ဒီမြို့ထဲမှာ - ၆
မပျော်ဘူး
ဘိုင်ရွန်ဆန်ဆန်မပျော်ဘူး^
ဖြူညစ်ညစ်အင်္ကျီလည်း အမွှာမွှာကွဲ
အာရုံတွေေ၀၀ါးကုန်ပြီ
လုံးတီးဘ၀ ရှက်ကြသတဲ့
ဖုန်တွေကိုပဲ လုံခြုံနိုးနဲ့
တချို့လူးလှိမ့်ဝတ်ဆင်ကုန်ကြတယ်
မဲ မှောင် စွန်း ထင်း
တစ်ယောက်နဲ့တစ်ယောက်လည်း
မမှတ်မိတော့ဘူး
အချင်းချင်း ကုတ်ခြစ်ဖို့
မာန်ဖီသံတွေကြားနေရတယ်
အုတ်ခဲရင့်ရောင်မိုးတွေရယ်
ပိန်းပိန်းပိတ်ပိတ် လွှမ်းခြုံသွားအောင်
ရွာချလိုက်
ရွာချလိုက်
ရွာချလိုက် ပါ ကွယ်။
ပန်ဒိုရာ
^Byronic unhappiness
ဒီမြို့ထဲမှာ - ၅
အတူတူဆက်ထွက်လာခဲ့ကြတယ်
အဲလ်ဘက်ထရော့စ် အပုပ်ကောင်ကို
လည်ပင်းမှာဆွဲထားတဲ့ကောင်တွေလည်းပါတယ်
တရွက်တိုက် လမ်းမကြီးက အိပဲ့အိပဲ့နဲ့ လိုက်လာတယ်
တစ်ချက်အကွေ့ ငါတို့ကျောအလစ်မှာ
လမ်းမကြီးက ငါတို့ကို
ကျောက်စရစ်ခဲတစ်လုံးလို
ပိုးစိုးပက်စက် ကန်ထုတ်လိုက်တယ်
အုတ်ခဲရင့်ရောင်တွေ ဖိတ်လျှံ အန်ကျကုန်တယ်
အုတ်ခဲရင့်ရောင် စွန်းထင်းပေပွ ဒီလမ်းမဟာ
အော့ကြောလန်စရာ ဖြစ်လာလိမ့်မယ်လို့
ဘယ်သူကထင်ခဲ့ကြမှာလဲ
ရင်ဘတ်အောင့်နေအောင် နံရံကိုဝင်တိုးမိမှ
မျက်မှန်တစ်လက်ကို ဆွေးဆွေးမြေ့မြေ့ တမ်းတမိတယ်။
ပန်ဒိုရာ
ဒီမြို့ထဲမှာ - ၄
မျက်ရည်ငန်ပျပျတွေကို
ဝေမျှသောက်သုံးသူတွေဟာ
ရဲဘော်ရဲဘက်ဖြစ်တယ်
အတိတ်ကိုအတိတ်မှာပဲ ထားလိုက်ကြမယ်
ပင်လယ်ကိုဖြတ်သန်းမှတော့
ပင်လယ်ရဲ့အနမ်းကိုခံနိုင်ရည်ရှိရမယ်
လက်တွေ့အရ ဖြစ်မလာဘူး
သဘောတရားအရ မှန်ကန်တယ်
ဒါဆိုငါတို့မှန်ခဲ့တယ်
ဒါဆိုငါတို့မှားခဲ့တယ်
သွေးရူးသွေးတန်း ဓာတ်ပြားဟောင်းတစ်ချပ်
ဖြတ်ခနဲ အက်ရာထင်သွားတယ်။
ပန်ဒိုရာ
ဒီမြို့ထဲမှာ - ၃
နေကမြင့်မြင့်လာတယ်
ဆိုင်ကနေ လမ်းအခွဲ
တံလျှပ်ရဲ့ဖမ်းစားမှုမှာ
ဘာဖြစ်သွားလဲမသိဘူး
အုတ်ခဲရင့်ရောင်တွေ ကြည်လင်
ရွှေအိုရောင် ဖိတ်ဖိတ်စင်သွားတယ်
လမ်းမကြီးက ဒယိမ်းဒယိုင်လိုက်လာတယ်
အဲဒီမှာ
အဲလ်ဘက်ထရော့စ်* (ငှက်) ကို
ငါတို့ထဲကတချို့ဟာ
မြင်ရာမဆိုင်း ပစ်ချလိုက်မိတယ်
အဲလ်ဘက်ထရော့စ်.. အဲလ်ဘက်ထရော့စ်..
