Thursday, August 30, 2012

ငါ ကျနေတယ်





ငါ ကျနေတယ်

ငါ ကျနေတယ်
ငါ တဖွဲဖွဲ ငါ သည်းသည်းမဲမဲ
ငါ တသွင်သွင် ငါ တငြိမ့်ငြိမ့်
ငါ အလျင်စလို ငါ ဒရောသောပါး
ငါ ဝေါခနဲ ငါ ဝုန်းခနဲ
ငါ ဖြည်းဖြည်းမှန်မှန်
ငါ နယ်ခြားစည်းမျဉ်းဖြတ်ကျော်
ငါ တုံ့နှေးတုံ့နှေး ငါ တွန့်ဆုတ်တွန့်ဆုတ်
ငါ အတောမသတ်နိုင်
ငါ ရေတံခွန်ဆီသို့ ဆွဲခေါ်ခံရ

ပိုးတီကောင်တွေ အမှိုက်သရိုက်တွေ အညှိအချွဲတွေ ကြေးညှော်တွေ ဆူးညှောင့်တွေ ဝါးမျိုပြီးသား တံထွေးသလိပ်တွေ ထွေးထုတ်ပြီးသား အံဖတ်တွေ သုညနဲ့စားလို့ပြတ်တဲ့ သုဒ္ဒကိန်းတွေ ထွင်းဖောက်မြင်နိုင်တဲ့ ကြည်လင်ပြတ်သားမှုနဲ့ ရုတ်တရက် လန့်အော်တဲ့အသံတွေ  ဒါတွှေအားလုံးကို စွန့်ဦးတီထွင် သယ်ဆောင်သူတွေ သယ်ငယ်တန်း၏ အညွန့်အဖူး သက်လတ်တန်း၏ အကျပ်အတည်း သက်ကြီးတန်း၏ အဝအဖီး သက်တန်းကုန်သူတို့၏ အထွန့်အတက်
~~ဒီကစောင့်နေသူ .. အိုး .. ဒီကစောင့်နေသူ~~

ကွမ်းတစ်ယာညက်ခန့် ထမင်းအိုးတစ်လုံးကျက်ခန့်
ဆယ်စုနှစ်တစ်ခုခန့် ရာစုနှစ်တစ်ခုခန့် ထောင်စုနှစ်တစ်ခုခန့်
ဖျက်လိုက်သော ဖောင်များ စွန့်ပစ်လိုက်သောဖောင်များ
ဆိုက်ရောက်လာသောဖောင်များ ပျံတက်သွားသောဖောင်များ
ပေါ်ထွက်လာသော ထိုးစိုက်လာသော ကွေ့ဆင်းသွားသော တိမ်းစောင်းသွားသော  
ပြောမိသေးလား … ငါ… ကျနေတုန်းပဲ။

ပန်ဒိုရာ
၂ဝ.၆--၃၀.၈.၂၀၁၂

Expand..

Monday, August 27, 2012

ငါ့ဦးနှောက်ကိုလျှော်ဖွပ်လို့မရဘူး



painting ICN2



ငါ့ဦးနှောက်ကိုလျှော်ဖွပ်လို့မရဘူး

ကိုင်တွယ်ချင်ရင် လက်တွေ စင်ကြယ်အောင် ဆေးလိုက်ဦး
ငါ့ဦးနှောက်ကတော့ သိပ်စွန်းနေပြီ
ဝဲယာအစွန်းကြီးနှစ်ပါးလုံး ထင်းထင်းကြီးစွန်းနေတဲ့ ဦးနှောက်
ငါ့မက်တဲလစ်ကာလာတွေ ဆေးကျကုန်မယ် ရေလာမလောင်းနဲ့
ဟန်းမိတ်စစ်စစ် စုတ်ပြားကြီးကြီးနဲ့ အထူးပြုရေးဆွဲထားတာ  
ငါဟာ စက်တစ်လုံးထဲမှာ လှည့်လည်မနေနိုင်ဘူး
ငါ့ကိုပွတ်ခြေမယ့်လက်တွေကို ဆွဲဆွဲစားတတ်တယ် သတိထား
ငါကဆပ်ပြာမှုန့်တွေကို အလားဂျစ်ဖြစ်တတ်တယ်
ဦးနှောက်အမြှေး ပါးလွှာသွားတဲ့ ပွင့်လင်းမြင်သာမှုမျိုးကို ငါမလိုအပ်ဘူး
ငါ့ကို မှန်ကြည်စပရေးနဲ့ ဖြန်းဖို့မကြိုးစားနဲ့
ရေမှုန်ရေမွှားတွေက ငါ့ဦးနှောက်အဝိုက်တွေကြား နှမ်းဖြူးနေမယ်
ငါ့အရိုးစွဲနံ့တွေဟာလည်း ခဝါချလို့မရဘူး
ငပိငါးခြောက်နံ့ ဒူးရင်းသီးနံ့ ဆူးပုပ်ရွက်နံ့ မိတ္တဗလဋီကာနံ့
ဆီသည်မလက်သုတ်ပုဝါ ရေပေါ်ဝေ့နေတဲ့ အနံ့
သဘာဝနည်းပညာနဲ့ တွက်ချက်ဖော်စပ်ထားတဲ့ အော်ဂဲနစ်ဒြပ်ပေါင်းနံ့
 “ရှေ့သို့” “ထိမ်းသိမ်းရေး” “ပြုပြင်ရေး” အလွှာအထပ်တွေကြား အောက်သိုးသွားတဲ့အနံ့
ငါ့ဦးနှောက်ဟာ အကြမ်းခံရေစိမ်ခံ မဟုတ်ဘူး
အောက်ခြေကနေအထက်ကို တလွှားလွှားတွယ်တက်လာခဲ့တာ
လောင်စာမကုန်သေးတဲ့ နောက်ကြောင်းပြန်မလှည့်စတမ်း ဦးနှောက်
ကောင်းချီးမင်္ဂလာပြုခြင်း မခံရသေးတဲ့ ဦးနှောက်
လွမ်းတေးဖွဲ့ ကွမ်းချေးနဲ့ ဂျွတ်တက်နေတဲ့ ဦးနှောက်
ဝါယာကြိုးတွေအထပ်ထပ် ကွိုင်ပတ်ထားတယ် ရှော့ခ်ရှိနေတယ်
လျှပ်စီးပတ်လမ်းတွေနဲ့ ဓာတ်လိုက်တတ်တယ်
ဘယ်ဦးနှောက်က ညာဦးနှောက်ကို ကမ်းပါးစွန်းကနေ ဟစ်ခေါ်နေတယ်
ငါ့အသံတွေ ငါ့ဆီပြန်ရိုက်လာတော့ ချောက်ထဲ ချော်ကျမသွားအောင်
ပဲ့တင်သံခံနိုင်ရည်ဂုဏ်သတ္တိကို ဂီယာချိန်းရတယ်
ငါ့ဦးနှောက်ကို ဒီဇယ်နဲ့ ဓာတ်ဆီ ထည့်မောင်းလည်းရတယ်
ဓာတ်ငွေ့နဲ့လျှပ်စစ် ဟိုက်ဘရစ်လုပ်မောင်းလို့လည်းရတယ်
