲ့ ကြမ်းပြင်အကြောင်းကို ကြားဖူးခဲ့ပါတယ်။ ကျွန်မတို့ရောက်သွားတဲ့အခါ အဲဒီမှန်ခန်းကလေးထဲကို ခြေလှမ်းလိုက်သူတိုင်းဟာ ကိုယ့်ခြေထောက်အောက်က မှန်သားကြည်ကြည်အောက်မှာ လှမ်းမြင်နေရတဲ့ အကွာအဝေးကို ဗြုန်းစားကြီး ကျင့်သားမရဘဲ ဒူးတုန်ခြေတုန် ဖြစ်ကုန်ကြတာကို အချင်းချင်းကြည့်ရင်း ရယ်မောကြတာလည်း အမှတ်တရပါပဲ။  
Willis Tower ပေါ်မှ မှန်ကြည်ခန်းရှုခင်း

Willis Tower ပေါ်မှ ရှီကာဂိုမြို့အလှကိုမြင်ရစဉ်


Willis Tower ပေါ်မှ ရှီကာဂိုမြို့အလှ ညမြင်ကွင်း

ရှီကာဂိုကို နောက်ထပ်တော့ ဘယ်အချိန်ပြန်ရောက်ဖြစ်ဦးမလဲ မသိပါ။ ကျွန်မကတော့ အစားအသောက်တွေ၊ အဆောက်အဦတွေ၊ ကြည့်ရှုစရာနေရာတွေ၊ ရှုခင်းမြင်ကွင်းတွေ၊ သပ်ရပ်မှုတွေ အားလုံးအတွက် ရှီကာဂိုမြို့ကို နှစ်သက်သဘောကျမိပါတယ်။

ပန်ဒိုရာ
(ဆက်လက်ဖော်ပြသွားပါမည်။)


၂၀၁၃ စက်တင်ဘာလ စတိုင်သစ်မဂ္ဂဇင်းတွင် ဖော်ပြပြီး။  


 
အပိုင်း (၁) သို့  
အပိုင်း(၂) သို့



Expand..