သူ့အရ်ိပ်တွေ ထင်နေတယ်..
အဲလ်ဘက်ထရော့စ်.. အဲလ်ဘက်ထရော့စ်..
သူ့အရ်ိပ်တွေ ထင်နေတယ်..
အဲလ်ဘက်ထရော့စ်.. အဲလ်ဘက်ထရော့စ်..
သူ့အရ်ိပ်တွေ ထင်နေတယ်..
အဲလ်ဘက်ထရော့စ်.. အဲလ်ဘက်ထရော့စ်..
ငါတို့ရဲ့စိတ်လိုက်မာန်ပါရယ်
ကျိန်စာတွေခ သွေးမြေကျခဲ့တယ်။
ပန်ဒိုရာ
*Albatross
ဒီမြို့ထဲမှာ -၂
ဝမ်းမီးတောက်ဖို့တောင်
မီးစာကုန် ဆီခန်းတော့
လည်ပင်းတွေ ညောင်းနေအောင် မော့မော့ကြည့်နေရတယ်
ဒီညနေမှာ မလျှောက်တာ ကြာပြီဖြစ်တဲ့ လမ်းကလေးတစ်ခုကို ရောက်လာခဲ့တယ်။ တံတားလေး တစ်စင်းရယ်၊ ဖြည်းဖြည်း စီးဆင်းနေတဲ့ ရေတချို့ရယ်၊ မြောင်းနံဘေးမှာ အေးအေးဆေးဆေး လမ်းလျှောက်နေတဲ့ ငှက်ဖြူဖြူလေးတွေရယ်၊ ခပ်လှမ်းလှမ်းကနေ ကိုယ့်ကို ခပ်တည်တည်ကြည့်နေတဲ့ မြို့ပြရဲ့ သေသပ်လှပတဲ့ အဆောက်အဦ တချို့ရယ်ဟာ ရင်ကို ငြိမ်းသွားဖို့ မလုံလောက်စေခဲ့ဘူး။ တံတားလေးပေါ်မှာ ရပ်ရင်း ကိုယ်ဟာ လမ်းကလေးကို ငေးနေတုန်းပဲ။ လမ်းကလေးကတော့ မျက်လုံး စုံမှိတ်ထားလေရဲ့။ ကိုယ့်ကို ဘယ်အထိ ခေါ်သွားနိုင်မလဲ ။ မေးခွန်းကို သူပြန်မဖြေဘူး။ အဲဒီခဏ လေပြေအေးလေးက ရှုပ်ထွေးနေတဲ့ ကိုယ့်စိတ်ထဲ အထိ ကြည်ကြည်လင်လင် ပွတ်သပ်ဖြတ်တိုက်သွားတယ်။ ကောင်းကင်ကို အမှတ်မထင် မော့ကြည့်လိုက်တယ်။ ညမှ ထွက်ခွင့်ရမယ့် လဟာ တိမ်ပြာပြာ နောက်မှာ မရဲတရဲ ချောင်းကြည့်နေတာ ကိုယ်သိသွားတာပေါ့။ နွမ်းနွမ်းလျလျ အပြုံးတွေ ဖလှယ်လိုက်ကြတယ်။ ခံစားချက်ဆိုတာ တခါတခါ သိပ်ထူးဆန်းတဲ့ ရောနှောမှုတွေပဲ။ ကဗျာတစ်စ ထွက်ကျလာတယ်။
အကျိုးအကြောင်းများ
အစဆိုမှတော့ အစကပဲ စတာဆို။ အစက စတာ အစမှာပြန်ဆုံးနေရင်တော့ စကို မစရသေးဘူးတဲ့။ နွားနို့ကို ယူတယ်။ - ထောပတ်ချက်တယ် - ထောပတ်ရတယ်။ ဒိန်ခဲလုပ်တယ် - ဒိန်ခဲပဲရတယ်။ နို့ဆီချက်တယ် - နို့ဆီပဲရတယ်။ (ဘာများ မျှော်လင့်နေ သေးလို့လဲ)။ ထောပတ် အရည်ပျော်ချင် ပျော်မယ်။ ငါ့ဒိန်ခဲ တစ်ယောက်ယောက်က ရွှေ့ချင်ရွှေ့မယ်။ ဒိန်ခဲကတော့ နို့ဆီ ဖြစ်မလာဘူး။ သရက်ပင်ကလေး စိုက်တယ် - သရက်သီး စားရမယ်။ ရေမလောင်းဖြစ်ဘူး - ဆောရီး။ သံလွင်ကတော့ စီးနေဆဲ။ ပစွုပ္ပန်ကို အနာဂတ်ထိ ခေါ်မသွားနိုင်ခဲ့။ အတိတ်က ထပ်ချပ်လိုက်လာမှာပဲ။ ဘ၀က လွယ်တယ်။ ဥပါဒါန်က ခက်တယ်။ ယုတ္တိဗေဒ စည်းဝါးကျခဲ့တယ်။