တချိန်က ကျောက်မီးသွေးနဲ့ မီးခိုးတလူလူ မောင်းနှင်သွားဖူးတဲ့ ဦးနှောက်
ငါ့ဦးနှောက်က လေတိုးမခံဘူး ဖုန်စုပ်စက်နဲ့ မပွတ်နဲ့
မနက်ဖြန်နဲ့ ယူဇနာတစ်ရာဝေးတဲ့ အနာဂတ်ဝါဒ ကို လှမ်းမြင်နေရတဲ့ နေရာ
ဘက်တီးရီးယားတွေ ကျင်လည်ကျက်စားနေတဲ့ ယူတိုပီးယားဇုံ
ငါ့ဦးနှောက်ဟာ မဇ္ဈိမကိုသွား တရားရှာခဲ့တယ်
ခြင်္သေ့မင်းတို့ရှေ့မှောက် ဆောင့်ကြောင့်ထိုင်တတ်ခဲ့တယ်
အဲဒီတုန်းက ငါ့ခေါင်းကို ပြောင်အောင်ရိတ် ငယ်ထိပ်ကိုဖောက်
ငရုပ်ကောင်းဖြူး ကလော်စားခံရမယ့်ဘေး သီသီလေး လွတ်ခဲ့ရတယ်
ငါ့ဦးနှောက်အစိုင်အခဲတွေမှာ သိုလှောင်ရုံမရှိဘူး
လက်ကျန် ဘယ်လောက်ရှိသေးလဲ တစ်လတစ်ခါ ချိန်တွယ်ရတယ်
ဥာဏ်ရည်တွေလည်း ကျ ကျလာတယ် တတောက်တောက်နဲ့
ထိလွယ်ခိုက်လွယ် အကိုင်မခံဘူး ချွဲကျိနေတယ်
အနီတစ်ကန့် အဖြူတစ်ကန့် ပန်းရောင်တစ်ကန့်
ငါ့လိုင်းတွေ ယောက်ယက်ခတ်ကုန်မယ် လာမမွှေနဲ့
လူမှုစီးပွား လူထုကြီးပွား ခြေဖဝါးနဲ့အတောင်ပံကြားက အားပြိုင်မှု
ထုတ်လုပ်မှုတစ်ခုရဲ့ ရုပ်ပိုင်းဆိုင်ရာတန်ဖိုး - ငါအစာမကြေတဲ့ အတွက်အချက်တွေ
ငါ့တောင့်တင်းမှုတွေ ပျော့ပြောင်းသွားဦးမယ် ကြေး(ဂျီး)လာမတွန်းနဲ့
ကြည့်တယ် ထိတယ် ဖတ်တယ် မှတ်တယ် တုတယ် ပြုတယ် ဖြုတ်တယ် တပ်တယ်
ဖမ်းယူတယ် ချိတ်ဆက်တယ် စွန့်ပစ်တယ် ဖြန့်ဝေတယ်
ဒွာရကိုးပေါက်ရဲ့ ဌာနချုပ်ဆီ ငါဦးတည်နေတယ်
အရပ်ဆယ့်ခြောက်မျက်နှာက မွှေ့ယမ်းပစ်မယ့် စက်များ နဲ့ လက်များ
အဆိပ်လူးမြားကို တပါတည်း ထည့်မှုတ်လိုက်တဲ့ ဗူဗူဇီလာ
နဖူးတည့်တည့်ကို ချိန်ထားတဲ့ တင့်ကားအမြာက်ရဲ့ ဟန်ချက်
စကြာတံဆိပ် ခတ်နှိပ်ထားတဲ့ အမဲလိုက်ခွေးတွေရဲ့ နှာသီးဖျား
“ငါ”အသေကောင်ကို စောင့်ပြီးစားဖို့ ခေါင်းပေါ်ဝဲနေတဲ့ သိန်းငှက်တစ်ကောင်
ဗလာကျင်းမှုတွေ ပြည့်လျှံနေတဲ့ ခွက်တစ်လုံးနဲ့
ငါ့အစွန်းအထင်းတွေ ငါ့အရောင်အသွေးတွေ ငါ့အနံ့အသက်တွေ
မတုန်လှုပ် မဖိတ်စင်အောင် သယ်ဆောင်ရင်း
တောင်စဉ်ခုနှစ်ထပ်ကြားမှာ ငါ့ဦးနှောက်ရထား ဒုန်းစိုင်းနေတယ်။

