Thursday, December 22, 2011

ခရစ္စမတ်လက်ဆောင်



ခရစ္စမတ်လက်ဆောင်

ခရစ္စမတ်ဆိုတာ သူ့အတွက် ပျော်ရွှင်စရာ ပွဲတော်တစ်ခုဟု မစဉ်းစားတော့တာ ကြာပြီ။ ခရစ္စမတ်မှ မဟုတ်၊ နှစ်သစ်ကူးပွဲ၊ ပါတီပွဲတွေ၊ စင်မြင့်ဖျော်ဖြေပွဲတွေ မည်သည့်ပွဲသဘင်မျိုးကမှ သူ့ကို ပျော်ရွှင်မှု (အနည်းဆုံး စိတ်လှုပ်ရှားမှုလောက်ပင်) မပေးစွမ်းနိုင်တော့တာ ကြာခဲ့ပြီ။ သူထိုင်နေသည့် ခုံတန်းရှည်ပေါ်ကို နှင်းတွေ ဖြိုးဖြိုးဖျောက်ဖျောက် ကျနေစဉ် အိမ်အတော်များများ ရှေ့တွင်တော့ ထင်းရှုးပင်များကို ပြောင်ပြောင်လက်လက် ရောင်စုံဖဲပြားများ ခေါင်းလောင်းများဖြင့် ဆင်ယင်နေကြသည်။ အိမ်တွေထဲမှ ကလေးများ ဆူဆူညံညံ အော်ဟစ်ရယ်မောနေသံကို ကြားရတော့ သူ ပခုံးတွန့်မိသည်။ အခုလိုအချိန်မျိုးမှာ တစ်ယောက်ယောက်က ပေးမည့် ခရစ္စမတ်လက်ဆောင်ကို မျှော်လင့်ရင်ခုန်နေကြတာ ဖြစ်မှာပေါ့။ ငယ်ငယ်တုန်းကတော့ လိုချင်ခဲ့သော အရာတွေကို စန်တာကလော့ဟု ခေါ်သော ခရစ္စမတ်ဘိုးဘိုးက လက်ဆောင်ထုပ်ထဲ ထုပ်ပိုးသယ်လာမည်ဟု သူလည်း မျှော်လင့်ခဲ့ဖူးပါသည်။ အဲဒီအချိန်က သူလိုချင်သည့် အရာတွေကတော့ ရိုးစင်းခဲ့ပါသည်။ ရောင်စုံခဲတံဗူး၊ ဘောလုံး၊ ပလစ်စတစ် သေနတ် စတာတွေ။ တခါတလေကျတော့ သူ တောင့်တနေသည့် အရာတွေက လက်ဆောင်ထုပ်ထဲ ပါမလာပေမယ့်လည်း အခြား သူ နှစ်သက်နိုင်သော အရာတစ်ခု ပါလာတော့ ပျော်ရွှင်ခဲ့ရပါသေးသည်။ ဥပမာ သူတွေးမထားခဲ့သည့် ရုပ်စုံကာတွန်း စာအုပ်တစ်အုပ်ဖြစ်ဖြစ် ချိုချဉ်တစ်ထုပ်ဖြစ်ဖြစ် ရလာတဲ့အခါ..။ တခါတလေတော့ ကိုယ်လိုချင်တာ မဟုတ်သည့် အရာတစ်ခု ရလာတော့လည်း ပျော်နိုင်တာပဲ မဟုတ်လား။ ကိုယ်လိုချင်တာ မဟုတ်သည့် အရာကလည်း ကိုယ်မလိုချင်တဲ့အရာ ဟုတ်ချင်မှ ဟုတ်ပါလိမ့်မည်။ အဲဒီအရာဟာ ပိုကောင်းသည် မကောင်းဘူးကလည်း ပြောရခက်ပါသည်။ မည်သူက သတ်မှတ်သလဲ ဆိုသည်မှာ မူတည်နေတတ်သည်။ ဘာပဲဖြစ်ဖြစ် ငယ်ငယ်တုန်းကတော့ ပျော်ရွှင်စရာတွေက အတော်များခဲ့ပါသည်။ ရုပ်ရှင်ကြည့်ရတာလည်း ပျော်စရာ။ ပွဲဈေးမှာ မုန့်တွေ ၀ယ်စားရတာလည်းပျော်စရာ။ စာမေးပွဲတွေ အောင်တာလည်း ပျော်စရာ။ အဲဒီအထဲမှာ ကဗျာရွတ်ပြိုင်ပွဲတွေမှာ ပြိုင်ရတာလည်း ပျော်စရာတစ်ခု။ စင်မြင့်ပေါ်မှာ ဒူးကလေးထောက်လို့ လက်ဟန်အမူအရာဖြင့် ပါးစပ်ကလေးဟပြီး ကဗျာရွတ်နေသည့် အပြစ်ကင်းစင်သော ကလေးလေးတစ်ယောက်၏ ပုံရိပ်ဟာ ပျော်စရာပဲ။ အဲဒီလို ပျော်စရာ ကဗျာတွေကို အသက်ကြီးလာတဲ့အခါ ဘာဖြစ်လို့ မရွတ်နိုင်ကြတော့တာပါလိမ့်။ ငယ်ငယ်ကတော့ ဘာလိုချင်ခဲ့ ဘာလုပ်ချင်ခဲ့သလဲဆိုတာတွေ၊ ရခဲ့သလား မရခဲ့သလား ဆိုတာတွေဟာ သိပ်တော့အရေးမကြီးခဲ့ဘူး ထင်ပါသည်။ မရတော့လည်း မေ့မေ့ပျောက်ပျောက်ဖြစ်ပြီး အစားထိုး တစ်ခု ရသွားတော့လည်း အလွယ်တကူ ပျော်ရွှင်တတ်သားပဲ မဟုတ်လား။ တကယ်တော့ သည်လို ပြောရတာလည်း သိပ်တော့ မတရားပါ။ ဒါက အခုအချိန်မှာ အရင်အချိန်ကို ပြန်တွေးတဲ့ အတွေးဖြစ်နေသည်။ အဲဒီတုန်းကလည်း အဲဒီအရွယ်အလျောက် အရေးကြီးကောင်း ကြီးခဲ့နိုင်ပါသည်။ သို့သော်လည်း အသက်ကြီးလာသည့်အခါ လူတို့၏ အလိုတွေက ပိုပြီး ရှုပ်ထွေးနေတတ်သည် မဟုတ်ပါလား။ လူကြီးတို့၏ မျှော်လင့်ချက်သည် ကိုယ်တိုင်တစ်ဦးတစ်ယောက် ထက်ပိုသော အခြားသူများနှင့် သက်ဆိုင်သည့် မျှော်လင့်ချက် ဖြစ်နေတတ်သည်။ သူ့ဆန္ဒက အခြားတစ်ယောက်ယောက်၏ ဆန္ဒနှင့် ပြောင်းပြန် အချိုးကျနေနိုင်မလား။ ဒါဟာ လွဲမှားနေသည့် ယုတ္တိဗေဒလည်း ဖြစ်နိုင်ပါသည်။ လူတွေဟာ နောက်ဆုံးတော့ တစ်ဦးချင်း တစ်ယောက်ချင်း မဟုတ်ဘူးလား ဘာလို့ တခြားသူတွေကို ထည့်စဉ်းစားနေရမှာလဲ ဆိုသည်မှာ ပဋိပက္ခဖြစ်စေသော စဉ်းစားမှုဖြစ်သည်။ ဘာပဲဖြစ်ဖြစ် လိုချင်တာတွေဟာ အချိန်အခါ နေရာအလိုက် ပြောင်းပြောင်းလာတတ်သည် ဆိုလျှင်တော့ သူ့မျှော်လင့်ချက်တွေ ပြောင်းလဲလာဖို့ သူက မျှော်လင့်နေသေးသည်။ အခုအချိန်မှာ ခရစ္စမတ်က သူ့အတွက် အရေးမကြီးဘူးပဲ ထားပါတော့၊ သူလိုချင်သည့် တစ်ခုခုဟာ ခရစ္စမတ်မှာ လက်ဆောင်တစ်ခုအဖြစ် ကျိန်းသေ ရလာမည် ဆိုလျှင်တော့ နေ့တိုင်းကို သူက ခရစ္စမတ် ဖြစ်နေစေချင်ဦးမှာ။ ဒါဟာလည်း မည်သူကမှ အပြစ်မတင်သင့်သည့် သာမန်လူသားဆန်ဆန် လောဘတစ်မျိုး ဖြစ်ပါလိမ့်မည်ဟု သူက ချေပနေမိသေးသည်။ ကိုယ်လိုချင်သည့် အရာတစ်ခုကို ကိုယ်ပေးစေချင်သူ တစ်ယောက်က ပေးလာမှ ရချင်တာ ဆိုတာမျိုးကတော့ မခက်ပေဘူးလား။ ဘာကိုမှ လိုချင်ရကောင်းမှန်း မသိတော့အောင် စိတ်တွေ ကုန်ခန်းနေတာလည်း ဖြစ်နိုင်ပါသည်။ ဘာထည့်ထားမှန်းမသိသည့် ကံကြမ္မာကို စွန့်စွန့်စားစား ဖွင့်ဖောက်ဖို့တော့ သူ မကြိုးစားခဲ့ပါ။ သူ ဆက်ထွက်လာတော့ ဝတ်ထားသည့် ကုတ်အင်္ကျီပေါ်မှာ တင်နေသော နှင်းဖတ်တွေက တပါတည်း ခိုတွယ်လိုက်သွားသည်။ အနီရောင် ဖဲကြိုးဖြင့် စည်းနှောင်ပြီး လှလှပပ သပ်သပ်ရပ်ရပ် ထုပ်ပိုးထားသည့် အစိမ်းရောင် လက်ဆောင်ထုပ်ကလေးက သူ့ကိုငေးကြည့်ရင်း ခုံတန်းရှည်ပေါ်မှာ ကျန်ရစ်ခဲ့သည်။