စစ်စစ်စီစီ
လူတန်းကြီးကား တမျှော်တခေါ် ရှည်လျားပေစွ။ မြန်မာဘလော့ဂါများ အားလုံး ရောက်ရှိနေကြပြီ။ သူတို့အားလုံး ဘာလို့စုံစုံလင်လင် ရောက်နေကြရသလဲ။ အကြောင်းရင်းကို မည်သူမှ ရေရေရာရာမသိကြ။ “ခဏလိုက်ခဲ့ပါ” ဆိုတော့လည်း လိုက်ခဲ့ရသည်သာ။ တချို့နိုင်ငံများမှ ဘလော့ဂါများအတွက်တော့ ညအချိန်မတော် အိပ်ချင်မူးတူးနှင့်။
“ဘာလုပ်ဖို့တဲ့လဲ”
တန်းစီကြရင်း ရှေ့နှင့်နောက် အချင်းချင်း ပွစိပွစိ ပြောနေကြသည်။
(ဒီကဗျာကို ကိုမောင်ရင်က ဒီလို ဆင့်ပွားခံစားထားပါတယ်။)
ကိုယ့်ဒုက္ခနဲ့ကိုယ်
တခါတခါတော့လည်း ကိုယ့်ဦးထုပ် ကိုယ် ကိုက်စားလိုက်ချင်
ဘယ်တော့မှ ဖြစ်မလာနိုင်ဘူး ဆိုပဲ
စိတ်ပျက်တောင်မှ ငါတို့လက်မပျက်စေရ
(paint brush, by pencil tool)
ဆရာမမေငြိမ်း ကိုမောင်ရင်၊ မိုးညို တို့ကို ဖတ်ပြီးတဲ့အခါ ...
ဒီကဗျာ ကိုပါ ဖတ်မိပြီး အရမ်းလွမ်းသွားလို့ ဒီပုံလေး ထွက်ကျလာတယ်။
(နည်းနည်းပြင်ထားတယ်)
ပန်ဒိုရာ
တနင်္လာနေ့ ဂါထာ
တနင်္လာနေ့ မှာ အလုပ်လုပ်ရတာ မုန်းနေသူများအတွက် အစစအရာရာ အဆင်ပြေစေမယ့် ဂါထာတော်ကြီး လက်ဆောင် ပေးလိုက်ပါတယ်။
ဂွတ္တ မောနန္ဒ မန္ဒေ
မေ မိန္ဒ ယောဘ လဗမ္မိ
မေ မိန္ဒ ဘောစ ဟဂမ္မိ
လေစ မုဗ တုဒေစ ၀ါက တု တုမောယရ
မြန်မာပြန်
အို.. မင်္ဂလာအပေါင်းနှင့် ပြည့်စုံသော တနင်္လာနံနက်
ငါ၏ အလုပ်သည် ချစ်ခြင်းတို့ ငါ့အားတည်စေသတည်း
ငါ၏ အမှုဆောင်သခင် ပွေ့ဖက်ခြင်းတို့ ငါ့အား တည်စေသတည်း
ယနေ့ ဆောင်ကြဉ်းရာ အမှုကိစ္စများ မနက်ဖြန် ပြီးမြောက်ခြင်းဖြင့် ဥာဏ်အလင်း ပွင့်ကြကုန်လော့။
(တင်စားပြီး မြန်မာပြန်ထားလို့ နားမလည်သေးပါက သိုးဆောင်းစကားဖြင့် အောက်ပါအတိုင်း အနက်ဖွင့်နိုင်၏။)
Good morning Monday!