ပန်ဒိုရာ
၁၂-၂၂.၅.၂ဝ၁၂



ကောင်းကင်မဂ္ဂဇင်းမှာ ဖော်ပြခဲ့ပြီး။ 




Expand..

Friday, August 17, 2012

အရောင်မဲ့ အတွေးစိမ်းများ ဒေါသတကြီး အိပ်မောကျနေစဉ်


painting - ICN2

အရောင်မဲ့ အတွေးစိမ်းများ ဒေါသတကြီး အိပ်မောကျနေ*စဉ်

နားမလည်ဘူး လို့ အကျယ်ကြီး အော်ပြောလိုက်တဲ့အခါ အက်ဒဗတ်မွန့်ခ် ဟာ နားလည်ကြည့်နဲ့ စာနာလှည့်ကြည့် သူကတော့ နားလည်မှာစိုးလို့တဲ့ နားနှစ်ဘက်ကို အုပ်မိုးကာထားတယ် ဘဝမှာ နားမလည်တာတွေ များလှပြီ ကဗျာတွေမှာ နားမလည်တာတွေ များလှပြီ  ဆောရီး - ဘဝအကြောင်း မပြောကြေး ကဗျာအကြောင်း မပြောကြေး ကဗျာကို ကောင်းကင်ကြီးလို ပင်လယ်ကြီးလို သဘောမထားကြေး - ဒါဆို ဒီကဗျာဆရာ (ရဲ့အရေးအသား) ကို ဘယ်လိုသဘောရသလဲ ဟိုကဗျာသမား (ရဲ့အရေးအသား) ကို
ဘယ်လိုသဘောရသလဲ ဟိုကဗျာအာစရိ (ရဲ့အရေးအသား)ကို ဘယ်လိုသဘောရသလဲ အဲဒီကဗျာချာတိတ် (ရဲ့အရေးအသား)ကို ဘယ်လိုသဘောရသလဲ - သဘောရခြင်း (ရဲ့အရေးအသား) ကို ဘယ်လိုသဘောရသလဲ -  စနက်တံကို မီးရှို့လိုက်ထား ပြီးရင် တရေးတမော စောင့်အိပ်လိုက် တေးထားလိုက် - စကားလုံးတွေကို တေးထားလိုက် အတွေးအခေါ်တွေကို တေးထားလိုက် ခံစားချက်တွေကို တေးထားလိုက် ပေါက်ကွဲမှုတွေကို တေးထားလိုက် အညိုးအတေးတွေကို တေးထားလိုက် တေးသွားတွေကို တေးထားလိုက် စိတ်ထဲမှာ မှတ်စုစာအုပ်ထဲမှာ စက္ကူစုတ်ပေါ်မှာ လက်ဖဝါးပေါ်မှာ ကြမ်းပြင်ပေါ်မှာ အိမ်သာနံရံမှာ ၊ နားမလည်ခြင်းတစ်ခုကိုလည်း တေးထားလိုက်ဦး မသိသေးတာတွေကို သိလို
မသိလို သိစရာလိုမလို (လိုလိုမလိုလို) သိသလိုလို မသိသလိုလို  ပရော်ဖက်ဆာတစ်ယောက်က မုန့်ဗိုင်းတောင့်ကို မသိသလို သမ္မတကြီးတစ်ယောက်က နွားရိုင်းသွင်းချိန်ကို မသိသလို ခေတ်ကာလသားသမီးတွေက ဇယ်ကလေးကို မသိသလို နားမလည်ခြင်းနဲ့ ငါညံ့ဖျင်းခြင်းရဲ့ ကြားက ဆက်စပ်မှုသီအိုရီဟာ အချိုးကျမကျ (ကျကျမကျကျ)- ဒီဝါကျတွေကြားမှာ ဟိုစာကြောင်းကို ဒီစကားလုံးတွေကြားက ဟိုဝေါဟာရကို ဒီဝိသေသနတွေကြားက ဟိုသန်ဗန်နကို (သန်ဗန်န ဘယ်လိုစာလုံးပေါင်းလဲ သမ္ဗန္နလား ထားတော့) ဟိုစကားဆက်ကို ဘာလို့ ထည့်ညှပ်သွင်းလိုက်တယ် ဆိုတာကို  - ဒီစာကို နားမလည်ဘူး ဒီစာကို သူဘယ်လိုနားလည်ပြီး ရေးလိုက်တယ်ဆိုတာ နားမလည်ဘူး ဒီစာကိုနားလည်ဖို့ ငါဘာလို့ ကြိုးစားနေမိပါလိမ့် နားမလည်ဘူး

ပန်ဒိုရာ
၂၀၁၁ ဧပရယ်လ် ၃ စင်ကာပူ မနက် ၂ နာရီ ၂၉ မိနစ်
၃.၄.၂၀၁၁-၂.၂.၂၀၁၂


* Colorless green ideas sleep furiously. (Noam Chomsky)


(ကြိုးညှိခြင်း ကဗျာစာအုပ်မှာ ထည့်မလို့ လုပ်ပြီးမှ မထည့်ဖြစ်တော့တဲ့ ကဗျာ)

Expand..