ပန်ဒိုရာ
၂၂.၁၂.၂၀၁၁


(Rose ရေးခိုင်းထားတဲ့ tag post ကို ရေးလိုက်ပါတယ်။)

6 comments:

rose said...

Thank you so much , sis for writing the tagged post. I feel sad and sympathy for that man because he is not happy and maybe even disappointed in his life. I guess it's a man because he wanted his Christmas presents as football and gun. You can write any topic and anything. A good blogger :D

TZH1985 said...

Gift pack is Pandora box :P

Cameron said...

Pandora box ကိုဖွင့်ကြည့်ချင်ထှာ..

Hmoo said...

ရွှေရောင်ပုဝါလေးနဲ့ထုတ်ပိုးပြီးကျေးဇူးတင်စကားနဲ့
အတူခရစ်တော်ရဲ့မွေးနေ့မှာနားဆင်ဖို့ သီချင်းထားခဲ့ပါတယ်..
http://www.facebook.com/l.php?u=http%3A%2F%2Fwww.youtube.com%2Fwatch%3Fv%3DQNVcyQ7kzHQ%26feature%3Dshare&h=wAQEN8bCj.
Happy X'mas 2 u ...Pan Pan :)

မြသွေးနီ said...

ခုံတန်းပေါ်က လက်ဆောင်ထုတ်လေး ဘယ်သူများ လာယူသွားမလဲဆိုတာ သိချင်လိုက်တာ...။

ချစ်ကြည်အေး said...

Merry X'mas and Happy New Year ပါ ညီမလေး ပန်ပန်ရေ....း) ပျော်နေမယ်ဆိုတာ သိနေပါတယ်နော်.....