May my job love me.
May my boss hug me.
Let’s move today’s work to tomorrow.
(ဂါထာနှင့် ပြန်လည် တွဲယှဉ် တဖွဖွ ရေရွတ်ကြကုန်။)
ပန္ဒိုရာ
နေ့
အလကားရတိုင်း ကောင်းကင်ကြီးကို
မော့မော့ကြည့်မနေနဲ့
မြင်လည်းမမြင်ရဘဲနဲ့
ကြယ်တွေပြုတ်ကျ ပွန်းပဲ့ရတာ
ရင်ဘတ်နဲ့မကဘူး။
ပန်ဒိုရာ
မင်္ဂလာတရားတော်နှင့် အညီ ဘလော့ဂ်တွင်နေထိုင်ခြင်း
ပန်ဒိုရာ ဘလောက်ဗကေးရှင်း ယူနေတဲ့အချိန်က WeSheMe တို့က ၃၈ဖြာ မင်္ဂလာ တရားတော် အကြောင်း ဒီလို ရေးပါတယ်။ သူတို့ကို ကိုတေးအေးရိပ် က တက်ဂ် ထားတာပါ။ ဆရာကြီး ဦးသုခရဲ့ သုခမှတ်စုက ထုတ်နုတ်ထားတဲ့ ၃၈ဖြာ မင်္ဂလာ တရားတို့ကိုတော့ ကိုမျက်လုံး ရဲ့ ဘလော့ဂ်မှာ တွေ့နိုင်ပါတယ်။ ဒါတွေကို ဖတ်မိတော့ ပန်ဒိုရာက ဘလော့ဂ်ရေးခြင်းဖြင့် ၃၈ဖြာ မင်္ဂလာတရားတော်နဲ့အညီ ဘယ်လိုနေထိုင်နိုင်မလဲလို့ အတွေးပေါက်မိပါတယ်။ ဒါနဲ့ WeSheMe မှာ ကွန်မန့်လေး သွားချတော့ ပန်ဒိုရာကို ဒါနဲ့ပတ်သက်လို့ တစ်ခုခု ရေးဖို့ တက်ဂ်လိုက်ပါတယ်။
WeSheMe တို့ တက်ထားတဲ့ ၃၈ဖြာ မင်္ဂလာအကြောင်းနဲ့ တခြား ဘာဘာညာညာလေးတွေ စဉ်းစားနေတုန်းမို့ လောလောဆယ် ဒီကဗျာလေး တင်လိုက်ပါတယ်။ ဘာသာပြန်ပေးကြရင်ဖြင့် ကျေးဇူးတင်ရမှာပါ။
မြန်မာဘလော့ဂါစာအုပ်အတွက် အမှာစာလေးတောင်
ရေးမသွားလိုက်ရပါလား ဆရာရယ်..
ပန်ဒိုရာ ဘာကြောင့် ဘလော့ဂ်ရေးသလဲ
Posts
All Comments
.jpg)
ကျော်ကြားမှု
အောင်မြင်လေလေ
အနီးဆုံးတွေ ဝေးသွားလေလေ။
August 9, 2007 8:28 PM
(၁) သစ်ပင်က ပြောတယ်……“ကျွန်တော် ကြီးရင့်လာလေလေ…. မြင့်မားလာလေလေ… ကျွန်တော် အခြေတည်ခဲ့တဲ့….ကျွန်တော် အချစ်ဆုံး….ကျွန်တော်နဲ့  အနီးကပ်ဆုံး ဖြစ်ခဲ့ဖူးတဲ့ မြေကြီးနဲ့  ပိုပိုပြီးဝေးသွားခဲ့တယ်...” ။
(၂) အောင်မြင်ကျော်ကြားနေတဲ့လူတစ်ယောက်ကပြောတယ်……“ ကျွန်တော်ရဲ့ ကျော်ကြားမှုဟာ ပြောမနာဆိုမနာ အရင်းနှီးဆုံး ငယ်သူငယ်ချင်းတွေနဲ့  ဝေးရာကိုတွန်းပို့  ခဲ့တယ်…”။
(၃) အလုပ်သိပ်ကြိုးစားတဲ့ ယောက်ျားကို မိန်းမကပြောတယ်….. “ရှင့်အလုပ်မှာအောင်မြင်လေ….. ကျွန်မတို့  ၂ ယောက်ပိုဝေးသွားလေပဲ…” ။
(၄) Blogger တစ်ယောက်ကို သူ့ ကိုယ်စောင့်နတ်ကပြောတယ်……
“နင် blog မှာသာယာနေလေလေ နင်နဲ့ အနီးဆုံးဖြစ်တဲ့ အပြင်လောကနဲ့  ပိုဝေးသွားလေလေဘဲ…”။
(မပန်ရေ….ကဗျာကို ဘာသာပြန်ပါဆိုမှ ဘာတွေရေးမိမှန်းမသိပါဘူး…. ခွင့်လွှတ်တော့ မပန်….)