Thursday, August 16, 2012

ကြိုးညှိခြင်းရဲ့ မိတ်ဆက်ပွဲ အခမ်းအနား



ကြိုးညှိခြင်း ကဗျာစာအုပ်မိတ်ဆက်ပွဲကို မနေ့က (၁၅.၈.၂ဝ၁၂) မွန်းလွဲ ၂ နာရီကနေ ၅ နာရီနီးပါးအထိ ဗိုလ်အောင်ကျော်လမ်း အောက်ဘလောက်က Home မှာ အောင်အောင်မြင်မြင် ကျင်းပခဲ့ပါတယ်။ အခမ်းအနားမှူးအဖြစ် ဆရာမသင်းသင်းသာက ဆောင်ရွက်ပေးပါတယ်။   ပထမဦးစွာ ဆရာမ ၃၅ ယောက်ကို မသင်းသင်းသာက ပရိသတ်နဲ့ မိတ်ဆက်ပေးပါတယ်။ ပြီးတဲ့အခါ ဆရာသစ္စာနီက အမှာစကားပြောကြားပါတယ်။ ဆရာမ မအိက အမှတ်တရစကားပြောပါတယ်။  ပန်ဒိုရာက စာအုပ်စီစဉ်ဖြစ်ခဲ့ပုံအကြောင်းကို ရှင်းပြပါတယ်။ အဲသည့်နောက် ဆရာဇေယျာလင်းရဲ့ မုဒိတာစကားပြောကြားပြီးချိန်မှာတော့ ကြိုးညှိခြင်း စာအုပ်ထဲမှာ ပါဝင်ခဲ့ကြတဲ့ ဆရာမတွေရဲ့ တစ်ဦးချင်း ကဗျာရွတ်ဆိုမှု အစီအစဉ်ကို ဆက်လက်ခဲ့ပါတယ်။ ကဗျာဆရာမ ၁ဝ ယောက်ရဲ့ စုပေါင်း ကဗျာရွတ်ဆိုပွဲနဲ့ အဆုံးသတ်ခဲ့ပါတယ်။ 

မှတ်တမ်းတစ်ခုအဖြစ် ရည်ရွယ်ထားတဲ့ ကြိုးညှိခြင်း ဟာ အကောင်းဆုံး အတော်ဆုံးတွေ စုစည်းထားတယ် ဆိုတာမျိုးထက် စုံလင်မှုနဲ့ ကိုယ်စားပြုနိုင်မှုကို ဦးစားပေးထားတာကို တွေ့ရမှာပါ။ အသက် ၆ဝပတ်ဝန်းကျင်ကနေပြီး ၁၆ နှစ်ပတ်ဝန်းကျင်အထိ ကဗျာဆရာမတွေ ပါဝင်ပါတယ်။ ရန်ကုန်အပြင် မန္တလေး၊ ကျောက်ဆည်၊ ဟင်္သာတ စတဲ့ နယ်တွေမှာ အခြေစိုက်နေထိုင်တဲ့ ဆရာမတွေလည်း ပါဝင်ပါတယ်။ စင်ကာပူ၊ မလေးရှား အမေရိကား စတဲ့ နိုင်ငံရပ်ခြားမှာ ရောက်နေကြတဲ့ ဆရာမတွေလည်းပါဝင်ပါတယ်။ မီဒီယာလောကမှာ အချိန်ပြည့် လုပ်ကိုင်နေကြတဲ့ အယ်ဒီတာ၊ စာရေးဆရာ၊ ဂျာနယ်လစ်၊ ရုပ်ရှင်ဒါရိုက်တာ စတဲ့လုပ်ငန်းတွေထဲက ကဗျာဆရာမတွေအပြင် အငြိမ်းစား၊ အစိုးရဝန်ထမ်း၊ ကျောင်းဆရာမ၊ ပရိုက်ဗိတ် ကုမ္မဏီမှာ လုပ်ကိုင်နေသူ၊ ကျောင်းသူ စတဲ့ ပရိုဖိုင်းကလည်း စုံလင်ပါတယ်။ ပရင့်မီဒီယာသာမက အွန်လိုင်းမှာ ရေးသားနေကြသူတွေလည်း ပါဝင်ပါတယ်။ ကဗျာတွေရဲ့ အကြောင်းအရာကလည်း စုံလင်ပါတယ်။ ကဗျာတွေရဲ့ ရွေ့လျားမှုကို အနီးစပ်ဆုံး ခန့်မှန်းနိုင်ဖို့အတွက် ကဗျာဆရာမတွေကို အသက်ကြီးစဉ်ငယ်လိုက် စီထားတဲ့အတွက် လေ့လာသူများအတွက် အကျိုးရှိမယ်လို့ ယူဆပါတယ်။ (ဒါတောင် ဆရာမလုံမငြိမ်းချမ်းကို ဖုန်းထဲကမေးမြန်းရာမှာ အမှတ်မှားပြီး ၁၉၇၅ မွေးတယ်ထင်မိလို့ အစီအစဉ်မှာ နောက်ရောက်သွားပါတယ်။ တကယ်တော့ ဆရာမ မနော်ဟရီတို့ရဲ့ ရှေ့နားလောက်မှာ ဖြစ်ရမှာပါ။ ဒီ့အတွက် အထူး တောင်းပန်ပါတယ်။)