ပြန်ပြီ…ဘာသာ…
“အနီးဆုံးတွေနဲ့ 
ဝေးသွားသလိုဘဲ….
ဘာလို့ လဲ…
အောင်မြင်လာလို့ ဘဲ….”
August 9, 2007 10:56 PM
မြန်မာစကားမှာ " အမြင့်ရောက်လေ၊ လေတိုးလေ" လို့တော့ကြားဖူးတယ်။
ပေထားတဲ့ ကဗျာကိုတော့ ဘာသာမပြန်တတ်ဘူး။ ကြိုးစားကြည့်ဦးမယ်။
"တိုးတတ်သည်နှင့်အမျှ
အဖေါ်မဲလာရတယ်။"
August 9, 2007 11:07 PM
လေးမ ပြောထားတာလေး ကြိုက်တယ်.. အထူးသဖြင့် အပြင်လောကနဲ့မဝေးအောင် တို့တတွေ ဘလောဂ့်ကေးရှင်း မကြာခဏ ယူသင့်တယ်း)
August 10, 2007 9:41 AM
Getting higher,
Farther away from the closest.
တိုက်ရိုက်ဘာသာပြန်ရင် တောင့်တောင့်ကြီး ဖြစ်နေတယ်. ဖတ်လိုက်တာနဲ့ အဓိပ္ပါယ်ပေါက်ပြီးသား ဖြစ်ကြမှာပါလေ. It’s very simple English.
ဒါပေမယ့် အဲဒါကိုပဲ မြန်မာဆန်ဆန်လေး ပြန်ပြောရမယ်ဆိုရင်တော့ ဒီလိုပြောချင်တယ်.
အောင်မြင်ကျော်ကြားလေလေ မိတ်ဆွေစစ်ရဖို့ ခဲယဉ်းလေလေပဲ…
August 10, 2007 11:04 AM
"မြင့်သထက် မြင့်.မြင့်.. လာလိုက်တာများ..
အနားမှာ လေစိမ်းတွေကြီးပဲ ခပ်ရင့်ရင့် တိုက်နေလေရဲ့..။"
ထို့ကြောင့် တက်စလာ မကျော်ကြားလိုပါ :P လေစိမ်းတိုက်ခံရရင် ဖျားတတ်လို့ဗျာ... ဟီး..
August 10, 2007 12:09 PM
ကျော်ကြားမှု
အထွတ်အထိပ် ရောက်လေလေ
ချစ်မိတ်ဆွေတွေ ဝေးလေလေ။
August 10, 2007 1:49 PM
လေတခွန်လေး ၀ဲပျံသွား
ချည်ရစ်ဘီးနဲ့ ဝေးကာသွား
အောင်မြင်မှု့ရဲ့ အလွမ်းသံများ
ဆိုင်ဆိုင် မဆိုင်ဆိုင် ရေးချင်တာရေးသွား တာ အဟိ
August 10, 2007 4:00 PM
“ဥာဏ်စဉ်တက်ဖို့ 
သမုဒယတွေဖြတ်စို့ ……”
ဒီနေရာမှာ closet ကို attachment လို့ ယူလိုက်တယ်။
တရားရှုထောင့်က ဆင်ခြင်ကြည့်တာပါ… မပန်ကတော့ သံယောဇဉ်တွေခဏဖြတ်ထွက်သွားတဲ့ ဗကေးရှင်းကနေဘလော့(ဂ)ဥာဏ်စဉ်တွေတက်လာပုံရတယ်…
မောင်ရင်