ကဗျာဆရာများဖြစ်ကြတဲ့ သစ္စာနီ၊ ဇေယျာလင်းနဲ့ လင်းနီညိုတို့ရဲ့ စိတ်ဝင်စားစရာ အမြင်မှတ်ချက်တွေ ပါဝင်တဲ့ ကြိုးညှိခြင်းစာအုပ်ကို ရန်ကုန်မြို့က စာအုပ်ဆိုင်တွေမှာ မေးမြန်းဝယ်ယူလို့ရပါပြီ။ ဆရာမုတ်သုန် ရဲ့ မျက်နှာဖုံးပန်းချီ ဖြစ်ပြီး အတွင်း sketch တွေကိုတော့ ပန်ဒိုရာ ရေးဆွဲထားပါတယ်။ တစ်အုပ်ကို ၂၅ဝဝ ကျပ်နဲ့ ရောင်းချပါမယ်။ တစ်နိုင်ငံလုံးကို နှစ်ကာလများက ဖြန့်ချိပါမယ်။ စင်ကာပူကိုလည်း ပို့ဖို့ စီစဉ်နေပါတယ်။ ထိုင်းနဲ့ မလေးရှားက မှာထားသူများအတွက်တော့ လူကြုံရှာနေဆဲပါ။  


အမှတ်တရ ဓာတ်ပုံတချို့ကို တင်ပေးလိုက်ပါတယ်။(တင်ရတာ အချိန်ကြာလို့ အနည်းငယ်သာ တင်လိုက်ပါတယ်၊ ဖေ့စ်ဘွတ်ခ်မှာ ပိုများများတင်ထားတယ်။) ဒီအခမ်းအနားအကြောင်းကို စာရေးဆရာမ ဘလော့ဂါ မမြသွေးနီကလည်း  ဆောင်းပါးလေး ရေးထားပါတယ်။

အခမ်းအနားဖြစ်မြောက်ဖို့ ချိတ်ဆက် စီစဉ်ပေးကြသူတွေနဲ့ လာရောက်အားပေးကြသူ အားလုံးကို လှိုက်လှိုက်လှဲလှဲ ကျေးဇူးတင်ပါတယ်။


ဝဲမှယာ နောက်တန်:- သင်းသင်းသာ (အခမ်းအနားမှူး)၊ မအိ၊ ငြိမ်း(ဒဿန)၊ ခင်မြဇင်၊ ခင်ဝင်းသစ်၊ သန့်စင်အေး၊ မရီဝေ၊ မနော်ဟရီ၊ ရှင်ဒေဝီ၊ မေအောင်လင်း၊ သွေး(စစ်ကိုင်း)၊ မယ်ယွေး၊ မွန်းသူအိမ် ။။ ဝဲမှယာ ရှေ့တန်း နေအေဒီ၊ ပန်ဒိုရာ၊ ညိုပြာဝိုင်၊ စုမီအောင်၊ ကြည်မွေ့အိမ်၊ ငယ်ငယ်(ကျောက်ဆည်)၊ ချိုပိန်းနောင်၊ စမ်းသီတာ။ (ဆရာမ ဖြူမွန်နဲ့ မြတ်တို့ကနောက်ကျနေလို့ မပါခဲ့။ ဆရာမ မိကောက်၊ မိနှောင်း၊ ကေမြနွယ်တို့ မလာနိုင်။ ဆရာမ မေငြိမ်း၊ ခက်မာ၊ စမ်းစမ်းတင်၊ မှူးဒါရီ၊ မဏိခ၊ အိန္ဒြာတုို့က နိုင်ငံခြားမှာ)

သစ္စာနီ ဇေယျာလင်း လင်းနီညို တို့ရဲ့ အမြင်များ


ဆရာသစ္စာနီ ပြောတဲ့အထဲမှာ ဒီစာအုပ်မှာ ပရင့်မီဒီယာနဲ့ အွန်လိုင်းမီဒီယာမှာ ရေးနေသူတွေ စုစည်းထားတဲ့အချက်ကို သဘောကျကြောင်းလည်း ပါတယ်။


ဆရာမ မအိပြောသွားတဲ့အထဲမှာတော့ ကဗျာဆရာမတွေဟာ ကဗျာဆရာတွေနဲ့အတူ လက်ဖက်ရည်ဆိုင် အရက်ဆိုင် အတူထိုင် ပခုံးဖက်ပေါင်းဖို့ မလွယ်တဲ့အကြောင်း ပါဝင်ပါတယ်။

ဒီစာအုပ်ကို ဘာကြောင့် ဘယ်လို စီစဉ်ခဲ့တယ်ဆိုတာ ဘလာဘလာ...


ဆရာဇေယျာလင်းက ယောင်္ကျားတွေ သတ်မှတ်ထားတဲ့ စည်းမျဉ်းတွေရဲ့အပြင်ကို ထိုးဖောက်ရေးဖို့ ကဗျာဆရာမတွေကို တိုက်တွန်းခဲ့တယ်

စုပေါင်းကဗျာရွတ်ဆိုကြစဉ်





ပန်ဒိုရာ


Expand..

Sunday, August 12, 2012

ကြိုးညှိခြင်း စာအုပ် မိတ်ဆက်ပွဲ

Expand..

Friday, August 10, 2012

စင်ကာပူတွင် ဝယ်ယူနိုင်သော မြန်မာကဗျာစာအုပ်များ

ဖြစ်နိုင်ခြေရှိသော မြန်မာကဗျာ အလားအလာများ ( ဇေယျာလင်း )
ကဗျာဆိုတာပြုလုပ်ခြင်း (ဇေယျာလင်း)
ပုစွန်တွေဖတ်ဖို့ကဗျာ (သုခမိန်လှိုင်)
လူငယ်တစ်ယောက်အကြောင်း (အောင်ချိမ့်)
ကျီးကန်းတစ်ကောင် ကျီးကန်းနှစ်ကောင် (မောင်ပြည့်မင်း၊ မိုးဝေး)
ကျွန်တော်ရဲ့ယခုအချိန်နှင့် အခြားမငြိမ်သက်မှုများ (လှသန်း)



စင်ကာပူတွင် ရောက်ရှိနေသော မြန်မာကဗျာမြတ်နိုးသူများအတွက် -

အထက်ပါ မြန်မာကဗျာစာအုပ်များကို ပင်နီဆူလာပလာဇာ ဒုတိယထပ်ရှိ "ရွှေဝါမြေ" မှာ ဝယ်ယူရရှိနိုင်ပါပြီ။ တစ်မျိုးလျှင် ၅ အုပ်သာ တင်ထားပါသည်။



ပန်ဒိုရာ



Expand..